韓米 (香港工業中心A座)

營業中

休息中

放工經過位於荔枝角香港工業中心見到依家新開嘅韓式外賣店-韓米,於是一於試吓新嘢韓式拌飯同牛肉紫菜卷飯套餐睇落都相當吸引. 隨餐有泡菜,醃蘿蔔,韓式炸雞塊同魚餅湯,相當抵食.牛肉紫菜卷分量相當大,除咗韓式牛肉仲有其他唔同配菜.另外仲有拉絲芝士,味道唔錯👍🏻韓式炒米粉，除咗韓式豬肉及其他配菜,粉絲相當爽口好食.另外我哋仲試咗泡菜煎餅.泡菜味相當濃郁,煎餅香脆可口香脆熱辣嘅炸雞配上韓式甜辣醬,套餐得2塊真係唔夠食,仲想食多幾塊!兩份套餐價錢唔貴,性價比極高,值得下次再來試一試!

荔枝角香工嗰頭除咗買衫 原來嘢食都好多選擇㗎🥰今次搵到一間專食韓國拌飯嘅外賣店 叫咗下面幾樣返屋企慢慢嘆👍🏻🍱 韓式牛肉拌飯🍲泡菜炒飯🍘韓式炒粉絲🍝泡菜煎餅🥞講緊都係五六蚊一個拌飯 足料之餘份量一啲都唔孤寒💯份量女仔可以兩個人share一盒飯👯‍♀️你以為外賣味道一定大打折扣❓錯晒啦🙅🏻‍♀️除咗份量多味道重好出色㗎‼️完全係韓國街頭風味🇰🇷如此高質嘅韓國飯😋平時想偷下懶 或者糧尾慳慳地💸呢間強烈推介俾大家👀

荔枝角出名食在工廈今日經過依間韓國便當外賣店原來係之前觀塘食過嘅分店黎好開心荔枝角都有分店店鋪顏色用紅色所以唔難搵不過午飯時段門面都較忙如果想快食都有整好嘅紫菜卷飯買走咁我叫左個便當同紫菜卷返屋企慢慢食見到佢推介依款牛肉便當同埋都最受歡迎便當入面有炒年糕同黃蘿蔔作小食份量唔算太多岩岩好而且即點即整溫度都尚算好熱牛肉味道偏甜唔會太乾身配埋少少野菜都唔會寡而菜飯卷我都係點咗牛肉味入面都幾豐富有蛋有蘿蔔有瓜有肉另外魚餅湯我都好推介佢個味道胡椒味較重 眼望都有五至六件魚餅幾抵食飲品都有幾款韓國出嘅飲品揀第一次試依隻梨汁好唔錯飲前搖均梨嘅渣就唔會沉底

上星期我探好朋友在香工附近的新店開張， 我到了一間韓式🇰🇷外賣🥡店買了多款韓國🇰🇷特色食物，同朋友一齊分享，食物使我有驚喜💕💕無論韓式拌飯套餐的泡菜、炸雞翼、魚餅湯、牛肉或豬肉或蝦肉紫菜卷、韓式拌飯 等都好吸引！🍙外賣🥡店門面以橙色系主調，搶眼又有型，食物有水準🥳，紫菜卷是我最愛，口感豐富！更買到韓國🇰🇷米水，飽肚又健康！🏡韓米 荔枝角青山道489-491號香港工業中心A座地下A2F號舖

咁啱去荔枝角學野🤭順路去揾野食，見到有韓國飯卷，方便又幾吸引！所以就揀食呢間啦🤣✨芝士牛肉紫菜卷呢個外賣就好方便食！個牛肉加芝士好夾，食落唔會好油好膩👍🏻食晒一條啱啱好✨豬肉紫菜卷炒豬肉係辣嘅，所以好惹味👍🏻同芝士牛肉紫菜卷係2種食法🤤✨雞翼槌雞翼槌啖啖肉好正🤣炸得好香口✨醃辣魷魚好香蒜味，辣辣地好惹味🤩✨韓式大荳牙好fresh嘅小食，食完辣野可以轉一轉口味🫢✨黃蘿蔔好鍾意酸酸甜甜嘅口味，又脆口🤤#韓米📍荔枝角青山道489-491號香港工業中心A座地下A2F號舖

