韓舍 (已結業)

這天晚上約了朋友到旺角吃晚餐，我們決定吃放題。"韓舍"算是放題的龍頭，創興廣場也算是方便，就它吧！很快就有位，真好！裡面地方算大：有即叫即切的刺身：我們決定選韓式宮廷海鮮鍋 + 酒店式自助餐，每位$328。星期一至日都有供應 (5pm - 12:30am)，但要有四人以上才可以點。刺身﹑壽司﹑甜品﹑DIY甜品﹑中西熱葷任食，清酒﹑汽水任飲！韓式宮廷海鮮鍋：要有兩個爐，可想而知有多大！材料非常豐富：有各式海鮮﹑蔬菜，最特別的是有大閘蟹和龍蝦。不久就煮熟了：三文魚和鮑魚片刺身：各款熟食：宮廷海鮮鍋的大閘蟹煮熟後：肉質鮮甜，吃後齒頰留香。飲品有清酒﹑可樂﹑橙汁等，應有盡有。埋單$1443，平均每人$361，有加一服務費，以晚餐的價錢來說，算是可接受。餐廳氣氛、食物和服務員質素都很高，我們有機會還要再來！

香港難得見咁大海鮮鍋，四人成鍋，人均HKD328,用料新鮮，個人覺面飽蟹一般，而龍蝦美味有膏，不喜者上鍋前可以同職講將面飽蟹轉龍蝦，注意龍蝦唔好煮咁耐，啱熟好叫店員帮手捞起分食，店員態度殷勤，值得一贊價錢包括其他熟食，甜品及刺身。雪櫃甜品不錯，環境寛堂，坐落唔逼。清酒可以任添，不落食時記得自己加冰，口味更佳..............................

爸爸生日話想試下呢間 佢話好多人話好食😂見openrice超級多好評 就試下⋯點知😪先講放題 無樣野係熱架😳有炒面🥘韓式年糕🍲水煮魚🐠咖哩角等等唔同既野食 最熱係人蔘雞湯架啦🍲🍲海鮮鍋係好霸氣 但蝦唔新鮮😳爸爸話隻蟹幾好🦀但值得一提 服務其實唔錯 樓面咁忙都無黑過面

如果要搜尋要平，多，靚，正，有韓燒，又壽司，又要自助，又要甜品的餐廳， 要求又晤太高，不妨選擇韓舍，經濟d,繁忙時段print張openrice優惠券四位減一位，食2個鐘，減左每一連加一203元，尚可接受，佢有晤少自己diy嘢食，汔水又任飲。好處甘多，一定有晤好，1）就係雪糕but晤郁的， 用咗好多時間，心機，力量先but到。2）通风系統晤夠，座埋面好焗，晤夠冷氣，見到靠兩把风扇吹，不過好過冇。。。總結嚟講，好抵吃希望下一次去改善通风問題，食完由頭到尾成身bbq味

鼎鼎大名既韓燒放題店推出左全新既韓式宮廷海鮮鍋，鐘意韓式既我根本忍唔住於是就搵埋同事一齊黎食我地係7點左右黎到，果然係頂級既韓式食店，人客極多，好彩我地一早book左位，侍應好快就帶左我地埋位，招呼十分良好。坐低冇幾耐，店員就將一大盤既海鮮抬到我地面前，真係豪華到不得之了。侍應為我地既海鮮鍋加濃湯同埋開火既時候，隻龍蝦仲係非常生猛，好彩即刻冚蓋，唔係隻龍蝦一定飛出黎。係煮緊鮮鍋個陣我地拎左好多熟食黎醫肚，有糖醋排骨同埋豬手，排骨炸得岩岩好，醋既酸味唔會太搶，用黎開胃真係恰到好處。豬手更加唔洗講，非常之咁入味，豬皮入口即溶，好食到不行。係多種野飲提供之下我揀左最鐘意既蘋果綠茶。一開蓋個下海鮮既香氣轟炸式咁衝出黎，我同同事已經忍唔到夾完一舊又一舊，即使龍蝦仲係好熱我都堅持一下一下咁剝開隻龍蝦，黃黃既蝦膏非常吸引，我地好快就清晒滿滿既宮廷海鮮鍋。

