霸嗎拉麵 (已搬遷) 新店位置

今日約左朋友仔去銅鑼灣行街，襯住時間未到就梗係去登龍街搵下好嘢食啦，聽朋友之前講過依間日本拉麵好正，今日一於試下先！ 一入到去已經好中意佢既裝修，充滿日本既風味，好似去左日本街頭食麵一樣！ 今日點左佢地最出名既炙燒豚肉海苔味玉拉麵，一嚟到已經聞到好香既湯味，麵煮得軟硬適中，吾會太硬又吾會太軟，至於叉燒不得不讚，煮到完全淋曬，之後再用火係表面燒一燒增加香味，真係好食到不得了！流心蛋既時間都掌握得好好，一咬落去啲蛋汁出曬嚟，真係好味到震啊！ 另外叫左個唐揚炸雞，依個真係一定要一試，炸得好啱時候，外層好脆好香，入面就剛剛好熟透，完全吾鞋口，雞肉好滑！ 朋友真係無介紹錯，一於下一次再約齊朋友仔嚟再食下其他嘢！

Bari Uma has long been known for its quality ramen and this branch in Central is no difference from the others: convenient location, efficient service and quality food.I had the TORI AJIMATA (ramen with chicken chashu and egg). It was really nice and I really liked the tender chicken and and egg, with its liquidity For the ramen itself, you can choose from soft, normal and hard. I had the normal and it was just perfect.Apart from the ramen GYOZA, the Japanese dumplings. They were also very nice.

好懷念日本🇯🇵既味道 於是心動了去左食拉麵 拉麵🍜麵質幼身 特別欣賞佢湯底豚骨味重 豚肉份量唔多 勝在湯底夠濃 🤤有冇人同小編有同感:拉麵要有溏心蛋🥚先得，呢到d蛋冇得彈 流心不在話，佢d蛋黃做到半透明，咬落d汁係必囇出泥

我又到放左學之後走去食飯。今次第一次去呢間食物灸燒豚肉味玉拉麵呢個拉麵對我來講有少少過火；叉燒雖然有燒過，但叉燒肥膏好重：食完之後好有罪惡咁。叉燒食落去好淋，豬肉味都算係出嘅。呢碗豬骨湯底算係幾濃，你可以用稠嚟形容；成碗面最敗筆係隻雞蛋：我心目中嘅雞蛋其實應該一分為二，而唔係原隻上。辛口炸雞上菜嘅時候炸雞好熱；睇吓外形先，炸雞上面有好多辣汁同埋辣椒油、外層炸到金黃色。入邊啲肉雖然好滑，但冇乜雞味。完全畀晒啲辣油搶晒原有嘅味道。餐牌餐具依度有落單紙，想食啲乜嘢就要寫落去。餐具有筷子、餃子汁、蒜粉、七味唐辛子：仲有牙籤添。

食過一次霸嗎拉麵之後，就覺得好回味，成日心思思想再食～ 😋 今日喺銅鑼灣行完街，就去咗登龍街嘅分店再食過～ 因為早嚟到，未到最繁忙嘅食飯時間，所以唔使排隊就有位啦～ 銅鑼灣嘅分店比將軍奧嘅分店大，座位更多，而且有洗手間，好方便～ 因為上次食完個濃厚豬骨豚肉玉子拉麵真係覺得好正，所以今次決定encore，仲要叫多個特盛炙燒豚肉拉麵～ 哈哈～ 特盛炙燒豚肉拉麵有四片炙燒豚肉呀～ 見到都已經口水流呀～😍 每片炙燒豚肉都好厚，而且好大片，而且脂肪分布平均，好似五花腩咁，真係好正～ 而且佢係用低溫慢煮嘅方法去浸煮豚肉超過十個鐘，所以肉質真係好林，然後再用明火炙燒豚肉，令到豚肉食落更加香，而且入口即溶，堅正呀👍🏻 而且豚肉又厚又大塊，特盛豚肉拉麵一碗仲要有四塊，同朋友share完都覺得份量好夠，真係大滿足呀！😚 豬骨湯亦好正，濃厚而唔油膩，充滿豬骨鮮味，真係忍唔住會飲晒個湯啊～ 麵方面，店舖係用佢哋嘅自家打製麵，我哋揀咗適中嘅麵質，麵爽滑而富口感，而且份量都好足夠～ 玉子都好正呀！超級流心～ 冇得彈啊～ 另外，味筍都好好味呀！完全唔會好似其他店咁，太鹹或者有一陣苦味～ 朋友都覺得好正啊，大滿足👍🏻

