韓宮 (已結業)

一個人黃埔食韓式午餐有嘢做嚟開黃埔，肚仔餓餓一出地鐵站見到呢間嘢就入去啦🤣·🇰🇷石鍋芝士牛肉飯 $68平時就咁食石鍋牛肉飯冇乜特別，今次見到有芝士就加埋試下應該唔錯🤤店員仲主動比咗枝辣醬我加～都等咗好一陣先上，一嚟當然熱辣辣沙沙聲咁😬，快速影完相就搞勻佢食啦🤩鍾意佢有好多牛肉、芝士、菠菜，仲有隻蛋係中間架！個人覺得辣醬真係需要加，如果唔係會好乾🤓石鍋飯好少會中伏嘅，一個人食晒啦🥳冇包嘢飲的午餐，硬係差啲咁😂😂·🌟依家我睇OpenRice嘅時候幾多負評🤔不過我淨係食石鍋飯冇伏到就無從稽考啦🙃大家可以自行決定😛

我地平時唔會寫評語，但今次唔寫唔得。星期六我地叫左4樣食物（海鮮煎餅、烤牛肉飯x2、壽司) 都已經$579，完全冇比折都算。服務態度真係好差，去攞嘢食都要比姐姐鬧。而且啲嘢食係完全唔好食，煎餅係燶同埋好硬，烤牛肉飯啲肉好乾... 我哋星期日去新麻蒲BBQ叫左5樣嘢食都只係$2xx , 而且級數真係相差好遠！

好啦，第一次寫食評就寫俾呢間餐廳。話說叫外賣，夏天想食清淡D所以兩人叫了牛肉紫菜包飯同韓國冷麵。送外賣時間算快，約半小時便到，但打開冷麵盒一！股！酸！臭！味！麵的配菜只得可憐的半隻蛋、一片肉、幾塊青瓜同出奇地多的醃蘿蔔，麵本身已經凝固成一餅野。呢碗野盛惠$108。至於牛肉包飯，只能話放得入口，超級市場熟食部賣的$4x都好食過佢。一般食開的韓式紫菜包飯都有的基本配菜呢度居然無出現，取而代之有西生菜同蟹柳，味道普通但起碼唔「宿」，兩個人的晚餐唯有靠佢，盛惠$78。我自認一直係個卑微的食客，唔要求餐廳幾高水準，我夜晚叫外賣無非想醫肚，大佬你俾啲咩黎，我覺得自己慘過做狗。。。大家如果要選擇食呢間請三思，先評估一下自己可以承擔幾多風險，試定唔試，食得落先好試🙏

午餐叫左一個炒年糕麵，係因為以前食過覺得幾好食同埋份量都夠，價錢尚算合理，但食埋今日決定以後不了。味道各樣都冇咩點變，但有兩樣野真係覺得好神奇。首先，不嬲去食韓國餐，都會有前菜，即係泡菜呀嗰d俾你，咁點解呢間會咁特別呢？係因為佢嘅泡菜望落好殘，好似擺左唔知幾耐咁，唔脆又乾爭爭，一睇已經食唔落。另外，碟炒年糕麵, d野菜仲多過d麵，麵嘅份量就類似你去超市買一包韓國公仔麵返嚟，都會多過佢。佢碟野嘅麵我諗係一般韓國公仔麵嘅三分一度，仲要剪到短一短，年糕又得幾舊。上一次食已經發覺呢個問題，諗住俾多次機會，點知今次都係咁，真係不了

放工後走到黃埔港鐵站附近的《韓宮》買晚飯，為防疫及為咗食便宜的晚飯，當然都會選擇外賣自取啦！在餐廳另一邊有外賣的counter,在門外看了一陣餐牌，決定後我選擇了《炒粉絲年糕便當$36》，回家後再用微波爐翻熱，馬上又開餐了😊香辣煙韌的年糕讓口感很有嚼勁，先打開胃口，旁邊有薑絲及甜汁炖過的馬鈴薯，而粉絲都好有份量，入口清爽又夠飽肚😀除了便當，還買了《泡菜紫菜卷$25》，內有蛋、蟹柳、醃蘿蔔、泡菜等，但今日晤想食肉，唯有拔去蟹柳肉，嫌少少泡菜未夠辣，幸好在7仔買了盒《醃泡菜$15.8》，補償下自己的慾望🍱🍙🥬

