韓樂 (小西灣廣場)

營業中

休息中

依間鋪喺小西灣商場裡面，食韓式野。一向覺得依個品牌做得唔錯，間唔中黎開小西灣都會過黎食tea。menu有好多選擇，我叫左一口炸雞湯粉絲。粉絲可以揀轉部隊麵或者加$3轉烏冬，我揀左部隊麵。雖然menu度有個辣椒符號，不過其實佢嘅湯底係完全唔辣，而且亦都唔係清湯無味。碗麵都仲有啲雜菜、菇同埋半隻蛋。另外，依個餐嘅主角就係炸雞，不得不提佢炸雞嘅分量真係好多，有10粒以上，估唔到下午茶都會比咁多。而且炸雞都好好食，啲醬甜甜辣辣咁，幾開胃。佢有少少微辣，不過連我依啲唔食得辣嘅人都頂得順同埋覺得好好味。依個餐真係好抵食，$38已經食到好飽。我次次黎都幾乎會叫依個。不過其實餐牌裡面其他野都一樣好吸引，不妨可以黎試下。

最鍾意呢一間餐廳嘅特點就係佢2:00就已經係下午茶時間， 好多茶餐廳而家都變咗2:30或者係三點有陣時真係等唔切。 下午茶價錢同其他茶餐廳都差唔多而我最鍾意嘅係佢哋嘅豚肉部隊面， 份量唔係好大但係啱啱好，另外最鍾意嘅一個小食係麻將凍豆腐，食正餐之前食凍豆腐又能夠增加食慾。 除咗凍豆腐之外佢哋仲有薯條揀所以去多幾次都有唔同嘅選擇。 不過佢哋有個好處如果想食飯下午嘅餐都可以係下午茶時段食飯但係其他餐廳就做唔到呢一樣野啦。

今日早放工見有啲肚餓趁六點前就去咗小西灣商場入面一間韓式餐廳食個下午茶雖然係韓式餐廳但係入面啲裝修極具有美國風格，唔話你知係食韓國嘢你都以為係一間西式餐廳！門前收銀位置有多種韓式即食飲品和食物可以選購，方便一啲鍾意食韓式食物嘅人，可以呢餐廳食嘢之餘又可以買番啲即食飲品和即食食物返屋企自己煮，唔錯嘅概念睇咗一陣餐牌就點做一個芝士炸雞餐🧀🐔配一杯熱檸茶🍋係芝士控同炸雞控嘅粉絲必定要點呢個餐芝士味極濃最緊要係勁有拉絲嘅效果，炸雞表面炸到黃金脆卜卜裡面雞肉好嫩滑

呢間食過唔只一次，值得推薦晚上7:30左右入座，暫時不需等位老實講，我個人好為食，但今次係我一個人，所以揭左十分鐘先決定到，平時有其他人一齊食就可以叫多幾款姐海鮮部隊鍋（小小辣）個湯底係大醬，酸酸地辣辣地，d餸有青口、蝦、蛤、1/2腸仔、1/4塊午餐肉各二，生蛋、芝士x1，泡菜金菇，有一匙更應該係面鼓醬既係側邊，除左蛋全部係煮熟左先放入去，由於我好餓，個火又慢煮咁，所以我只等搞開左果隻蛋熟就食，都覺得都OK既魔鬼芝士、一口炸雞人總係貪心既，由其是吃貨係等部隊鍋上菜既其間我已加左order, 一碟個份量唔係好大份，呢個真係堅好食，咬落食得出個炸雞唔係翻炸，炸粉適中好脆，芝士好match, 但加多d芝士我會重開心柚子薏米飲品就真係普通，柚子蜜加薏米加水，薏米都淋既，所以呢個已經算ok, 之前飲過沙冰好伏下🙈最後...我食唔哂，打包左7/10炸雞😂無做大哂鬼

呢間店鋪嘅部長好有問題，員工都比果啲所謂部長更加落力，果啲部長只係識企，睇，但係唔做野嘅，有問題就只係識指罵員工，有一次我同屋企人食到就黎收鋪嘅時候，啲部長咩都唔做，只係度望，篤住個員工黎話唔乾淨，人哋做得好落力，冇必要受氣，以我所知，果個叫姓Shi同叫姓Ng嘅😤再加上去過幾次，每次都係一樣食品好有問題，薯條永遠都係凍嘅，每次話換都係hea答我，一啲態度都冇，幸好員工都改善到印象，始終佢哋都比較勤力工作

