韓舍 (已結業)

昨天與婆婆👵🏻到元朗圖書館📚附近逛超市，經過御庭居購物商場看見一間韓燒店🔥「韓舍」價錢💰都算便宜，於是決定今晚來試一試。餐廳燈光柔和座位甚多，地方整潔👍生燒肉款式很多，有不同的款式及味道選擇。我最喜歡吃它的咖喱雞扒，肉質細嫩，咖喱味濃郁，燒得香口十分惹味，原味雞翼也不錯，甜甜地雞🐔肉香囗嫩滑，我一吃10多隻😋甜品區款式也很多，有芒果布甸、木糠布甸、牛奶布甸、黑芝麻慕絲、意大利芝士蛋糕🍰及啫喱。壽司精細，款式也有五款，其中芝士炙燒壽司🍣最好味😋，炸物中的蝴蝶蝦🦐和酥炸燒賣，不油膩炸得香脆。家人最喜歡喝這款人蔘雞湯🥣，湯料有雞、圓肉、紅棗和人蔘等等，味道清甜甘香。熱食、沙律🥗、雪糕🍧、棉花糖、格仔餅及爆谷等，還有很多食物都未能嘗試，因為已經很飽，吃不下了🤪總結這一餐價格💰與食物🍹🥃🍣🥟🍰相符，抵食👍

早兩日同女朋友去旺角行街，夜晚食飯提議去附近嘅放題鋪頭打邊爐，見到呢間餐廳喺網上評價唔錯於是就想去試一次佢哋嘅價錢喺旺角區來講都幾合理，我女朋友提議不如比多幾十蚊試一試養生鍋，於是本着一是無妨嘅心態就叫咗，每人$228養生鍋一上場都已經覺得好吸引，奶白色嘅湯底同埋非常肥美嘅雞雞肉食落都非常有雞味，完全冇諗過係放題鋪頭食到一個咁好嘅湯底另外佢哋都有普通放題嘅小食提供，款式好多另外佢哋好多材料都係自助形式，感覺已經好過其他放題店，起碼唔會想食肥牛肉嘅時候都要等服務員提供，非常好總括嚟講呢間餐廳算係我喺旺角區食咁多打邊爐放題最優秀嘅一間，絕對會再嚟！

這裏是韓燒及自助餐混合的食店，食物種類相當多，賣相亦吸引，整體而言，味道是不錯的。韓燒生肉款式很多，有不同種類的肉類、海鲜及蔬菜等。肉類選料都幾優質，比一般韓燒店好，羊架肥廋適中，豬腩肉肥肉廋肉相間鮮明，十分吸了引。燒燒十分若味，味道調得不錯，一邊燒一邊就嗅到香噴噴，我覺豬腩肉好正，肥而不腻，黑椒牛仔骨也美味，小小辣，肉質嫩滑。而自助餐區亦有很多選擇，刺身種類也有七、八款，三文魚幾肥美爽口，很新鮮。還有不同款式的壽可十分吸引，看見就想吃，味道果真不錯。炸物也很好吃，尤其是酥炸蝦，酥脆香口，又彈牙，怕肥也要多吃兩件。還有很多沙律供人選擇，吃多了肉，吃吃沙律確實不錯。他們的甜品也款式多多，焦糖燉蛋不錯，香脆的焦糖鋪面，但不太甜，燉蛋亦香滑不會太老。木糠布丁也不錯，不太甜，幾軟滑，值得一試。而且還可以自製棉花糖、冰條、夾餅、八爪魚丸等等，相當好玩，小朋友最開心。

最近燒肉嘅慾望又燃起喇，放工去韓舍滿足下先。7點前離座$108，好抵食。最特別係仲有章魚小丸子機，炒雪糕機，棉花糖機，格仔餅機，爆谷機，好玩又好食。餐廳入面嘅燈光好柔和，雖然係燒肉，但環境幾grand同乾淨，完全冇油笠笠嘅感覺，座位舒適闊落，感覺好好。除左韓式燒烤，仲有酒店式嘅自助餐，熟食款式都幾多，而且有壽司刺身，沙律吧，老火靚湯等等。由於今次一心想燒肉，所以冇食太多嘅熟食，食左刺身同宮廷醬燒骨，炆得好腍，肥瘦適中，味道夠香濃。三文魚刺身賣相睇起黎都好新鮮，而事實上味道都符合外表嘅鮮美，三文魚唔腥，有口感，唔錯。朋友見到豬腳薑好開心，豬腳同蛋都好足料，薑唔辣，易入口。燒肉方面，都係自助形式，食材種類多，有雞翼，牛仔骨，黑椒牛粒，龍利柳，咖哩雞柳，原塊黑豚肉 ，三文魚骨腩，豬頸肉，仲有新鮮蔬菜，應有盡有 。可以睇下岩唔岩先夾，亦都可以就住份量，咁就唔怕浪費食物。味道方面，牛肉好腍，肉有味道又保持嫩滑，唔洗點醬汁，已經覺得好好食。食左好多唔同款嘅甜品，焦糖燉蛋又軟又香。牛奶布甸，奶味夠濃，同木糠布甸一樣咁滑。magic cake係一個軟綿綿，唔會太甜嘅蛋糕，質感似日式芝士蛋糕，仲有啫喱杯