啱啱去咗韓宮諗住食晏，全部樓面都係講鄉下話的內地大媽，入到去冇人量體溫，想坐開D又話大檯要留比8人坐，乜吾系最多坐4人架咩。最大鑊系準備叫嘢時，忽然有條內地大媽响廚房走出來，完全冇帶口罩，同樓面另一個內地大媽吾知系嗌交定理論，頂，全程冇帶口罩在噴囗水，然後佢又走入廚房繼續吾帶口罩响度自說自話，然後我望一望㕑房里面，嘩，里面D大媽全部都冇帶回罩，對住D食材同碗碟，邊講邊做。有冇攪Q錯呀，而家乜嘢時勢呀！真係忍吾住，己經平日盡量吾出街食，難得星期日，諗住出去食少少野，竟然有D咁嘅員工同餐廳，即刻起身問候完佢地全家後即閃，以後送錢送車送樓都吾會再幫襯。我揾吾到可投訴的電話，如任何朋友有途徑或電話對這情況向衛生署作出投訴，請告之。盡早通知食衛，因為他這樣整間餐廳受感染的風險系好高好高。大家可以去確認一下，如你們都見到同一情況，請廣傳。

今日係黃埔睇完戲就去韓宮擦番餐！ 韓宮鄰近黃埔A出口，位置非常方便。今日縱然係星期六，但受疫情影響，店舖都未有爆滿，所以坐起來非常鬆動！但店舖嘅座位唔想大，人多時可能會有D逼。 食物味道方面，由於我地得2個人，所以只叫了2個菜。店舖提供5碟前餐比食客，味道中規中矩，5碟入面最令人驚喜嘅係薯仔，味道甘甜，入口鬆軟，口感一流！ 牛肋骨湯芝士辣子雞價錢只係約數，唔太記得，兩個味道都唔錯。牛肋骨湯足料，牛肉味濃，黑椒令牛既味道更突出。芝士辣子雞嘅芝士同係韓國食既相似，但份量略嫌不足，唔夠滿足。雞份量就較多，而且唔算太辣，反而有d甜味且肉質嫩滑。 服務方面，店員大多為韓國人，應對叫野舉手要求，都無黑面，有d笑容，合格。地方亦算乾淨，埋單有折加一，310元可以接受，可以再食！

豬手好味，但呢個邊爐，話豬骨薯仔，睇落去靚，結果成煲煮到黑晒嘅葉菜，排骨就5件，肉仲特別少，紙都比肉厚，好失望，建議唔好點。其他泡菜炒飯，冷麵都唔錯。希望邊爐下次可以真誠點啦。

The restaurant gave off a Korean styled vibe and atmosphere which I really liked. The decorations were mostly made out of wood which gave a very warm and cozy vibes~ It is a really nice restaurant for eating out with families and close friends~The waiting time is not too long so it was very convenient and fast as our numbers were called within 10 minutesI particularly enjoyed the free side dishes which were offered alongside the main dishes.Some dishes, however felt as if they lacked depth of f

七十四回看完魔雪奇緣二，肚子餓得好緊要，於是決定去淺嚐午飯。黃埔有很多食肆店鋪，只要你說得出的菜式，也一定找到。餐廳方面餐廳主要由韓國人打理，十分有味道！菜式包羅萬有，餐牌上的菜式很多，琳琅滿目，令人目不暇給。而且餐廳環境也很不錯，位置闊落！食物方面點了1）牛肋骨配飯；2）燒牛肉粉絲煲。前菜的驚喜很大，薯仔很爽口，很好吃。泡菜不太辣，適合任何人享用，莫非是運用了韓國的烹調方式？什麼粉絲，驟眼一看，以為是吉野家的味道，但吃下就完全是另一種層次。別說牛肉的質素較佳，連湯底也勝過其他店鋪的，每一啖也含有牛肉味！配合白飯，吃下去雖然有點淋，但總體還是可以的。另一方面，點了一個 牛肋骨配飯。牛肋骨很好吃，肉質鮮甜，絕對可以一吃再吃，我家寶寶説她材料足夠，值得推薦。美中不足是要吃滿$300元才可以簽帳，不然就是太完美了。

