韓味屋

營業中

休息中

之前有朋友說這家的韓國菜不錯，一直很想去試試看！這天剛好有空，便帶男人一同來，因我們也是很喜歡吃韓國菜的。店鋪不大，坐到10－15人左右，剛好有兩個位置在中間。雖然有點逼，但還可以接受！看了menu便開始order了！先來一人一碗湯及三道小菜！小菜可以增添一次！第一次跟第二次是不同的～很這個是基本的味道！所以很快便清光光了全州石頭鍋拌飯 ＄80味道比較普通，多菜，但容易燶底，基本上不會吃到飯焦～所以有點失望韓式炸雞 ＄160 （menu 是沒有的）很久沒有吃過炸雞，看到有便立即order！但話個是比石鍋飯更失望！好像給了我們一些雞頭雞尾，不是一般的炸雞！所以我們不會再次光顧了

lunch 忙碌已經明白, 都見到有客人等候, 都俾其他客人快速食完我地枱上既野。只係衰在自己忙碌在口中的碎屑而冇回應特應小姐的提問，換來俾個男待應叫我<<<唔好再黎幫親>>>咩野事呀...我又唔係冇俾錢食野,又唔係食完打死都唔走,唔俾位你..你冇野呀...如果唔怕又俾人話咪再去啦...野食雖好, 但有果個阿叔係到都幾難再幫親,又唔係第一次去依...但今次太Bad feeling la...大家去食有心理準備。

都耳聞過呢間嘢係坐唔耐，已經做定心理準備我哋有三個人，佢講明要一個都不能少先可以入席，呢點我明白，不過唔明嘅係坐低之後，後面嗰枱十一個人，佢哋都唔係齊人但就可以慢慢喺入面坐住等人，呢種差別待遇令人有啲困惑呢個都係小事，我哋叫咗三味餸，一路食一路傾，食到一半店員居然走埋嚟話幫我哋包起啲嘢，我哋話未食完，佢就話咁你哋唔好掛住傾要食嘢先得印象當中上次俾人咁訓示係細個俾阿媽𡁻，原來出去食飯都可以咁有家嘅感覺本人十分明白香港土地有限，間舖地方淺窄，所以係可以體諒，但如果要體諒埋店員事後仲要黑面嘅話，實在幾難我建議貴舖如果真係咁著重客人起筷嘅速度，倒不如設定入座用餐時間，上菜後起計半粒鐘，時間一過計時器一響即時要埋單打包走人聽落可能覺得我講笑，但我係認真，因為呢間嘢食物質素好得，但咁樣嘅服務態度，我唔會想再嚟或者都可以換個角度咁睇，咁嘅服務態度令人想外賣拎走都唔要坐低食，變相減輕樓面同舖頭空間嘅壓力，不失為一大妙計可惜嘅係呢間對我嚟講太遠，要我專登搭車過嚟外賣拎走，不了講咗咁多，總結係，高水準食物，「家一般」嘅服務態度，奉勸各位想坐低食嘅施主，外賣拎走坐喺隔離斜坡上面食都冇咁嬲

每逢假日，我都會去韓味屋企食lunch。一直都好喜歡食佢地既配菜：泡菜、青瓜、白蘿蔔、菠菜、薯仔、黑豆、豆卜、魚仔、魚片........而且食完仲可以再添架。（按人頭添加，1-2人添加1次，3-4人添加2次，如此類推。）今次我點左牛肋骨肉蓋飯定飯，跟手店員就會端上紅棗茶🍵，海帶湯同白飯。牛肉夠淋，配埋啲洋蔥同雞肶菇一齊食，已經覺得好滿足，喊淡適中，送飯一流👍。值得一提：因為午市人流比較多，平均每個人食飯既時間比較短，店員一見到你食完野，就會快手快腳過黎收野兼叫你埋單，所以如果你係要眾餐，談天說地，就要多加考慮啦！

韓味屋食左5次啦～今次d服務態度真係好差，lunch去到已經好多人排隊等位，之後我同同事足足等左30分鐘有多，先有位坐，話要齊人先入得，其實我地早就齊人，明明我地等緊3人位，之後有兩個位，叫左同事先入去坐，咁我就係出面等啦～以為一陣有位，點知原來係叫我地分開坐，座位安排已經好有問題啦～一伙人食竟然要拆開我地😡因為要等埋我原因，兩位同事入去座住先，所以未叫野食又俾人趕返出黎，結果人齊都冇用，後面d人黎左一陣都有位，反而我地一早黎就冇位lo~勁唔公平！都算，上野食時，姐姐態度又差，俾飯我地時係用飛手勢lo~又黑面wo

