雲桂香米線專門店

營業中

休息中

落雨又唔想出街食飯，最後決定今日都係喺屋企同朋友叫外賣就算數，本身話好想食米線，決定就試吓呢一間喺灣仔消防局隔離嘅一間餐廳，我哋係用外賣平台嘅，所以都唔係太貴，一個餸大概係$48，我哋另外加咗皮蛋，湯底就揀咗胡椒湯，因為病咗唔可以食太辣，味道都算，唔係太辣，亦都唔會好咸，米線嘅份量都算好多，而且煮得唔會太淋，時間上都控制得幾好，比較推薦佢嘅辣肉，好彩都唔算太辣，而且如果我哋叫一送嘅，份量都算幾多。起碼有七至八件，呢個價位嚟講算係咁，皮蛋就有啲失望，普普通通冇乜大特別！有機會下次去堂食

我最鍾意食嘅米線，就係呢一間雲桂香，同埋銅鑼灣呢間我係覺得係咁多間分店之中最好食，佢個湯底係最好味相比其他分店都係，不過同事可以喺相比其他分店份量最少無論係面定係送，菜嘅份量，實在係非常之少，就算係一個女仔食都係覺得唔夠飽

係開銅鑼灣附近返工 梗係要揾啲性價比高嘅lunch 啦。而雲貴香就係其中一間，過幾日無食就令人心掛掛🤤🤤🤤份量多 又足料！最鐘意叫雞絲中辣薯粉🙋🏻‍♀️雞絲多 肉碎又多 口味都幾豐富 同埋中辣真係幾辣 搞到我一邊食一邊飲杯凍檸茶😰😫

有時趕時間想快快脆脆食個平靚正嘅粉麵，除咗譚仔之外，雲桂香都好出名。佢呢度除咗米線之外，仲有紅薯粉同水晶粉揀；又有都幾多款嘅魚湯米線，小食都有好多款！個人覺得佢呢度嘅配料好似多品種過譚仔，食厭咗譚仔嘅都不妨試一試呢一度😆🌖 肥牛雞翼芥蘭水晶粉2款肉放埋一齊分量唔少，一個人食成碗好鬼飽。啲肥牛唔會太韌，雞翼都算嫩同腌到好入味！芥蘭好爽口，而佢嘅水晶粉就好煙韌，個人中意佢多過米線😆等我下次嚟再試埋佢個紅薯粉先👍🏻📍 雲桂香米線專門店銅鑼灣駱克道450號地舖🧧人均消費$60@hea4_food

正宗雲南米線是一道來自雲南的傳統美食，記得第一次係雲南食時覺得十分驚艷，難怪喺香港開到成行成市，搵中雲貴香個湯底算似想當年係雲南食嘅口味。星期日中午十二點去時不太多人， 到一點走時已經爆棚，當中仲聽口音到好多係外國旅客😳其中最受歡迎的口味是麻辣腩肉米線。這道米線配上濃郁的麻辣湯汁，加上嫩滑的豬肉腩肉，口感鮮美，讓人回味無窮。另一道經典的雲南米線是熱拌米線，這道菜將米線，肉類，炸菜同花生和調味料混合在一起，口感豐富多樣。米線本身有著柔軟的口感，和其他配料一起食用，更能彰顯米線的獨特風味。熱拌米線唔係度度都有呢間整得算係唔錯。最後，還有配左炸豬扒，炸豬扒係分開上唔會比啲湯浸淋，但係可惜塊豬扒偏鹹係城 S餐嘅敗筆。總體來說，雲南米線和配料的搭配，讓人能夠品嚐到這個地區獨特的美食文化。依間雲貴香店舖乾淨企理，難怪咁多人都嚟幫襯。

收銀阿姐負責入座，啲一位等勁耐都冇得入座，2/3/4/位就入不停入，早知我拎2位飛啦又唔洗check齊人。明明第一個拎飛，等20分鐘都無得入，新黎既全部幾分鐘入得，你要安排人多既，就一次過俾啲一位既坐埋一齊囉。同個阿姐講，佢又態度差叫你岀返去等，垃圾都不如！

