青花汾

營業中

休息中

呢間餐廳地點好方便，喺中環街市入邊，喺附近嘅打工仔唔使淋雨就食到！麻醬雞絲粉皮：麻醬的香氣與青瓜清新的氣味融合，味道唔會過濃味，幾健康金牌咖喱豬扒/雞扒藥膳罐湯拉麵：這款拉麵以燉煮多種藥材熬製而成的湯頭，帶有濃郁的藥膳味道酥脆的豬扒而且啲咖喱睇顏色都知夠晒濃味！唔算好辣，真係好感恩因為我唔食得辣！薯仔好腍充滿咖喱味都好有誠意！上海時菜獅子頭飯：值得一讚就係獅子頭好正宗冇落馬蹄喺入邊，夠多汁口感好正!香嫩多汁搭配上海時菜和米飯，仲有輕微嘅蒜香味。豆漿：濃郁的豆香味，令人感到清爽同埋健康座位都幾闊落，而且啲服務員都幾好笑容，而家香港嚟講都幾難得！

特式麵食，好吃的養生麵館主打藥膳罐湯拉麵，刀削麵的青花汾～ 藥膳罐湯萊膳湯底以祖傅秘方，配上杞子、當障、玉竹、沙參、雀眼肉等優質材料烹煮超過十小時以上，湯底香味濃而香，不會有難以入口的藥味～餐廳另外也有不同麵食和湯底供應，酸辣湯和糖醋魚菜飯也是不錯的選擇。 糖醋魚菜飯： 外皮脆醬汁甜酸度也適中，開胃又好吃，簡直是白飯神偷口水雞：很香，小小辣，配料有花生和豆豉，重花椒味但鹹味剛剛好，雞肉嫩滑多汁，連雞胸也是滑滑的。這裏上菜也很快，雅座為主，等外賣也有足夠空間，不會太迫。

今日同朋友去中環行街食晚飯，去完荷李活道大館打卡後，朋友話附近有間好吃嘅藥膳餐廳，這間餐廳叫青花汾，位於中環皇后大道中93號中環街市2樓201-204號舖，港鐵香港站E2出口行幾分鐘便到，非常方便。這間餐廳原來係中環街市內，餐廳嘅招牌好光亮，令人一眼就見到，餐廳內環境雖然唔太寬敞，但整潔企理，好靚又新淨，好有中國特色，卡位都令人坐得舒服，這間餐廳嘅員工服務都好，來這裏吃都唔錯。這間餐廳嘅午市套餐好抵，仲係由11:30到17:30，而且食物款式都不少，有酸辣湯拉麵、藥膳灌湯拉麵、青花粉飯餐、涼菜、砂鍋藥膳灌湯雲吞水餃，仲有飲料有咖啡奶茶。這間餐廳嘅雲吞水餃係自家製，而辣椒油也是自家製作，仲可以即場買。除咗拉麵外，還有刀削麵、手擀麵、圓圓米粉，真係令人樣樣都想選擇來吃，我哋一定選藥膳食品及自家製嘅雲吞水餃，所以先選咗砂鍋藥膳罐湯韭菜雲吞，來個砂鍋載着韭菜雲吞，到了已經聞到好重藥材味，湯底真係有濃濃嘅藥膳味道，仲有十大隻韭菜雲吞，肉質鮮嫩湯頭味道香濃，每一啖都帶有藥膳清香，加上個鍋底熱辣辣，食到最後仍然夠熱，韮菜雲吞好濃郁好香，特別係一咬落去就已經食到好多肉汁出嚟，我哋都覺得好滿意。食完雲吞

今日第一次去中環街市行街喺二樓見到呢間餐廳就行咗入去試下餐廳環境唔錯👍🏻有好多卡位 好啱同朋友一齊嚟食飯傾計今次主食我揀咗自己最鍾意食嘅糖醋魚飯🤤小食就揀咗酥炸雲吞糖醋魚嘅味道酸酸甜甜🤤食落好開胃平時糖醋魚飯通常只會加紅椒同菠蘿去炒好少見到會放洋蔥但今次佢有放洋蔥落去炒所以聞落去都好香☺️而且佢冇放好多炸粉去炸魚塊所以佢只有一層薄薄嘅外皮食落去脆卜卜🤤而且餸同飯嘅份量十足好啱收工之後去補充能量酥炸雲吞嘅味道都唔錯🤤雲吞嘅表面炸到金黃色👍🏻而且食落脆卜卜側邊仲有一啲醬汁但就算唔加醬汁都好好味雲吞包得好靚👍🏻入面係菜肉餡材料好充足🤤一碟酥炸雲吞總共有六隻如果食唔曬可以同朋友一齊叫一碟然後一齊share☺️

