青越亭 (華欣樓)

營業中

休息中

之前係坑口分店食過，記得印象唔差，咁啱經過柴灣要醫肚就入咗去食，點知……真係滴晒汗，真係好難食，點解咁講？我叫咗個冬陰公湯檬，心諗都唔會難食得去邊，一嚟到見到碗野勁大碗，啲料好似唔洗錢。開頭肚餓，食嘅時候無為意，食食下覺得好奇怪，點解咁多同冬陰公湯無關嘅材料，有豆乾😱有木耳😱媽呀！我食緊咩呀！咁似阿媽清雪櫃，有咩就落，全部雜不甩撈晒落去煮🤮我唔知其他食物係點啦，但係呢間嘅冬陰公湯檬真係黑暗料理，我真係怕咗，破壞咗我對冬陰公湯美好嘅印象。我好想知餐廳嘅廚師有冇真係用心煮野比客人食？人哋比得錢去你餐廳食，仲要唔平，大約$74蚊+1，碗野真係唔值，亦唔會再有下次，坑口都唔會再食，怕咗😞

覓食好西 ～ 柴灣區柴灣住宅區、商業、工廈林立用膳時間周圍處處都見到排隊人龍是日到訪了一間越式餐廳午餐：順化香茅雞翼湯檬粉 $54順化香茅豬扒湯河粉 $54雞翼、豬扒算香脆，少少油膩感，檬粉、河粉大大碗，份量多，整體而言，午膳價錢合理，座位與座位之間距離都算寛敞，不過不失

晚餐經外賣平台揀了這間餐廳送外賣，餐牌幾多選擇，就被吸引落order, 今次是第一次惠顧，但真的超失望！好氣憤！以後不會再去訂餐！訂之前已沒有期望食物質素，但真的極難食！而且貨不對版！所以忍不住要寫食評！今次訂了3份外賣，1) 香芒蟹肉炒飯，沒有蟹肉，只有兩三小粒沒有味道的東西，兩三小粒所謂”芒果“”，望落好似無料嘅炒飯。2) 越式蕃茄牛肋條焗飯，更差勁！找不到牛肋條，只有幾舊無味牛筋，仲有D唔稔，2小舊番茄，飯面有焗燶嘅芝士，咁都有一樣似番商品說明！ 3）鮑汁扣花膠腩仔飯，呢樣係叫做可以，唔會諗住真係有鮑汁同花膠，都係一D蠔油汁同魚肚及燒肉，算係正常！ 3樣嘢$230, 實在食水太深，絕對是一間無良心嘅食肆！

今日外賣左白咖喱豬扒飯…返到屋企，一開蓋，見到餸同白飯分開上下格裝，又幾好，唔驚d飯索晒啲汁咁個餸正正常常，份量都正常，我估有1.5-2塊豬扒，仲有堆醃菜同紅蘿蔔點知一食啖飯，就出事白飯，其實一向都唔會有咩期望，唔好諗有冇米香果d啦，係咪先，白飯無味係正常架嘛但點知一啖食落去，白飯有味，而隻味好怪唔似隔夜飯嘅，因為隔夜飯雪過會硬身，依間d飯淋嘅定加左嘢落去煲飯？定可能d米擺太耐先煮？過期米所以有怪味？Anyway, 短期內都唔會再試喇

好食唔好食我唔講，各人口味唔同，我講其他嘢！我主要買2餸飯外賣，因為夠平，但今日(13号)叫完飯餸，入埋袋，之後話餐具用完無啦……講開講埋上次，裝咗一殼飯話無飯要等廚房，問我夠唔夠，佢又話未知等幾耐(我諗要幾分鐘)，我費時等所以求其要咗走人……星期六少人買外賣，買完飛企喺出面無人出嚟裝飯，等咗陣都無人就入去同D阿姐講，個阿姐叫人出嚟，但都唔係即刻出嚟……另外收錢同嘟安心好混亂，你以為前面比$，其實係安心，堂食D人食完係入面排另一條隊比$📣希望個老細睇到改善下，唔係夠平我轉咗第2間

我覺得呢度 嘅野食例如係豬頸肉撈檬同比目魚飯都幾好食。 服務員質素都唔錯，打招呼同斟水，提供一啲資訊俾我去選擇食物（ 唯一須注意 呢度要加收加一服務費，斟一杯水畀我同埋打聲招呼係要加10%） 我覺得呢呢度嘅服務質素都比較中上 野食就 睇下你食乜喇！ 如果係撈檬同飯就十分推薦 但喺呢度嘅粉面就一般 加埋呢個價錢就十分之不推介。 總括嚟講啦 假如你係想食越南菜就冇乜特色（ 講就講係越南菜 其實就加上一片越南嘅香料就係越南菜咩） 所以如果你想試下撈檬 經過可以來吃 如果係特登嚟食嘅話 就冇尼個必要了服務中上食物中 /中下裝修正常