打過去嗌外賣，送去銅鑼灣區，每一次打過去最低消費嘅價錢都唔一樣，試過係80之後100,如果不嬲都唔送外賣嘅服務嘅話可以講，但吾好價錢每一次都唔同，感覺好差。。。

以前譚仔未咁成行成市嘅時候，我已經好鍾意食米線，有一排成日都食雲桂香。見好耐冇食過，所以今日經過雲桂香就想回味下。一坐低係卡位，見到枱面有好幾隻小昆蟲，即刻嚇到轉枱。我有同店員反映，但似乎佢哋都係無動於衷。我哋叫咗豬軟骨芥蘭米線，同埋雞絲魚肉豆腐米線。湯底都幾惹味，入面有芽菜，肉碎，酸菜等配料，但米線份量比以前少咗好多。豬軟骨雖然炆到好稔，但真係咸到不得了，食完真係好口渴。魚肉豆腐係新鮮炸起，味道唔錯。雞絲唔算鞋口，味道都正常。希望下次再嚟雲南香食物質素同衞生都會有改善。

用外賣APP嗌左外賣，app上寫住12:50可以攞，去到見到枱面未放有我張單嘅外賣咪企係到等，過左15分鐘見仲未有就問下，結果佢地同我講無我張單😀😀我再check app，竟然寫左已取餐…我再問會唔會係有人拎左我張單，佢再check都係話無我張單…嗰刻我心諗，唔通自己落錯餐廳，但我重覆check左幾次都無錯🥴再問阿姐到底發生咩事，佢係咁話無，再多次質問我夠竟係咪叫左佢地餐廳，我係佢面前show左幾次app: “叫嘅就係你地餐廳，同時我未取餐，點解會顯示已取餐？”，佢再攞佢地部外賣APP記錄機出黎，一路話無你張單叫我自己睇，碌碌下我見到我個名，指比佢睇，佢print張單出黎先，先發覺原來佢地餐廳系統出錯。佢地拿拿聲整我個外賣，最後我等左40幾分鐘先攞到我個餐，但個麵好難食，嗌左酸辣，但又唔酸又唔辣，唔知食緊乜。。啲員工態度差，又係咁質疑我，有個男侍應仲十問九唔知…😡😡以後唔會再幫襯

拎住幾袋行李，經過見到舖頭幾闊落所以就諗住入嚟食啦。入到嚟，等勁耐都冇人理，然之後我哋兩個人拎住幾件行李，佢竟然要求我哋同另外一個人搭枱，呢個都唔係重點啦，重點係有好多四人嘅卡位佢都係安排一個人坐，我唔明點解佢要安排我哋咁樣坐。之後我哋再見到有張四人嘅卡位去咗，我哋問佢可唔可以調位，佢話唔可以因為係for四人嘅，然之後我地見到佢只係安排咗兩個人坐，乜嘢垃圾舖頭請埋啲咁嘅人嚟安排。

呢間既小鍋米線既湯底係no.1，勁惹味，不過會比出面既米線辣少少。蘿蔔好冧好甜，果然係推介👍🏻雞絲份量都好多，撈埋湯底一齊食勁正💕推薦大家過嚟食～～～評分：8.5/10

唔講唔知我係一個米線控，比起貓貓超級多分店嘅米線舖頭，我更愛雲桂香。佢啲湯底真係做得好有心機，連腩肉都係醃個薄切嘅，同埋湯底嘅肉碎都好好味又多配料。仲要價錢唔貴喎

雲桂香米線酸酸辣辣，睇落傳單有好多酸菜同埋配菜，店舖標榜的係雲南風味，因為未試過，就入去試吓佢嘅熱伴撈米線。👍🏻熱伴撈米線有豬肉、酸菜、鹹菜、花生，米線，酸辣醬料。味道亦都可口。大大碗都算抵食。😀

近年愛上左吃雲桂香，覺得佢嘅酸辣湯底好好味😋所以午餐一諗唔到食咩就會去上年第五波疫情未到時逢午巿就好多人，要拎飛仔等大約3-4個字，但近半年已經可以直入，我相信同質素下降有關。我每次都只會叫相同嘅野：小窩米線配龍蝦卷同滷水雞翼，中小辣。不過最近呢次叫，中小辣竟然變左中大辣，辣到差啲食唔到，雞翼又有斷骨，米線又份量少左，不過除左呢幾點，味道依家無變嘅，龍蝦卷係來貨，味道一致但之前好似香口啲咁囉。不過係銅鑼灣黎講，米線嘅選擇的確唔多

幫襯好幾年只食BB辣涼拌紅薯粉，今個月吃了三次，三次的味道完全不一樣😤😤😤😤第一次辣到食一口不能再食😣😣第二次勉強還可以吃下去,但我相信應該是中小辣.....而今次實在太過分!!!令人很失望😤😤😤辣度非常之微亦勁酸，最後唔知自己食左乜，完全冇晒食慾😔😔