朋友呢排口淡淡，一時又話想食韓國野，一時又話想食火鍋。我就搵下有無兩全其美嘅餐廳。尋尋覓覓，我又真係搵到間可以滿足佢地兩個願望嘅餐廳喎！燈燈燈櫈～就係韓舍人氣旺盛嘅招牌火鍋— 韓式宮廷海鮮鍋。於是，呢晚我見大家都得閒，就約左佢地出黎，一齊試下！我地一坐低，就見到已經擺好既餐具，仲有兩個爐。過左一陣，店員就為我地送上海鮮鍋。個一剎那，我地終於明白點解佢會有個咁有氣勢既名，真係好大盆，隻龍蝦仲要係活生生識郁既！😱店員加左豬骨湯落去之後，極速蓋上蓋，我地要俾啲時間煮滾呢係重量級海鮮鍋 🍲另外韓舍仲有得食刺身，我地揀左三文魚同埋鮑魚片。三文魚好大片好厚肉，魚既油脂分佈平均，非常肥美。 啲鮑魚片都幾鮮味，整體黎講唔錯。係等緊海鮮鍋煮好既時候我拎左多款熟食品嚐，首先係韓式年糕同埋辣炒豬肉，果然係頂級既韓式餐廳，韓式年糕無論係賣相，口感定係味道都係最頂級，冇之一。豬肉更加係冇得輸，肉質鮮嫩唔再講，調味可以話係恰到好處，甜辣咸，都唔會互相侵犯，反而係互相成為對方既益增，可見韓舍對美食既執著。仲有就係一堆既炸物，有炸矮瓜，炸豆腐同埋麥樂雞。幾樣既炸物都令我非常驚喜，竟然可以係乾同埋過油之間取出平衡點，令

上次，朋友特別推介韓舍新出嘅<<韓式宮廷海鮮鍋>>，又話材料上乘，海鮮出眾等等。咁我同妹妹見今晚有時間，就決定上去一窺全豹。我地等左大約5分鐘，就入得去啦！店內裝修不凡，雖然睇落好簡單，但又隱隱帶點神秘感。踏入大門，我地就見到一個糕點櫃，裝住各式各樣嘅布丁，朱古力Mousse cakes，芝士蛋糕之類......唔講我地重以為行緊去甜品專櫃添！雖然我地都好想即刻拎番幾件甜品，但頭腦清醒嘅我地，仍然好記得今晚黎韓舍嘅主要目的 -- 食海鮮!!!<<韓式宮廷海鮮鍋>> - 每人$328妹妹想食得清淡少少，就order豬骨湯做火鍋湯底。成個鍋一上爐，我地忍唔住大叫出黎。因為躺臥中央嘅龍蝦大哥，竟然突然爬左起身; 而隔離嘅海蝦同麪包蟹，都有蠢蠢欲動之態。好彩侍應哥哥眼明手快，即刻㩒實隻龍蝦，然後開火。大約煮左20分鐘左右，成盤海鮮就熟哂喇!係淡淡嘅湯底包圍下，扇貝，蟶子，鮑魚等鮮味全部表露無遺。食左部分海鮮之後，我地都落力食番唔少蔬菜同秋葵，因為我地都支持均衡飲食嘛~食左咁上下，我地就去飲品吧拎野飲。值得一提嘅，係除左普通茶，汽水

今晚黎韓舍，原本諗住食燒肉放題，但係見到枱面宣傳緊佢哋最新嘅韓式宮廷海鮮鍋，仲吸引，反正今晚女仔多，食肉都未必食到太多，所以急急改變策略，食呢個海鮮鍋。等緊個鍋嘅時候，大家已經急不及待地走出去攞刺身、清酒、同冷盤黎食。佢都講明係酒店食自助餐，食物的選擇很多，尤其是係甜品，而且做得非常精緻，款式好多。我首先去排刺身，刺身每人限選三款，少食多滋味。人參雞湯都好滋味。另一邊就係燒肉專區，都有好多野食呢！韓式宮廷海鮮鍋上場了，活生生既龍蝦郁郁下、仲有大扇貝、大海蝦、象拔蚌、大蜆、鮑魚等，真係豐富到超過我地想像！我地選擇左豬骨湯底，如果鍾意食辣嘅朋友，可以選擇韓國泡菜湯底。要大讚就係海鮮真係好新鮮！一蒸完就食得。充滿蝦膏既龍蝦太震撼了！仲有好多蔬菜，一定夠飽。而且飯後有甘多甜品選擇，多個胃都唔夠呢！

