韓一石頭鍋 (已搬遷) 新店位置

一D韓國味都無, 前菜小食都唔係韓式嘅,最基本的kimchi都怪怪味, 叫咗個二人餐唸住加個炒粉絲(有大細分嘅), 問個侍應細大約係幾大, 佢就答例牌囉, 咁我再問例牌則係幾大呀, 佢就答夠架啦, 夠兩個人食架啦..... >.< 真係比佢激死, 我哋係好大食而且當時好肚餓, 平時一大圓碟的炒粉絲我自己都可以食哂, 佢鬼知我夠唔夠食咩. 不過好彩我哋都係叫咗個細(只是一個長方碟, 就好似放sushi嗰種) 因為係難食到食咗兩啖就放棄了, 味道就有D似乾炒牛河, 我知炒粉絲係油但佢D油多到呢就只係食到D油味, 仲可以見到D粉絲係比油浸住囉, 跟餐嗰碟炒雜菜又係同一個味~就係油味>.<......嗰個豆腐煲呢, D豆腐就涷嘅, 上面就加咗一D攪咗李X記麻婆豆腐醬嘅肉上去. 同屋企自己煮冇咩分辨只係欠個熱鍋.石頭飯就仲離譜, 全陪都係飯焦一粒軟嘅飯都食唔到, 就好似食嗰D"童星"麵咁.結果我同我老公都食唔飽, 要去商場一人食底雞蛋仔先飽. (呢檔九龍城商場雞蛋仔真是值得推介, 有時我哋都會特登坐車來食, 比起尖沙咀排長龍個間好食得多)

去附近探親, 一起來了這個親戚推介的韓食店。4人要了一個傳統豆腐鍋餐($138)、一個海鮮石頭鍋飯($80) 和一個韓國清湯水餃($58)。傳統豆腐鍋餐包前菜(約10碟)、石頭鍋飯一個(我們要了韓國石頭鍋飯)、泡菜豬柳豆腐鍋、飲品二杯。前菜- 吃韓國菜我其實最愛吃前菜, 這兒的算是多款式, 不過有些好像不太韓式(菜心?)。韓國石頭鍋飯- 可選牛肉、豬肉或雞肉, 我們選了雞肉, 熱辣辣的配上辣辣地的醬汁就點都唔會難食, 轉眼間就給消滅掉;泡菜豬柳豆腐鍋- 看樣子好像很辣, 其實不然(少少啦); 豆腐就很嫩滑, 好似食鹹豆花咁呀;飲品- 薑蜜茶和柚子茶, 即沖貨色, 收貨啦。散叫的海鮮石頭鍋飯比起正常石頭鍋飯就差了一皮, 可能是海鮮是雪藏貨冇味吧。至於韓國清湯水餃是泡菜豬肉餡, 我沒記錯只幾隻便賣$58, 貴了點啊。不過全店不設加一, 服務也真不錯, 服務生會問我們要不要為我們的石頭飯撈醬汁的, 反應也算快, 難怪我們九時多去吃都滿座啦。

琴日黎左呢度食飯, 之前睇過雜誌介紹,又見過其他人既食評, 都唔錯丫,所以決定黎試0下!!我地研究左好耐, 樣樣招牌菜都想試,最終叫左:1.招牌石頭飯2.韓式豆腐鍋3.炒春雨(牛肉粉絲)4.泡菜煎餅一黎八碟前菜, 主菜未到已經比我地掃晒!!石頭飯到左,waitress姐姐幫我地撈埋...即刻趁熱食..天寒地凍,0的飯熱辣辣,又好味..正呀!!泡菜煎餅, 如果煎得香0的會更好味,而家中間有0的"淋"普通左0的!豆腐鍋,0的湯少少辣熱辣辣好好味,0的豆腐真係超超超滑呀!簡直豆腐花一樣!!炒粉絲...普普通通,略嫌油左少少~食到飽飽想埋單既時候, waitress姐姐先話原來我地叫既野係有套餐,所以有2杯雪糕/drink送~食左2杯芝麻雪糕!雖然凍..不過都要食~好好味!!值得一讚既係每張枱都會放一壺暖壺裝住既熱茶比你自己加茶...唔駛0下0下等waitress姐姐幫你..埋單都係$216, 唔貴喎!

之後黎過幾次都覺得幾好味,,,d飯又香又夠味,,,前菜都唔錯呀!!!係d服務態度衰左d姐,,果到有個阿姐好似係呀head定係經理果d啦...好臭串...黑口黑面....好似想唔想做咁...最好笑係呢次黎食,走時見到見到呢個阿姐同人響到打交wor....真係惡劣!!!當時咁多人....前幾日同朋友再次到呢到食dinner...叫左3個飯,一個雞湯,炒春雨!!!全部都加左價...野食到喇...份量小左好多...都算喇...點知d飯一食落去,完全係走味囉!!!3個飯都唔同味架!!!又鹹又淡咁...冇飯果d香味!!d牛肉得返果幾舊!!!幾條菜...d肉又老又鞋...味道唔match,,,飯焦唔得...炒春雨油到阿媽都唔認得...雞湯明顯食到係雪雞...成陣雪味...真係去漢陽x果d任食雞湯都好過佢,,,最失望係d前菜....唉...d野飲又好似水咁!!!真係呃飯食架!!價又加左...野食又少左,...又難食左...唔知係咪轉左c父..以後black list呢間垃圾!!!!千其唔好去呀...

