青葉日本料理 (日式放題) (已結業)

跟朋友星期6的聚會...我們選了在< 青葉日本料理 >記得上次食青葉已是半年前情人節了..情人節那天是$188 ..因為度度都冇位所以食佢..但都唔差!!我們特登等到9點先食,因為有9折,哈哈!原來青葉又加價了,唔怪得小人左啦 ,同埋部份壽司都冇左...最想食佢的青之戀...冇左了..天婦羅選擇都小左..我至愛茄子天婦羅又冇了 !!

之前食過旺角間青葉, 覺得一般。但聽人講觀塘o個間多d野食, 但結果都係差唔多星期五放工同d同事一行十一人去食, 我地原來訂左間大房7點鐘, 但因為我地遲左半個鐘,所以我地間房已經比左其他人,經理話訂位遲到5分鐘就要從新再輪過.....>.<結果幾經安排我地只可以坐大廳!食物種類都算多既, 不過d質素麻麻, 特別係d卷物, 係就係好大件, 但只係得d飯, 入面係冇料既~!~!不過d天婦羅&剌身都ok既!

食物水準一般，價錢唔算抵。除非你諗住食得好飽，否則同食其它日式料理餐廳價錢差唔多。D職員服務態度認真麻麻。Promotion話DBS有9折，點知居然唔包AE卡，又完全無寫明，有誤導消費者之嫌!! d職員仲要理直氣壯個張leaflet話你張卡唔包，好似串你唔識字咁，食完都一肚氣!!

因為天熱實在太熱...唔想食熱野~所以就去左食日本野~豪一次~揀左青葉~三文魚刺身幾好~肉質鮮嫩~吞拿魚刺身都係~口感好好~仲食左好多其他野~印象中~串燒雞軟骨好正~鍾意食軟骨的朋友記住試試~而帆立貝黃金燒就食唔出有元貝....味濃...但我本人比較喜歡清淡野手卷同壽司質素有保證...唔會好似某勁平任食壽司店咁~一拎起就散開仲有....蟹籽沙律同季節沙律都好味~西瓜起沙夠甜~各款梳打都好好飲~2個人清左成隻軍艦....勁飽味道方面我覺得俾4分少左...5分又多得濟....就4.5啦而衛生服務等方面都幾好但餐桌方面比較細....幸好侍應們收碟夠快....如果想舒服d...建議訂卡位坐....見到隔離d坐卡位的人真係勁多位...而且係坐係沙發度...一定舒服好多..抵食方面...食物質素同價錢都合乎正比....唔算係物超所值...所以俾3

有成半年無來，唔知而家多唔多人...都系訂枱穩陣D.....7點前入座有9折6.30pm入座坐系單邊都ok唔太迫，第一時間order刺身先，幾新鮮..，，三文魚，吞拿，女友最愛希靈魚....其他都幾新鮮。炸婽天婦羅都好好味...最抵食就系鮮帶子壽司，我食左6~7件，其他燒物就一般。總括來講都幾好啦，有樣野值得一鑽，待應好有禮貌，上茶，加水都好快....，overall咁價錢算系ok了。呢度生日正日前後會有半價優惠或全免，半價要4位起8位起就全免。

我地3個人,因為7:000pm前入坐所以有9折任食兩小時。食物選擇唔算多，而味道都只係一般，沒有一樣食物令我好回味，上菜速度都算快，服務都算幾好，成日幫我地換碟。食物當中比較值回票價係「鮮帶子壽司」都幾鮮味舊飯都唔算好大舊。因為本人好鍾意食牛，而呢間餐廳卻欠奉，如果以其他日式放題餐廳比較我唔會再選擇呢間。

今日6:45PM打去book枱，但佢有枱wo，book左7:15PM,我地７點３５先去到，因為唔識路，打過去問，佢地d態度都好好，咁忙都好有耐性教我行過去，值得加許la，去到寫紙仔叫野食，五分鐘內d野食送上，一碟碟，d炸物都仲熱，魚生真係幾大件，仲有幾件係魚腩，d雞軟骨都ok，唔係幾夠味，又有野飲任飲，仲有唔知係唔係有book枱，我坐個張係卡位，幾舒服，我地三個人，坐圓枱既卡位，個北海道牛奶窩ok既，一黎個窩係全部係菜，佢再比一碟牛肉我地，食完可以再叫，見對面枱食雞脾腸，好似好好味，不過好飽la，叫左勁多三文魚，仲有甜蝦，炸生蠔，好好味。

同仔仔慶祝生日，比我一間大房，1. 一坐低約十分鐘就成只魚生船做起，見到只船真係好開心，無o念過會用船上。魚生的味較淡，但份量OK（厚切)，不少氣！2. 全部天婦羅都做得好好味！金瓜好甜，鮮蝦天婦羅最好食，全家人共吃了20只,hahaahahaa!3. 牛乳火鍋湯底好好味，好香，但不要飲太多，會好飽.今次細的只有兩歲，老的有70歲，bb吃了好多壽司，老人家也吃了好多魚生,但全部都無肚痛，幾好！因為我個肚好敏感，食日航都會又嘔又瀉.