🐤寧波醉雞湯刀削麵🍜 湯底係藥膳湯 用一個小瓦煲上菜，夠熱辣辣，配合灌湯兩字醉雞份量非常多，以一個套餐嚟講其實都算幾多刀削麵勁多 每條都好大條 😇😇我都差啲食唔晒，呢個價錢嚟講CP值非常高醉雞味道都唔錯，唔會好鹹亦都食到花雕酒嘅味道，非常濃郁！仲有好多青瓜伴碟，非常爽脆😀🍜 獅子頭灌湯拉麵呢個湯底不得了，起初入口淡身啲😀慢慢飲多多啖藥膳味就好出，養生之選😁有雞湯清甜，同時滲有淡淡藥材香氣又不會太濃烈😱獅子頭同樣做得不錯，先炸香、再蒸熟🤪肉質鬆化、味道鮮甜☺️🐤麻辣口水雞麻辣口水雞份量都算多🌶️好多青瓜墊底🥒但完全唔辣 而且一啲都唔麻😄配合埋豉油嘅香味非常惹味 非常適合唔食辣又想過下癮既人🥵

俾同事傳染咗感冒，成個星期都未好，難得同朋友喺中環街巿二樓見到有間上海餐廳，食中菜啱晒我口味🤓我哋叫咗一碗砂鍋藥膳罐湯 · 北京水餃拉麵，原來佢真係成個砂鍋咁上，麵條份量超多又好煙靭，湯底有濃濃嘅藥膳味道，仲有五大隻北京水餃，肉質鮮嫩🍲🥟另外，我哋仲叫咗一碟上海時菜獅子頭飯，好少餐廳會有獅子頭呢味餸可以嗌，佢好有家嘅味道同感覺，獅子頭嘅大細恰到好處，亦非常足料、啖啖肉、配埋菜飯食啱啱好🍚最後，我哋仲叫咗一籠上海小籠包，上菜時熱辣辣新鮮蒸好，成粒小籠包放入口食好味道😋食完呢餐真係好滿足，清清哋啱哂我😌 店員仲好細心，幫我refill暖水，服務一流👍🏻 餐廳隔離就係商場嘅洗手間，非常方便😎

青花汾 地址: 中環皇后大道中93號中環街市2樓201-204號舖電話: =====================中環街市的food court 是我成日去，因餐廳品牌有特式，不是開到周街的連銷，且以中環消費來說，高cp值。餐廳名很雅致，食麵同水餃🥟為主。$78 宮延水餃個名好吸晴，一於點來試下。入面的餡料為豬肉，特別在加了蔥花蛋，是煎到香噴噴的餃子，外皮金黃香脆。$78 例口水雞，一人份量叫例牌剛剛好。淋上的醬汁辣辣地好惹味。$89 豬軟骨麵轉刀削麵，用了藥饍湯，有當歸沙蔘杞子龍眼煮成的藥湯，是台灣好出名的，味精甘甜養生。刀削麵厚身食落彈牙有勁，豬軟骨好腍餐具上印了青花，很古典優雅。人均消費一百元左右！#美食 #dinner #香港必食 #香港旅行 #foodinstagram #delicious #yummy #foodgasm #foodporn #必食推介 #keto#lchf #生酮 #followforfollow #好去處

點了鷄刀削麵，味道正合預期。湯底好🉐，惟讚的終於此。麵身軟晒、完全冇彈性，有愧山西刀削麵之名！鷄味正常唔錯但係由一個唔識斬雞嘅人處理，質素可想而知。食得好辛苦。而且好多碎骨，已經到了影響進食安全的程度！

今日唔係好想食粥粉麵飯 , 行過這間餐廳外面有一種中藥湯的味道，見到這間餐廳有藥膳水餃雲吞,就入去坐低試下都幾多人食的我自己就要咗砂鍋藥膳韭菜水餃朋友又要咗酸辣雲吞藥膳韮菜餃嚟到已經聞到好重藥材味，而且鍋底熱辣辣，係食到最尾個碗個仍然係辣手份量都幾多有成十隻韭菜餃食到最尾都係超級熱， 皮唔算好厚，但係作為主食非常足夠韭菜餃包得夠實淨，冇一粒有爆口朋友食酸辣雲吞，足料夠酸夠辣，朋友覺得好滿意這個雲吞同餃的包法與韭菜餃包法分有別， 這個包法比較掛汁最後見到鄰座有人食小籠包, 上枱時熱辣辣香噴噴的感覺,令我哋又叫了一客小籠包 小籠包裏面湯汁夠多,肉質鮮嫩價錢喺中環街市嚟講唔算貴，整體覺得不錯