久聞此店石頭飯一致好評,於是昨夜起程到五光十色,招牌臨立的九龍城進膳.由於據聞此店於晚上七時營業,我約六時半到達後,再逛逛四周頗出名的食店位置.約六時五十打算再看此店情況,發現已有六至八人正在手拿號碼票在門外等候.此時,討厭等位的我,內心突然一沉,但無奈渴望多久的飯店已近在眼前,那種患得患失之感油然而生,影響其步伐不由自主地走近到店外徘徊.從玻璃門外窺看店內的情況,當時店裏坐滿了八成,事實上仍有少量餘額.人生交叉點出現了!入去取票等候還是去另一間呢…?正陷入兩難局面之際，此時身旁的女友以婉轉口敏帶有強硬態度，並以客吐但蘊含命令去幫我作出決定：取票等候。進入後，發現店內人手也不多,我只好站著門前揮動軟弱無力的手,讓仕應能看見畏懼無助的我並呼喚著:~~有沒有兩位呀??我從人海般多的客戶中,看見一位笑容可菊的仕應(據聞是老闆娘)知道我只需要兩位便立即安排位置給我.當時那種擠不出的感覺頓時從心底裏爆發.載著喜悅的心情坐下.從餐牌中的選擇不多，我們經商議後選了套餐A。套餐A($149)六小碟前菜，豆腐鍋，炒野菜，海鮮石頭飯（海鮮要加$10），兩杯飲品。豆腐鍋：是辣的，感覺好像五香肉丁湯底豆腐鍋，

今日一行六人去左九龍城食韓國野, 之後有個朋友比左個選擇我就係韓一石頭鍋。我去既時候係午飯時間呀, 個到已經好多人啦!! 之後睇下個餐\\\牌好多都好吸引呀!! 有一個朋友叫左個茨仔排骨飯, 望落去好似好紅好辣咁... 不過一d都唔辣呀!! 好好味呀~ 另外有兩個朋友就叫左個鐵板飯, 一送到係枱上面就好明顯岩岩煮好出嚟既!! 佢\\\地都大讚呀!!之後我同兩個朋友都係叫左石頭飯...由我地食個一刻到食完的一刻個石頭碗都係好熱呀! 所以食個時3好少心呀!! 其實一個石頭飯都夠兩個人食啦~ 午市有d餐\\\都係$30-$48都唔係太貴呀!! 我地total都係食左$234!! 值得去試下呀!! 個d WAITERESS service都唔錯呀!!

幫襯左韓一都有成年幾, 一路唔寫食評, 怕佢越來越多人...不過都係公平d好, 好食既就要讚：1. 六小碟前菜：唔收錢的,次次不同, 好好玩。我就食過魚旦, 茄子, 泡菜(必有), 芽菜, 酸蘿蔔, 薯仔, 蘑菇, 青菜, 豆腐...唔記得lu...2. 石頭飯：好味, 熱辣辣, 料足又新鮮, 雖然個醬唔係太夠辣(最好一路食時得閒攪下個飯,唔係好易變飯焦)3. 泡菜豆腐鍋：個味超正, 少少酸少少辣, 豆腐好似豆花咁, 勁滑, d 豬肉唔o鞋, 好入味。4. 豬肉辛辣麵(蕃茄底)：估唔到個湯底又幾好味, 豬肉同豆腐鍋o個d 一樣, 正！5. 煎海鮮薄餅：呢個麻麻, 個味有d寡, 得好少料6. 煎餃子：ok~ 好脆, 唔算太油7. 炒春雨：即係炒粉絲, 我覺得好油, 但媽媽&妹妹都話好味...8. 凍奶茶：估唔到幾好飲, 有d似日本o個隻royal milk tea。不過佢d咩柚子茶/紅棗菜就麻麻, 得個甜字。9. 招呼好：老闆娘幾省鏡, 笑容又夠, 除左第一次幫襯時, 因為收銀機問題, 收錢收左10分鐘之外, 以後次次上菜埋單都好快, 每又有私家水壺, 唔使係咁叫人加水, 幾好！仲有,

