韓國餐室 (恆景商場) (已搬遷) 新店位置

在葵芳突然想吃韓國菜，朋友介紹去這家選了下午茶$49 有韓式粉絲、韓國年糕、韓國煎餃韓式粉絲：味道夠味， 朋友就覺得粉絲偏硬韓國年糕：就蠻像韓國街邊吃的年糕，偏辣，但我蠻喜歡韓國煎餃：我就最喜歡，很香口，脆脆的就比較可惜是份量比較小$41 泡菜煎餃烏冬主打是手打烏冬，可選清湯或豬骨湯我選了豬骨湯底，清清的，這家有韓式辣醬 ,配烏冬是不錯。 泡菜煎餃有小小辣，香口、脆但不油膩，泡菜煎餃裏面有粉絲，蠻好吃😄3 顆就不太夠

葵芳韓國餐廳唔多Korean Canteen 算係區內比較出名嘅韓國快餐今日天陰陰，11：30就去左食個早Lunch可能係太早嘅關係，餐廳入面只係得2-3個人，靜靜地幾好坐因為第一次食，員工都有介紹落單程序（自己去cashier 比錢，之後送餐）叫左個純豆腐海拉面，加左個炒年糕大約5分鐘就上菜，算快但拉面同泡菜都無乜配菜感覺似將少少泡菜加面加辣醬煮埋一咁味道一般般，但唔伏好想食韓國菜嘅時間，都可以再解口癮嘅

今天因為不想外出食飯，又發現原來呢間餐廳有在外送平台上架，所以就叫個外賣來吃。呢個套餐要$89，就是一份炸醬麵，前菜和蜆肉海帶湯。我是第一次食炸醬麵，不知道這是否正宗，但吃落的時候沒有一種濃郁惹味的感覺，可能是這種食物不太對我口味吧。前菜是不錯吃的，菠菜和芽菜都有很香的麻油味，頗開胃的。下次可能可試試其他食物。

其實之前都堂食幫襯過幾次，都覺得佢d炸雞唔錯，一排冇幫襯，今日喺屋企突然心血來潮想食下佢d炸雞，但又懶落街買，就用左Ubxx eat,我都知係會比堂食貴，但鬼叫自己懶，叫左份原味炸雞（ubxx價$136，堂食$108）同一份招牌甜酸雞,外賣送到黎打開，嘩，一份要過百蚊嘅炸雞得果六舊，明明記得之前食都冇咁少，同埋d雞好厚粉，肉質就ok, 質素下降得太離譜，甜酸雞一般，以後都唔會再幫襯，我寧願用108蚊去m記kfc買雞翼食仲好, 攪到我仲俾屋企人話，話咁嘅餐廳都叫，叮燒賣食好過

晏晝唔知食乜嘢，諗諗吓好耐冇食過韓國菜，於是叫打電話去問吓送唔送外賣，點知要兩個餐先送，便問吓朋友有冇人可以一齊叫外賣啦。我哋叫咗一個牛肉便當，另外仲叫咗一個雜錦拌飯要泡菜，另外加兩蚊由粒粒提子汁就加埋要左兩罐。好快速好似不用10分鐘就已經來到，仲以為不用煮的，但是是熱辣辣。我自己食個韓國拌飯，有點兒普通落咗辣都唔覺

韓國菜的精髓係以最普通的材料烹調出最出色的味道，雖然沒有什麼名貴食材，然而其健康風格深得港人喜愛，以韓國菜掛帥的菜館亦開到成行成巿，當中有很多都浸透了本土化原素，在我而言沒有正不正宗，只有好不好食。鐵板牛仔骨出曬煙的鐵板牛仔骨，仲有甜甜地的洋蔥，成為最佳配搭。泡菜煎餅呢味泡菜煎餅就較為遜色，原來以為泡菜煎餅辣辣地會幾開胃，但成塊煎餅都係同一個味：「冇乜味」，結果要點韓式辣醬先竹食得曬。韓式煎餃子餃子煎到外皮好硬，入面餡料又唔唔咪好豐富，結果又要乾啃。韓式炒粉絲呢味炒粉絲算係唔錯，粉絲夠煙韌，加埋個韓式辣醬就好好味！

難食，炸雞翼係港式炸雞翼仲要炸粉好厚泡菜煎餅紙咁薄又冇味，中間夾得幾塊泡菜。仲有個芝士蛋醬飯，原來飯側邊個d都係蛋，芝士得小小係面 完全食唔出，遲撈左小小 d蛋個底係燶晒 然後個炒飯得個樣 紅色，但係冇味

難得男朋友有半日假,我地就梗係用盡佢, 一齊砌下lego, 打下switch但又唔想行落街食飯，所以我地試下用food panda 個app黎叫外賣,我地個location 選擇唔係好多，所以選左依間韓國野叫左2個套餐，雜菜炒粉絲($58)同辣炒豬肉飯($62)，都可配飲品，難得有人皇恩浩蕩俾我食辣野，要好好珍惜依個機會個人比較欣賞辣炒豬肉飯，個汁甜度控制得宜，不會太辣，送飯一流!另外我們還叫了甜酸雞，味道偏甜，吃得多會覺得膩不過吃東西除了味道之外，對象都很重要，所以今餐都很滿意，食完再繼續享受我們的2人假期!

