韓淼莊 (已結業)

團購咗韓式食品，決定星期六去試試。優惠限於下午2:30後才可用，於是就2:30去到。由於當天早上跟朋友去了民華食豐富早餐，所以其實兩點幾都未肚餓。不過費事又要再找別的日子過來，於是都係食了吧！有三個餐可選，炆牛肋骨、石頭飯同燒豬肉。選了炆牛肋骨，配以白飯，加$1要了凍柚子蜜。凍柚子蜜完全不及格，超吝嗇所致，一點味道也沒有，超淡。先來前菜，有4小碟，kimchi, 魚乾、芽菜、酸青瓜。kimchi 好辣，魚乾太咸。炆牛肋骨，配以白飯，白飯整整一大碗，一看就知無辦法食得晒。炆牛肋骨，上枱時仍bok bok聲，好滾。牛肋骨份量好多，有7-8件，還有鮮菇同蘿蔔。蘿蔔炆得入味又甜又淋，牛肋骨也是，炆得好淋，肉炆到只是輕輕黏著骨頭，不錯，好吃的！個汁帶少少甜，正常地有層油，但撇咗層油，用汁來拌飯是不錯的。差點忘了，還有例湯，青紅蘿蔔湯，有味精。

偶爾經過埃華街 都有幾多野食最後揀左韓國料理一人一個set dinner有兩個前菜 一碗湯 一個主食同一杯野飲都只係$48是日例湯係粉葛排骨湯 味道清甜 應該無落味精呱(食完無口乾)粉葛都幾多兩個人有四個前菜泡菜夠辣!小白菜有香麻油味薯仔甜甜地淋淋地好特別 豆腐亦夠嫰 ! 好味主食揀左雞肉石頭鍋飯一上枱聽到好響既sasa聲立即將隻生蛋拌勻佢 加埋韓國甜辣椒醬!無得頂!　雞肉主要為雞肉碎 配料有小白菜 紅蘿蔔絲 芽菜等等放在石頭鍋飯 冬天食會暖笠笠　好多時出去食石頭鍋飯都食唔到有飯焦!呢度絕對做到呢個效果!!!我地一定會回頭食二人套餐!!!

周不時都會去大角咀，見到呢間餐廳呢排都幾多好評，同朋友行經就去試試。呢到真係賣韓式小菜，唔係韓燒，都算幾特別。選擇緊係冇茶餐廰咁多，不過平貴都有，係呢條街咁多食肆呢講好似算比較抵。同朋友一樣叫咗鐵版雜錦肉飯（$45)，連湯、韓式前菜同飲品。湯係青紅蘿蔔豬骨，韓式餐廳嚟講有d怪，味道冇乜特別。韓式前菜Kimchi冇食，最好食係芽菜，好香麻油味，薯仔甜甜地都啱我口味鐵版雜錦肉飯，有豬牛雞同少少菜，朋友話佢嗰份咸咗小小，我就覺得OK，全部都好夠份量，我同朋友都係食哂，好飽。飲品叫咗紅棗茶，真係有紅棗碎。朋友就話佢杯薑茶可以再辣d。食物以外值得一讚嘅係我地食完一樣先上另一樣，細心位。同埋餐廳用金屬筷子，感覺好好多。食到飽一飽都係$45，食物環境等等都唔錯，下次去大角咀可以再嚟試下其他菜式。

