霸嗎拉麵 (已搬遷) 新店位置

今次再次食霸嗎拉麵收工就約左朋友出銅鑼灣行街，去左登龍街果邊睇下食咩好，經過見到就入去啦，去到等左一陣間就有位門口都很有日式拉麵店🍜風味，充滿日本氣息入到去坐下來，就睇睇餐牌期間限定。檸檬豚肉拉麵，就點左黎試睇完就點左以下既野食檸檬豚肉拉麵🍜湯底會比較清淡，加左幾片檸檬🍋好清新好refreshing 豚肉好厚身又夠大塊，味道很好啖啖肉拉麵做得很彈牙特盛炙燒豚肉拉麵🍜真係好特盛有成3-4片大大塊既豚肉，好正湯底超濃郁仲加添配菜雞叉燒雞叉燒是我朋友推介話好食，所以點左黎食，好嫩滑既雞，入口好細滑可口，而且口啖啖肉味玉粟米最後點少得甜品抹茶雪糕🍦好正啊我至愛既雪糕！綠菜雪糕配上紅豆，味道不錯唔會太甜，食完好完滿

登籠街真係一條美食街，全條街都係食店，當中最多既應該係日本拉麵店。太多選擇唔知食邊間好添，間間都布好多人排隊喎，唯有是但排一間啦。霸嗎拉麵，個名幾得意，就排佢啦。入到去叫左一碗炙燒豚肉味玉拉麵，店家推介架。等左一陣就有得食啦，望下個賣相，好似唔錯喎。食拉麵最緊要係個湯底，第一啖緊係飲湯先啦，個湯望落去好似幾濃，但飲落去並唔係想像中咁濃，有少少偏咸，但同時唔係好夠味咁，有啲奇怪。 麵、豚肉、蛋既味道冇咩特別，冇咩驚喜，而且份量有啲少，食完唔飽要再食甜品。

天氣凍凍地,相約朋友一齊食熱辣辣霸嗎拉麵辛辣炙燒豬肉味玉拉麵 $98揀左硬麵一碗大辣,一碗中辣中辣唔算辣,好易入口大辣對我黎講剛剛好味玉好味 要提一提,味玉要趁早食朋友一開始就食味玉,咬開仲係好流心而我放到最後先食,個流心消失左大半😭😭😭麵質好,硬麵入口硬度剛好湯夠濃,但食落唔覺得油膩食完之後亦冇勁口渴感覺豬肉厚厚一件,好有滿足感炙燒過0既肉,增加左香味唐揚炸雞 $35雞肉嫩又Juicy調味適中,香口好味辛口燒餃子 $38夠辣,餃子咬落有肉汁,唔錯好滿的的一餐

銅鑼灣登龍街有好多野食,都可以算得上係一條食街,林林總總既食品,中日意韓咩菜式都有...記得每次經過尖沙咀霸嗎拉麵店,都見到一條人龍嚮店外,就同寶寶說成日見到尖沙咀店有人排哂隊,不如試吓銅鑼灣店既拉麵~進店坐左嚮店中間既吧枱,就好似自修室咁一行排排坐,寶寶叫左雞叉燒味玉雞白湯拉麵 (適中麵)我就叫左碗辛辣炙燒豚肉味玉拉麵 (少辛 適中麵 走蔥走蒜)辛辣炙燒豚肉味玉拉麵 (送:芒果味雪米糍)燒豚肉好大塊似一條中式燒肉咁長咁厚,無切既一大片腩肉,咬落去覺得好肥,我比較鍾意薄切叉燒多啲,而辛辣湯底幾好味,有一條條辣椒嚮湯入面,我叫左少辣,辣得黎唔會好辣,反而好野味,幾好啊~ 食完我仲飲多幾羹湯寶寶都讚佢個雞白湯夠熱,好鮮味~

抱著滿滿的希望進店，帶著滿滿的失望離開…食物是屬於中等級數，但侍應的態度，絶對令人不能接受。無論是否服務性行業，人與人之間也應該有基本的尊重。我每次都說"唔該…"、"請問…"，相反，那位女侍應就一副不想招待的咀臉，馬馬虎虎，令人感覺冒犯。拉麵像中式油麵，不是預期中的日式拉麵。湯頭還算濃，但未致於令人留下深刻印象。蛋…欠缺流心效果，可能是剛巧失手吧… 道理上沒可能連蛋也做不好… 肉質很軟，但脂肪和肉的比例是1:1，太膩了點…餃子煎得香脆，可以接受。ｰｰｰｰｰｰｰ我也許不會為了極好的服務而去光顧食物不好吃的餐廳，但我一定會為了極差的服務而拒絕光顧一間餐廳，不管食物有多好吃。一間好的食肆，除了食物質素以外，服務的質素也是很重要的。希望老闆多注意一下，能夠鼓勵員工以禮待人。