今日嚟到葵涌一邊一日又出名多嘢食嘅玩咗成日當然好攰啦於是我哋就去咗呢間korean canteen度食晚餐呀店舖細細間環境都好唔錯 有少量嘅座位 都幾多人食 我哋叫咗呢個招牌紫菜飯卷，入面有各式各樣嘅材料啦，顏色配搭好靚，有黃色蘿蔔，紅蘿蔔各種唔同嘅菜類肉類，細細件一啖一口啱啱好，味道都算唔錯。另外我嘅正餐就係呢個牛肉炒粉絲份量充足 側邊有好多嘅菜，嫩嫩嘅牛肉舖喺粉絲上面， 配埋呢個韓式辣醬，牛肉會變得更加好味嘅。 但係呢個粉絲嘅味道，同我去韓國食嘅味道唔太一樣，少咗一啲啲正宗嘅滋味，欠缺咗少少本來的味道。

今日一個人喺葵芳諗住食個快飯，行過見到間韓國餐廳就入去試試。門面唔起眼，細細的一間餐廳，6點幾都只得兩枱客。入到去坐底左，侍應好快俾左枱墊同餐牌我，黎度落單係要自己行去收銀先付款，攞收據再返位等。自己一個人，我叫左個辣炒雞肉飯~ 加罐蘆薈汁！驚喜來了，張凳都未坐暖，野食就到了！快到嚇親人！雞肉飯賣相正常，碟頭飯的感覺，雞肉辣味感足，入面有大蔥、芝麻，味道不過不失，不過好驚喜係啲雞肉多到唔駛錢咁 haha一個女仔真係食唔哂，男人食應該都好飽肚！幾抵一碟飯$46，野飲$7，加埋$53唔算話好抵，不過都食得過👍🏻小店收這個價錢都ok la~

喺葵涌廣場返工，好少行落天橋，點知有次落去食野，見到有支易拉架喺度，以為係新開，就行過去試下，原來都開左成年🤣🤣D食品味道一般，價錢屬正常價，$60有個飯，個紫菜卷都幾正宗，可以再去食

下午茶……食韓國嘢。第一次幫襯，半自助式，先買飛，後有人送餐。紫菜卷、辣醬年糕、炸雞翼、泡菜麵，都算唔錯，炸雞翼都真係唔錯。豬肉伴飯，就失色咗少少，由其辣醬方面，無辣味。整體味道，都屬於港式韓國餐。

公司位於葵盛偏遠地方，附近也沒午麼好吃又有驚喜的食店。適逢下雨，一群同事被困公司，於是有人提議試試以 online dining platform 外賣韓國菜。 online dining platform 服務超水準，準時送貨之餘，員工親切有禮，服務態度一流，送來的食物還是熱氣騰騰的抵讚抵讚。我們在這小店叫了多款美食，包括紫菜飯卷、原味炸雞、牛肉伴飯、泡菜餅等。極力推介紫菜飯卷和原味炸雞。飯卷材料豐富，口感十足。炸雞香脆，炸至金黃乾身，肉質有彈性多汁，絕非美國連鎖店炸雞可以媲美。這餐開心滿足，食物款式繁多，味道有水準，絕對是可以encore之選。

顧名思義，這是關於一間韓式快餐店。餐廳走簡潔路線，自助買飛，再由職員送上食物。午飯時間1點半左右到達，已經有吉枱。午餐四十多元起，包一罐汽水，除了可可樂之外，仲有很多款韓式飲品選擇。點了酸甜炸雞配白飯，酸甜醬做得不錯，酸甜之間取得了平衡，炸雞塊亦不覺鞋。但略嫌白飯有點硬。但總體來說，$47一個午餐已經物有所值。

葵涌廣場開太多食店,今次試呢間係附近屋村新舖葵涌恆景商場入面Korean canteen,地方細細,今次走入去食下午茶包熱飲柚子蜜,紅棗蜜另加錢仲有其它飲品等,呢個下午茶唔差成條紫菜飯卷,仲有2隻炸雞翼,6條年糕好熱好味道。下次來試個晚餐先。