今日竟然係中環街市，畀我食到一間特色藥膳罐湯拉麵<青花汾>，湯頭味道香濃，每一啖都帶有藥膳清香，呢區來講，較為有特色。<牛腩罐湯拉麵>先來一客牛腩罐湯拉麵，拉麵係成個石鍋咁樣上，煮到熱辣辣出曬煙，最驚喜嘅係牛腩份量好多，而且每一件牛腩都好大舊，咬落去牛肉非常鬆軟，而且帶有少少脂肪同埋根，炆得非常入味，配埋入口彈牙嘅拉麵，同埋藥膳味道嘅湯底，非常好食。<上海獅子頭罐湯拉麵 轉刀削麵>獅子頭總共有三大粒，每一粒都非常大舊，入口啖啖肉，而且豬肉非常新鮮，咬落去帶有肉汁，用來做獅子頭就最好不過。刀削麵嘅份量唔算好多，不過麵質同樣夠彈牙，而且感覺非常正宗，同樣好味。另外跟餐叫咗兩杯凍奶茶，奶茶味道正常，係茶餐廳的標準質素。如果想品嚐有特色又好味嘅藥膳湯底拉麵，呢間<青花汾>餐廳絕對係一個好選擇!!~

今次嚟到中環街市呢一個活化地標新項目，場內多咗好多小食店同埋台式飲品店。今次就揀咗呢一間以刀削麵作招徠嘅中菜館。鋪仔開陽，為處於街市2樓。先嚟一個口水雞藥膳罐湯刀削麵。雞嘅份量都幾多，口水汁有少少辣，配合埋豉油嘅香味非常惹味。下面仲有幾條青瓜，開胃。呢個湯底不得了，起初入口淡身啲，慢慢飲多多啖藥膳味就好出，養生之選，朋友話仲有啲似肉骨茶。刀削麵夠煙靭份量仲相當唔錯。小籠包小籠包即叫即蒸幾大粒夠Juicy。豆沙鍋貼脆口，入面嘅餡料亦都唔少，六件兩個人食啱啱好。

餐廳位置位於中環街市，喺轉角嘅位置非常容易搵，地鐵站行過去大概都係唔需要5分鐘嘅時間，簡單嚟講都算方便，今日就揀咗夜晚嘅時間嚟食！我同朋友之前喺午餐時間已經食過，而家天氣凍，食碗麵暖笠笠非常好！夜晚就冇午市嘅套餐，只能夠單點，但係價錢亦都唔算太貴，加$7就有嘢飲，有豆漿同埋汽水嘅選擇，中環嚟講，呢個價錢食晚飯唔算太貴寧波醉雞湯刀削麵🩶 我就叫咗呢一個刀削麵，跟餐有一份都幾大嘅醉雞，我諗係有大概例牌嘅份量，以一個套餐嚟講其實都算幾多，同埋比嘅部位亦都係雞翼位，正常，唔會太多骨！刀削麵就要加$4，嚟到嘅時候熱辣辣，加埋個石鍋，非常保暖，刀削麵嘅份量亦都非常多，我都差啲食唔晒，呢個價錢嚟講CP值非常高，醉雞味道都唔錯，唔會話好鹹，亦都食到花雕酒嘅味道，非常濃郁！仲有好多青瓜伴碟，非常爽脆，正！上海獅子頭湯刀削麵🩶 朋友就叫咗上海獅子頭，刀削麵都係非常煙靭，而且店員非常細心，亦都提我哋小心熱！餐廳用豬肉做左3粒大肉丸，佢既肉質鬆軟而細膩，配搭甜甜既紅燒汁，特別滋味。配埋刀削麵嘅配合亦都非常match, 我同朋友都非常鍾意食！總括嚟講餐廳嘅質素都唔錯，夜晚嘅時段就比較小人，上次中午嚟嘅時候都要排

中環街市開咗好多特色食店，今晚經過一間個名好特別嘅餐廳，叫做青花汾，決定一探究竟今晚唔算好肚餓，叫咗兩樣嘢食：秘製排骨菜飯、酸辣湯韭菜水餃排骨份量好慷慨，起碼有五至六大嚿，而且煮得好入味，肥瘦適中，而菜飯食落好清新酸辣湯少少辣，韭菜雲吞有八隻，每一隻都多菜少肉，而且雲吞皮薄堅韌，配埋酸酸辣辣嘅酸辣湯非常惹味，令人一啖接住一啖，食唔停口呢間餐廳雖然唔大間，勝在乾淨企理，而且裝修甚有中國特色，位於中環街市地點方便，係一眾打工仔食飯嘅好地方，值得推薦#青花汾

入座吧台後落單，20分鐘沒上食物。一問才知道，原來是漏單，單都不知道去邊！d大媽還要發飆罵人，話只等十幾分鐘點呀！！差到爆！不止一次中伏！第一次也是這樣！快點關門啦唔該！

中環平時食野又貴又唔好食 呢間價錢合理 份量算係幾令人滿足 本人已幫襯多年 本身間店的老闆在銅鑼灣有間麵鋪招牌口水雞刀削麵好滿足 有家的味道懷疑有其他競爭對手專登抹黑呢間餐廳