韓舍 (已結業)

聽朋友說元朗呢間燒肉除左燒肉仲有好多野食，一於試下。去到元朗豐年路輕鐵站行幾分鐘就到，價錢168+1。店鋪都大，坐得也舒適。首先去吃壽司及冷盤刺身，有好多不同選擇。呢個八爪魚壽司好爽口！而在旁邊的有熱食區，試下個芋頭波，熱得黎也很好吃。再過少少就到燒肉區，除了一般肉類，仲有蜆及帆立貝。燒出黎好香甜。個人最喜歡辣雞翼，味道調得好好味，雞翼也很juicy。最後甜品也有好多選擇，有啫喱，焦糖燉蛋，燉奶等等。總括而言，咁既價錢食到咁多野真係超值。