韓牛韓式燒烤 (已結業)

難得有得出去食晚餐, 就揀自己同老公都鍾意嘅韓燒, 韓燒梗係要出旺角找一找, 終於見到個大招牌韓牛非常吸引 , 一於入去試一試。去到門口服務員非常有禮貌地帶位入座, 然後解釋飲品同食品響邊度, 感覺非常親切。食品包羅萬有除咗有多種 新鮮醃製 肉類 多種牛類 蔬菜 鮮菇 魷魚 ......燒烤, 還有 壽司 甜品 沙律 涼粉 生果 熟食 泡菜 雪糕 朱古力噴泉 非常多選擇, 飲品亦有好多台式 韓式 罐裝飲品選擇。座位非常舒適, 抽氣非常之好食飽飽之後都冇油煙味。

呢間餐廳位於旺角，簡直岩曬一家大細或者同朋友 因為夠曬方便 而且價錢不貴😛 我地個日係星期一，晚市一個成人只需$228 🥳 係旺角黎講放題都算係平架啦～😌呢到除咗有韓燒嘅食材亦都有甜品區、刺身和壽司區、飲品區、雪糕區同生果區等等。。除咗有韓燒之外佢亦都有提供少量熱食。👏🏼野食方面，有成廿幾三十款任你揀 有肉有魚有海鮮有菜類，我地覺得最好食係魷魚 個牛肉都幾好味 仲有肥牛金菇卷都不停encore☺️☺️ 刺身方面，溶雪都幾好😋 三文魚唔會腥🤪飲品方面都有好多款比你揀 有汽水，茶，酒都有得比你揀😁雪糕就無食到 因為已經太飽了😭 下次應該預留個肚去食下😆另外，我媽咪仲食左個熟食 係豬腳薑 佢話好新鮮 豬腳都無乜毛 處理得幾好🤓

疫情單數慢慢下降，好耐都無出街食晚餐，今日係旺角行完街街，朋友搵咗呢一間韓國餐廳「韓牛」韓式燒烤店食返一個晚餐🤩入到去見到好多款式啊唔單只係燒肉當佢連熟食都係非常多款式😋前菜食返啲酸酸甜甜嘅菜式開下個胃先啦😋泡菜、泰式鳳爪、蒜拍青瓜、芽菜、通菜、波菜、芥蘭🤩之後開始食燒肉啦燒肉簡左燒肥牛啦又有燒牛仔骨，仲有燒雞翼燒豬腩片全部都好好食呀👍推介大家真係食佢嘅燒牛仔骨我同我朋友每人夾咗一碟食😂燒墨魚仔都好得意😳成隻放入口🤩而佢哋嘅肥牛呢系好薄切嘅🤩呢間韓國燒烤種類真係好多咁佢湯類呢都有三款我就揀咗人蔘雞湯飲😋好夠老火湯👍仲有壽司、甜品、雪糕、飲品都係任揀😋真係你冇三個胃都食唔晒，而去到最後我食咗兩碗豆腐花

好耐冇去韓燒啦，呢日同媽咪去左韓牛韓式燒烤，好鐘意呢類任食韓燒，想食幾多就幾多，除左肉之外仲有好種類既食物！呢間韓燒係創興廣場1樓，上一層就係啦，好方便地方都幾大，就算係2-4人台都好寬落，張台都可以放到好多野食首先肉類方面，推介牛肉，醃得好入味！肥牛d雪花都幾靚，望落又好新鮮，燒一陣就熟，餓既燒肥牛先就最好，五花腩都好靚，薄切相對快熟，燒耐少少就可以脆邊，可以試下唔同口感平少好少見任食韓燒提供咁多款炸物，推介炸雞翼同薯餅，炸雞翼層炸衣唔算好厚，咬落去仲啖啖肉汁，一d都唔乾爭爭，薯餅就好香薯味，忍唔住食左2件呢到仲有好多熟食，韓式粉絲同豬腳薑都好入味！呢到竟然刺身都有，我本身唔好刺身，試左2件三文魚，食落冇咩異味，感覺都幾新鮮甜品種類勁多，除左杯裝雪糕仲有軟雪糕，可以自己加鐘意既topping！仲有好少見既朱古力噴泉同綿花糖機，好吸引，生果都唔少，仲有豆腐花同各種中式糖水飲品方面，除左平時紙杯罐裝仲有水蜜桃同自家製豆漿，豆漿必試！好香豆味，好好飲

