雲津美食

營業中

休息中

呢間小店做街坊生意真係做左好多年，睇過啲網上食家有介紹呢間小食店，經過就抱住好奇心黎試，原來有超級多炸野選擇，連飲品都有賣🤗蜜糖炸燒賣好味道😋😋😋😋啲燒賣炸到金黃香脆！仲要新鮮炸起之後加啲蜜糖撈埋一齊，真心不得了！😲非常惹味！香口甜蜜，不過食太多會有啲膩，小試就非常滋味😝另外亦有試佢好出名既炸壽司，不過唔記得影相😳係啲紫菜飯卷，裡面係啲家常小卷咁，簡簡單單似家庭媽媽包個種，然後拎去炸😄熱辣辣好難唔好食😆可惜略覺有少少貴，份量有啲少😊不過手工野係成本高啲，大家經過不妨一試！有非常多既選擇架😚P.S.因為係即炸，所以要耐心等下，企住係街邊等一陣🤗

今日去咗買外賣，買咗煎釀三寶、炸雞髀、炸雞扒、炸魷魚鬚。其實之前都幫襯過，但食物質素真係差咗好多。炸雞髀同雞扒可能啲油已經用耐左，明顯睇落顏色較黑，有油溢味，食落非常乾。魷魚蘇都幾脆，如果份量再多啲就好啦。但係嗰個煎釀三寶真係要比差評。紅腸炸到竉晒黑蚊蚊都可以比客人，我就一啖都冇食過啦。茄子非常細條，似係返炸。青椒太淋，太少魚肉。煎釀三寶可以完全唔使叫。其實我都唔係第一次幫襯雲津美食，希望佢地之後可以改善下！

Lunch後係粉嶺行下，順便上網睇下有咩食，見到有個粉嶺名物-炸壽司小食推介，之前都聽過下，今次一於去試下先，因為都係不定休之店(粉嶺似乎都幾多)，大家最好都係上facebook睇下好點，剛好去果日有開店呢。 來到店子，有不少炸物、小食及飲品，好多選擇，不過一場來到，必試下招牌貨。 招牌炸壽司，$16。 炸壽司有腸仔及蟹柳兩款，口感及味道都似飯焦，食落有米香，甜甜鹹鹹味道幾惹味。 炸魷魚鬚，$16，入口酥脆幾美味。 幾有特色的炸物，不知不覺入夜了。

雲津炸野就出曬名，好多人去食，今次叫左我最鐘意食嘅蜜糖炸燒賣同埋炸壽司。因為即炸關係啦，都要等一陣。個炸燒賣好好味，炸到岩岩好，仲有D蜜糖既甜! 壽司中間既料係蟹柳，炸完食都好夠味!

已經食過幾次雲津，每次水準都keep得幾好，亦都試過粉嶺其他炸物小店，不過真係唔夠佢好食，之前出去食咗炸芝士，完全係粉末狀，只有佢做到拉絲效果，所以有時口痕嘅話都唔會特登揸車過嚟蜜糖炸燒賣都好好食，好趣好香口飲品就一般，不過飲品唔係重點

夜晚11點肚仔餓 就用foodxxxda order 叫左炸豬扒 炸豆腐 炸魷魚 仲叫左個米線 實在太驚喜 價錢又平炸物好好味 下次會試埋其他炸物天氣熱 安坐家用食好野 真係爽 值得推薦！

雲津美食，住在聯和墟的人，應該個個都不會陌生。凌晨一點多，感到肚餓，只好落街找宵夜吃。其實宵夜我不是吃得太多，只是這天真的餓壞了，就下去試試找找好吃的東西。凌晨時分，就只有雲津小食仍在開門。因為不是太想吃炸物，於是就問老闆娘有什麼非炸物的美食推介。他推介了這個糯米雞…翼， $9/隻。其實這家店的炸物，我早已嚐過很多遍，想不到它的燒雞翼也這樣好吃！雞翼釀入了糯米，糯米入口有口感又不會太硬，軟綿綿，而且很重的糯米香。因為外表是雞翼，雞味亦深入了糯米之中，雞翼表皮燒得很香脆，而且本身雞翼的辣味也很香，很惹味，啖啖肉，吃得很滿足！

之前幾次來到聯和墟都已經想試雲津可惜它的營業時間在下午三，四點先開始所以有時中午來到聯和墟這邊都只能緣慳一面今次在晚上來到聯和墟終於有機會一試這聞名小店本想留肚試多些不同款式的食物可是寒夜實在太冷在附近晚餐時已經不小心吃得太飽所以只能淺嘗一客炸壽司等了一會兒便有得吃所謂壽司其實只是紫菜包著飯和腸仔但是即叫即炸外脆內軟的口感卻為這平凡的食材帶來了不平凡的味道而且這炸壽司用了甜豉油作調味香口且甜的味道實在相當誘人單憑這一記炸壽司便足以令人口頭下次再來時必先在肚皮預留更多空位再試試其他款式的小食

今晚想食一堆小食當晚餐，偶爾任性一下都唔係好過份姐～突然想食雲津美食嘅炸物，於是陪男朋友食完大家樂就去左雲津。可能因為今晚係weekend加上就黎聖誕假所以有人龍，唔緊要我可以等！我今日買左招牌炸壽司（$13六粒）同埋蜜糖炸燒賣（$8五粒）炸壽司風味獨特，令人一試難忘。炸燒賣炸得外面脆卜卜，入面軟綿綿，加埋蜜糖非常可口。由於佢係即叫即製所以等候需時，但食物亦會比較新鮮。極度推薦呢間小食店，下次大家去聯和墟嘅時候可以試下！

