青花汾

營業中

休息中

係中環街市又有一間有特色既餐廳，中環街市出名多小食，而呢一間就係有堂食既餐廳佢叫做青花汾，係一間山東刀削麵，最大特色就係佢以青花瓷做主題，牆身，裝飾都用左唔用既青花碟做裝飾藥膳砂鍋灌湯水餃（10隻） $98凍檸檬茶 $9.0扣牌砂鍋，不過除左刀削麵之外，仲有灌湯水餃水餃皮厚肉實，份量十足，一定夠飽藥膳湯都好多，味道唔錯，水餃十隻大大隻，份量足夠跟麵可以加9蚊加配凍飲消暑風味冷麵 $73新推出特色消暑風味冷麵深啡色既醬汁充滿住花生味同麻醬味道，配以冷拉麵今次就配左手撕雞，同冷麵好夾紅油抽手（6隻） $596隻抽手都係大隻，皮都好厚，肉好結實原來除左抽手有份量，連紅油都係，顏色深邃，令人忍唔住碌多兩碌，點滿紅油先放入口呀

唔知好唔好味但兩位阿姐d態度真係好差，仲惡過我，真係食到無食就走左，建議大家咪入去。認真貼錢買難受，除非佢兩位係老闆，唔係唔明點解要請呢d人，講野又惡又粗魯。。

A nice dinner place at the 2/F of Central Market! Its a cozy and chill place to have a casual dinner. The place is quite spacious too! We ordered the Beef brisket curry rice. The beef is tender and juicy, and the curry is seasoned well, its not too salty but at the same time also not bland! We also ordered ningpo style drunken chicken hotpot soup with handmade noodle! as shown in the name, the noodle is nicely flavoured and the chicken is also tender and flavorful! nice for a casual dinner! We a

中環係我無論工作或約朋友經常會去的地方，中環街市不再話下，中環街市二樓有間位置雖然不太起眼的上海菜館「青花汾」，但食物質素相當唔錯。今日和朋友逛街，由於下雨的關係，所以就係中環街市搵嘢食，就盲舂舂入咗去，發覺有驚喜。餐廳內部乾淨企理，食飯傾偈都算相當舒服。凍檸檬茶 $24凍可口可樂 $15砂鍋雲吞雞 $198砂鍋雲吞雞份量相當大，我和朋友兩個人差點吃不完。雞的肉質嫩滑，雲吞大大粒、餡料肉味一流，配料紅蘿蔔絲非常爽口、粟米粒、蔥花配搭清新，加上湯底濃郁，令到胃口大增。麻辣豬耳 $72麻辣汁不會太麻太辣，味道剛好，加上蒜蓉，豬耳醃得很入味，配上青瓜絲墊底，令到口感層次倍增，不吃吃太辣的朋友也吃得很滋味。豆沙鍋餅 $49豆沙鍋餅，外脆內軟，味道不是太甜。餐牌選擇頗多。

第一次黎到中環街市，估唔到而家整到咁靚，餐廳都好多款式今日揀左呢間「青花汾」食正宗山西刀削麵，比佢啲裝修同餐具吸引左，全部都好中國風，係青花瓷圖案呢到主打藥膳湯麵，仲有其他小食例如雲吞水餃糖醋魚刀削麵，上菜好快唔洗等好耐就有得食估唔到碟糖醋魚都幾大份，底下唔會話用左啲三色椒晾起扮到好似好大碟咁，係真真正正勁多舊魚。食落酸酸甜甜而且夠脆，唔會好多炸粉。藥膳湯底好甘甜，唔會好濃味，上枱用砂鍋熱辣辣勁香，不過真係要小心唔好燙親咖啡雞扒睇色水都知好靚，咖啡夠杰身入味，雞扒嫩滑一啲都唔老寧波三鮮手拉皮小雲吞，細細粒一啖一件好過癮入面全部都係肉，外皮好滑，配埋個湯飲好好味野飲方面都係一般咖啡茶，比較特別既係有豆漿，唔錯

在中環街市覓食，不時有新發現，行過三樓，見到主打正宗刀削麵的「青花汸」，即是被吸引了。原來有四款面的選擇各有特色，挑了刀削麵及手擀麵比拼，前者扁而薄，吸汁力較強；後者粗身帶靭性，口感不及刀削麵滑，怪不得不及刀削麵知名。我們的晚餐：咖喱牛腩刀削麵 $95+$4 +$7 豆漿特製鎮江骨手擀麵 $95+$4紅油抄手 $59咖喱牛腩味道豐富，咖喱有奶香，口感幼滑。鎮江骨大大件，肉厚飽肚。紅油抄手皮薄餡大，唔算辣。極欣賞自製豆漿，非常濃醇。開揚環境，企理舒適，上菜有效率。

