韓樂 (海之戀商場)

營業中

休息中

今日又到了海之戀的DONKI DONKI 朝聖。下午茶時間就在海之戀商場找食。這裡有很多新餐廳，很多都很吸引。最後選擇了這間以食物為主打的MOMOKU韓樂。餐廳裝修是工業風，不太似韓式餐廳，反而似西式餐廳。餐廳頗大，平日下午茶時間不算多人，不用等位。餐廳坐位算寬闊，我們選了窗口位置，雖然有點曬，但可見到外面的平台花園。　下午茶的選擇都很多。有多士，牛角包，小食，湯麵，炒粉麵，焗飯等。今天選了較為韓式的幾款。一口炸雞湯麵 ($39)炸雞是韓式款，很脆，脆漿不算厚。醬汁味道很好，很香濃，有點辣。雖然辣，但我這個不吃辣都可以接受。麵是即食麵，湯底很似日式拉麵的豬骨湯，湯內加了炸過的乾蔥和蔥，非常香。不過吃完口氣很大，哈哈。湯麵內還有一隻溏心蛋和菠菜，都很豐富。野菌豚肉炒讚岐烏冬 ($40)炒烏冬很好，不太油膩，烏冬不太硬或太腍。調味也剛好，不太鹹。豚肉是薄切，很爽口。牛肉溏心蛋飯 ($38)牛肉醬汁味道很好，很濃郁。牛肉調味也不錯，這個牛肉加牛肉汁伴飯很好。ｒ唯一不夠好是不夠熱，只是暖的。下午茶餐是跟飲品的。奶茶咖啡都很份量，味道都很正常，所以沒有影相。整體來說，下午茶餐份量不算少，賣相和味

今日約左朋友交收一d野，在海之戀商場見到唸間下午茶都好似幾好甘，又便又多小食，所以就唸住試吓，點知又吾錯，人又吾系好多，坐得都幾舒服😌，我哋3個人叫左3個餐，3個小食，埋單都系150蚊有找

諗住去Donki購物，經過韓樂見到外賣promotion，一隻香草烤雞外賣價$48（原價$78），每小時整點出爐一次，眼見好多人排隊輪候，應該食得過，我又排埋一份買嚟做晚餐，隻雞果真新鮮熱辣，隔住紙袋都勁香，返家即食，雞肉嫩滑，雞皮仲有少脆，又冇咩脂肪，CP值爆燈！

疫情下的星期日，很想出街消費，又想幫助帶動經濟，所以諗住近近哋食個午餐，快快脆脆食完返屋企，以為冇乜人，誰不知週圍都很多人，可能因為這個商場是新開的原因。見到這間餐廳的午餐精選唔錯，價錢ok，有大約十個人正在等位，等咗大約十五分鐘便能入坐，很久沒有吃過韓式美食，今次的午餐算是 fusion韓式，所以很啱香港人口味，有韓風炸雞，烏冬，忌廉扁意粉，熱咖啡，凍奶茶，全部都啱食好味，價錢吸引，服務員也快手，地方清潔又乾淨，值得推薦。下次揾日嚟，要試下個早餐如何。

海之戀其實都開左幾多新既餐廳 呢間個格局同另一間意樂都好相似 唔知係唔係有關係呢🧐Anyway 講番野食先 我個人就覺得意樂好食d 呢間雖然有d韓式既野食但係有少少呃人 餐牌個人蔘雞湯有成隻雞但現實係得半隻 仲要冇糯米😩不過味道係ok既🤔