我地一共3個人，叫左個2人前A餐，$178，2人前A餐包括：前菜、人參竹絲雞湯(半隻$50)、秋刀魚或炒肉(2選1)、韓式炆牛肋骨、極黑豚炒飯，送2杯飲品。然後叫左個煎泡菜餅同韓式石鍋年糕湯麵，個湯麵送1杯飲品。芽菜挺爽，且感覺是用麻油來拌，挺好味。青瓜酸甜，口感爽脆，但酸為重一點。豆腐卜看起來滿佈辣粉，可是吃起來一點也不辣，味道一般，不過不失。泡菜比其他的韓國店辣，可能本人較喜歡甜辣味道。薯仔，味道屬甜，味道一般，不過不失。人參竹絲雞湯，我地要半隻，50蚊，1隻要100蚊。首先個湯飲起黎清清的，唔會覺得係味精湯，而且d烏雞肉好(林)，好容易已經可以撕下。秋刀魚或炒肉(2選1)不予置評，因為感覺跟一般炒肉並沒分別，但味道呈甜，跟韓式炆牛肋骨的調味好像差不多，但沒牛肋骨的軟。韓式炆牛肋骨不錯，但蘿蔔嫌過入味，炆太老，且不太味美。極黑豚炒飯，味道一般，不過不失，但上面的蛋不錯。飲料方面，送2杯，於是叫左青梅汁同呢個要+$12蚊又細支既人參梨汁，雖然話係人參梨汁，但人參味較重，梨汁雖然佔較少，但仍能嘗得出來，人參不像我們普通常飲的參茶味道，較普通的難接受。煎泡菜餅，$40，沒什麼泡菜味道，但

我都係早前購買了團購coupon,咁我本身又住係大角咀, 搵日得閒就落去食朋友仔唔食得牛肉,我地點左燒豬肉飯+青梅茶, 雞肉飯+梨子茶。個湯係普通味精湯, 我就無乜意見啦。燒豬肉飯 很好味, 有特色韓國味道, 甜甜地。青梅茶, 我見呢種飲品係其他餐廳好少有得飲咪試下, 都幾好飲, 不過比較淡,無乜青梅味。雞肉飯 可能係韓國雞肉飯,比較少雞肉,多豆芽同菜, 但係無乜味, 麻麻地。梨子茶, 又係因為呢種飲品係其他餐廳好少有就試下, 沖得太甜, 唔係咁鍾意。我地個兩杯係特色飲品,所以每杯要加多6蚊, 不過都無所謂啦, 個餐咁抵。大致上呢間餐廳啲都幾好味, 第時無coupon我都會再幫襯~

早前購買了團購coupon, 和朋友一起去吃, 在旺角搭小巴, 很快就到團購的$28套餐可選: 烤豬肉飯($38)/ 雜錦石頭飯($48)/ 炆牛肋骨($58)我們當然叫了兩個價值較貴的餐啦menu說套餐可選2個小食前菜或湯, 而我們叫了4個小食還有湯, 中湯雖不太搭, 也有點味精feel, 但有湯喝還是開心的全部都好吃, 泡菜不太辣, 青瓜好爽脆, 魚仔像零食, 薯仔好入味炆牛肋骨有點令人失望呀, 肉炆得不夠淋, 但湯底甜, 蘿蔔沒筋, 份量很大朋友叫的雜錦石頭窩飯, 份量也很大, 有飯焦, 材料就普普通通啦其實兩個飯我地都食唔晒, 自備了外賣盒帶走飲品要了梨子茶(+$1)和蘆薈茶(+4), 兩杯都有些梨子肉和蘆薈肉, 但偏甜總括來講, 這餐又食又拎好抵, 就算沒團購, 正價也不貴, 吃完飯行返去旺角, 大概15min, 都不算太遠~

因為團購而認識呢間餐廳, $28一張coupon可以揀最貴$58既牛肋骨套餐, 仲以晚市來計確實超抵間唔中都會去大角咀食飯, 但就未聽過呢間野, 應該新開冇耐, 所以做團購宣傳下, 今次佢既策略都啱既, 因為我試過一次後, 都會再去食.是晚兩人兩張coupon, 一個叫牛肋骨餐($58), 一個叫燒豬肉餐($42). 個餐包兩個前菜(因為兩份餐, 所以有四個: 有泡菜, 芽菜, 豆腐乾同酸青爪, 全部掃清晒), 一個青紅蘿蔔豬骨湯(幾好飲, 仲好大盎吓, 又係飲晒), 一個白飯同一個餸, 仲包一杯韓式飲品, 有柚子茶, 薑茶, 梨子茶, 可熱可凍, 凍飲加一蚊先黎個燒豬肉, 鐡板上, 好多豬肉下, 唔係得幾片, 仲要幾惹味, 送飯一流. 跟住個牛肋骨又係好好味, 好淋同d蘿蔔都好淋, 個牛肋骨湯都好好飲. 總括黎講呢間野都唔錯, 唔係好港式, 比起金巴利道個d又平宜些呢.........食完好飽, 就算係原價去食都係抵既, 所以我一定會再去光顧.