韓牛韓式燒烤 (旺角) 📍旺角彌敦道601號創興廣場1樓今日要去創興LIVING PLAZA買野，剛好晚飯時段，見到一樓有韓燒燒肉放題，價錢合宜，就決定簡呢間任食韓燒放題。呢間韓國燒烤食物種類繁多，除了有不同醃好既肉類生料，仲有不同款熟食、甜品🍮、雪糕🍦呀💕燒烤肉類有好多款，推介必食雞腎，燒完之後香噴噴，好有咬口，醃得甜甜地。仲有醃牛肉、羊肉同豬肉，多不勝數，而蔬菜🥬都有好多選擇，有我最愛金菇肥牛卷，牛肉香氣油脂融入金菇，又有南瓜🎃，茄子🍆，可以解一解膩。熟食類竟然有豬腳姜❤️補一補骨膠原，蛋已經浸到變鐵蛋🤣女士養生之選。仲有大量韓國小食，泡菜、魚仔、酸辣無骨鳳爪、炸蝦、蝦片、仲有沙律🥗。甜品🍮有朱古力噴泉⛲️同軟雪糕🍦，仲有一埋水果🥭，有火龍果、蜜瓜、仲有桂花糕、豆腐花，多到花多眼亂。有維記開心果味雪糕，吾小心食左兩杯。飲品都係任飲嫁❤️有汽水，仲有燒肉必配既啤酒🍻，仲有最養生既無糖烏龍茶。地方寛廣，提供卡位坐，抽風都做得不錯，因疫情，有提供隔板分隔。總結：食物款式多 平價韓燒放題#旺角#韓國🇰🇷料理#韓牛韓式燒烤#多款食物#韓國小食#醃牛肉#放題#任食#雪糕🍦

環境：👍👍👍👍服務：⭐️⭐️⭐️⭐️味道：😍😍😍😍影相：📸📸📸📸Encore:90%📝進入前要度體溫 ➖➖➖➖➖➖➖➖➖➖➖➖➖➖➖忍左咁多個月終於可以食返一次放題啦😂事隔咁多個月，我地嘅第一次就奉獻左比「韓牛」.🔸燒烤肉類燒烤肉類嘅款式都幾多～淨係醃肉類都有十八款呢👍有羊肉，牛肉，雞翼，牛仔骨，豬扒，雞扒等丸類有司華力腸，紅腸，雜丸就咁燒烤又得，加埋蔬菜一齊炒，DIY都吾錯😂建議加D洋蔥落去，炒出黎特別香噴噴架😍.🔸涼菜類有泡菜，涼拌芽菜，韓式醃蘿蔔等燒之前可以食D涼拌菜，開下胃～.🔸熟食區炸物，一定係放題中最受矚目嘅一環😂有麥樂雞，蝦片，炸蝦，炸雞槌，仲有韓式煎餅添邊食邊等燒肉，一分鐘都吾會Hea🙆‍♀️.🔸冷盤，壽司，刺身區去親放題，呢一區基本上都係排哂大隊一場最多去一兩轉😂今次我地好好彩吾算多人，加上refill都快呢兩個因素我地食左3轉呀🤣有凍蝦，青口，帆立貝，三文魚，熟蝦壽司等太正啦🥰.🔸甜品，糖水區有幾款迷你小點，仲有棉花糖機同朱古力噴泉邊玩邊食，又幾棧鬼🥳最後，雪糕一定吾可以漏😂以雀巢同韓式雪條為主～