經常嚟食呢度既下午茶，覺得質素同埋味道都好好，特別係呢度嘅Staff好Nice好有禮貌，今次就同老公嚟食下晚餐。但萬萬估唔到留咗一個唔係咁好嘅經歷，首先餐廳外面嗰張poster嗰塊扒睇相相當美味我當然要試一試，指住出邊張相落左單等塊扒黎到，望一望同出面張相唔一樣，長長瘦瘦嘅一條，咁我就叫個Staff問下，佢話轉左Menu，然後俾我睇，咁我指住落單嗰陣唔講都要焗住食⋯份量唔夠，味道都唔好，最差係連薯條都係凍，個芝士焗蕃茄直頭凍到出晒水我諗我都係食返下午茶算

前晚看到一名恤衫員工對一名員工呼呼喝喝，更有幾次看到員工對客人很無禮，有幾次出品的食物貨不對版，食物凍的，更換過也是一樣，員工太少，看到有些員工反應太慢，舉了手很久都沒反應，地面經常還有很多垃圾，但是對其中一個員工很深刻，很想讚賞，那位員工見到舉了手很久都沒有被接待，他看到沒有人幫手，在出餐位過來幫忙下單，到最後，他很有笑容的，最後還笑著對客人說不好意思，本人只是很欣賞這位員工的工作態度本人雖然親臨過不同分店印象還不錯，但對於這間分店，印象差極了

今日早餐去咗小西灣商場入邊嘅韓樂，今次點左豬扒煎雙蛋，加多杯茶走；佢哋嘅早餐一向都保持穩定嘅水準，每次去食雖然冇驚喜，但都絕對唔會失望，佢哋嘅早餐份量亦都夠大份，每次食完都有好飽嘅感覺

嚟過幾次，下午茶個鮮茄焗豬扒飯幾抵食，多蕃茄多芝士，味道不錯。星期日下午，唔算多人，但封咗後半場，一個人來變相搭枱。誤進了後半場會無人理，好不容易揮手找到職員就會問你幾多位，然後帶返你去前面。服務態度，版上評語好壞參半，其實算有禮貌，落單時我猶疑了半分鐘，職員依然好聲好氣，上菜都會出聲，又會提你小心熱。不過人手嚴重不足，都係唔好太高期望。結構性問題，餐廳佈局令人容易燥底。右邊走廊原來是職員通道，設計太開揚，不知道用了那邊行，職員會提你用返另一邊行。不過，鋪位門口太闊，坐前半場的話，大部分座位都對坐門口，睇住出面人來人往，感覺好似係商場走廊食飯咁，出面的人行過睇下餐牌都順便可以睇埋裡面客人食相，亦毫無隔音可言，水吧位又長，執碗執碟更應聲。木枱面加木餐具兜，真係要幾嘈都得，唯有寄望職員擺餐具同放餐牌時輕手啲。門面一大截用做收銀和陳列架，結果座位排得好密。新開張那陣子會覺得很有特色，但嚟多幾次就會覺得多餘、整色整水，我又唔係嚟食佢個瓷磚地板。衛生方面，如果提供埋紙巾畀抹下長擺枱面的餐具會好啲。

小西灣韓樂係我成日都會去食早餐嘅餐廳，整體食物上佢哋嘅質素都保持得好好，每次去食都唔會有失望嘅感覺，個人來講最鍾意揀美式早餐，主菜可以揀豬扒、雞扒、或魚柳，再配炒蛋、煎蛋、腸仔、火腿、餐肉、煙肉或流心蛋，仲有大大塊嘅多士，絕對係物有所值

今日去咗小西灣商場入邊嘅韓樂食早餐，點左餐肉蛋三文治及豬扒炒蛋早餐，佢個三文治份量都幾大，好抵食，餐肉同蛋嘅份量亦足夠，食落去啖啖都有餐肉同蛋；另外一個豬扒炒蛋早餐，佢有兩塊好多士多，炒蛋香嫩，豬扒入味，大家有機會都去試吓