成年無去,都同以前差吾多,三文魚刺身細件左,舊時會order 10件,依家要order 20.d staff吾錯.算幾有反應.$148+1算係咁.

今晚Book左6點半...任食2個鐘放題...每枱都有火鍋..叫左牛乳鍋...都幾香~另外唔少得既緊係有刺身同天婦羅同其他野食~不過刺身選擇好少...我覺得又有火鍋又有刺身...咁食法會好快飽同埋有d奇怪!但係呢度勝在環境幾好...坐得舒服...

上2個星期去左觀塘青葉食放題, 8點咁上下去到, 因為我地係下一輪, 要等d人埋左單先有得入.我地叫左好多野食, 刺身, susi, 炸物, 窩, 手卷... ... 叫左幾輪. 佢地上菜好快, 一下就放滿晒張台. 不過唔好既係張台好鬼細, 差d放唔落, 要食快d.見到台面上面有2碟三文魚, 但望下.. 咦!! 唔同色既! 一碟橙紅, 好似幾新鮮, 但另一碟就白白地... 嘩! 差咁遠啊不過新鮮個碟係幾好味!! d肉唔會林, 食多縛幾塊都唔會濟^^

放工約了幾個飯友, 過左黎觀塘小聚, 剛剛好7點前, 可以享受到佢既折扣優惠. 放心放題.這麼選擇算是普通, 刺身顯然選擇少, 冇乜好野你揀. 炸點不錯, 炸蠔雖然是乾身左少少, 但起碼大隻. 有火鍋, 當然點個鍋, 鍋鍋佢, 叫了殉骨湯底, 材料十足. 點十足, 因為個湯底真有豬骨在底, 有菜有肉. 肥牛, 果然是肥牛...見到層厚厚白色, 女仔叫左出黎, 咁肥點食呀....最後兩位"月巴"男, 惟有出手出口.手卷, 圖中一個龍蝦沙律同吞拿魚沙律, 大家睇似咩......有小事, 鄰檯開爐, 有個英勇伙計明明聽到漏氣聲, 仲要好努力撻爐, 不是我們同果檯位男士面出異光....佢可能仲試緊.環境, 觀塘區來說, 叫做好好. 食物質素再好啲, 有得再黎.

2月19日與朋友到這間餐廳食dinner buffet.雖然$150左右一位, 但食物真係麻麻地, 刺身選擇少, 三文魚, "立"魚, 八爪魚全部有根,切得又薄又細塊, 完全食唔落口. 服務都麻麻地, washapi叫左好耐都無拿來, 但d waiter又成晚行來行去...都唔知搞邊科.

2月14日. 情人節約左女朋友去食晚飯.早早book 左. 同時叫佢比個好D 既位我. (重點係book 位佢唔會同你講比左咩位你)我地6:30 到. 本身都覺得個環境唔錯. 可惜就係比左個勁差既位我. 加上我地多行李. 我女朋友就話無咩所謂啦. 我就當然去問可唔可以換位. 因為booking 果日係電話講好左比個好位我. 個staff 都話ok.點知. 好搵唔搵. 搵左個人我好好禮貌咁同佢講我想換位. 但係我都未講到話你地同事話比個靚位我. 佢就打斷我講野.佢就話無得換. 我指向另一面比較清靜果度問佢點解唔可以換果D 比我. 呢度逼到我坐唔落. 佢話(態度不耐煩):"果一面係客人book 左.唔可以坐!"有留意上面重點既朋友都知道. book 位時佢地係唔會同你講個枱號既,咁你點解要呃我D位係某某專用呢?呢位大佬真係想我知難而退? 我都有係openrice 做足功課.去呢間青葉前. 係openrice 呢度我睇哂全部食評, 因為有食評都話某某員工服務態度差. 哈哈, 我見識到啦. 跟著我同佢講. 陣間唔好比我見到有位無人坐呀(泠笑). 佢無聲出.最後我搵左個大粒D 既經理換位比我.人

男朋友話好耐冇食過.佢又好中意食日本野.所以情人節就選左這裡食..但情人節貴好多啊.成本188..其實7:00前同9:30後入座就$168..但男朋友話7:00前太早食.問個waiter話9點幾後冇.得返8點幾.所以訂左8:30..諗住貴左咁多應該唔係好多人食..點知8:10上到去...已經好多人等緊..有些人冇訂位.聽個waiter話今full了..睇下有冇人唔黎.Waiting list..等到8:30先比入.今日係情人節,雖然係多人..但食物都算得快..比想像中好..刺身最快(最重要)..但熟食就耐了點..叫左拉麵(比想像中好味)就要吹單.我勁食刺身.因為最抵ma..哈哈..最重要服務都好好..唔會因為多人而做到黑面.間野真係大過Mongkok 個間好多.真係大3陪.我中意去這間多過Mongkok 個間(DBS CARD 今優惠都沒有預左了).其實9點幾都見到仲有好多位.但佢之前又話冇??奇怪..唔通係為左多點人食$188 ?算吧..不理了.最重要開心!!