當日 我們2個女仔用左annual pass入左迪迪尼(因為人多...) 5點多開始出番黎就提早開餐!!!前一晚 我做了少少功課 見韓淼莊d食評入面有人蔘雞湯(我朋友超like...)雖然好少食評 但勝在大角咀就腳 大家就決定一試!!!兩個女仔叫了一個二人餐$178(不用加一)超低...環境很好 坐得好舒服 好過尖咀大部分食韓菜好多...服務方面 態度ok! 有禮前菜小碟三款...薯仔最好味...泡菜很辣呢!!! (但我食得辣就接受到...)黑豚肉炒飯 想不到個餐最先出是炒 很大碟 可能... 因為好好味的關係 竟然2個女仔可以K.O.整碟人蔘雞湯 朋友極力讚好!!! 而我... 也覺得好飲 (當然 不能跟正宗韓國相比... 不過 我都好想知係香港有無?!?!)鐵板燒雞肉 哈哈 多油左dd.... 但味道都ok!!!!炆牛肋骨 d個真係好入味! 簡直一流 這個我極力推介其實... 當晚我們2人係全部食得晒~ 除了 剩餘少少炒 不過 我們也覺得下次多一個女仔一齊食這個2人餐的話 份量就剛剛好!!! 我們出門口結帳時 看到有個女仔獨自食一個石頭窩飯 攪到我都心痕痕 好想快d有下一次girl

大角咀人, 食韓國o野都會去幫襯OC 2 韓食家(雖然真麻麻)唔覺唔覺, 呢度就多o左一個選擇位子都有三十幾個, 充裕大路可以選擇o既韓式東西, 都有得揀, 30幾至40 頭價錢兩個人, 來了四小碟前菜, 應辣則辣, 應爽則爽試了海鮮石頭飯, 雖然不是上價海鮮, 但連飯撈埋o的醬, 非常惹味, 飯粒亦唔生硬還有杯凍o既梨子茶, 都好滿足

每當沒有什麼搵食頭緒,大角咀通常就是我的選擇,本打算去車品品喝冰冰奶茶,發現旁邊的韓國菜人客不多又不用等,最吸引是餐牌中那款冷麵!!!火紅色的韓國冷麵叮一聲從腦海彈出來,絕對是十個正啦!! 桌上沒有韓國餐館通常的有燒烤爐,似乎這裡不是主打供客燒烤的唷,沒關係這不是我想吃的!將餐牌翻來翻去也看不見冷麵這詞彙,召來姨姨待應一問,是在另一張上面,安心了!姨姨也推介這款店中新出品說是很好吃的, 而且又有前菜的呀! 那請來一份吧。稍後姨姨送來熱茶及金屬筷子湯匙, 拿上手叮叮聲的金屬(銀?!)筷子看來較有傳統韓國菜風味,比用塑膠筷子像樣多了。 再來兩份前菜 是炸豆腐及大白菜泡菜, 炸豆腐有點較淺色的辣椒汁為伴但不太辣,炸過的豆腐外不脆內不太滑但飽肚; 韓式大白菜泡菜有著很多紅彤彤的韓國辣椒醬, 味道跟平時買的不一樣, 沒那麼酸但多了一些較稠的辣醬更加濃香, 辣度初期不太高還覺得有點帶甜和不夠辣, 可是辣度原來是慢慢滲出的,吃完就知味道了! 大白菜爽脆連菜葉也不會像爛布般軟趴趴,極爽脆的泡菜口感,還加有蔥段及小量甘筍絲,自己覺得這份泡菜蠻好吃的。狼吞虎嚥泡菜期間還送上一盅例湯,但不是韓式人蔘雞湯之