最近日日 lunch 都食 D2two 間性價比極高嘅草🥗，雖然又健康又抵食，但都想轉轉口味！於是就喺香工出面條街買外賣。見到呢個韓式拌飯套餐，有泡菜、黃蘿蔔、炸雞翼、魚餅湯、牛肉紫菜卷同韓式拌飯 (牛)，仲送汽水🥤，唔駛兩舊水，好似都唔錯就同同事夾份買嚟 try try～雖然係外賣，但攤開晒個貌相都幾吸引，🥕前菜嘅泡菜同黃蘿蔔、韓式拌飯好 courful，🍙紫菜卷都整齊，令人好有食欲！泡菜更加衝擊味蕾！🍗雞翼拎到返 office 都仲脆，有肉哋，🍲而魚餅湯胡椒味有層次，兩大塊魚餅味道唔錯。🍛韓式拌飯材料同口感都好豐富，飯粒粒粒光澤，有麻油香。🤣最後我哋兩個都食到好飽，呵呵～

行經香工見到原來新開咗間韓國外賣小店!! 放工即刻叫返個外賣先。可以用不同平台落單，亦可以WhatsApp餐廳訂餐~ 不過今次我就到場先買，即叫即製，大約等10分鐘左右。叫咗兩款「韓米必食推介」就係韓式牛肉便當同韓式炒粉絲。✪ 韓式牛肉便當 ⌫💲68便當有牛肉片、醃黃蘿白、年糕同香噴噴的白飯。牛肉片經過烹調後保持了它們的嫩度和鮮美的口感，醃黃蘿白酸酸甜甜又脆脆，讓整個便當的味道更加豐富多樣。白飯蓬鬆香甜，係完美搭配。✪ 韓式炒粉絲 ⌫💲48韓式炒粉絲有好豐富的材料。粉絲經過炒煮後保持了彈牙的口感，並且與蔬菜和調味料完美融合。它的味道既濃郁又清爽，不會過於油膩，真係唔錯！✪ 泡菜炒飯 ⌫💲55泡菜炒飯的米飯經過炒煮後散發著濃郁的泡菜香氣，搭配上微微帶辣的口感，非常開胃。✪ 辣魷魚(細) ⌫💲25一小盒份量唔算多，香辣惹味，魷魚軟軟嫩嫩，超好食！【 韓米 】📌 荔枝角青山道489-491號香港工業中心A座地下A2F號舖

因為趕時間經過見佢唔使等就買，講真，真係難食過七仔啲Kimbap，仲要58蚊，一拎個陣已見到盒入面有啲水珠，感覺只係放咗喺雪櫃一段時間未食嘅隔夜食物，又或者係佢整完未攤凍就放左入雪櫃/閂埋咗。個芝士有陣噏味，啲牛肉乾到痴線，個牛肉嘅調味係等同於無的，好似就咁喺度食緊啲纖維咁。陣味好似擺咗喺度成個星期先拎出嚟賣咁，食左兩件決定唔再食了，大家真係千祈唔好買。真的很難食雖然要打夠200個字先可以比喊，但我都會打的，因為真係好難食⋯⋯

本身睇個menu都唔太吸引，但都抱住一個試下既心態去食，結果得到一個好難食既泡菜炒飯😵‍💫成個飯有味既只得泡菜，唔知點樣做到啲飯淨係得辣味冇鹹味，太神奇了😂

今次再幫襯1.芝士牛肉飯卷，好食，料都多2.原味炸雞，打開發現佢將啲醬淋哂上面(上次係一大pat放喺底), 我叫原味就係唔想要醬，如果你要放醬，係咪應該另上呢3.醃魷魚(細) $25，呢個真係過分，味道係ok嘅，我雖然係叫個細，但都唔係細到咁嘛，入面得3條係正常size, 另外有大約5-6條係碎(大約係尾指第一節咁長，粗度係一隻木筷子)第一次食過覺得幾好先再幫襯，但估唔到第二次就咁，我諗唔會有第三次

早幾日返工經過見到新開，第二日阿女話想食炸雞，放工就買個外賣(買完返到屋企都個幾鐘), 返到去當然已經凍哂啦，焗返熱食，估唔到又幾juicy, 唔會又乾又鞋，打算揾日試埋佢個kim bab同啲小食