韓一石頭鍋 (已搬遷) 新店位置

串燒食完 , 算係無咁肚餓 , 於是返埋巴士站等車 打算入沙田先再正式食 lunch 啦 .... 一路等 ... 一路滴汗等下十分鐘 , 再等又十分鐘 , 無蓋巴士站等四五個字簡直係酷刑 !! 想買野飲 , 但無理由咁傻o家 ... ?一陣都食野喇 , 又而家去買野飲 , 咁食野時又飲 ?!把鬼火 , 索性行返去上一個站 (有蓋的 ... ) ,附近有餐廳 , 是但o係度食飽先返去喇 !! 咁就可以有野飲啦 好隨意咁走入左呢間韓國餐廳 , 因為唔使等位 ^v^午餐 menu 價錢都幾化算喎 , 因為打左底 , 唔食飯喇 , 叫左個蕃茄辛辣面 , $ 40 跟可樂 佢叫做蕃茄辛辣面 , 我 expect 佢係一個辣辣地o既蕃茄湯底 ,估唔到 .... 上枱o既大大碗面 , 係一個即食韓國辛辣面 ,o個一刻我有 d 想笑出黎 , 我無嬲o家 , 因為人地真係寫住辛辣面haha ... 感覺好似o係茶記叫餐蛋面 , 咁面底正常就係公仔面咁o係韓國餐廳叫蕃茄辛辣面 , 未就係蕃茄加韓國版公仔面囉 xd佢個面有得揀一個送 , 肥牛 / 豬柳 / 雞柳 / 海鮮 ... 同價錢咁睇 , 緊係叫

上次聽朋友話lee間韓國野幾好食... 所以今次朋友請食飯就揀左lee到...成餐飯都係d前菜最好食...其餘都麻麻地...我地4個人叫左3個石頭飯..2個牛..一個雞..好大碗...好似係五十幾蚊一個set包一杯野飲...另外叫左鐵板豆腐.味道普通..年糕..spicy..人參雞就唔駛講唔得..怪怪地....應該唔會好下次...!!

睇完咁多笑既食評, 就去試試, 六點幾去到, 不過都要等左兩三個字先有位..睇餐牌, 大多數係套餐, 再睇睇散叫, 其實差唔多, 起碼套有埋野飲同甜品, 咁就叫左其中一個二人餐, 先上六小碟前菜, 都幾好味, 不過碟kimchee就真係好似少左d.. 之後粉絲湯都幾好味, 到鍋飯, 服務既姐姐好有心機同我地加蛋同加汁撈飯, 最後上埋個kimchee薄餅, 雖然款式唔多, 不過都夠飽, 甜品係芝麻雪糕, 賣單都係230, 仲要係免加一.. 所以絕對抵食..

最近不停睇韓劇~~ 完全係中左毒的, 韓國明星, 文化, 語言, 音樂, 食品.....樣樣都有興趣!當晚放工就決定去LEE 間韓一石頭鍋...今次唔係第一次去, 所以心中已經選定想食什麼首先來左六少碟的頭盤>> 不過唔知佢地叫咩名, 下次再去時一定要影低! 主食: 傳統豆腐湯 (連一碗白飯) >> 竟然比想像中的好食! 辣度岩晒我, 而且係泡菜湯底!! 豆腐好滑, 豬肉份量OK, 所以食完都幾滿意! 傳統牛肉湯麵 >> 個湯底都可以, 老公話好食...(因為本人的豆腐湯實在很好味, 所以沒有試食LEE個) 炒春雨?? 牛肉炒粉絲 >> 下次去到一定要叫, LEE個係多油的, 因為唔用多油係炒唔出水準, 韓國粉絲的特質!

lee 間鋪仔細細, 係有一次同老公 o係 九龍城無意中見到試過一次之後, 覺得幾好食.自從南山谷唔見左之後, 我地主力都係去 lee 間.最中意佢有幾款前菜... 好似而家好多韓菜都無乜前菜.佢地的石鍋飯都唔錯.有一樣好得意. 佢地得凍奶茶無熱奶茶.... 飲完一杯凍奶茶後發現, 可能佢地係沖台式奶茶, 唔係港式熱奶茶. anyway, 都幾好飲 o既, 又大杯.佢地個 toliet 都幾乾淨.