燒烤食物選擇都多嘅，但略嫌熟食類唔夠豐富，同埋某啲野食好似放左好耐咁。餐廳都大，坐得舒服，但食物區就好細，食左兩round已經無乜野想食。食物都唔太吸引，味道ok啦。兩個人食，都唔平，大約$450/2人出面韓燒都差唔多呢個價，但食物水準可以再好啲。唯一覺得好食嘅，竟然係杯雪糕，接骨木果味，見幾特別就拎左黎食，出奇地好食，甜甜地好清新晚市7點半去食，入面都唔係好多人，得幾枱，好疏落，如果對食物冇咩要求，想去人少少嘅地方食韓燒，都可以黎呢到。

將第一次食評奉獻俾openeice.你話無打手我真是唔信。朋友話想食燒肉，所以行完信和就過對面創興食嘢，本身想食4樓果間，點知搭咗扶手電梯上去，朋友見到韓牛又心思思想試，即刻上openrice search 食評，竟然笑哈哈😄很多，就決定食。點知，就中伏了。1. 話係韓牛，完全見唔到韓牛嘅蹤影，千其唔好同我講隻牛未來得切宰，只有一堆顏色黯淡嘅殗肉，唔好話牛肉嘅選擇都非常少，簡直就是肉嘅選擇都非常少。新鮮有質素嘅肉並唔會好似咁樣。仲要一擺落個烤爐，d肉已經痴住曬係度，同埋燶曬。2.放題形式嘅食物放置非常不衛生，三文魚片就咁攤係d唔知乾唔乾淨嘅冰上面都是一個問題。其他食物都是攤喺度，衛生程度有幾高真是一個迷。3.食咗唔知有無幾舊肉落肚後決定放棄，心諗唔好蝕咁多，食返d雪糕都好啊。去雪糕櫃睇，品種都唔算少，雖然都是平價雪糕為主。一個雪糕櫃，得一邊可以打開。伶住杯杯裝雀巢雪糕完全唔硬，好似溶咗雪有一段時間，再伶支melona 摸下，哇，天啊，變曬型，唔係溶雪再雪硬咁簡單，係溶雪再無變硬咁，都是擺返低。4.安排座位的人好有問題，明知有班菲律賓客開party咁幾十個人，雖然未齊人，剩係開頭來咗5個

父親節飯 🥰訂咗位都求其比門口枱我哋我哋同佢講先轉翻 明明好多枱 4人枱位置都好細 出入好唔方便而且無人收碟 服務麻麻自助區 款式算多肉類 羊肉牛肉豬扒雞翼三文魚多春魚蔬菜等基本上都有 而且肉類醃得好食 連朱扒燒完都唔會柴熟食 有唔同炸物 好多都淋咗 蝦餅係最好食😂 牛腩蘿蔔 牛腩好難食又un 反而蘿蔔入味最估唔到係炒菜好好食 菜心唔油又淋有味配菜好多 泡菜蘿蔔芽菜 咩都有 睇落好辣但食就知無乜味海鮮有帆立貝 青口 蝦 同三文魚 三文魚一出好快就無哂 我都無見過帆立貝同蝦都正常無特別青口就有啲有沙特別提一提 海鮮醬好辣甜品除咗都特別味既雪糕 仲有得整軟雪糕同棉花糖 不過啲客都整到好污濁 其他啫喱同糕完全無味似水 278一個任食無限時 還可以啦

🥢旺角平食多種類韓式燒肉放題🥢旺角燒烤店有好多不同選擇，而呢間就主打多種類選擇，除了很多不同燒肉生料，仲有好多款熟食甜品，真係花多眼亂🥢成人放題 $178+10%燒烤肉類有好多款，醃牛肉醃豬肉醃魷魚好入味，仲有我至愛的五花肉同多春魚，蔬菜都有很多不同的選擇，可以燒菜去解一解油膩🥢熟食種類有韓國頭盤小食，小女子魚干泡菜菠菜酸辣無骨鳳爪等等，炸野有吉列蝦，炸雞粒雞翼蝦片，仲有沙律吧，喜歡食沙律的感覺唔錯🥢甜品最特別是有棉花糖機可以自己整來玩，小朋友最鐘意的朱古力噴泉同軟雪糕，另外必食超甜迷你一口芒果，因為真係好甜無渣，甜品櫃有多款小小杯仔甜點，另外提供雀巢雪糕杯任拿🥢任飲的有一般汽水，韓國罐裝飲品，食燒肉一配啤酒最正所以有啤酒任飲，最特別是有日本麥啤🥢款式多選擇而坐的地方比較舒適，有大大個卡位俾你坐，而且抽風幾好，無咩油煙味，雖然味道未算好出眾，絕對是一個平平地食又啱一家大細食的韓燒韓牛韓式燒烤 地址: 旺角彌敦道601號創興廣場1樓

