韓家韓國料理 (已結業)

今日想食韓式炸雞，上網搵到聯和墟呢間韓家韓國野有得食就同阿大黎試下去到睇左menu就決定要叫一份韓式無骨炸雞，揀左蜜糖芝士粉，同埋峰蜜蘋果茶阿大就揀左芝士肥牛撈麵，峰蜜柚子茶個炸雞黎到係好熱，應該係岩岩炸起😀 份量都好多雖然佢係用芝士粉，滿滿既芝士粉都好夠味，如果用芝士醬應該會仲正😄 另外試左阿大既芝士撈麵，個汁都好濃，但唔會太溜👍🏻至於兩杯野飲都有啲果肉係杯野飲入面，岩晒鍾意飲野有咬口既人，值得一試兩個人埋單加埋$120蚊，仲食到炸雞，算唔錯！

韓國炸醬麵用公仔麵整, 碗野黎到後我問佢係咪落錯單， 我真係第一次食，個醬亦都唔似韓國炸醬麵既醬. 我寧願俾貴3倍價錢食真係人食既炸醬麵，都唔會食一個$32既垃圾. 唔識煮就唔好學人開鋪啦，又難得佢真係敢煮敢拎上台俾客食個下先好野喎! 你要用公仔麵咁咪開茶餐廳囉，開乜野韓國餐廳整乜野炸醬麵呀. 有客係到 成班人仲係到講粗口，唔知以為佢地想趕客走.今時今日咁多鋪做唔住，但佢可以用公仔麵去整炸醬麵，我就睇下你幾時執.

因為近排追緊韓劇，突然之間想吃下韓國菜，但當然要找一間經濟的😬😬在朋友推介下..去了粉嶺的韓家韓國料理😋😋 今晚人不多，不用等就直接入座，然後侍應就放低泡菜和芽菜....泡菜很夠未，幾似在韓國吃的泡菜但比較辣一點點😛要喝多幾杯水😅今晚試下烤牛和炒豬肉絲和餃子...和配菜就選了粟米和豆腐..泡菜餃子三隻！yummy yummy 🤤餐後配上飲品凍大麥和熱紅醋👍🏻總括而言味道是可以，份量也足夠👍🏻經濟晚餐也是不錯的選擇☺️

第一次見到粉嶺有一間全新嘅韓國餐仲係試業中見到裝修唔錯都幾舒服所以就同朋友入咗去試侍應推介我哋食炸雞同石頭鍋飯炸雞肉質多汁份量夠石鍋飯夠晒熱最啱呢個天氣食又足料服務唔錯有笑容識推介另外叫左一杯凍柚子蜜同一杯西柚梳打柚子蜜基本水準啦但西柚梳打真係唔錯佢哋有用新鮮西柚粒同薄荷葉沖出嚟都幾有心思幾靚同埋而家好少餐廳會用新鮮生果整飲品加分等我下次再去試埋其餘果三隻梳打先本人未寫過食評但係都想推薦一下呢間餐廳

附近一帶甚少有韓國餐廳，見到這間試業中的韓家料理，就必須來一試。由於是試業中，所以餐牌選擇比較少，可以接受。我們二人同行，點了兩個午市套餐：五色炒粉絲(牛肉) 和芝士泡菜豬腩片飯，每個套餐還可以選一個小食，我們點了紫菜粉絲卷和炸泡菜餃子。兩個小食溫度適中，外脆內軟，味道濃沃，十分好味。炒粉絲很惹味，汁多但不至於水汪汪。芝士泡菜豬腩片飯的肉量足好味，泡菜也很入味。第一次食很滿意，一個星期後，帶一個朋友一起再去食，竟然仍在試業中😯，但午市套餐多了兩三款選擇，今次我點了部隊鍋，朋友點了牛骨湯飯。上次的小食很讚，今次的小食冷了不夠脆，可惜！牛骨湯味道濃沃，可惜湯餸少了一點。部隊鍋等了很久才上菜，可能是漏單吧，麵質太硬不好吃，吃到一半覺得嘴裏有魚骨，心想難道湯底是用魚來餚的嗎？吐出來一看真是嚇死人，是一條剪出來的指甲。第二次來吃有點失望，希望之後再來，會有第一次吃的水準。

呢幾日凍冰冰，就係想食番d辣野。見呢間韓國野係新開既，仲話係試業中，但係又有唔少人食，就入去整番個泡菜湯黎暖暖身。餐廳既人有禮貌，都可以俾我揀位坐。水就自己斟，一坐低就上前菜已經係韓國餐廳既指定動作。佢有dinner set，不過又唔exactly係我想食既野，所以我就睇下大menu有咩岩。然後我就叫左個簡簡單單既泡菜湯，可以跟豆腐但都係食番d肉好d，所以我跟左豬肉。前菜味道ok，泡菜係比較合我口味既酸辣，唔係甜果隻。唔知係佢自己整定入貨既，佢既泡菜既辣椒粉好足，所以都好辣下，而芽菜就調味好多，麻油味好香。個泡菜豬肉湯好快就黎左，跟碗有少少芝麻喺面既白飯。湯既份量好大，成大個石鍋，入面既湯料都真係唔少。我唔知韓國人係咪會用呢種腩片黎整泡菜湯，所以我有少少冇諗到，我以為會係厚少少既豬肉片。但係腩片其實都好食，雖然薄，但份量都好夠。除左豬肉，泡菜既量唔姑寒。一邊食一邊飲湯，之後再畢湯撈飯，食到個人都暖左，同埋又熱又辣，唔係凍天應該都會食得幾辛苦，我都食到係咁流鼻水。前菜個芽菜幾好食，涼菜又可以解少少辣，所以叫左餐廳再加。食之前喺街行，著左四件衫都覺得凍冰冰咁，食完個泡菜豬肉湯加飯之後，個人