好多年無去過登龍街，發現餐廳都唔同哂。竟然原來呢度都有呢間拉麵店。因為好耐之前向尖沙咀食過，覺得都不錯，所以決定入去試下銅鑼灣呢邊嘅店！由於我避開了食lunch的繁忙時段，所以一入去就有位坐。客人不多，只有3，4枱客人。我叫左一碗炙燒豚肉海苔味玉拉麵，但黎到時，我發現無左海苔。然後店員就另外上返俾我。咁仲好，唔會浸淋哂😝湯底十分的濃郁！但飲完個湯又不會覺得口渴。啱晒鍾意湯底濃嘅人。麵嘅質地我選了適中嘅硬度。可能我掛住影相，無即刻食，所以覺得有點偏淋。下次我會試下叫偏硬嘅質地。溫泉蛋略嫌熟了少許。蛋黃已差不多熟透，已經沒有蛋漿。豚肉好好食，很軟熟。但如果不喜歡吃肥肉的人，應該會覺得油膩。因為其實佢係一塊豬腩肉。好食嘅嘢多數都係邪惡的！Lunch time關係，可以加錢追加一份餃子。所以我都加左一份餃子。餃子不過不失。餃子底加了一層漿去煎。如果餃子面可以煎脆多一點點更好了。

霸嗎拉麵係我同honey 最愛！今日就同honey出銅鑼灣行完街，去左登籠街分店食拉麵。炙燒豚肉海苔味玉拉麵，湯底濃厚豬骨味濃，忍不住吃完拉麵就清光了！這裡既豚肉絕對係深得我地喜愛既原因！豚肉又長又厚，而且帶有脂肪，入口即溶，肉味濃郁！輕輕一咬蛋黃汁爆出，生熟程度剛剛好，蛋味濃郁。麵條不粗不幼，但嚼勁十足！辛辣炙燒豚肉拉麵以濃厚豚骨湯和秘製辣椒油熬煮，湯式辣得黎又唔會遮蓋左豚骨既香味，味道層次豐富。食完仲附送雪米糍解辣降溫添，很貼心美味呀！

老闆我返完商務會議，之後又約咗個老闆食飯，梗係唔可以帶佢去啲茶記咁低級嘅地方，就去咗食日式拉麵慢慢傾吓計。呢間平時都有食開，不過依家見到佢有啲新菜式都幾特別，例如檸檬豚肉拉麵⋯最後我都選擇左檸檬豚肉拉麵，令一老闆就選擇左食豚肉飯。另外單點一款汁燒餃子。我個檸檬豚肉拉麵好鬼香檸檬味，如果喜愛檸檬的朋友不可錯過，整體而言檸檬和湯汁都算係配搭合適。為食嘅我加埋紫菜，可以浸落湯中一同享用，味道更加豐富。裏面都有啲櫻花蝦，提升鹹香及層次，當中豚肉有一大塊，有肥有瘦，食起來口感都比較滑。拉麵麵質亦唔錯，好食過好多所謂嘅拉麵店。我朋友個飯就比較便宜，可能佢想慳錢，不過啲豚肉就比起拉麵嘅瘦D，適合喜歡食肉唔係食脂肪嘅朋友。雖然餐牌沒有提及這個飯是辣的，但係吃上來有一點點辣，所以不吃辣的朋友要注意。餃子都煮得幾好，唔會過火，醬汁有好多味道濃郁，裏面菜同埋肉嘅比例適中，所以吃起來不會偏向單一口味。最正係呢度都有東西俾你任飲，好有日本風格。

平日收工後同男朋友一齊食晚飯，誤打誤撞入左黎呢間拉麵店🙈因為男朋友唔太肚餓所以我地嗌左個灸燒豚肉海苔味玉拉麵，沙拉野菜炸餃子同信州蘋果梳打同靜岡蜜瓜梳打。灸燒豚肉海苔味玉拉麵: 我揀左硬麵，少油。好彩揀左硬麵，剛剛好唔會好硬其實，如果本身鍾意食有咬口嘅野嘅人一定要揀🌟硬麵🌟 嚐左一啖湯底，一啲都唔覺得咸，同平時食嘅拉麵湯底完全唔同，係濃得黎唔油唔咸👍🏼 隻蛋係類似溏心蛋咁👍🏼沙拉野菜炸餃子:外皮係脆嘅👍🏼 而且都炸得幾乾身唔會好油👍🏼

