霖記糖水

營業中

休息中

油塘人口不少, 居民年齡層也闊, 而且新樓不斷起, 可惜除了芳彩和這家霖記外, 就沒有其他甜品或湯水店, 這蠻可惜的. 人流而言, 在油糖中心的芳彩人流較多; 但論環境乾淨和舒適而言, 身處於大本營內的霖記, 更能吸引到我.在說其甜品質素之前, 首先對於在人流和點的甜品數量不多時, 待應依然執錯單感到有點驚訝. 本身已經包裝好, 還以為回家能夠品嚐, 但打開包裝, 卻發現兩份甜品的提單編號是不一樣的. 店家收到投訴就立即退款, 在後續的處理手法上沒有什麼批評的地方, 但店員的警覺性真的要提高一點.說回其甜品, 它主打手工芋圓和湯丸, 湯丸皮薄餡大多, 合格水平, 但芋圓口感甚硬, 咬下去的Q彈感不足, 味道正常. 反而送錯的龍眼馬蹄爽的馬蹄口感爽實, 沒有在煲完之後糊化, 再加上龍眼的清甜, 比起宇治牛奶吸引. 三十多元的甜品, 用細紙杯包裝, 在份量方面偏小, 不夠物有所值就是.

食過好多次外賣，每次都keep到水準！水晶龍眼露個湯(?)底偏甜但好濃龍眼味，加上各樣煙韌配料剛剛好。本身料唔算太多，加個和風白玉就完美！豆腐紫米芋圓既豆腐雪芭幾香，紫米又香又軟糯，加埋椰汁好唔錯。芋圓蕃薯圓都有芋頭蕃薯味，雖然係外賣，但口感都煙韌有咬口。推薦！

難得來到油塘和家人吃完生日飯，特登找附近有沒有特色甜品，本身是芋圓控，一見這間有賣芋圓，二話不說就來試試餐牌選擇都頗多，適合三心兩意的我，最終點了豆腐紫米芋圓和冰鎮芒果仙草+芋圓，總數只是$77，好抵食！仙草不是太滑，介乎仙草與涼粉之間，芒果是雪冰了的口感，剛巧芒果有點酸，所以幾開胃，若不是另加了$10芋圓，其實整體有點寡和乏味，不夠豐富芋圓不錯，有咬口夠煙韌，值得試反而豆腐紫米芋圓超有驚喜！初頭以為是豆腐花，原來是豆腐花雪球，豆味香，不太甜，好好味！紫米露又香滑，甜度又是剛好，整體好滿意，加上芋圓中原來有包心芋圓，食得好滿足下次來油塘一定會再幫襯

位於油塘大本營嘅呢間糖水鋪質素算高！我成日食嗰度既雪泥芋圓系列，配上紫米露，簡直係一流！呢度嘅雪糕比起出面係在冰啲同埋細滑啲！咁樣配上暖暖嘅糖水就唔會咁快融啊！講起呢度嘅芋圓，有一般嘅芋圓同埋包餡嘅芋圓！個人建議選擇包餡嘅芋圓，除咗大粒啲之餘，入面仲有紅豆餡，都幾特別同好食㗎！另外紫米露雖然有啲甜但係呢煲到澀澀地，配上椰汁同雪糕，完全係最好嘅配搭，推薦大家嘗試以上甜品！

有時口痕唔一定要食雪糕，薯片，朱古力🍫😌。打開一個Apps都有好多選擇，送到上門能得，自取又得😁。咁當然一定係自取平啲啦👍🏻，所以我就用Apps落單，外賣自取，20分鐘就有得拎🥰，買個外賣郁吓當伸展下😂。🔻龍眼露 $25.8🔻呢個價錢食到龍眼露的確性價比係幾高👍🏻。一碗有五六粒龍眼🤩，真係好足料，好香龍眼味😋，糖水底係類似西米露底，啲西米係好有咬口，係會有卜卜聲個種水晶珠😍，不過個份量真係少咗啲，如果多返少少就好喇。外賣份量雖然少咗少少，但係真係幾好食😋。

太耐無食糖水，見油塘的大本營有呢間糖水店。店員態度麻麻，張檯有明顯污漬，叫她幫忙抹，她說沒有污漬，張檯就是這樣的。以商場價來說，呢個價錢係抵的。但賣相不太吸引，味道也一般般。芋圓唔夠煙韌。雖然平，但我應該不會再惠顧。我明白，甚麼價錢，甚麼質素。不過Budget有限的人，依然可以一試

是晚到油塘吃晚飯，想找有芋圓的中式糖水店，在OpenRice找到霖記，見到都好評，便特意行過來大本型試試。來到門口，見到寫住muzi，心知伏伏地，但既然來到便即管一試。我點了紅豆沙加白玉子，再與人分享了芋圓。紅豆沙：無起沙，盲甜紅豆味，無果皮香，有白果但無味，好難食！白丸子：食得到是一團粉開了煮熟的，因為食入口一陣粉味！芋圓：吃的到是人造香料的味道，只吃了兩粒便讓我卻步！總括而言，完全唔明點解呢間糖水店生存到！希望他們為客人可以改改品質！