一去到無位? 已BOOK位, BUT無位..好彩等左5分鍾, 唔係未食便一肚火了..一入去都幾迫下, 想轉身都難, 但總不至於是坐圓椅果種大排檔FEEL我們一行六人, 叫了三個二人餐和一個麵SET,起初怕食不晒, 好左我地不是個個都是細食的.前菜一般啦,其他樣樣野都好好味.石頭飯有飯焦, 熱炙灸的, 但是D肉好似少了D蔥油餅真是估去唔到, 咁好食,水餃內的餡了有泡菜, 所以好特別, 幾好味,湯粉絲有嚼感, 是清湯, 卻不失那蘿蔔湯味道鮮甜蔥油餅+傳統牛肉石頭飯水餃+傳統雞肉石頭飯湯粉絲+傳統豬肉石頭飯泡菜湯SEAFOOD NOODLE, D麵好似煨麵咁, OK得WOR, SEAFOOD也不少了

一切 ok。石頭鍋本來就係冬天最愛食品之一，呢間鋪的食物算質素相當唔錯。食完飯同老婆吹水，無意中舉頭一望，嘩，正正頭頂最邊邊一呎個天花位爛到一塊塊，估計係比冷氣吹正潮濕而脫落。點都好，諗下都唔知有冇幫我食的野加料，心都寒埋，立即埋單走人。見到出面同一個位已經加裝鋁板，不過唔知裡面點解冇整埋。如果唔係果個位，間野裝修其實算中上。大家去時記得唔好坐裡面靠右。

黎到九龍城，又唔想食泰國菜！食辣野熱氣！於是行下行下,黎左呢度！一落完單，就送上８碟小菜，有泡菜，薯仔，茄子,黑豆，西洋菜等等！叫左個３人套餐，包括有豬肉石頭鍋飯，辣豆腐湯，海鮮煎餅，清湯，辣薯仔排骨窩等！仲另叫一個炒年糕！明明唔想食辣，但上到檯發現基本上樣樣都辣！！不過Ｄ野食都算好味，店員亦都好好！佢地會問我們洗唔洗幫我地撈埋個石頭窩飯！值得提既係個石頭窩飯有少少焦，但無燶味！個辣豆腐湯夠竦，豆腐又滑！！但個海鮮煎餅味道怪怪，而且都幾油膩！

三人行過九龍城...見到出面個門面幾靚就走入去起初以為係正宗韓國料理..叫左個泡菜煎餅....石頭鍋飯....炒春雨...同一杯叫五味子既飲品杯野飲一落台就知唔係好對路....一d味都無...好似杯清水咁...個石頭鍋飯熱就熱...不過又係無味既...街邊既煲仔飯仲好過佢...個泡菜煎餅係用油浸既...味道算係咁多樣野之中最正常...最最最最離譜既係個碟炒春雨...好似茶餐廳d 三絲炒米粉咁...一d都唔熱...又多油...又淡...個侍應好似唔多願做野咁...塊面仲黑過石頭鍋飯個d飯焦...埋單仲要2百幾...有點兒貼錢買難受...

選址老地方九龍城。以前跟 E 花提過石頭鍋飯，還嚷著要找天試試，最後一拖又年半。選了 韓一石頭鍋，以前跟媽都光顧了好幾次，水準都跟價錢成正比，印象不錯。奉上每人兩碟泡菜，最愛左手邊那碟香菇，加了酒去醃很香，當然我也是個「愛菇怪」而加分。茄子亦不錯，味道清清的。其他兩味屬不過不失。選了個 麻辣豆花湯 跟 石頭鍋飯 的套餐，飯的配料可選海鮮、牛、豬，吃過全部，還是海鮮最抵。話明麻辣豆花湯，當然要辣才過癮，但原來 E 花吃不得辣，只好點走辣啦。我倆一直說過不停 (兩個女的也可成墟 哈)，快眼看 menu 以為 (？) 套餐有兩個飯，原來只得一個，其實算起來單叫兩個飯沒那麼笨。豆花湯屬一般貨色，只是麻婆豆腐的湯版，我無辣不歡，當然走辣又扣了一點分。海鮮石頭鍋飯雖是雪藏貨，但亦算新鮮，倒隻生蛋在上面加碟看似辣而不辣的醬，趁鍋還熱的拌起來弄起飯焦，脆卜卜的很好吃！整個套餐盛惠 $78。下次還是只叫飯吃，其他大部份菜色都有搵笨之嫌，尤其是上次的那個煎餅，細得「好交關」囉。 一見面我們又談上至少數小時，邊吃飯邊說著 E 花跟她的澳洲男友，文化差異令兩人非常煩惱。其實重點不在此，這家餐廳 3:30 落場