韓燒火鍋放題🍢🍲一次過滿足曬兩個願望今日近近地黎左旺角食韓式放題。叫得韓式，炸雞同燒肉當然唔少得啦🐥🐥同大部份放題一樣，有熟食區可以夾返座位食，亦冇生肉區夾食物返位燒。熟食區的食物最尷尬就係放得耐會凍，呢度又keep得住温度幾好喎👍主食有炒粉絲，辣炒年糕，炒青口等。飲品種類有果汁有可樂，仲有啤酒。甜品有我鍾意的糯米糍❤️細細粒不同顏色，軟綿綿好可愛。仲有泡芙同豆腐花👍豆腐花滑捋捋質地都唔錯呀。

最近真係好少出去食飯，今晚終於忍唔住，出咗去食韓燒！價錢真心抵食！政府嘅新例實施左之後，餐廳亦都加強咗防疫措施，而且餐廳人流都唔多，我哋坐低食嘢都比較放心一開始食少少冷盤。我哋主打都係想食肉！肉類選擇好多，我哋鍾意食牛肉，主要都係食牛肉嘅款式牛仔骨好正，又淋又入味！金菇肥牛都食咗幾轉！食物係任食的，不過食幾多攞幾多啦，我哋唔做大晒鬼之後都食啲澱粉質，有幾款韓式煎餅。不過一定要留肚食甜品！呢度有自助餐必備嘅朱古力噴泉，點棉花糖食最正！好啦食完一餐又閉關一排，希望可以盡快回復正常生活啦

好耐都無出過去食野🤣又想去食下放題，韓燒！哩次同朋友3個人去佐旺角食韓牛，韓牛都幾多種類選擇肉類都有15幾20種…岩嗮鐘意食牛肉既人！佢D小食都多，我最鐘意食佢既鳳爪夠嗮入味，另外仲有一d炸既小食，不過我感覺可以唔好一開始就食小食，會好易飽，食唔到牛就唔抵🤣🤣內柳粒，唔算太厚，好易燒，又唔使等好耐😍甜品都有10種左右，食飽，食翻黎種甜品真係勁正生果類就少d，如果多多幾種就好了😆

呢間韓式放題好抵食，而且呢排抗疫仲免費提供搓手液及酒精！唔係講笑，真係食得安心又放心！1️⃣肉類選擇有好多，啱晒食肉獸嘅你！甜品方面仲有棉花糖添！最唔少得嘅係有好多種類嘅雪糕，有香港人特色嘅港式奶茶味同埋經典款芒果味等等。🙆🏻‍♀️美味指數:7.02/10💡整體來講，抵食又多選擇，而且環境寬敞！食肉獸又係出動嘅時間啊！韓牛韓式燒烤 (旺角)地址🐾:旺角彌敦道601號創興廣場1樓

依加食野最緊要環境夠闊同食物夠熱！2個人去食，同隔離枱保持一定距離就無問題！主打熟食同烤肉！最愛佢地個豬腳薑！平時外邊食一碗都已經好貴！喺到就可以任食！其實酸酸甜甜好開胃！韓式燒肉必食五花腩！燒完之前脂肪溶咗啲，肥瘦都幾平均！半肥瘦再用生菜包住食一流！仲有啲生蒜可以加埋入去！殺菌又有益！另外仲有雞翼、牛仔骨、牛舌、三文魚，都係必食嘅！雞翼大大隻！牛仔骨夠晒香！三文魚揀啲多脂肪位，燒完夠晒香口，啲外皮會脆脆地添！