在元朗飲食店不停增加，日本菜，泰國菜 燒肉店，放題，多到數不盡，但在這段時間 仍然屹立不倒是很難得的，韓舍是其中之一～今日一家人到來回味～回憶～肉類種類多，雞翼也有兩款味道，牛肉粒，牛肋骨，豬頸肉，雞腎 ，豬肉，五花肉等等～ 蔬菜類也有十多種～熟食有10多種～換食物速度亦很快～小食位有4款～壽司同冷盤位置keep住都會有食物，補給食物速度都很快～刺身也有8款～甜品種類超～多～拎取食物時，發現大部份客人都和我們一樣～一家人 開開心心舒舒服服享受這時刻～任何食物都適合一家大細，這店十多個年頭～跟著時代進步～食物水準亦跟著進步～

話說元朗都無咩幾多間韓國餐廳專食燒肉放題，曾經有幾間都執哂。唯獨是呢間韓舍，我諗佢至少開左十幾年。記得初中都成日會黎食，一直以為無左，點知聽朋友講起，先知原來仲係到，所以今晚就去左食。今日係閒日既9點幾，入到去都仲好熱鬧！食物既種類超多，唔單止有熟食仲有甜品！仲有壽司同刺身！一去到比佢既甜野食吸引左，即刻拎左個香芋地瓜丸，熱辣辣，外層好趣口！😍好好食，勁似之前去台灣夜市食既味道！而刺身非常厚切😍普普通通既三文魚，係呢間韓燒入面變得唔普通！又厚又fresh😍燒肉方面，五花肉同埋牛仔骨都足以令我食成晚！五花肉完全係肥瘦均勻😍最鐘意有肥位又有瘦位，而且佢有生菜拎，配埋一齊食好有韓國水準🤤🤤任食黎講，佢選擇又多，食物又新鮮，最重要係保持到食物既溫度❤️❤️❤️可以得閒再食多次，好想再食佢既地瓜丸🤤🤤🤤

琴日收工約左同事食韓燒，看到店外的餐牌，價錢相宜 ($188+10%)，於是便選了這家韓燒餐廳。店內座位闊落，很好坐。食品分了三大區域，有熟食區，自助凍肉區和甜品區。有大約六款壽司供應，目測店員有定期補充，火炙蝦壽司賣相非常好，新鮮好味！反卷亦十分高水準，烏冬冰涼清新，蟹籽沙律用料十足。燒烤區有大約二十多款食品可供選取，雞，牛不同部位都有提供，食材會定時補充，確保新鮮。店內有一部自動汽水機，個人比較喜歡，這樣會很環保，不會出現大量空罐。燒爐上會鋪上一張紙，不會造成大量油煙，店員亦經常幫手收括枱面，服務貼心。甜品有十多款選擇，個人喜歡木糠布丁，不太甜但十分濃奶味。吃了大約一小時後，再自製了一個棉花糖，自製的特別好味！！

今日放工同同事去食元朗抵食韓燒放題。睇中佢款式多樣，有刺身、頭盤、熱食、甜品，包羅萬有。首先講下刺身，刺身種類都比一般韓燒放題店多，例如三文魚、蟹棒、希靈魚等，每次可以攞4件，所以我地都攞左好多次。熱食方面選擇好多，最欣賞係佢既冷盤，有青口、凍蝦、還有各類壽司，簡直花多眼亂！韓燒最重要當然係燒既部分！韓舍提供既燒肉種類好多，有牛、豬扒、雞翼等等。仲有蔬菜、菇類添！值得推介係佢既麻辣雞翼，岩曬喜歡食辣既人，十分惹味。其他肉類亦醃得好入味！最後就要講下甜品啦，呢到有個甜品櫃擺左好多唔同既小蛋糕、啫喱杯、仲有diy雪糕、爆谷機、棉花糖機，岩曬小朋友添！結果我地當然食到飽一飽離開～星期四食價錢亦都好平，下次都會繼續黎食！

同學聚餐，大家都係元朗人，選了中學時期已經經常去既韓舍！地方好大，坐得舒適！九時前入座收費$168有三十多款肉類，丸類、蔬菜類任燒！辣味雞翼很入味，辣得過癮！五花肉配上黑椒鹽和韓式辣醬很惹味！有八款刺身，三文魚腩好肥美😋，炙燒過既蝦壽司很香口！熟悉方面做得不錯，印尼烤雞腿配泰式醬汁很開胃，xo醬時蔬和羅漢齋啱晒鍾意食菜嘅朋友！甜品🍮很有驚喜，木糠布甸好creamy，美式芝士餅好香濃芝士味😋去皮橙很貼心，很甜！人均消費$200，係元朗來講算係有質素，差不多有20年係有原因嘅！