今日兩點先食午餐，呢個時間就變咗下午茶，亦都更加多嘅選擇。今次就揀咗一間越南餐廳。一入到去姐姐好主動咁俾杯水我，亦都好留意我想點餐。奶茶好快嚟到，茶味夠濃夠滑，係靚茶餐廳嘅水準。叫咗個BBQ豬軟骨加薯條🍟（$45）薯條炸得好夠脆，酸菜好有驚喜非常有越南風味，不過就係豬骨乾左啲，如果多啲蜜味會更好👍🏻推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：7⭐️賣相（10⭐️滿）：8⭐️味道（10⭐️滿）：7⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：7⭐️［青越亭 (華欣樓) (柴灣)］地址：柴灣吉勝街2號華欣樓地下1號舖#lunch #lunchideas #lunchtime #午餐 #午餐時間 #午餐吃什麼 ##外賣 #堂食 #takeaway #hkfoodie # hkfoodieblogger #hkfoodielife #hkfoodstagram #hkfood #hkfoodlover #winsomelai

呢間餐廳裝修幾靚，行工業風，座位都坐得幾舒服。但啲食物就普普通通。我order了大叻牛三寶湯河，河粉不太滑，三寶分別是牛腩、牛栢葉及牛丸，牛腩太硬，牛栢葉無味，味道真係麻麻。大女order了冬陰功海鮮檬粉，好大碗，其他一無是處。太太的香茅豬頸肉撈檬，豬頸肉不過不失，但檬粉好硬，食了一半己停手。細女的越式蕃茄牛腩檬，呢個較為好啲，蕃茄湯底酸酸甜甜幾好味，牛腩都夠淋。整體食物質素麻麻，並無可取之處，仲要加一收費，所以並不推薦。

平時落去幫襯啲服務員阿姐服務態度已經好差又成日叫都唔應！點知今次叫外賣都遭殃！🤬🤯喺戶戶送度叫咗兩樣外賣！見到個時間係咁延遲！延遲咗四次！差唔多等咗九個字！外賣APP先至有人打嚟！話我其中一樣嘢冇會唔會改訂單😳真係O咗嘴囉！咁你冇就一早講吖嘛唔使等成個鐘先至講話冇吖嘛！唔使食啦！😩青越亭依間野真係好有問題！唔想做就執咗佢啦唔好喺度害人啦！真係希望可以改善下囉！！……………………………………….

依間餐廳唔係好對路，入門口，三個侍應只顧吹水，冇理到門口嘅我哋，點餐自己掃code,等咗20分鐘都冇嘢嚟，我出聲問點解未有嘢飲嘅？姐姐問返我，“你要啲咩“，原來係要姐姐喺電腦㩒確定訂單，我等咗30分鐘先有嘢食……好彩個炸脾都食得下，薯條都係啱啱炸起，牛尾通就過得去啦～但係個多士就有啲硬了

好後悔冇黎睇上一個post 原來之前已經有人中過伏附圖先唔好講咁多一黎到 呆左泰式肉碎？係邊度同我食開好唔同真係芙蓉蛋黎喎幾粒肉碎夾係入面就算講真衰過我出去食個兩餸飯囉問侍應 佢話係咁架依個飯下？係咁？同張圖完全唔同喎圖還圖 實物係完全不符佢都話圖只係參考真係明哂姐係叫我硬食 dry到呢 我以為自己食齋投訴完都當冇件事既我知係芙蓉蛋 你覺得我仲會叫黎食都成50幾60蚊 我真係食兩餸飯都仲開心Ok囉 冇下次真係！建議唔需要試 其他圖都唔知係咪同實物一樣

成碟芙蓉蛋飯咁，問侍應，佢話係咁喎. 蛋只係一塊咁，根本入面無包任何肉碎! 食完隻蛋，隻碟上面一粒肉碎都無剩... 啲肉碎多到呢... 同餐牌張相分別實在太夲太太太大！

晚市豬頸肉撈檬 $60 + 10% 服務費 = $66原本心諗正常食得落口就好，唔期望正宗……但見到油到飛起既豬頸肉。。。仲有一堆亂既料，真係火都黎埋，簡直離晒大譜，以後唔會幫襯。

𝔽𝕠𝕠𝕕𝕚𝕖 窮食香港🍔🍕🍣🍰🍹長期糧尾都可以有啖好食食得落肚嘅卡路里必須好味‼📍青越將軍澳坑口常寧路2號TKO Gateway西翼1樓W114號舖柴灣吉勝街2號華欣樓地下1號舖呢間坑口越南菜價錢合理 (下午茶時段更抵食！另外疫情期間仲有優惠價$25外賣飯盒) 麵包盅同各款鍋物味道唔錯 奶蓋同沙冰等特飲都幾出色 有機會再分享~~味道 🍽🍽🍽價錢 💵💵💵💵賣相 👀👀👀環境 💒💒💒💒服務 🛎🛎🛎

之前食過都覺得都ok，所以今次再嚟食，因為朝早十一點幾嘅關係，諗住先問清楚職員有冇越南嘢食先穩陣d！今次我想點個火車頭河粉，侍應話未有牛肉返到，ok啦…咁早都知預咗一定會小梗d嘢！是但…點知碗嘢一到！我以為佢入錯單，喂…車仔麵嚟㗎喎！頂…我數一數俾大家知有d咩！扎肉、雞絲、豬肉丸、魚旦同橡膠咁un 嘅牛𦟌！原有嘅牛柏葉、牛丸、牛腩同牛筋全部唔知去嗱晒邊？你冇唔緊要！你出句聲呀！成碗嘢不知所謂，根本唔係果樣嘢！冇以後😠😡🤬