第一次去韓舍，居然唔係食韓燒，而係食佢地最近推出既韓式宮廷海鮮鍋。朋友食過話海鮮超正！個海鮮鍋有活龍蝦、大海蝦、象拔蚌、大蜆、鮑魚、扇貝等海鮮，每人328元包回本，另外仲送埋酒店式甜點、刺身、東南亞美食、自已玩抄雪糕、魷魚丸，真係好多樣化。今晚就見識到呢個韓式工庭海鮮鍋既魅力。呢個海鮮鍋超大，要合併兩個火水爐先安置到。遇熱，活龍蝦熱到跳舞，要店員㩒住先唔會周圍走！蒸左十分鐘，食得！好壯觀！海鮮係新鮮現劏，鮮度真係唔同啲！清酒、熱茶、汽水，無酒精飲品係自助任飲，所以一定又飲又食黎翻本。我好中意呢款人蔘雞湯，雞湯帶淡淡的人蔘味，好暖胃。刺身有六款選擇，每個客每次可以order 最多三款。三文魚、醋鯖魚、鯛魚、蟹柳，都唔錯。冷盤既大蝦，我都食左一堆！甜品仲多過酒店，各適其適。今次無食燒肉，呢渡既燒肉放題，肉類、海鮮、蔬果、丸類樣樣齊，好豐盛。下次可以再黎食韓舍既燒肉放題。

一早就約好左朋友仔黎試下哩個海鮮鍋，book左位唔使等就可以入座啦👍🏻哩個海鮮鍋材料十足，海鮮鋪滿晒成個鍋，龍蝦仲係生嫁😱淨係食哩個鍋都值回票價啦👍🏻佢係以自助餐形式提供食物，有熟食、刺身、甜品等等三文魚夠肥美，冰山貝有鮮味，而且佢會係底盤放冰，令到d刺身可以保持一個冰冷既溫度食左個海鮮鍋，我已經接近飽既狀態啦，所以拿拿淋試下佢既甜品，佢可以配搭各樣水果，揀左入面放朱古力釘再加好多朱古力醬，甜甜甜🙊🙊龍蝦唔只大隻，仲有好多糕添，見到都留曬口水啊🤭場地有放其他自制食品既機器，食到悶悶地仲可以玩下再吃過🙊🙊

今日同屋企人一齊去食晚餐，揀左哩間放題價酒店式自助餐既韓舍🙊上到去見到佢有得揀海鮮鍋or烤肉放題，貪新鮮既我地一於試下個海鮮鍋啦🙊坐低冇幾耐，職員就拎左個大大盤既海鮮鍋放係我地面前，隻龍蝦仲好生孟，係個鍋度係咁爬🤣🤣🤣我真係未見過咁生猛既海鮮就咁擺上檯👍🏻以家做緊Promotion，一至日都係哩個價除左氣水、酸梅汁，佢仲有乳酪汁，玫瑰花茶，最驚喜既係連青酒都係任飲🙊我因爲唔飲酒，所以就揀左玫瑰花茶，我個表妹就係咁飲青酒🤭當我疑惑緊點樣食隻龍蝦時，職員好好咁主動問我使唔使幫我地切開隻龍蝦,so nice🤗隻龍蝦有成隻碟咁大，好多糕而且好好肉地，食落啖啖肉🤩除左熱食之外，佢哩度仲有好多小食，甜品可以自己整整體黎講，我覺得個海鮮鍋唔錯，樣樣海鮮都係新鮮既，唔會俾d梅左既野你食，另外我見到有好多人都食燒烤，肉既種類好多，可惜我揀左海鮮鍋冇得試下佢d肉，下次再黎既時候再試下佢d肉先🙊🙊