無食一排拉麵就會心掛掛，今晚工作後便相約好友一同前往拉麵店。霸嗎拉麵門口有提供茶，讓等候的客人解解渴，很貼心。由有禮的店員帶至入座，入內後見人客都幾多，進進出出不斷，也挺有人氣的。已經餓扁的肚子在叫，馬上落單，餐廳提供餐牌，圖文並茂，決定好便可填上白色落單紙落單。炙燒豚肉味玉拉麵 ($88)和朋友都點上同一款，等了5分鐘左右便送到。當然馬上要嚐一口湯，望落有著厚厚的油花，看似杰身的湯底香濃但絕不油膩，也不會過咸，令人一口接一口，而拉麵掛湯，不過麵條雖然選上適中，但略微偏硬，變相嚼勁多了點。配料中有我至愛的筍，夠爽口，溏心蛋不過不失，而厚切叉燒是上等豚肉，經過明火炙燒那香口好惹味，咬落軟腍可口，味覺得到很大的享受！👍🏻三矢梳打 ($20)另外還叫了一枝碳酸飲料，是日本懷舊汽水，外表都幾靚，而味道都清新，不太甜，很不錯。最後整碗拉麵清到快見底，難得拉麵店又不需加一收費，下次再來嚐嚐雞白湯拉麵吧。

通常會稱呼登籠街做拉麵街 因為個到拉麵店特別多 而且質素都好好 大家既賣點亦都有唔同-成日都覺呢間個名好難記 講出黎會好似講喇嘛咁 但呢間既拉麵好正！湯底同麵都係同其他拉麵舖一樣有相當水準 湯係濃味同有少少杰既 有一次食個陣 忍唔住加個白飯撈湯食 個麵就好似一蘭咁幼 但無咁煙韌隻溏心蛋個味就夠 但個蛋黃竟然有啲熟左至於個叉燒呢…… 係不得不推介 完全唔un一咬就分開 有好大舊肥膏配好大舊肉 仲要個叉燒邊炙燒過黎非常香口 個舊脂肪 再配埋我個湯飯 真係唔洗加底加小食 有呢個飯就夠！-

Tang Lung Street has been famous for its large variety of food served, such as hotpot, Korean fried chicken, sushi, etc. The ramen restaurant I did was one of the few ramen restaurants there. Although it might not be the most famous one, its ramen was equally outstanding! Upon our arrival at 12:30, there were quite some people waiting. Just after around 10mins, we were seated. The restaurant wasnt very big but it did have quite many seats. Although it was during peak lunch hours,  there was a l

其實相信唔少香港人都好鐘意食拉麵，但係要搵到一間好好食，然後你食過會返尋味既拉麵鋪緊加係難上加難呀。。。而呢間拉麵正正就係一個小弟我好想再去食返既拉麵鋪！價錢又唔會好貴，野食又好好食，性價性好高架！岩哂香港人口味呀。我就叫左雞叉燒味玉雞白湯拉麵。通常好多人都會覺得拉麵既湯好濃好咸，好似落左好多味精咁。而呢一間就正正相反，濃味得黎係唔會覺得口乾架！肉又嫩又滑。另外呢間有好多特色既野飲架，例如綠茶可樂同埋各色各樣既梳打凍飲，真係一試難忘架！

聽朋友講霸嗎拉麵人氣好高，今日星期六膽粗粗兩點半去睇下有冇機會唔洗排隊？得左！我就係比呢個期間限定收服左。入到去有溫馨提示，幾好！雖則等左10分鐘，但起碼我知道餐廳唔係漏單，比食客一個心理準備慢工出細火。一碗拉麵加左檸檬既特別又清新。檸檬酸味更加吊出個湯底而飲落唔覺漏，贊！豚肉整得好入味，肥膏入口融化。拉麵係幼身，煮得啱啱好，唔會好硬又或者好腍。好開胃

Happy Friday 食咩好呢？朋友推介cwb一間過江龍拉麵唔錯喎，咁ok lah 即管一試，睇下佢係咪真係咁好先做過下research，原來總店喺廣島，湯底原料亦係由日本空運過黎😗點呢個會有雪米糍送（維記出品）。食完拉麵之後直接向店員示意就得第一次食既關係所以叫左小辛。話明小辛，的確唔多辣，豬骨湯底仍可食得出；豚肉煮得好淋，唔錯，食落唔覺肥膩，惟隻蛋既蛋黃煮熟哂，無溏心效果🤷🏿‍♂️呢個朋友叫既，除左唔辣之外同我果個無分別。豬骨味濃郁，蛋仍然唔係溏心的，紫菜以為會係脆的結果相反食完感覺有些少落差，又唔係真係咁好食咋喎。下次再黎過？諗諗先🤔

