青辣椒

營業中

休息中

豬頸肉超級好食 有焦香味 份量好多性價比高 自己一個可以當兩三餐咁食 就咁食會有啲鹹 一定要配飯食 泰式肉碎菜包都好正 泰式鳳爪調味okay 偏鹹不過可以接受每次都會叫呢三樣野🙏🏻老闆好nice好有禮貌 每次買完都好開心好少打食評 呢間係做街坊生意 所以留個好評鼓勵下 會keep住幫趁😛

今晚又去顯徑搵食啦，呢排成日出街，見時間仲好早，所以去咗顯徑街市行咗個圈，見到呢間賣泰國小食嘅餐廳，感覺好似幾好咁，今晚嘅晚餐就食你啦⋯餐廳主要以外賣自取為主，冇堂食既🫢🫢🫢🫢所以真係變你住喺附近嘅街坊㗎咋😋😋😋其實就咁叫半隻海南雞都唔貴，半隻都只係$72，另外仲有啲泰國豬頸肉，泰國豬扒等小食/餸，可以散叫當係屋企加料咁。見到之前有人介紹冬陰功海南雞湯河，今晚我都跟住試咗，可以叫分湯嘅，分湯就加兩蚊外賣盒🥲🥲整體來講雞係幾滑嘅，不過今晚嘅海南雞好似唔夠熱，味道係唔錯嘅，如果湯同雞可以再熱多少少就會更好啦🤨🤨味道：3.5/5

今晚收工，突然返風😨🌪️🌪️🌪️🌬️諗住近近地唔使吹風嘅情況下買碗熱辣辣嘅粉麵返去食❤️❤️❤️突然個心諗起位於顯徑街市嘅呢一間小店，之前都有食過佢哋嘅海南雞飯，中規中矩都幾好食嘅。海南雞冬蔭公湯河（分湯）$4️⃣6️⃣冇諗過咁夜嘅情況下個湯仲係好熱辣辣，我拎到返屋企沖完涼先食，都仲好熱，一打開個蓋碗冬陰功湯好惹味，忍唔住飲咗兩啖先再食個粉唔知係咪太肚餓嘅關係？竟然個配搭好match，不過如果冬陰功湯入邊有多啲菇會更加開心雞係好滑嘅。就算雞胸肉都冇話鞋，呢個會再食呀

甜品有多款選擇，可惜都是手味道偏甜，失去原本該有的泰式風味。有提供粉面米，有小食，作為小店來說，似是太多種類致未能兼顧好水準。且服務態度不佳，不想受氣，不會再幫襯。

鮮蝦春卷$38食晒成盒都唔會覺得有負擔，係好清新好light嘅就算唔點泰式辣醬食，我覺得都good enough. 春卷賣相幾吸引，好colourful，令人開胃嘅。青瓜，菜，金不換都非常之新鮮，食到嗦嗦聲。春卷嘅皮薄身得嚟好煙靭，個餡都幾特別嘅，用左疑似係米苔目嘅食材嚟代替粉絲，所以入口就會相對彈牙但整體就唔係好食得出鮮蝦呢個角色，呢點就比較失望不過overall我都係滿意嘅。所以下次我就會選擇慳返8蚊，買個$30嘅豬頸肉春卷就可以了。

早兩日我就同思思去探表姐， 好耐冇返嚟大圍，見到翻新左嘅大圍 #顯徑街市， 好光鮮企理，仲有美食一條街，即刻去逛一逛先！ 順便食啲嘢先！行到見到 青辣椒喺呢度開左新店，佢連鎖經營有多間分店，主打東南亞星馬泰美食，以外賣為主。一場嚟到梗係要試下佢嘅泰式芒果糯米飯啦！必試芒果糯米飯👍香甜軟熟的糯米，配上帶一點點鹹味的香濃椰漿，加埋個多甜少酸的芒果，超正！鮮蝦春卷，清新可口，啱晒夏天食！千層糕+糯米卷，口感軟滑煙靭，食極都唔厭👍

今日午市時段又去顯徑街市覓食，今次試下青辣椒嘅海南雞飯。大大盒，40蚊，扺食！海南雞大大份，無骨，都算滑，配菜既青瓜咬落去都好爽（係新鮮嘅），另外就跟左個醬，同埋d薑茸比你，我就習慣會撈埋d汁同薑茸然後倒上去d海南雞上面食，真係會好好味，不過唯一既敗筆就係我嫌佢個飯底多左d，因為如果以d雞同飯既份量黎睇，只會食晒d雞後，會有淨1/4盒飯，淨低既就只係食飯，從而有點失色。但整體黎講係好食既可以不妨一試