韓舍推出豪華的韓式宮廷海鮮鍋，今晚黎韓舍，不再是燒肉，而係海鮮鍋！講明係韓國菜，海鮮鍋可選泡泡菜或豬骨湯底。要食到海鮮原味，泡菜似乎太重味，所以用左豬骨湯底。呢個海鮮鍋真係不得了！超大既海鮮盤要兩個 gas 爐先夠。店員將海鮮盤擺上去時，龍蝦仲識郁，好生猛哦！除吸睛既活龍蝦外，仲有大大隻扇貝、大海蝦、象拔蚌、大蜆、鮑魚等。非常大堆頭，而且都係非常新鮮，可以一次過嘆曬甘多海鮮，值回票價！抵讚！湯底仲有好多娃娃、冬姑、栗米同秋葵。食得燒肉多，轉呢個生猛海鮮仲正！其他，仲有酒店式甜點、刺身、炒年糕、咕嚕肉等熟食。冷盤既凍蝦都好正！清酒、飲品仲係自助任飲！328蚊，抵到要encore !!睇翻佢地既燒肉都有很多種類，你中意海鮮鍋定燒肉吖？

同事話好耐冇食自助餐，今日放工不如一齊去食返餐，記得舊年同老公去旺角的韓舍食酒店式自助餐，有燒烤、冷盤、熟食、刺身等，還有多款DlY食品給我們製作。食品和環境都不錯。今晚就讓我們到韓舍食過痛快！玩過痛快吧！餐廳地方都好大，坐位寬敞舒適。冷盤有很多款，我最喜愛的是凍蝦和青口，尼d在普通放題好少有，多數要在酒店的自助餐才可食到，凍蝦和青口都好新鮮又爽口。熟食也有不少選擇！有中西式的，還有湯和糖水。燒烤食材有多款選擇，肉類有牛、豬、羊、雞、魚。醃製得好入味。其他還有蔬菜、菇類、丸類和香腸等。都好新鮮。用牛油紙墊住燒烤，防止痴底，抽油煙也做得好好，不會煙霧瀰漫。刺身雖然只有數樣選擇，但都好新鮮，最重要係有我最愛的三文魚，厚切肥美，冰山貝爽口，希靈魚都不錯！而且每次都有冰底墊住上，保持新鮮。留意供應時間啊！手做壽司一盆接一盆，都有幾種款式選擇，味道不錯。甜品都有好多選擇：我最喜歡奶凍和蛋花大菜糕。尤其是大菜糕好有懷舊Feel。我小時候經常食，又甜又有口感，在炎熱天氣食一口，冰凍的感覺真令人難忘！飲品有汽水，清酒等任飲。DlY的玩意，吸引不少食客考驗一下自己的實力。炒雪糕和整格仔餅最考功夫。

韓舍-多元化DIY放題店內設計非常摩登，裝潢有時尚感，林林種種的食品一列排開，場面可以媲美自助餐，食物種類多元化，滿足不同的需要。沙律類有一大個沙律吧，栗米、青瓜、蕃茄仔、菠蘿和沙律菜，可以按自己喜歡的材料配搭。燒烤類主角之一，海量的燒烤食材，豬牛雞樣樣齊，不同部位、不同調味的也有，還有大量疏菜類，任君選擇。熟食類另一主要的項目，一大列熟食有中式和西式，中式有豉油皇雞腳、菠蘿雞腿仔、咖哩雞、豬軟骨、芝士焗薯、炒什菜，三文魚骨腩，另外有簡單的點心叉燒包、燒賣，還有咖哩角、麥樂雞、炸餃子、薯角等小食。壽司類午市來說尚算接受到，每輪有兩款壽司選擇，細細件的。甜品類甜品有簡單的蛋糕，口味亦多選擇DIY類最特別是有自製炒雪糕、爆谷、格仔餅、朱古力蛋糕仔和雪糕筒，一做小廚師的感覺。飲品類有酸梅湯、自助汽水機，還有咖啡機，有不同種類的咖啡、熱茶選擇。

really good very yummy love the desserts only one problem is that the time is too short...the bbq was also really good they had all kind of meat and the salad was really good ..the diy section are really cute and easy to make letting us to experience new things