這幾天實在太熱了，忍不住一個人走去吃個甜品。見這間糖水店的價格平民，種類又多，沒有考慮就入去點餐。又想吃芋圓，又想吃涼粉消消暑，店員介紹了我點仙草加芋頭，地瓜芋圓，加埋先$26，很抵吃。芋圓夠煙韌，不錯。下次會試其他。

唔知有無人好中意食芋圓？今次搵到一間平靚正既糖水鋪，而且都算中上水準😎呢間前身係叫木子甜品，但唔知點解改左名做霖記糖水，不過水準好彩無咩點變。—————————————————————呢間店可以直接scan QR code 或者直接叫店員落單，總算可以應付到人手不足既情況出現，都算幾好。—————————————————————#椰子🥥紫米芋圓 💰33價錢真係超扺，有一球椰子雪粒同埋好多粒芋圓，其中有兩大粒仲要有紅豆饀🧡份量亦好足，睇得出椰汁份量都好多，飲落好香椰奶味🥰紫米有少少痴住一舊，記得扭下先好食。芋圓好煙韌，食完係會超級飽肚😂😂🤭仲有個椰子雪泥，椰子味好出，食落好似食緊椰子味既沙冰👍值得推薦😎

從來無寫食評嘅我，偶然看到這間霖記糖水。以為價錢比其他甜品店平一大截，都唔會好食得去邊。既然約咗朋友又未夠鐘，就入去試試佢地嘅水晶芒果露+芋圓。超讚！甜度啱啱好，芋圓好有咬口。地方寬落，整潔。性價比超高！見到隔離枱叫了心太軟同宇治牛乳芋圓，賣相都非常吸引。心太軟內啲朱古力流出嚟，好似好好味，宇治牛乳芋圓嗰綠茶雪糕好靚，呢兩個甜品將成為我下次嘅目標。可惜忘記咗影相，下次必定會再嚟。食甜品又多咗一個好去處！

甜品嘛...一年365日都啱...尤其飯後一點甜就更完美...。。見喉嚨乾乾哋，要咗一碗熱嘅馬蹄露...馬蹄粒爽爽脆脆好清甜...最正就係糖水比例好充足，唔會好杰身...另加芋圓 & 包心芋圓...口感唔錯，幾軟糯...。。然後要多份心太軟 & 豆腐雪泥...個心太軟有驚喜呀，因為朱古力漿帶少少苦...食完成個都唔覺得甜到暈...切開果刻...望見朱古力漿湧出嚟真係好治癒☺️至於雪糕就偏向雪芭口感...但豆腐味好出...食落味道幾簡單...。。食店本身係木子甜品...而家改為霖記糖水...可能老闆太忙啦...2個店名一齊出現...店內有d逼...但店員好好禮貌又願意幫手搬枱及櫈...等輪椅容易泊位...抵讚呀👍🏻👍🏻。。#四個轆Look #轆在九龍吃吃喝喝 #油塘 #大本營 #糖水 #馬蹄露 #芋圓 #包心芋圓 #相機食先 #吃喝玩樂 #輪椅 ♿️ #無障礙 #hkfoodblogger

-又到星期六，放假又係時間食番碗糖水，一講糖水，第一時間諗起嘅就係霖記糖水，一直都食開霖記，之前嘅木子，雖然轉左手，但係糖水都依然好味，地方整潔，乾淨，又夠曬寬闊今日嗌左個熱嘅桑寄生蓮子蛋茶+芋圓地瓜圓堂食，分量十足。首先講下桑寄生，又唔會太苦，甜度亦都啱啱好。再者芋圓，芋圓係我非常喜愛食嘅，每一次我去臺灣都會食嘅嘢，但係而家唔使去臺灣都有得食，非常好。而呢度嘅芋圓都係非常好味，煙韌度十足，非常正!!!環境又舒服，值得推介。

前晚同屋企人係大本營食完飯，諗住食個糖水。經過見到呢間霖記，就入去坐低睇下有咩好食啦。座位寬敞，環境乾淨，不過冷氣有點大，黎食既話，記住著返件外套。店員介紹我食馬蹄露，我咁大個人第一次知道原來馬蹄可以當糖水食本身唔鐘意食馬蹄，但佢話好多人食過都話好味，就一於試下啦！呢度仲有芋圓、仙草呢啲台式甜品，我就順便加左份芋圓屋企人就叫左榴槤露、龍眼西米露。榴槤露勁重味，屋企人話好好食，好足料，應該岩晒鐘意食榴槤既人。呢間都幾抵食下次一定會再黎試下其他糖水！

星期六路過這大本型商場，門口餐牌每個甜品約十多元至三十多，以為咁平不好吃。殊不知，有水準，水晶榴槤露超好吃只賣25元，椰果馬蹄露一試難忘亦只賣16元，值得推介給大家。