睇完馬家開飯，特意成班朋友由九龍入新界搵食，15：30先見開鋪既小食店，因本人極愛芝士，所以第一時間叫左電視介紹既芝士通心粉，真係好得意，咬開入面有一粒粒通心粉。仲發現呢間小食店有超級無敵勁多款炸類小食，睇見張落單紙，野食多到令我地有d 選擇困難，最後，叫晒所有芝士類既野，同小食店排行磅上面既食物，一行五人，叫左11樣野黎試下，都只係$158。一致推薦炸壽司，芝士忌廉，魷魚so, 同炸蛋。個人認為芝士忌廉比芝士通心粉較濃味，好明顯係用唔同既芝士，黃金芝士條就似食pizza芝心批，d芝士係可以拉長既，仲有個流心芝士薯球，四款都唔同既芝士，四樣都好好食。炸蛋的確同電視所介紹既一樣，剿晒皮，好彈牙，但$9得6粒，絕對唔夠喉。雞軟骨，蜜糖炸燒賣，奶滑蟹肉餅就各有支持者, 招牌香辣雞亦尖係幾惹味，但企響條街度食得有d 狼狽。總括呢間小食店，平，好味，夠特別！不過真係有d 熱氣， 食完之後要飲番杯涼茶消消脂。另外一提，呢間小食店都有好多款出面無既飲品, 朋友叫左杯冬瓜珍珠牛奶，藍豆花珍珠牛奶同菠蘿星星特飲，佢地話三杯都好正。

宵夜必食推介，每樣食物都有獨特既味道！是晚無聊，同朋友渣車搵野食，搵到呢間隱世小食店。個人鍾意有咬口既食物，店員推介左炸魷魚咀同魷魚軟骨，仲話成日賣晒，今晚有幸一試，真係完全無得輸, 獨特既醃料，絕對係encore 之選。落單時，聽見個個都叫炸壽司，所以又叫黎試試，外面炸到脆卜卜，似煲仔飯既飯焦，入面既飯粒又煙煙unun， 又係從前未食過既味道，誠意推薦，一試難忘。最後朋友叫左份雞軟骨， 以$15黎講，份量唔算多，唔算少，點知一食落口， 唔油膩，夠晒味，之後即場加碼黎多三份。一個好邪惡，但一定會再食既宵夜。真係估唔到夜媽媽無乜車到既聯和墟，會有間小食店，開到凌晨兩點。

20170302--是日又做夜遊人，又要找點夜宵吃，行經雲津美食，得知此店炸物出色。原來此店營業時間是下午三時至凌晨二時。二人點了地道配搭($25):紅豆冰跟餐，杯子細細，有大大粒紅豆在底部，奶味重，冰塊多，用來搭配炸物作飲料，味道不錯。炸雞腿($15)拿到手上時，在袋子裏也覺得"重手"，拿出來時真的很大隻，看見炸雞腿外邊的脆醬頗多，擔心味道不好，入口外脆內裏肉質鮮嫩，非常好吃，雞腿新鮮炸出來，熱度爆燈，就是太好吃，心急得有點燙到咀唇，小孩子吃一定要放涼一點。 雞蛋裏挑骨頭，彈下雞腿的顏色，因為個人愛觀察炸物的顏色，就會猜想炸油用的次數，我會不太喜歡太深色的炸物。我和家人一個說要減肥，一個又經常喉嚨痛，那一刻吃得忘我，你一口我一口，實在太好吃，忍不住追加了一隻炸雞腿和可樂一罐($5)，沒有健怡可樂。不消一會兒，又吃清光了。聯和墟除了豬手、腸粉、雞腿包、日本拉麵，醉雞魚頭米和客家菜，不妨試試雲津美食的炸物，它不是一般粗製濫造的炸物，有特色和用心的製作，相信總有一款岩你口味。值得推介。

晚餐完畢後準備搭車出回市區之際，見到有間燈光通明的小食店，在黑漆漆的街道上尤其明顯！店舖貼滿照片介紹食物飲品，又不定時推出新款。務求令人耳目一新！有點飽的關係，所以只單叫了薯條及粒粒薯過過口癮！因食物即叫即炸，所以要等候一段時間～炸薯條 - 我是薯系發燒友，無薯不歡！薯條每條厚度適中～食落薯味甚濃，亦不顯鹹及毫不油膩～讚！粒粒薯 - 的骰造型，一口一粒！炸得薄身不油膩，食落像薯餅般又香又脆！真的是不錯的一道小食～

口痕痕又想掃街，見到雲津美食好多野食，就咁睇店鋪相已經有over 20款，有啲仲好特別添~ 野飲選擇都多當然我又買啲好特別既野食啦~ 炸芝士通心粉~ 我從來未食過呢種街頭小食炸物，梗係要試下佢係乜東東黎。朋友問我食啲乜，三角形咁款，乜唔係薯餅黎咩😂(因為佢冇留心聽我講買乜)我即場咬啖比佢睇🙊佢話乜咁得意既入面有通心粉既~ 我覺得呢個炸芝士通心粉小食一啲都唔馬虎，外層炸得金黃香脆，熱熱地咬一口，芝士同通心粉味道融合好正，芝士睇落好似唔多，不過通心粉表面同中間都唔少，軟硬度適中，香氣十足但唔膩味。

口痕痕想食啲小食，而聯和墟又冇乜幾多間小食舖揀，咁就試下呢間開左冇幾耐嘅小食舖喇！睇下個餐牌先！啲特色野飲睇圖係幾靚嘅！不過全部得藍色，係幾match夏天嘅感覺。咁今次我就叫左嗰炸雞軟骨黎食叫完之後，店員叫我周圍行下，大約等左5分鐘終於有得食喇拎上手數左數，得8-9粒。食落去，覺得好食過豪xx雞排，即叫即炸係唔同啲，脆同好爽口，好好味嘅小食，唔怪得都keep住有人排隊。