雲桂香米線專門店

營業中

休息中

今天來了銅鑼灣揾食，去了雲桂香食下午茶餐，點了腩肉小鍋米線，（下午茶時間加$4，便可配冷/熱飲品一杯，）配了凍檸茶。湯底很濃，腩肉夠焾及入味，配料很足，很有雲南風味，凍檸茶中規中矩，整體來說不錯吖

搭車經過好多次，依間舖亦開咗好耐，但一直都無行開依面，所以無試過。個日咁啱有事行經過，就入去試吓，要咗個重慶酸辣粉(勁辣)，另加豬皮同大腸，加碟口水雞同凍檸茶。碗粉黎到見到都口水流！雖然睇落面頭係成層油，但食起黎晤會成口油，辣度夠勁！豬皮、大腸都算多同大塊、麵嘅份量亦好足夠大碗👍🏻。口水雞嘅份量差晤多有成成隻雞嘅4份一，晤算超辣但好惹味。食完真係會上癮，過幾日又心思思想再去，小食都有咁多款！價錢晤貴，款又多！之前去景隆街間“渝”，見有人排隊又多雜誌報導，但試完晤覺得係“講”嘅咁好囉！

11點半晚上突然覺得肚餓。 經過雲桂香米線。忍唔住又要入嚟食番碗喇。都算幸運原來佢係收拾二點。一路食， 一路都仲有客人入嚟食。最鍾意佢嘅酸辣湯底。酸辣到適中。啱晒我口味。最正係佢入邊有好多肉碎。變咗湯底會好甜。今次叫咗豬軟骨金菇酸辣米線。好正。鋪頭裝修比較舊， 但位置都算寬闊， 算坐得舒服嘅。每次黎食都發現店入邊都坐左好多人。生意唔錯。所以除咗譚仔三哥之外，呢度都算係我比較常會來食嘅一間米線。大家不妨可以試吓佢嘅酸辣湯底

這間食店的服務可以說是神級，神級的差，我從來都覺得有好服務的歺廳，真的可遇不可求。可能因為價錢平，所以歺廳對員工的服務沒有什麼規定，食物好吃，服務未必好。但這不是定律，也有些好服務，價錢合理，食物又好的歺廳(still finding)。回歸正點，這間歺廳食物一般，服務又差。我星期六下午1點去試下在這歺廳吃午餐，入面不太多人，好多位置都是坐1個人，我見到有張吉枱，就坐下，是常識吧。但阿姐隨即叫我搭枱，於是我便去搭枱，但原來唔係個個都要求撘枱，之後進來的都是自由坐的，為什麼要我搭枱呢？明明見到歺牌有米粉，但阿姐話重慶酸辣係唔可以轉米粉，這是規定，又話要多葱要加錢，哈，真係吹賬。無下次了。

當香港興起食米線時🍲雲桂香，星林居等等食小鍋酸辣米線既地方都經常爆滿👫👬👭但自從譚仔，其他米線開始加入競爭後我就好耐都無食過佢地既小鍋米線因為每次唔知食咩嘅時候緊有一間譚仔在你附近前排與同事lunch佢提議食雲桂香一入到舖已經唔似以前咁爆滿其實我最鐘意係雲桂香個款腩肉細細塊又入味湯底酸酸辣辣好開胃👍今次加左豬軟骨都唔錯其實佢涼拌米線或紅薯粉都好正☀️天時暑熱食都唔錯架同事介紹既魚肉春卷等我下次都試下先

行完街，餓餓地，9點幾入左去食，叫左一碗豬潤雞翼海帶米線.豬潤完全咬吾開，雞翼冇味😪同待應講，佢話減番錢，點知出到櫃位比錢，佢話張單冇x到豬潤，佢話吾到事，等準備放工既待應問，有冇呢回事！佢話我冇答佢，所以以為冇野！？？

雲貴香米線專門店米線可以話lunch常食嘅至愛。每間米線都有佢獨突嘅哋方。今日去咗雲貴香，lunch時段，一定係排曬隊，搭曬枱，真係介意勿去，因為，如果你一個人，人地三個人，阿姐都係叫你搭落去😂😂😂食都食得唔自在。呢間米線，我鐘情於佢個湯底，感覺淡口少少，無咁多味精，但D辣係夠香夠辣！據聞清湯都很不錯。米線係我喜歡的少少淋身。配料多元化，大路嘅豬紅魚蛋，特別D有蟲草花雞。不過，今次我叫嘅竹笙好唔掂，有酸味，又有好多雜質！以後不會再叫呢個餸。另外，今次試埋個口水雞！好麻麻，硬倔倔，無乜味，可以不叫！大家注意，凡是米線阿姐都好有性格，加上lunch繁忙，大家忍吓啦😂😂😂

