韓舍 (已結業)

今晚黎韓舍，原本諗住食燒肉放題，但係見到枱面宣傳緊佢哋最新嘅韓式宮廷海鮮鍋，仲吸引，反正今晚女仔多，食肉都未必食到太多，所以急急改變策略，食呢個海鮮鍋。等緊個鍋嘅時候，大家已經急不及待地走出去攞刺身、清酒、同冷盤黎食。佢都講明係酒店食自助餐，食物的選擇很多，尤其是係甜品，而且做得非常精緻，款式好多。我首先去排刺身，刺身每人限選三款，少食多滋味。人參雞湯都好滋味。另一邊就係燒肉專區，都有好多野食呢！韓式宮廷海鮮鍋上場了，活生生既龍蝦郁郁下、仲有大扇貝、大海蝦、象拔蚌、大蜆、鮑魚等，真係豐富到超過我地想像！我地選擇左豬骨湯底，如果鍾意食辣嘅朋友，可以選擇韓國泡菜湯底。要大讚就係海鮮真係好新鮮！一蒸完就食得。充滿蝦膏既龍蝦太震撼了！仲有好多蔬菜，一定夠飽。而且飯後有甘多甜品選擇，多個胃都唔夠呢！