雲津美食

營業中

休息中

店面小不起眼，幾乎全部都炸野，已經試過好幾次，有ｄ都幾有新意既。不過我個人最鍾意都係炸雞扒，醃得幾夠，五香粉又夠香，食落又方便，仲要即炸新鮮熱辣，而且只係十二蚊一塊，買兩塊雞扒再去便利店買幾罐啤酒，真係一流。佢仲有炸脾既，不過炸脾可能有骨同比較厚醃味就不及雞扒。仲試過炸薯角、薯格、芝士波、炸燒賣、炸魷魚、炸洋蔥，個人覺得一般啦，不過都即炸夠熱辣既。小區真係需要呢ｄ鋪仔，唔好下下都連鎖店，一定會再幫襯，不過炸野就始終比較熱氣，唔敢成日食。

途經看到小食店提供特別配搭的小食，買了炸蜜糖燒賣和炸壽司。即點即製，稍等了一會兒，便炸好。燒賣於外面包了一層蜜糖，再炸，外脆內軟有甜味，令人感覺有新意，味道亦不錯。以往沒吃過炸壽司，這次嚐了像炸了的飯團，也是好吃的。美味的食物同時又有健康的顧慮，適時又再淺嚐也可。

見呢間小食店開左禁奈都未食過，所以就突登黎個下午茶。發現所有食物都係炸，真係好興奮，因為好多嘢揀。第一樣，就揀左蜜糖炸燒賣，基本嘢最顯功夫，炸得岩岩好內脆外軟！加上蜜糖小小甜真係一流！可以再黎多份！第二樣，就揀左魷魚鬆，不過有d炸過龍，燶左d。不過魷魚吾un都算係禁上下。見到有人叫雞扒同雞脾，睇黎呢兩樣都係招牌小食下次都要試下先

公司進入左高峰期，所以好晏收工，今晚又無腳食飯咁就係附近揾食，點知比我發現左間即叫即炸的小食店，去片啦（諗起都肚餓）炸多春魚，多春又夠熱，重要係七味粉岩岩好雞肶我至愛夠熱，重要係唔會有太重雪味，入口嫩滑，讚 ，但賣價真係好抵食$14 仲想點

呢間位於聯和墟的小食店，雖然舖面不大，但食物款式非常多，而且還頗有創意。例如炸壽司、炸香芋湯圓、炸芝士波波真係第一次試。還有其他小食，只要你講得出既大部份都有得食，薯條、薯角、薯格、碗仔翅、酸辣粉、炸雞粒、司華力腸、炸飯團、仲有章魚腸大叔......個人覺得炸香芋湯圓最好食，甜甜的，煙煙UnUn外面卻很脆食物價錢十分合理，由於是即叫即炸，想要食到熱辣辣香噴噴的美食，大家雖然耐心等侯一會兒(只是大約五分鐘)

之前見咁多facebook谷友都讚聯和墟雲津美食，今日終於去咗幫襯，果然冇介紹錯。^oo^招牌香辣雞翼尖- 最令我有驚喜！我好愛B仔雞翼尖，而雲津的味道都有點似，我以後唔洗出元朗咁遠都食到嘞！招牌炸壽司- 味道可口，可Encore!生菜魚肉- 但這個要扁咀了，湯底超喊，魚肉亦都要有待改進呢~