叫碗米線食，明明餐牌話有芫茜，嚟到一片都無，我就問姐姐。佢話無。咁我問餐牌唔係話有咩？佢先轉話無晒。咁你都態度好少少！好啦無晒芫茜唔緊要，咁我問可唔可以比多啲蔥我？佢又話蔥我地只可以比正常份量。要加蔥要比錢。但我睇嚟睇去個餐牌無話蔥要加錢！第一無又唔講、第二餐牌又無寫明加蔥要錢。都唔知咁樣算唔算違反商品說明條例

上午11點幾去，因為遲咗起身，落樓下簡單食碗米線。$49 蟲草花雞肉米缐，成堆雞胸俾我，唉....一件都冇食。湯底味道係好味嘅，可惜係雞胸。四家姐食麻辣肥牛米缐。我嘅雞胸俾晒佢食。

下午茶時間， 點了重慶酸辣粉 $28, 飢詩還痴心妄想可以放低28蚊就得， 原來有最低消費 😂😂 好啦~ 加個餸。酸辣粉裏的香料及芫茜香氣滲透口腔， 酸酸的很開胃， 越辣越想食， 由於好熱又好辣，結果食得好慢， 紅薯粉滑嘟嘟 口感QQ 而且分量很多， 呢碗麵我食咗成個鐘😂😂 食到尾段的時候紅薯粉畀浸到發脹了 😂😂😂 唔好嘥嘢原則，食得落都食埋佢 😆飢Point : 7/10#hungry #hungermarch #飢詩 #非飢詩

最近喺銅鑼灣炒散，周圍食飯都鬼死咁貴，米線算係食得飽又平d, 呢間坐得都幾OK。Menu 食物我覺得間間都大同小異，好睇廚房師傅嗰日湯底靚唔靚。因為我自己鍾意食小小辣，咁就刺激得來又好味。30幾蚊一碗腩肉米線，但我覺得個湯底唔夠酸又唔夠濃郁有三片豬腩肉，幾淋。有酸菜有芽菜加埋彈牙嘅米線，口感唔錯!加幾蚊有支豆漿，叫做幾圓滿的一餐。豆漿甜度適中，有豆味！同事就話鍾意食熱野，天氣咁凍我寧願食碗冷冰冰嘅米線，真奇怪！

Passed by this rice noodles in causeway bay! A traditional Yunnan flavor noodle stores ! Price is not expensive !! have different flavorsss to choose ! The famous one should be sour spicy taste ! It can mix with different snacks like chicken, beef, veggie, fish balls and others ! Have snack to choose too! the soup is really quite spicy really need a cold drink !

夜晚十點搵晚飯見到佢未關即刻入去坐低一人各叫一碗米線叫左個千層峰同埋兩冰飲品米線1- 小鍋米線小辣 豬軟骨豬肚豬肚量很少 幾爽口豬軟骨 量都好少 軟骨不多 但幾入味米線量幾多 小辣都幾辣 因為冇留意有隻叫小小辣米線2- 熱拌米線 豬腸 雲耳叫木耳線 但呀姐話得雲耳朵 咁都照食 又幾好味豬腸好少 又係四五舊食完都唔知食左米線份量多 熱拌都好夠味小食-千層峰而家已經好少店舖仲會整千層峰（豬耳）真係好爽口醬汁有少少辣 但略嫌醋同其他調味撈唔均醋唔係用靚醋 所以食得出醋味唔香除左醋之外， 其他方面都幾好埋單$150有找 算係咁啦

米線質素差，譚仔仲好食過佢，魚腐質素差，魚米家仲好食過佢，價錢又唔係平。服務態度更差，話佢間野冇人落單，就罵返啲客轉頭，講野又串嘴，我話冇人落單不如走啦，啲樓面就同啲客講話你要嘈我都冇辦法，又話佢地唔夠人手，成間舖得2個人做野，又話有幾忙幾忙，但係一忙完又要幫新枱落單先，我地就猛咁係度等，離曬譜，想叫杯凍豆漿就冇豆漿，唉，真係一試無妨，再試投降⋯⋯ 絕對唔會再有下次，比錢請我去食我都唔會再去食，講完！

第一次來到銅鑼灣呢間分店，今日我同朋友因為食咗少少嘢，驚食唔曬，但雲桂香米線可講係香港人必試的，而今日我對佢嘅食物還仍然很欣賞，但對這間分店的服務態度極為不滿。首先，間店定最低消費每人HKD$30，咁我地有3個人，要消費$90啦，我地order 2個薯粉，旁邊那枱就叫一個米線，我地兩枱係互不相識的，但職員將我地兩張單合二為一，職員遞到我們手上時一睇，我地沒有叫到這兩樣菜式，已經立即告知不是我地order 的，但有位短髮女職員用極差的態度兇我地，說是一早放在我們的枱上，還將責仼推卸到客人身上，之後他們發現係佢搞錯，而這位職員沒有道歉，還扮無事發生，香港食肆不應容忍這些態度存在，這是想騙錢嗎？😤😤