今日出開中環就打算臨返屋企前係附近黎個快食晚餐去咗中環街市兜下望下眼見呢間價錢尚算親民又有卡位同大玻璃望下街景少少精緻的裝修坐得舒服😊就決定揀二樓呢間上海野整體來說企理乾淨☺️由於時間尚早———5:30pm趕得切last order午市套餐***糖醋魚飯***$89可以選擇配白飯定菜飯上菜速度都快👍可能時間尚早唔算好多人糖醋魚用咗青椒黃椒同洋蔥炒味道酸酸甜甜好開胃糖醋魚同菜飯份量都十足👍試左熱奶茶茶味濃既已經加左糖甜度已經不需要加白沙糖其實除咗好幾款有上海特色的飯餸外😙亦有不同款式種類的麵食同砂鍋水餃/雲吞😚餐廳可外賣生水餃同雲吞刀削麵同砂鍋雲吞似乎係餐廳的signature 有機會下次試吓

中環街市除咗多Pop Store之外都好多充滿特色嘅餐廳，今次就俾呢間位於2樓角落，主打手打麵嘅餐廳吸引到😋晚市中環食嘢人均唔使$100🫣仲幾好食！✨上海小籠包 $52/4隻皮偏厚，唔會好易爛同爆汁，上湯幾香！肉餡唔會過多，兩者配合得好好！✨寧波醉雞灌湯手擀麵🍜 $93手擀麵較薄身同埋大片，有嚼勁，但個人覺得一塊一塊咁食就冇刀削麵咁有口感，但有啲幾塊黐住咬落就好正！手打麵💯整麵嘅人刀工應該唔錯👍🏻另外份量十足嘅醉雞配上青瓜同埋杞子都好正🙌🏻✨凍豆漿 +$7香濃豆味，豆磨得好細滑，口感好槳，自家製豆漿嚟講質素好高！✨韭菜水餃灌湯刀削麵🍜 $93👀刀削麵煙韌帶有嚼勁，配上皮薄餡豐富嘅水餃🥹🫶🏻真心有驚喜👀湯底係材料豐富嘅藥膳湯，用杞子、當歸、玉竹、沙參等熬製而成，飲落好清甜無辣不歡嘅人當然要加辣椒油！都幾辣😹味道勁香，建議得辣嘅人要試吓

返工返到lunch都唔得閒食 4點幾先去食喺中環街市搵食 見平時排晒長龍嘅青花汾好吸引平時好少食到山西菜 一於入去試吓而且去到17:30都仲有午市套餐 正！餐牌選擇夠多 飯麵雲吞水餃都有肚餓到可以食好多好多嘢 所以決定叫多幾款試吓🤣特製鎮江骨罐湯拉麵加$4轉咗刀削麵罐湯即係我哋平時嘅小瓦煲新鮮滾熱辣咁上枱 飄嚟陣陣藥膳嘅香氣湯底雖然話係藥膳 但雞湯加埋淡淡地嘅藥材味道 唔會太重太濃 個個都食到刀削麵份量好多 較粗厚 掛起湯頭食好香鎮江骨又係勁大份 肥瘦參半 食落去味道剛好 唔會太濃稠 追加咗糖醋魚$32魚柳炸過 外表酥脆入面夠滑 出面仲有酸甜醬 好開胃紅椒黃椒都好好食再追加豬骨湯時菜$15$15有呢個份量非常抵食豬骨湯底夠香 令每條菜食落都好甜熱檸蜜加$3就飲到 勁抵非常滿足嘅一餐

今日終於有機會去中環街市坐低食嘢，就揀咗呢一間青花汾。原因好簡單，因為佢嘅裝修係我鍾意嘅藍白色，見到好似青花瓷嘅顏色咁所以就吸引咗我去食啦。麻辣牛腱飯配自家磨豆漿 ($102 + $7): 牛腱都真係幾辣嘅，如果食唔到辣嘅朋友就千祈唔好叫啦，不過佢嗰種辣係有少少麻辣嘅感覺，我最啱！而且牛腱嘅數量都算多，下面仲有啲青瓜墊底，都不錯👌🏻豆漿就不過不失，唔會expect係即磨嘅。 砂鍋灌湯韭菜餃10隻配凍檸水($98+ $9): 真係成個砂鍋咁樣上枱，所以保溫程度完全係一流，食到最後一隻韭菜餃都仲係好熱好熱。而且餡嘅份量都好多，自己一個女仔真係應該食唔晒。最欣賞嘅係韭菜好香，而且肉同菜嘅份量比例調校得好好。麻醬雞絲粉皮($68): 反而呢個最有驚喜，本身都冇諗過會係咁大碟，雞絲真係鋪滿左全碟，而且粉皮份量都好多下，不過略嫌粉皮有啲太大塊，如果剪細塊嘅話就會更加容易食到啦。總結：真係第一次喺中環街市坐低食嘢，自己覺得係呢個地段，其實佢收得呢個價錢都算係咁，而且都坐得幾舒服。推介嘅係佢哋嘅麻醬雞絲粉皮，份量多，而且抵食。砂鍋系列我諗都應該不錯，保温程度好好。