兩年前食過一次牛勒骨湯粉絲和海鮮薄餅之後念念不忘，但可惜店面太小，常爆滿，又無得book位，因此今年搬回來北角就第一時間再來食。它的海鮮薄餅仍然好好味，牛勒骨湯好鮮甜，中午時段來叫兩個套餐加一個海鮮薄餅，兩個人根本食唔曬。前菜小食都好正，尤其是薯仔和海帶，前菜和白飯都可以添食一次。

今日約媽咪食午餐！好耐都無食過啦！一直以來都覺呢間野食好好味！老闆仲強調無味精的！雖然店鋪細細！係迫的！但野食絕對唔錯！佢地既南瓜炆牛助骨，同炸雞係我最愛！再加上佢既小菜：泡菜，南瓜，薯仔！好多都好好味！今日特登黎食午餐！叫左兩個牛肉定食！因為媽咪唔知食咩好！唯有最後我幫佢決定！無諗過個樣同煮法係一樣！有小小呆左！但都好好味既！仲叫左個海鮮煎餅！之前食過一次！都係一樣多料好味！點埋醬汁唔錯！更好食！熱辣辣！

屋企附近韓國餐廳選擇唔多, 其中一間味道唔錯既係呢間韓味屋店面好細, 坐落去頗迫, 時常滿坐, 見到對面4人枱本身一對父母BB坐低左, 因為另外有2位人客入黎, 最後媽媽要抱住BB食.坐低叫完餸, 黎左3款前菜: 芽菜, 泡菜, 豆腐. 豆腐用左特別醃製方法, 好好味, 值得一試一個牛肉炒粉絲, 粉絲質地好滑.  牛肋骨湯, 湯味香濃鮮甜.  另外一個烤雞肉, 上碟時雞上有湯的, 唔夠香, 似燜多過烤.值得一提既係紅棗茶, 飲落去好重紅棗味, 正至於服務認真一般, 店員無笑容唔緊要, 落單好似唔想應你咁. 烤雞肉碟上除左雞肉外, 仲有椰菜, 菇等等. 我習慣食完肉先食菜, 我地食緊d菜時, 店員見已經食哂d肉, 問都唔問就收走左. 牛肉炒粉絲剛食完唔夠一分鐘, 店員已經拎張單叫我地埋單, 感覺好想你快d食完快d走咁, 由落單到走只不過係大約45分鐘內. 論價錢呢度唔算平, 自問唔係d食完賴死唔走既人. 食飽飲杯水坐幾分鐘都唔算過份掛?唔計服務, 食物味道係唔錯的

是次已經是第三次光顧，都是因為她的牛肋骨鍋和前菜實在出色，還有紅棗茶尤其窩心。下單前和朋友討論了一陣子，店員顯得有點不耐煩，分了兩次下單，不要說笑容，說話都不想多講半句，也要問才上前菜。是次晚餐的其中一道菜是烤五花肉，本來打算要一碟生菜來包肉一起吃，竟然要五十元！(店員指是菜加上醬)，那好吧，那就作罷。怎知店員回去竟然跟其他店員竊竊私語到我都聽到是在談論我，當然面口不是好的。很差的服務，希望老闆看到可以作出改善。

嗰日同Mr C行開黎呢邊。見鋪頭剛剛開門，冇排隊（平時排隊排勁長龍！），咁難得，緊係入去食啦！之前食過，知道前菜可以免費添一次，既係話我哋可以試六款，正！首先係spinach, kimchi同薯仔。好味！九秒九食完，叫Mr C出去睇下可以另外添啲乜，哈哈！今次要咗芽菜，青瓜，魚仔。芽菜唔係好夠味；青瓜就冇乜，菜葉多啲，但嗰汁好味；魚仔就正常。另外有兩碗海帶湯-海帶份量少咗啲。Anyways，我哋點咗兩個湯飯。我叫牛肉粉絲湯飯（$60），Mr C就點咗個辣海鮮豆腐湯飯（$60）。我個湯飯先上台。仲係熱辣辣，滾湯架！份量都幾足。牛肉既質感就差啲。有幾舊好多根，好難咬。但粉絲好多，湯嗰味道好正。我放咗嗰飯入碗湯裡面，好好味！Mr C嗰湯飯都係熱辣辣咁，我試過味道，都OK！豆腐夠滑，海鮮有蝦，clams，等等。份量好似都OK！唯一覺得呢個地方實在太細。入去坐低肥啲都有難度。不過我都明。如果唔係，點做得住。我建議真係要早啲去，如果唔係真係要等好耐！