小妹平日很少與男友吵架，唯獨在肚餓的時候脾氣會變得非常差。這天起身特別餓，而男友竟然遲到，正想大發雷霆，他說：「現在立即帶你去吃好味又飽肚的東西」然後飛車到銅鑼灣帶我來到Bari-uma拉麵－－算佢補救得切啦！我揀左辛辣炙燒豚肉味玉拉麵。佢揀左期間限定的辛辣檸檬豚肉拉麵。辛辣炙燒豚肉味玉拉麵（小辛）$ 93一眼見到碗麵我就已經「嘩」一聲叫出來，塊豚肉真係比其他拉麵店肥美好多。一咬落去個口感真係不得了！因為係小辛的關係，湯底唔會話太辣而難入口，反而一路食一路有種暖暖的感覺。個人覺得有點小辣會令湯底惹味好多，建議一試！辛辣檸檬豚肉拉麵 　$83呢個係驚喜，大驚喜！本來聽到將檸檬放入拉麵度會好怪，都擔心會唔會“中伏”，點知完全冇違和感。呢種酸唔係好似平時d酸辣咁刺激，而係在豬骨湯的鮮甜上添了點清新口感，非常解膩，實在太適合夏天!要趁夏天食多幾次先得!沙拉野菜炸餃子 38炸餃子夠香脆，配上大量蔬菜感覺健康些，加上沙律醬隻味好夾，唔洗點餃子汁都得!真的夠哂好味又飽肚，食完即刻開心返哂

特盛炙燒豚肉拉麵 ($118)-哇😳😳😳淨係豚肉都霸左大半個碗😨厚切 而且表層係燒過! 燒過! 燒過!!!❤️(特別愛炙燒過既叉燒)用火槍燒過 食落特別惹味 似BBQ過咁脂肪同肉既比例剛好(如果可以用富士山55既薄切叉燒配合霸嗎既BBQ焦香味 就好喇😭)湯底好濃稠 同沾麵汁有得揮拉麵湯底黎講 算係幾特別😂鍾意濃郁湯底既朋友 不容錯過🤓-麵既份量啱啱好外面拉麵一般會用白蔥 而霸嗎用既係青蔥整體黎講 最愛都係豚肉既味道!辛口燒餃子($38)-建議食得辣既人先好叫呀😂薄脆提升左整體口感 表面搽上左辣醬同青蔥食落頭幾秒會覺得無乜辣味但去到呑落肚嗰下就開始覺得黎料🔥😂不過佢唔算好辣但幾刺激😏飲返啖水就無事😌個餃子皮都幾薄 食落菜同肉既比例都適中整體黎講 冇太大驚喜 過得去啦😬

聽講好多人排隊, 所以我哋11點幾就嚟到霸嗎拉麵。太早, 結果係包場...未食過雞叉燒, 所以我哋2個都嗌*雞叉燒味玉雞白湯拉麵**雞叉燒味玉雞白湯拉麵*揀咗軟身麵同少油。除咗葱花同木耳, 拉麵仲灑上脆炸洋葱。湯底濃陏, 鹹味較重, 但唔太稠。叉燒份量比起同價位拉麵店多。雞叉燒原來係將雞扒連皮捲起醃製。叉燒略帶焦黃色, 食落有醬料甜味, 有啲似照燒雞, 但佢雞味更出。雞皮令肉質嫩滑, 唔乾。味玉流心, 蛋白都唔係全熟, 但內層仲係白色, 未夠入味。可能真係太早去?極幼麵掛湯比較好~而且麵有麵粉香, 配返鹹湯底恰到好處。蒜粉大粒脆口, 配麵一流~灑上抹茶粉, 賣相一流~唔係濃茶, 但都有抹茶香。但質地似棉花冰多啲。好坐

而家已經有五間分店係香港嘅霸嗎拉麵開始有d擔心佢質素會下降但食完之後可以同大家講佢仍然係keep到水準👍🌟炙熱豚肉味玉拉麵 $88湯底豬骨湯味超級濃郁😍😍😋拉麵係比較幼身嘅 非常彈牙👍味玉 糖心蛋咬落去仍然流心😍豚肉亦燒得相當香口惹味😋😁------------------------🌟 雞叉燒味肉雞白湯拉麵 $88雞湯拉麵用肉眼望就見到有好多油😂雞排煎製得非常香口🐓 份量亦唔細👍糖心蛋 流心亦係做得非常好😁但雞湯就略嫌較為淡身 唔夠濃郁😣中意重口味嘅我都係偏向中意豚肉拉麵嘅湯底😂😂😂