睇演唱會之前，就去黃埔搵下野食啦，見佢咁多韓文又拎獎咁好巴閉咁就試下佢。前菜有一碟泡菜係唔知油麥菜定生菜，幾特別。最中意係佢個炆薯仔咁既小碟。佢既薯仔似安東燉雞佢隻味。好入味，好好食！半半炸雞規定左一半甜辣一半原味。甜辣個醬有少少痴牙，不過個雞係好脆，係好好食既，只差少少在於啲雞汁無滴岀黎咁juicy。原味會跟個蜜糖芥末醬同醃蘿蔔。呢2樣都做得好好，特別係個蘿蔔，少少酸但唔會牙軟，食到甜味。牛肉飯捲無咩特別，好足料，同埋落左牛蒡，成舊一次過食係食唔到佢陣味，一分開就好大陣牛蒡味，我麻麻炸醬麵佢既麵係似讚歧烏冬，食完好滯。柚子蜜甜度適中，無死點既假糖味。總括而言，值得一試但記得早啲到，7點度就好多人。

今日好想食將由蟹，見到呢間野就試吓咁我一開始就問咗佢個醬油蟹係咪送飯因為醬油蟹要配飯先好食咁佢就話係跟飯所以我先嗌咗之後嚟到又無比飯點知仲大聲返我轉頭同我講:啊姐 你想點啊真係以後唔會再去貼錢買難受！！啲嘢食又唔係特別好食真係好普通嘅質素其實咁樣俾人鬧法心情已經差到一個點其實一間餐廳最重要嘅就係態度如果員工嘅態度永遠都係咁，你間野嘅嘢食有幾好食都無用呢一間野我永遠都唔會再去同埋佢啲醬油蟹唔新鮮 好一般

同朋友慶祝生食韓國餐🥳呢間餐廳真係由韓國人💁🏻‍♀️打理😋味道非常正宗呀仲有我最中意既韓式前菜🤤個🍗炸雞真係不得了🥳即炸細細件幾個人傾傾計邊食邊吹水一流🍗🍗🍖 📍最重要係配啤酒🍻#kpop #korea #韓式 #koreafood #炸雞 #standwithhk #hkig #hkfood #like4likes #likeforfollow #foodiecoupletour #香港情侶日常 #hkblogger #hk #health #yogis #hkfoodblogger #hkfoodlover #couplethings #foodie #hongkongfoodie #hkfoodies #hkcouple #hktour #instafood #hklifestyle #tasty

今日約左朋友食晏就飯 佢地想食韓國野 之後就去左黃埔某間韓國野試下Menu 選擇不算太多 所以我地只係簡左四樣野食我地叫完野食後 佢地就比左一點前菜我地食 酸酸甜甜幾開胃韓式冷麵($73) 湯底是酸酸甜甜 冷麵吸曬酸味 非常開胃 加上見到佢加左冰 令到口感更加爽 夏天食一流吞拿魚紫菜卷($55)食材豐富 口感亦豐富 不過份量較少 每人兩件起就沒有了炒芝士年糕麵($58) 年糕好食 有口感 然後芝士亦多 配上韓國麵唔錯 不過份量就少了點 不夠食炒牛肉($75) 牛肉新鮮和入味 不會太干 配合岩岩好 整體食物唔錯 但嫌份量較少 不太夠食 而且menu選擇比想像中少 所以有點失望 不過喜歡輕食既你這裡也是一個不錯既選擇

今日同朋友去左黃埔食韓國菜,見到近近地,所以搵左呢間韓宮黎試下一入到去,感覺幾似去左韓國既餐廳,雖然餐牌唔多選擇,但真心幾好食,唔錯唔錯,可以同朋友家人黎試下叫完野食就黎左份前菜,我同朋友都幾鐘意食薯仔果個,甜甜地幾開胃叫左吞拿魚紫菜包飯,材料好足,好好食,本身自己好鍾意食紫菜包飯,真係唔錯另外,叫左牛肉飯,都幾好食芝士年糕麵,味道岩岩好,唔會太辛辣仲叫左冷麵,酸酸地,係咁熱既天氣下好開胃