這間餐廳的最大特色就是性價比吧，48文烤雞已成為我家日常排隊項目，其他餐點的價格也都很適宜，韓式口味也還可以，比起旁邊高價格的餐廳來說算是樓下比較親民的選擇了👍

海之戀地下的韓國餐廳，環境幾大，食物選擇也是好多，每人一個牛肉石頭鍋飯，另加小食，午餐選擇也是好多。地方都算大，又空間感夠。熱檸檬茶，已經將檸檬汁加左係茶入面，幾好呀。OK夠方便。小食~芽菜，魚仔，芝士焗西蘭花。魚仔好脆好咮，芽菜也是爽，西蘭花的芝士唔夠均勻。也是夠多芝士的。石鍋牛肉飯，好colourful，牛肉啡色，葱粒綠色，紅蘿蔔白蘿蔔橙及白色，中間一隻半生熟雞蛋。好豐富的感覺。加醬汁撈勻一齊食。好夠熱好夠味道，牛肉也好淋。正呀！！

今日來新商場海之戀行街，順便食個下午茶。見<韓樂>排曬隊等位,下午茶menu好抵食好吸引，一於同朋友入去試下。<韓式芝士胡麻焗雞扒飯>下午茶焗飯屬於迷你size, 細細個鐵板甘上，有2件雞扒，雞肉好惹味，仲有好多拉絲芝士，芝士味好濃郁，焗飯惹味好食。<韓式芝士配炸雞>炸雞細細件，大約有5件左右，炸得香脆可口，鐵鍋入面有吾少芝士漿，將炸雞沾滿芝士漿來吃，味道不錯。不過我本身吾太鐘意呢隻略為帶甜既芝士味，反而喜歡焗雞扒飯個隻芝士味多d。另外加$10要左個炸薯條，炸得好脆好好味。港式熱奶茶及即磿咖啡，水準都吾錯。下午茶餐大約都係$40-$60 左右，茶餐廳價錢，算係抵食吖!!~

知道海之戀商場最近開左好多餐廳，所以就過黎試下。呢間叫＂韓樂＂好韓國餐廳位於海之戀商場G16號舖，而且有部分枱係可以望到海景。當日係早上過黎食早餐，坐左喺窗口位附近。雖然係韓國餐廳，但係竟然係有意粉食。叫左份香草雞扒湯扁意粉配鮮奶炒滑蛋＄35，雞扒都唔算太細，炒蛋幾香，另外叫左豬扒香草腸部隊麵＄36。呢度杯熱檸水好特別，係無一片片檸檬，係榨檸檬汁咁。服務方面普通。好處係唔洗加一。整體來說是普普通通。

全城抗疫，日日都留係屋企，今日去咗屋企附近OP Mall 入面嘅韓樂食早餐。牛角包好好味，又暖又鬆軟又香牛油味👍🏻厚切餐肉，配搭黑松露炒蛋 ，炒蛋入面仲有薯蓉 ，略嫌香草腸可以用粗d個款會更美味，沙律菜冇乜特別。但整體來講呢個早餐都算唔錯。*侍應姐姐警覺性及衛生觸角可以再改善一下更佳 會再幫襯👍🏻

最近知道荃灣有一個叫海之戀個邊激安，同朋友決左收工去個邊行街上網見到有一間食韓野，決定食完慢慢行激安。入到環境都好舒服，唔會話好迫，餐牌選擇都多，睇到我哋花多眼亂。佢地原來每一日都有一個精選 今日係半隻燒雞配薯條 皮都脆，薯條都可以 柚子雞翼 外脆，甜甜酸酸，入面岩岩熟。韓式年糕炒燒汁 唔食得辣，見到呢個年糕唔會辣 又岩哂我哋。芝士焗西蘭花以為好細份，原來有5-6舊。海鮮燴意大利飯 食落去唔夠乾身，好濕，我哋一般般喜歡食。