已經有很久沒有食韓燒 放假去實在是太多人平日去果然好一點 不用得位等太久我食的這個時間是晚市價錢為HKD$169加一服務費限時2個小時任飲任食😋我去逛了一圈才拿東西🤤期間被我發現早前紅透一時的狗狗造型慕斯🐶樣子實在太吸引 令人捨不得把牠食掉這裡大致可分為幾個位置:頭盤/冷盤熱食(葷菜)炸物刺身壽司甜品/飲品肉類/蔬菜食物種類繁多 一定會有自己想食的東西🤭食肉愛好者看到應該會拿不停手我也分別拿了好幾碟呢~ 肉類也很新鮮燒烤過後還香味撲鼻🤤甜品也很吸引🤭拿了好幾款來拍照💕太吸引了我和家人也食到很飽很滿足耶~

朋友聚會，突然大家都想吃韓燒，就選抵食多選擇的韓舍。刺身、頭盤、熱食、甜品，選擇都很多。一黎先食刺身，刺身都多選擇，蟹棒都有，除了拎三文魚，即拎蟹棒，新鮮，肥美，之後都拿了幾次。燒肉種類選擇多，五花腩肉吸引，厚薄適中，加上附送的鹹，很搭，令人一口接一口。金沙骨都很入味，肉質燒完不會過韌。蔬菜的選擇都勁多，金菇，翠肉瓜燒完都超正，多汁，新鮮飲品選擇多，特別喜歡洛神花茶，有下火的感覺。甜品都有很多選擇，特別喜歡焦糖燉蛋，很滑。迷你葡撻都吸引，一口接一口，不會過甜。

元朗韓舍和兩個朋友一起到這間韓舍晚餐，他們說味道不錯，我未試過，抱著試一試的心態去吃，畢竟，我想都是吃韓國烤肉吧，應該沒甚麼特別。環境乾淨光猛，座位都尚算寬敞，服務都頗細心有禮，因為當我朋友吃東西時，頭髮不小心沾到桌上的醬汁，服務員便立刻遞上乾濕紙巾，這點很欣賞。至於食物方面， 種類都多， 有熟食，燒烤食物，湯，甜品，飲品，味道也是不錯，最喜歡是燒烤的肉 醃得夠入味，會再去。

聽朋友說元朗呢間燒肉除左燒肉仲有好多野食，一於試下。去到元朗豐年路輕鐵站行幾分鐘就到，價錢168+1。店鋪都大，坐得也舒適。首先去吃壽司及冷盤刺身，有好多不同選擇。呢個八爪魚壽司好爽口！而在旁邊的有熱食區，試下個芋頭波，熱得黎也很好吃。再過少少就到燒肉區，除了一般肉類，仲有蜆及帆立貝。燒出黎好香甜。個人最喜歡辣雞翼，味道調得好好味，雞翼也很juicy。最後甜品也有好多選擇，有啫喱，焦糖燉蛋，燉奶等等。總括而言，咁既價錢食到咁多野真係超值。

今日同家人去韓舍食放題，燒肉、熟食、魚生、壽司、冷盤、甜品…什麼都有，定能滿足各人的口味。我們怕晚上多人，就選擇了5點的時段，任飲任食成人只要$108,小童$78(加一服務費)地方寬敞，有卡位，食得舒服。先食刺身， 刺身新鮮，有幾款選擇。冷盤，熟食都很豐富，味道亦不錯。食物種類豐富，青椒、粟米、菇類、瓜類、珍珠貝、墨魚仔、蜆…肉類有雞翼、豬頸肉、五花腩、牛仔骨、金沙骨、豬扒、 龍脷柳…就連三文魚骨腩都有。甜品亦有不少選擇，最愛大菜糕，味道清清甜甜，芝士蛋糕味道濃郁，小朋友愛吃爆珠啫喱。還有爆谷、棉花糖、自制雪條、夾餅、炒年糕、自制小丸子。有汽水機、橙汁、洛神花茶…都是任飲的。肉類醃得入味，最愛黑椒牛仔骨夠惹味，豬頸肉爽口，還有五花腩肥瘦適中，剪一片片包著生菜食，可以食多幾片。侍應有經常收碟，服務不錯，而且食物種類豐富，價錢實惠，下次要再來。

韓舍-元朗情人節正日食烤肉一定多人到爆，醒目既一定早幾日食，唔使同人迫。😻元朗韓舍近近地，最岩我，貪佢環境闊落，坐得又C服，仲有電視睇，睇住劇黎食，最開心🤪都唔係第一次黎啦！所以直接d，介紹好野俾大家食。冷盤推介三文魚剌生，顏色同口感都相當得，入口仲好鬼新鮮，最好既係可以encore 再encore，不過我都唔貪心，食左2碟啦💋，留番個肚食其他野。熟食方面，炸雞腿仔好味，唔靱，炸得岩岩好。燒物點少得推薦呢！本人最推介牛肋骨和金沙骨。牛肋骨有黑椒味，燒完好香口架，半肥瘦，口感好又唔韌。金沙骨必燒，我專揀大大條骨黎燒，肥肉咬落去，啖啖汁呀。😋甜品好多款式，任人選擇。雪糕，我最鍾意食，臨尾食左2碟，甜在心呀。🤤