霸嗎拉麵，究竟「霸嗎」是什麼意思，一直也想不出，救人摸不着頭腦。根據霸嗎的社交網所顯示，「霸嗎」在日語中有極之美味最強濃厚拉麵的意思，因此是以濃味拉麵為主打。首次吃霸嗎拉麵，之前看到尖沙咀分店經常有人在排隊，可能由於我們這次比較早，去到銅鑼灣這間拉麵店，門口沒有人排隊，因為之後還有工程，於是今天早點吃晚餐。由於上一次在油麻地吃醬油湯拉麵，實在到喉唔到肺，不好吃，又沒有拉麵的感覺，這次一定要點選豚骨湯底的拉麵。位置還算挺有風味，總是三個一排，即使不是對着廚房拉麵師傅的位置，也會在中間有橫版相隔，不像豚王拉麵一般，可能要跟不認識的人四目交投地吃拉麵。先嚐嚐朋友的雞叉燒，那個雞湯，雖然看起來上來沒有什麼色水，和豚骨湯相比，色淡得多，但是味道竟然和忌廉湯差不多，想不到，在日式拉麵店，竟然會吃到跟西式，還是罐頭忌廉湯差不多味道的湯底的拉麵。也就像平時去拉麵店會吃到的叉燒，只是以雞肉做，更加特別，將雞肉卷起來，煮完再切片，雞肉鮮嫩，有點兒肉汁，非常特別。我的豚骨湯拉麵，湯底濃郁，濃得有點兒過鹹，開頭一坐低，吃這個豚骨拉麵吃得太快，覺得有點兒有膩，因為味道太濃，要喝一點冷水中和一下。之後慢慢繼續吃，

早前在中午時段與朋友到了位於銅鑼灣的霸馬拉麵吃飯，叫了拉麵飯和一些小食，吃得我們津津有味。首先我們點了一個叉燒拉麵，湯底十分濃厚，而且配合著一大塊爽口多汁的叉燒，再加上一隻溏心蛋，簡直就是絕配！我和朋友皆認為，拉麵是我們當天叫的所以食物中最好吃的一個。我們也叫了一個煎窩貼和日式炸雞作小食，前者的皮做得不厚不薄，而且肉餡多汁，做得非常好。在後者方面，灑上幾滴檸檬汁之後，也提升了整個炸雞的整體味道。當天的午餐真的是我們吃過這麼多次中最好吃的午餐，害得我們晚飯也想再吃這間餐廳呢！

又係銅鑼灣系列😂登龍街多拉麵舖係人都知🍜今次去左霸嗎拉麵 想試好耐喇我中意食辣嘅我緊係叫辛辣灸燒豚肉味玉拉麵湯底好濃 見到隻辣椒仔都知唔少野味玉就比我想像中淡味 不過都ok嘅最正係塊豚肉 唔肥夠厚身👍🏼真心覺得咁樣先係一碗正宗嘅豚肉拉麵🤤_________________________裝修環境：✨✨✨✨服務態度：✨✨✨✨食物質素：✨✨✨✨✨(5個✨為滿分)價錢：$93________________________唔信我嘅可以自己去試試😂地址：銅鑼灣登龍街28號永光中心地下

放工，經過銅鑼灣登龍街，當然就食拉麵啦。每次經過霸嗎都見到好多人排隊，所以就簡左呢一間啦。炙燒豚肉味肉拉麵+炸雞拉麵湯底濃郁，豚骨味重。半肥瘦叉燒味道還可以，但唔算好好好食。麵條似一x蘭，我個人唔太鍾意呢一款既麵條。所以無乜好感既，流心蛋都算係驚喜，入味之極。整體而言都算合格。炸雞，外脆內軟，加上檸檬汁。完全將炸雞既味昇華左。好食過碗拉麵。總結，香港拉麵店中都算合格，不過唔值得咁多人去排隊食我認為。（純粹個人口味）

鐘意食拉麵嘅真係不得不試呢間霸嗎拉麵，叫左一個辛辣炙燒豚肉玉子拉麵，拉麵好食不再話下，個塊肉先不得了，肉同肥膏比例剛剛好，黃金比例咪呢啲囉。再追加左個好出名嘅煎餃子，淨係個賣相都夠殺，啱曬鐘意煎炸野嘅我。

今日約左男友係Times Square睇戲，趁有一小時多既空檔，即刻去左登龍街搵野食醫肚！登龍街真係愈黎愈多食肆，又有coffee shop, 日本菜、川菜等等。見到呢間拉麵店食lunch岩哂！地方唔算好大，不過感覺唔逼夾就睇下佢d拉麵有幾最強！哈哈我點左辛辣炙燒豚肉味玉拉麵賣相同香味非常唔錯麵條既粗幼同韌度好適中見到個湯底咁濃已經流哂口水，開動不得不讚呢塊厚切豚肉！！真係正到 不！得！了！肉質軟綿綿，仲有少少油脂香味，一d都唔韌，超級超級讚原來有來頭原來係慢煮～～～～怪不得佢煮到咁軟綿綿，但肉汁仍然保留到係肉入面，真係好好好好味流心味玉好味到流眼淚羽根燒餃子味道不過不失，無特別驚喜。日光日白飲啤酒係日本好平常啦食個拉麵襯杯啤酒又真係幾爽既 嘻嘻。時間岩岩好，食完個美味日本拉麵lunch好滿足可以入場睇戲嚕～～