繼續喺海之戀商場揾食😂老公一向都好鐘意食韓國嘢呢間韓樂佢已經一早試過話幾好食同都算抵食於是呢晚我就過嚟搵佢食晚飯順便試一試佢-呢晚食飯時間都比較夜所以我叫咗個煙三文魚柚子沙律啲三文魚都幾香煙燻味啲菜都新鮮 份量以48蚊嘅價錢嚟講都算足唯獨個沙律落嘅油稍為重手咗少少如果可以少啲油成個口感會light好多老公叫咗牛肉石頭鍋飯上菜嘅時候店員都有貼心地叫我哋小心個鍋好熱老公拌勻個飯之後潷咗少少俾我試成個飯都好夠咸味(以前食過啲石頭鍋飯係無味嘅😂)啲牛都幾有牛肉味 同埋都足兩同埋老公食到底係有飯焦嘅呢個飯64蚊要試呀！每一餐都要食菜所以叫咗個人蔘雞湯浸娃娃菜啲娃娃菜好淋 煮得好入味個湯嘅人蔘味未去到撲鼻而來但飲落都聞到人蔘嘅香味有啲人一飲啖湯就可以飲得出有冇落味精而呢項技能我係仲未解鎖嘅😂但飲完呢個湯我嗰晚都無口渴所以我諗佢嘅鮮味同好飲都係真材實料嘅同埋個湯仲有啲好淋嘅雪耳非常對味😍每人分到兩碗49蚊真係幾抵食另外加咗兩款小食菠菜同墨魚仔8蚊同12蚊都食得過

都有一段時間無食過韓國嘢啦🇰🇷 咁啱喺呢頭見到間開咗無幾耐嘅韓國餐廳，就一於試吓先！店內環境都幾乾淨企理，幾有空間感。原來韓樂星期一至五晚係有特定優惠菜式嘅，今日星期五，就一於用$28試吓佢地嘅蕃茄芝士焗肉丸！我地四個人食，由於朋友比較細食，同埋我地想留肚去食芋圓，所以就只諗住叫四個菜式。蕃茄醬同埋肉丸都係正常發揮，不過個芝士就幾出色，濃到可以拉到絲之餘，亦都唔會覺得太膩。至於呢個野菜牛肉炒粉絲，就十分中式，佢係炒得比較乾身，好似大牌檔咁咁有鑊氣，但係又無大牌檔落料咁惹味，而且又無韓式粉絲應有嘅辣味同濕潤度。海鮮香蔥煎餅有嘅海鮮包括蝦仁、魷魚、蜆肉，幾好食又幾香口，但係可以落少啲油同埋大份少少。最後我地仲叫咗一客MoMoKu手工pizza🍕，有香草腸、溫泉蛋、煙肉、肉醬，有溫泉蛋嘅薄餅我就真係未食過啦溫泉蛋嘅溫度控制得幾好，一切嗰吓真係流心嫁由於韓樂整嘅嘢食唔係淨係走韓風，亦都有啲意式嘢食。但韓國菜佢又整得唔係太韓，如果真係好想食正宗韓國菜嘅話相信有其他更好嘅選擇。

Met boyfriend in Tsuen Wan as we wanted to check out the new Dondondonki. We decided to eat at the new OP Mall and found Momoku. It appeared to serve Korean food for a rather reasonable price.During lunch time, they only have a lunch menu available. They do have a lot of choices. Menu in English and Chinese. There is no 10% service charge and you pay on your way out. All sets come with a drink.They also have add on appetizers.Boyfriend ordered a baked pork chop and hot spring egg with rice and c

一日之計在於晨。對於我來講，早餐係唔能夠求其嘅。成日都出去食嘅我，海之戀商場開咗，好多餐廳，走去睇吓，見到唯一一間未食過早餐嘅，就入嚟試吓。餐牌裏面都係一般大路嘅食品，當然食我嘅例牌，部隊麵⋯想着係韓式嘅公仔麵。但原來只係一般嘅公仔麵，有點淋。多士又係常常食的，所以就試吓叫牛角包。唔熱嘅亦都唔趣口，有啲失望。老公食嘅豬扒同腸仔麵，佢話都好食。不過價錢⋯雖然唔需要加一，但就有啲普通，所以就略貴囉。下次再試其他新野。