放假去北角搵兩個好友食午餐，介紹佢哋食呢間，不過午餐好多人，為咗方便快啲入座，我早20分鐘去等位，門口已經人山人海（好誇張）入面只得4張枱，轉枱好快，店員要人齊入座，而且要入座前先落單！人齊終於到我哋，地方好迫，油煙都幾勁！食物好快上跟餐海帶湯：夠熱偏淡，海帶滑，開胃好味！免費紅棗茶：紅棗味唔濃，茶夠熱幾香！石頭飯（$60）熱辣辣，加多啲辣醬先好味，原味偏淡，配料好多，生牛肉碎靠可鍋煮熟，生雞蛋、紫菜絲、生菜、蘿蔔絲、菠菜，好色彩繽紛，好豐富，撈埋啲鬆軟白飯，靠底嘅飯焦卜卜脆！好味牛肋骨湯定食（$60）朋友食，食咗佢一件牛肉，牛味濃幾滑泡菜：辣大白菜：唔太辣，白菜鮮嫩有汁！好味大豆芽：平時唔喜歡大豆芽粒豆嘅臭草青味，呢度芽菜有汁，味道唔太臭！麻香唔辣，好味！菠菜：淋身菠菜唔會好臭，麻油香！唔會過鹹！薯仔：炆得入味稔身！醬汁唔辣，鹹香好味！青瓜：青瓜唔辣，韓式辣醬入味！爽口好味銀魚仔：自己對銀魚仔一般，好有咬口！豆卜：索晒啲醬料，好滑好濃味！好味但偏鹹！只可以食一塊每款泡菜都好味，食完叫店員加，店員仲會比我哋揀泡菜款式，第二次添時，店員講明3人可以添一次（不過之前我哋唔知已經加咗一次）按

味道係唔錯。。。但不停收嘢仲出囗叫你食快d，因朋友lunch time關係未能預先點菜，上菜遲自然比人走得遲。服務態度一般差。要嘗試嘅朋友要有心理準備先好入去試呀。

外賣自取(泡菜煎餅 + 石頭窩飯)企喺門口足足半個鐘有多!!!眼見其他遲過我叫外賣既人一早已經取走, 最過份係遲過我嚟既堂食客人喺門口由無位等到有位入去再落完單都已經開始食緊....我order仲遲遲未有!!!!!我問過2次都話未有!! 終於忍唔住嘈咗幾句, 話"如果仲未有既話我唔要喇, 退錢!"最後等多2分鐘終於有, 全程一句唔好意思都無!! 由19:15等到19:48.... 最後19:52先等到外賣到走.....blacklist!!

位於北角丹拿道的韓味屋，雖然地方細細，全店只有十多個座位，但食品味道有驚喜。中午來到，已有人在排隊等候，要有心理準備等15分鐘以上。叫了炒五花腩set, 先上來的是泡菜，有好多款，有薯仔、豆卜、油麥菜、大白菜等等，款式多而且味道很好，似是自己醃製的，很快已被我吃完，可以添食一次，很好的服務及泡菜。主菜炒五花腩，很熱很有鑊氣，但稍微偏濕左少少，而味道則可以，咸道適中，送飯一流。午飯價錢在55至70元之間，還可以吧。下次可以試下石鍋飯及泡菜湯類，因為賣相都很吸引，和熱呼呼的。不過，最吸引的還是泡菜。真是一間值得幫襯的小店。

嗰日大概下晝兩點鐘左右，諗住應該鋪頭唔會好多人點知我一個人去食都仲要等位不過等咗大概5分鐘左右就有位啦入到去叫咗個泡菜湯飯餐佢會比三款小菜你食不過因為我第一次去所以我唔知究竟可唔可以自己揀小菜我分配到嘅有云耳豆卜同埋大豆芽三樣都好食我見人哋可以 再添之後我再order要泡菜同銀魚仔兩樣都好食泡菜湯一上枱非常滾好吸引佢超多料，除咗有好多泡菜之外佢都真係比幾舊五花腩，仲有啲瓜菜同埋年糕，食完成兜再食埋啲小食都已經好飽佢杯茶都幾特別係紅棗茶都係＄60下次可以再試吓其他小菜值得encore