今晚放工去這間人人稱讚的石頭鍋到食飯~六點正到達,都係六點後既一個枱客人~亦都好彩六點到,因為半個鐘後已經要等位了!!!!!!!食物當然係好食啦,估唔到既係份量非常足夠~之前聽人講泡菜唔係幾辣,但今次食既泡菜都幾夠辣啊!!茨仔排骨好味~只是排骨少了少許!剛剛好的份量~這次點了牛肉石頭鍋飯吃,我另外兩個朋友都話好好食~環境都很好~可以再次去的一間好食店~

we went to this restaurant to tase 石頭鍋,cox our seats is near by the kitchen , so I can listen waitress's conversation cleanly. 戴眼鏡扎馬尾個阿姐打番碗蠂,竟將責任係人地身上,爆左句『都話左你地加啦,五好冧到D碗蠂咁高呀嘛』之後另一個後生嘅待應同佢執起地上嘅碎片.個阿姐全程黑面,收我地D蝶時禮貌欠奉.搞到大家無引,散band.

一日.我和大班fd去韓一食嘢,由於我坐係最近廚房個張台所以可以聽到待應的對話,有一個戴眼鏡扎馬尾嘅阿姐五小心打翻左D蠂落地,搞到ping ling pang lang,下得我即刻睇下後面發生咩事,之後個阿姐就即刻開聲發砲:「都一早同你地講左加啦,五好冧到D蠂咁高呀嘛.」另一個好後生嘅待應收到咁無理取鬧嘅指控不但幫佢執起地上的碎片,而且仲安慰佢添.之後個阿姐全程黑口黑面,無D笑容,好似全村人得罪左佢咁.上菜時粗粗老老,收蠂時又五問一下要五要,禮貌欠奉.相反,另一個後生待應就好好多,上菜時小心,仲叫我地小心石頭鍋熱,另外一個阿姐都五錯,只有上述個位阿姐差D啫………………總括而言,食物五錯

星期六的雨下個不停，天氣變得清涼多了。和男友往九龍城，這次不是食泰菜，而是韓國菜。其實食過章魚丸後，都不算太餓，但又想試多一點菜式，於是都點了一個二人餐。前菜六小碟︰分別有泡菜、豆腐、著蓉等等。要數最好食的我覺得是著蓉，因為伴了我最愛的沙拉醬。而泡菜一向是我的至愛，但竟然不酸不辣，真失望。牛肉石頭飯︰選了燒汁，而侍應也幫我們把醬汁拌勻。可能是石窩的熱力太厲害了，不少飯都變焦了，但味道是很好的，而且不太油，份量又十分足。辣豆花窩︰怕辣要求少辣，真的很不錯!滑溜溜的豆花，幾乎可以不用咬就直到喉嚨了!再加上有點點辣醬的味道，一讚!炒春雨︰這個我倆都只是試了一點，因為真的太飽了，而且春雨炒舷很油膩。不過口感煙韌的，都不錯。所以最後就拿回家囉!餐飲二杯，茶餐廳質素。環境整潔，服務不錯，老闆娘笑容燦爛。又把保暖壺放在每張桌上，讓客人隨時添茶，感覺十分好。十分喜歡這種小店，食物味道好，服務又貼心，食時也格外愉快。

晚上兩女子到此晚飯，九時多都有八成滿座。點了個二人餐，有六小碟前菜，辣豆花鍋，海鮮石頭飯，炒春雨，再包兩杯飲品(特色飲品要加四至八元)。份量頗多，我們盡全力都只完成七成，食物一般，但又不是非常正宗那種，至少泡菜及辣豆花鍋不夠辣已令人失望，點了的紅棗茶味道又有點怪，而炒春雨又很油。不過，那個石頭飯真的不錯，果然是店中主打。侍應姐姐手勢好，將蛋及醬汁弄得均勻，加上飯焦，實在好味。服務都很好，有禮貌，而且不用加一。另一讚是洗手間很乾淨。下次都是吃石頭飯就夠了。

首先D service應該幾好~~~D員工好好人~好nice~佢可以幫你撈D石頭飯，唔洗自己撈到飛哂出黎~~D石頭飯好好味，特別係D飯焦~同埋食左好耐D飯都仲係熱o既~~個鐵板豆腐都ok ga，不過我覺得炒粉絲好食D~坐得幾舒服~唔錯~~~~值得一試~

星期六果日去左食~6點入到去得我地一臺~haha~包場甘同frd叫左一個雞石頭飯好好食~~server會幫你撈埋~~我就加左韓國果隻辣醬~~禍飯真係好夠熱~我好鐘意食D飯焦~~正自己響韓國食果D都係差唔多咋wor~~&唔夠喉叫多個鐵版Tofu不過得4舊~~~D汁好好味~係甜辣味~好味~~多D就好啦~~Tofu都唔係好貴者~應該比多D~~hahaservice唔錯~~~server好nice~PS:我鐘意拒個washroom夠clean~~有果D廁所版紙鋪添呀~~

食過兩次，石頭飯正宗，配菜新鮮，價錢合理。服務一般，但很快手。環境衛生。