為了一個目的,週六下午特意跑到遍地美食的九龍城遊樂,在福佬村道前半段來回走了一圈,發現這裡客人不多,那就來個韓式午飯吧,本來想吃韓式辣冷麵, 只是今天想吃飯多一點,還是點個傳統石頭鍋飯。先來前菜2碟, 雞蛋和醬料各一加熱茶一壺。今次的前菜為煮翠玉瓜和醬油豆腐, 並沒有傳統韓國辣泡菜,真的有點兒失望。翠玉瓜煮得軟身.也許只以鹽水煮熟但又入味, 比平時外皮總是硬硬的好吃得多; 三片微溫的豆腐偏硬實,應以硬豆腐切片而成,沒有幼滑如絲的嫩豆腐感覺,拌著不太咸的醬油來吃,有點兒像吃蒸豆腐般。熱茶味道普通, 一大壺任君享用也不用加錢另點飲料了。色彩繽紛的石頭飯熱得拍拍聲的上桌, 女侍應也貼心提醒要小心! 立刻加入雞蛋拍張照片,繼而加入不辣醬將其拌勻,平時的石頭飯通常由侍應代為拌勻,這裡卻由客人自己動手,又多了一點樂趣。豬肉有點像豬頸肉般帶點筋, 肉質軟滑中有點嚼頭,而且被石鍋燒焦一點點更像烤肉也更為香口; 豬肉條份量其實不少,不過蔬菜比肉更多,非常合我現在狀況。蔬菜用上大豆芽、雲耳、甘筍、不知名蔬菜和冬菇片,蠻豐富呀!除了冬菇片質感是軟滑之外, 其餘的蔬菜也是較爽脆的,伴在軟軟飯粒裡,感覺也沒那麼

本想同朋友出九龍城食泰國菜，但睇咗餐單後又發覺唔多啱食！行過幾個街口就發現有間韓國餐館， 心諗可以喺九龍城（生存）差極都有限，結果當然係轉軚試試！我哋３人叫一個２人套餐再加個豆腐鍋落單後侍應放下８小碟韓式前菜，包括有泡菜，酸辣青瓜，茄子，豆腐醃菜等等．．．１（牛肉石頭鍋飯）熱辣辣上枱侍應幫手撈汁，但汁料略加點會更好，可能就因而令飯變硬又乾２（韓式水餃）個湯好好飲，但主角係食水餃，豬肉同泡菜一起令豬肉味全失只食到泡菜酸辣味，有點怪３（蔥油餅）新鮮煎起同佢特製甜辣醬料同食，很配合好快咁食咗兩塊４（韓式豬肉辣豆腐鍋）滑滑豆腐原來跟泡菜酸辣湯好夾，雖然有點酸辣但因而覺得份外開胃石頭鍋飯可揀豬牛雞，豆腐鍋又可揀大中小辣　

今天預早慶祝父親節, 叫了一個2人套餐 + 人参雞湯套餐, 3 個人食實在太多了, 石頭飯除左飯蕉做得幾好之外, 冇乜特別, 肉味好淡.. 但價錢我覺得幾貴, , 反而人参雞湯 (半隻) $68, 味道不錯... 薄餅/餃子都okay!!一般來講, 價錢算貴, 要成$80-90一個飯, 蕃茄辛辣麵 ($68), 仲有選擇好少, 冇烤肉, 主要食石頭飯, 湯麵, 餃子...前菜冇乜韓國特色除左有kim-chi....如果下次想食韓國菜, 唔會揀呢一間....

寫了新梨花苑，是時候要補交一篇食評，比較一下。那時還是剛從歐洲回港後不久 - 某天，和同事去了九龍城韓一午膳。五個人，要了兩個二人餐 - 一個是石頭鍋飯配清湯水餃、一個是石頭鍋飯配辣醬豆腐鍋。石頭鍋飯選了牛肉和海鮮；此店牛肉做得較為出色；牛肉醃得夠香兼味濃 (雖是醃味比本身的牛鮮味強，而且未有很嫩淜)，與醬汁配料等同撈，風頭沒被蓋過，各項才料配合得宜；吃到最後還有香脆的飯焦，以此價位，可以收貨。海鮮石頭飯則偏弱，魷魚不是新鮮貨，味淡，根本吃不出甚麼味道，對增添這鍋飯的食味毫無幫助，建議千萬不要點這個；吃有海鮮的石頭飯，還是去較高檔次的韓式料理，較為穩當。因為今次有同行者不能吃辣，沒有把整碟辣醬撈在飯裏，致使太公能把那碟辣醬獨吞 - 五分一的份量的飯下了大半碟辣醬，才感覺一點點的辣味，比以往吃的感覺良好；希望店家能考慮將辣醬以放在調味料架上，讓客人隨口味添加。辣豆腐鍋倒真的有所改進，印象中上次光顧也吃不出甚麼辣味，這次終於感覺到了；小辣的肉醬，配上滑溜豆腐，更覺惹味 - 反正，這豆腐本身，豆味不彰，還是善用其「滑溜」的優點好了。韓式水餃 - 嗯。餡料豐腴味鮮，湯也清甜；可惜，水餃皮實在太

同一班同事吃午飯, 今次試一試間新野先...本人不太喜歡吃韓國菜, 特別是那些有很多前菜的食品. 不是太酸, 就是太咸, 太spicy.所以, 午餐送的前菜, 真係.... 放棄了..好, 講返主菜, >> 咖喱豬扒石頭鍋飯- 超出我所期望的, 豬扒真係好好味, 吾係炸過... 沒有太多油的感覺.- 咖喱入味, 正.... - 不過, 上面的泡菜, 我俾晒同事食了... 哈哈>> 凍啡- 一般一般啦....