一直都想試呢間韓國嘢，不過晚餐都幾貴吓又唔知好唔好食就一直冇試...直至...有日同朋友倆夫婦一起食飯，我就提議去試，發現平咗...真好彩！我們叫了一個二人餐再另外叫了一個炒飯和粉絲。二人餐一個唔駛二百蚊...真係平了很多...環境方面，韓式小店，還可以。坐得都舒服...服務方面，落單混亂，可以轉套餐的菜式但後來因為溝通問題上錯菜。本來是想要燒肉，點知變了牛肋骨...前菜小碟五款...右上角的薯仔最好味...泡菜的樣子似乎很辣呢！青紅蘿蔔例湯送...感覺像去了茶餐廳...黑豚炒飯不錯，炒得幾香，不過大家要很好眼力先可以睇到啲肉粒人蔘雞湯，點解會用烏雞嘅...怪怪地...牛肋骨也不錯，很淋很牛腩feel海鮮石頭鍋飯，認真麻麻...啲蟹柳似粉團...低級貨個粉絲炒得不是特別好味，有點太濕...不會推介整體來說咁嘅價錢食得過，下次可以試吓燒肉呢！

早兩日同朋友行過大角咀,友人話肚餓非常,咁岩見到有間新開既食店即刻去試試首先講下店既佈置,韓式既吊燈非常精緻有格調,唯獨光線有些微不足(情侶可以當浪漫)老闆亦相當友善,佢會詳細同你推解有咩拿手菜菜式選擇相當多,但如果menu提供更多相會更佳由於我同朋友兩個人既關係,唔想點太多菜所以點左個二人套餐,主菜都幾多款式上菜時發覺真係好大碟,遠超左我地想像人蔘雞湯相當足稱,味道比一般旺角既韓式食店味道更濃,而且無味精味另外鐵板夠火氣,我地兩個男仔去食都覺得抵食,熱辣辣送飯幾好,但如果鐵板汁再多d會更好(下次試下叫老闆比多d)飲品味道過得去,但都係個句,份量夠埋單百零蚊,比起出面食韓國野(唔係韓燒)呢個性價算幾好鍾意試正宗韓國野既朋友可以一試

好似未見過大角咀有咁韓式o既食肆...老實講，我覺得對大部份香港人o黎講，韓式最多都係食韓國燒烤呢間野真係嘗試做一 D 韓式o既食物，但我冇乜好感...佢o既鐵板烤肉係 OK o既調味不俗，份量多，四十蚊左右一個餐係抵食但如果叫佢個二人餐 (特價都兩舊水) 就似乎唔係好掂韓式牛肋骨　－　我唔知正式係點整，我只覺得好似係拎完 D 牛肋骨去煲湯咁，太「淋」人蔘雞湯　　－　有半隻烏雞，但全無人蔘味加上，開o左都有成個月，但餐牌有 D 野係永遠都冇 (例如咩韓式蜂蜜牛奶)，唔知寫落去做乜成日行過都冇乜客，我驚佢唔做得幾耐,,,

原來大角咀最近都開咗一間有韓式風味的鋪頭.前菜揀咗唔辣的白菜仔同芽菜,味道幾好.主菜則叫個鐵板燒雞肉,上枱的時候仲係咋咋聲,唔揾張紙巾擋住,一定會整污糟件衫,雞肉份量十分多,雖然不是平,但總算值回票價.另外叫咗個推介的炆牛肋骨,同樣件頭亦多,味道不錯,炆得好淋.仲有杯蜂蜜飲,埋單時都覺得物有所值.