🎐熊妹難得放星期日📅，當然要去探下可愛熊婆婆👵🏻，連埋阿豬媽同馬騮姨🐒四條queen👩‍👩‍👧‍👧落街嘆個下午茶喇！📍小西灣廣場自從被領展收購後，商場大翻新，店舖都易左好幾手，原本十幾年來大家樂的鋪位而家變成食韓國菜🇰🇷的《韓樂》。📍裝修非常亮麗，餐廳面積超級大，十足十一間超級巿場咁，下午兩點半🕝來到，全場都爆🈵，店員只能安排到去最尾端剩下的一張六人枱坐下。📍話明韓國菜🇰🇷，必有韓國鐵板飯、粉絲、芝士烤雞🐤、韓式牛肉🐮、泡菜等等，仲要切合返香港人合味的西多士🍞、三文治🌮、意粉🍝、排飯🍛都有，其實簡單啲黎講係一間韓式茶餐廳🍴。📍大家都餓著肚無食午餐🥣黎食下午茶的，就一人叫一個餐喇。美味豚肉湯粉絲，$38📍可愛熊婆婆餓了，當然要叫個主餐俾佢。熊婆婆唔鐘意食飯乾巴巴，就點個有湯的韓式粉絲🍜喇。下午茶的份量都係將貨就價，碗大🥣，但份量少得可憐，得碗的一半。配料就係得兩三片豚肉🐽，一般湯麵都會跟上的一兩塊泡菜粟米粒紅蘿蔔絲🥕都無，係有啲失望。輕量鐵板牛肉飯，$40📍阿豬媽想食石窩飯，下午茶餐有呢個鐵板飯，同石窩飯差唔多，就點呢個喇。真係幾輕量下，一上枱個個都驚嘆係超級迷你版！配料有粟米粒🌽，彩椒

呢間餐廳已經開張一排，呢兩日終於有時間試下閒日晚飯時間唔洗等位，入到去都有唔少空枱，因為入面相當大，坐位都闊落舒適我地叫咗個牛扒套餐、芝士牛柳粒火鍋同焗豬扒意粉🍲啲餸唔洗等好耐已經送到牛扒雖然唔係好大塊，但有好多配菜，例如蕃茄仔，薯條，沙拉菜，泡菜個泡菜非常好味，但都頗辣下，好開胃芝士火鍋配安格斯牛柳粒，芝士湯唔係好濃個種，但一滾起已經聞到好香芝士味啲牛柳粒相當高質，肉香濃厚得嚟有口感,加埋芝士湯，係估唔到都幾夾焗豬扒意粉，佢餐牌有條小辣椒🌶️，食落都幾辣下，除非幾食得辣，唔係未必食到。驚喜嘅係佢啲麵條好彈牙，靜係食個意粉已經好好食，焗嘅時間剛剛好另外值得一讚嘅係侍應嘅態度非常好，好有耐性又細心，有禮貌，有親切感食過番尋味，下回再戰

小西灣商場終於有間韓國菜啦！門面裝修韓風，有另售韓式食物同飲品的小角落供客人自行購買。這裡都幾環保，用舊玻璃樽做調味樽選擇種類多，餐牌都有幾款我點左午市定食一口炸雞 豬骨濃湯讚岐烏冬($50)另加$3 點了凍特配奶茶。炸雞分開上，賣相不俗，可惜咬落下發雞件很細，外面是一層厚厚的炸漿，每個飯都有泡菜做開胃小食，味道不錯。豬骨味濃但應該未到濃湯程度，因為我嗰嘴一點也沒有黏埋。奶茶超甜無茶味。毛毛點了午市定食的手工咖哩豬扒珍珠飯($50)另加$3 點了凍特濃即磨咖啡。上枱又是賣相靚，味道偏辣，豬件骨多肉少，咖啡如奶茶一樣只是得嗰甜

早上未食早餐。。。經過見到用apps可以平20蚊。。。就嗌左個部隊鍋早餐黎食。。。有腸仔呀 火腿。。。蛋。。。公仔麵。。。食落都唔錯。。。仲配左飲品。。。叫個優惠做到今個月尾