影片
更多
2018-04-20
12975 瀏覽
朋友呢排口淡淡，一時又話想食韓國野，一時又話想食火鍋。我就搵下有無兩全其美嘅餐廳。尋尋覓覓，我又真係搵到間可以滿足佢地兩個願望嘅餐廳喎！燈燈燈櫈～就係韓舍人氣旺盛嘅招牌火鍋— 韓式宮廷海鮮鍋。於是，呢晚我見大家都得閒，就約左佢地出黎，一齊試下！我地一坐低，就見到已經擺好既餐具，仲有兩個爐。過左一陣，店員就為我地送上海鮮鍋。個一剎那，我地終於明白點解佢會有個咁有氣勢既名，真係好大盆，隻龍蝦仲要係活生生識郁既！😱店員加左豬骨湯落去之後，極速蓋上蓋，我地要俾啲時間煮滾呢係重量級海鮮鍋 🍲另外韓舍仲有得食刺身，我地揀左三文魚同埋鮑魚片。三文魚好大片好厚肉，魚既油脂分佈平均，非常肥美。 啲鮑魚片都幾鮮味，整體黎講唔錯。係等緊海鮮鍋煮好既時候我拎左多款熟食品嚐，首先係韓式年糕同埋辣炒豬肉，果然係頂級既韓式餐廳，韓式年糕無論係賣相，口感定係味道都係最頂級，冇之一。豬肉更加係冇得輸，肉質鮮嫩唔再講，調味可以話係恰到好處，甜辣咸，都唔會互相侵犯，反而係互相成為對方既益增，可見韓舍對美食既執著。仲有就係一堆既炸物，有炸矮瓜，炸豆腐同埋麥樂雞。幾樣既炸物都令我非常驚喜，竟然可以係乾同埋過油之間取出平衡點，令
燈燈燈櫈～就係韓舍人氣旺盛嘅招牌火鍋— 韓式宮廷海鮮鍋。於是，呢晚我見大家都得閒，就約左佢地出黎，一齊試下！
我地一坐低，就見到已經擺好既餐具，仲有兩個爐。
過左一陣，店員就為我地送上海鮮鍋。個一剎那，我地終於明白點解佢會有個咁有氣勢既名，真係好大盆，隻龍蝦仲要係活生生識郁既！😱
店員加左豬骨湯落去之後，極速蓋上蓋，我地要俾啲時間煮滾呢係重量級海鮮鍋 🍲
另外韓舍仲有得食刺身，我地揀左三文魚同埋鮑魚片。三文魚好大片好厚肉，魚既油脂分佈平均，非常肥美。 啲鮑魚片都幾鮮味，整體黎講唔錯。
係等緊海鮮鍋煮好既時候我拎左多款熟食品嚐，首先係韓式年糕同埋辣炒豬肉，果然係頂級既韓式餐廳，韓式年糕無論係賣相，口感定係味道都係最頂級，冇之一。
豬肉更加係冇得輸，肉質鮮嫩唔再講，調味可以話係恰到好處，甜辣咸，都唔會互相侵犯，反而係互相成為對方既益增，可見韓舍對美食既執著。
仲有就係一堆既炸物，有炸矮瓜，炸豆腐同埋麥樂雞。幾樣既炸物都令我非常驚喜，竟然可以係乾同埋過油之間取出平衡點，令人不停食都唔會覺得好膩。
等左十幾分鐘，店員終於開返蓋，我地未食就已經非常興奮。海鮮拼盆入面有青口、蝦、鮑魚、蜆同埋蔬菜，啲海鮮每件都大大份，望落都幾新鮮～ 啲蝦好大隻好彈牙，我最中意既除左蝦，就係鮑魚。啲海鮮一啲都唔腥，肉質鮮美，係火鍋鍋物既不二之選 👍🏼
說時遲那時快，宮廷海鮮鍋已經煮好，由於真係太好食，我地一舊接一舊，原隻既大蟹已經被瓦解成一堆殼殼，龍蝦既質素都係世界級，一拆開蝦頭，蝦膏多到不要不要的，而且蝦殼好薄從而令蝦肉多得誇張，口感彈牙味道新鮮可見韓舍絕對係將最好既食材提供比客人。唔洗好耐，已經食晒整個宮廷海鮮鍋。
甜品種類都好多 有精緻既小蛋糕、果撻、酥皮、蔴糬等等 我地都有試曬全部甜品既衝動😂
最後要講既係，韓舍真係有好多好有新意既食物，佢地有章魚小丸子既機，又有得自己炒韓式年糕，估唔到仲可以自己炒雪糕！我都忍唔住落手炒埋一份，好玩又好食。😋真係難怪韓舍咁受大家歡迎，服務員態度都好親切，好樂意為我地服務，令食客感到好溫暖～ ☺️
張貼