好一段時間冇去過中環街市, 今日早收就去行下, 發覺多左好多野食或野行！🤩見到呢間藥膳為主既餐廳就坐底食埋晚飯先返喇!雖然藥膳湯底得一種但主菜選擇就好多！而麵既選擇都有4選!👍🏾包括刀削麵, 拉麵, 手擀麵同圓圓粉麵店內環境開陽舒適, 上菜時間都幾快, 等左幾分鐘就有👍🏾1/ 豬軟骨藥膳罐湯手擀麵超！級！軟！熟！既豬軟骨, 而且非常入味, 分量亦好多😍的骨好似唔洗咬咁好美味, 藥膳湯超香, 我見隔離有人叫碗湯黎飲😂 而我第一次食手擀麵, 好嫩滑配湯飲超正！2/ 雞絲粉皮 粉皮晶瑩剔透, 薄而入口溶化, 加上滿滿既醬汁色食落超滿足！😍

今日要喺公司ot，喺公司附近中環街市買咗幾款食物返去同同事一齊食。呢間餐廳平時食lunch都見好多人排隊，又有藥膳湯味，今日終於一試。家鄉雞絲冷麵配花生醬雞絲冷麵嘅雞絲份量好多，冷麵夠凍食落有咬口，配花生醬又凍又惹味，花生醬非常香濃，越食越開胃炸韭菜餃邪惡得嚟又好食，餡料滿滿韭菜味清香，外皮脆裏面肉嫩，咬落脆卜卜，好食鮮肉粟米水餃配藥膳湯水餃同樣大大隻，肉多皮又唔會太厚配埋藥膳湯底，感覺比較養生健康，特別適合我而家需要捱夜工作！

中環街市重建咗咁耐都未行過，今日約埋朋友去行下，裝修幾靚，乾淨整齊，仲試埋特色藥膳罐湯拉麵！餐牌都有好多款式選擇，環境整齊舒服，周圍都係大玻璃，好透光叫咗1碗碗刀削麵，1碗雲吞加1個小食招牌麻辣口水雞罐湯拉麵（$102）轉刀削麵（+ $4）湯底味道香濃，啖啖都帶有藥膳清香，又唔會太濃烈，味道剛剛好🤤刀削麵偏大條，口感煙靭，而且好掛湯，好味麻辣口水雞少許麻辣，醬汁好惹味，份量好多，啖啖肉，好滿足🥰酸辣湯菜肉雲吞（$90）😋酸辣湯少少辣，夠酸，好惹味，岩我口味！菜肉雲吞皮薄堅韌，好有口感，雲吞餡料菜肉均勻，唔錯🫶🏻豆沙鍋餅（$49）😚外皮好香脆口，好多豆沙餡，正凍奶茶（+ $9）熱檸水（+ $7）

最近係半山麥當勞道上急救班 放學係中環四圍行街 今個星期六就行左去中環街市 行到攰係一間上海麵店坐低食野 涼拌青瓜 $48青瓜超大碟 勁多青瓜 青瓜望落都好翠綠 個汁都幾好 青瓜食落都幾爽脆 食到好飽 呢個份量兩個人食都夠 酸辣湯韮菜雲吞麵 （3隻） $83主菜叫左我最愛ge酸辣湯麵 大大碗 酸辣湯好開胃 好多配料 有雲耳豆腐乾 好質幾好 韮菜雲吞大大粒 韮菜好香 所以我自己一個人成碗食得晒 唔錯唔錯 加豆漿 $7最驚喜係豆漿 望落都覺得好濃郁 飲落果然係勁rich口感勁豐富 好真材實料ge感覺 一定一定要配豆漿飲 環境幾好 我見有吧枱又有卡位 d位都坐落幾舒服 好適合行到攰坐企食野休息 如果下次再行中環街市 都想試下藥膳雞刀削麵 因為見到隔離枱食 聞到都覺得好香好吸引

由細到大都好鍾意食刀削麵，只要見到餐廳有刀削麵一定會都會揀，依排成日會經過中環街市見到有間寫自己係正宗山西刀削麵，心諗正呀，氹掂咗阿仔陪我一齊食✌🏻我叫左招牌麻辣口水雞罐湯刀削麵，爸爸叫咗咖喱雞扒罐湯拉麵，阿仔就叫咗小雲吞。第一啖，竟然中大伏，完全未食過咁啲難食嘅刀削麵，重要轉刀削麵要+$4🤬響熱水裏便煮咗好耐嘅質感，刀削麵每條都好大條，每條入口都勁粉，食落好似食緊一舊未熟透嘅麵粉。湯底係藥膳湯，味道尚可接受，但係越食越越口渴。我食左3份1放棄左。麻辣口水雞份量都算多，但好多青瓜墊底。咖喱雞扒冇咖喱味，剩係得個辣字。阿仔食小雲吞就硬，我試左舊。。。點解連雲吞都咁難食。。。