韓閣 (已搬遷) 新店位置

每日lunch諗食咩諗到頭都大埋，朋友介紹帶我去路德圍一間叫韓閣既小店，果然無介紹錯👍款式多，味道好，而且問服務員姐姐有咩好介紹，佢仲好好心機咁介紹我地知👍芝士岩漿炒飯一個字「正」😋用鐵板底上，保持食物既溫度同時又溶化芝士！飯係用珍珠米，配合韓式泡菜，五花腩一齊炒，味道辣辣地，酸酸地，鹹鹹地，好開胃，好有嚼口🥰再配埋溶咗既芝士，口感豐富👍值得一試梅子青檸脆雞翼呢間餐廳值得一讚既地方係不斷有新菜式更新，令顧客可以有更多元化既選擇😊雞翼啱啱炸起熱辣辣，外層落咗梅子粉同少少青檸汁，咬落去鹹鹹酸酸咁，雞翼外皮脆口，內里保持雞肉新嫩，唔錯。美中不足就係味道淡咗少少🙈

因為我地得兩個人，所以安排左面對牆既位置我地坐。我地叫左幾次，先有職員幫我地落單，人手唔係好夠？！叫左個甜辣炸雞，人蔘雞湯，芝士泡菜煎餅，一枝柚子燒酒，一枝水蜜桃汽泡酒。炸雞上檯好熱，有俾手套，係雪藏雞，死鹹，肉都滑既，係食甜辣醬個味～～煎餅既芝士唔係拉絲果隻，麻麻地，邊邊位都焦脆。人蔘雞湯，入面都係有糯米紅棗，但湯係清清淡淡，無咩蔘味，但有幾枝蔘係入面，雞肉煲得好軟腍，連骨都碎埋，但糯米可能浸得唔夠時間。酒果啲就唔洗點講，當時叫左枝汽泡酒，但要係倉拎過黎，唔凍，職員幫我地雪凍左，先再拎俾我地。

荃灣呢間韓國菜， 好耐之前食過一次， 覺得又好食又抵食， 今日韓國菜癮又到， 就想起呢間韓國菜， 不一回就到門口了。坐下來後，就送來了前菜， 辣青瓜和醃蘿蔔，很開胃！再看了一下菜單， 就點了以下野食：蜂蜜牛油味炸雞 食韓國菜又點少得炸雞呢？ 沾滿蜂蜜牛油醬的炸雞甜甜蜜蜜的， 有牛油香之餘， 芝麻也增加了香味， 又香又脆， 雞肉又嫩又Juicy， 好好味呀！ 邊食邊感到滿滿的小幸福！ 話咁快就食曬！ 好甜的朋友不能錯過！上湯牛排餃 上湯好清好好飲， 牛排餃很大隻， 牛味不太重。鐵板牛肉-芝士板 牛肉醃上韓式醬汁，好嫩， 椰菜份量好多， 吸滿醬汁味， 而且還有香香的芝麻， 鐵板上有滿滿的芝士， 不錯不錯！鐵板牛肉還附有一碗湯， 湯很清很順口， 感覺是牛骨蘿蔔湯， 湯內有幾塊冬菇片， 好快就飲完！芝士岩漿炒飯 記得上次都有點呢個飯， 印象很深刻， 今天又想食， 炒飯依然咁好食， 芝士岩漿依然拉到好多絲， 芝士控一定會好鐘意！ 果然係必點菜！榛子朱古力 榛子不太重，朱古力味夠，不太甜，好飲！紅豆抹茶牛奶 抹茶牛奶味重，紅豆不太多，也是不太甜，同樣好飲！

首先我想話我唔明啲正評係邊度黎。個menu既菜式確實係幾岩香港人口味，所以吸引左我地入去。點知。。。明明入面有位，企係門口十分鐘先有人招呼入去。叫完野食等左半個鐘先有碗送既湯，主菜係需時7個字無錯我望住落單時間計的。催左兩次一句sorry都無。隔離兩張台都係等3個字以上。但個場唔係full晒。仲要係唔好食。鐵板炒甜雞，個汁又咸又杰 真係送俾我都唔食。牛骨湯，真係無乜味。蘿蔔係苦既。成餐飯係得碗白飯係正常。結論：各位，其實路德圍仲有好多選擇

荃灣路德圍一向有好多嘢食今日揀咗食韓國嘢又係一個玩食字嘅舖名正常時間去食飯七點左右鋪頭已經坐滿人等左五分鐘就有得坐喇鋪頭地方唔算大坐到二三十人左右餐牌餐牌餐牌開胃前菜炸雞球拼魷魚圈（蜜糖芥末醬）正餐之前叫咗個小食冇骨嘅炸雞球食起嚟啖啖肉蜜糖芥末醬食落偏甜唔會攻鼻大韓無骨豬手原先以為會係好似燒豬手咁原本來係有少少滷水感覺嘅煮法汁料都係甜味做基礎豬手煮到淋曬唔會好似食擦子膠咁用生菜包住泡菜蒜頭同埋豬手小小酸味同埋辣味中和返豬手嘅油膩芝士岩漿飯同行嘅港女最愛視覺享受一流中間嘅拌飯帶酸微辣唔食辣要注意薯王銀絲煎餅煎餅煎得好香脆配上薯仔絲多加一層口感

荃灣路德圍一帶都係好多食店，尤其是係米線最多㗎啦，今日我嚟路德圍就係特登唔食米線諗住試下新嘢嘅呢一間韓國嘅傳統料理 ，依家韓國嘅傳統料理我覺得好抵食因為佢嗰啲價錢一啲都唔貴，啱哂想食韓國菜又唔想下下300蚊一位嘅好選擇。食個大韓無骨豬手都係88蚊半份 肉質好稔，皮又軟夠哂膠質，好食。另外叫咗個韓式海鮮煎餅，韓式海鮮煎餅唔辣好好食煎得夠香脆又唔多粉團，海鮮什錦又多好抵讚。另外叫咗兩杯特飲係藍海傳說同菠蘿梳打冰，為炎熱夏天帶來一股清涼感覺。

今日同朋友行完針草帽山，熱到爆炸。坐51巴士落返山荃灣站落車後就過左路德圍搵野食。結果去到韓閣食晚飯醫下肚。好彩夠早一入去就有座位。睇左食咩就快快落order。點了無骨豬手（例牌）人參雞湯，玫瑰檸檬蜜，檸檬可樂。先食前菜3小碟都ok。無骨豬手肉質都算不俗，味道都算幾好味，仲有泡菜酸蘿蔔同沙律菜。夾住一起食冇咁肥膩更加好。人參雞湯既雞肉質ok,連骨都煲到一咬就碎。個湯都算幾清好有人參同雞味道。玫瑰檸檬蜜個味道都幾好。檸檬底可樂冰底簡直完全幫助我散熱，凍可樂飲落去爽晒。之後仲口乾再叫左桃味有氣真露，甜甜地又有氣都唔錯。

Came all the way to Tsuen Wan to try out this popular korea restaurant which is located in the hidden street behind the popular food street. we ordered a few signature dishes which are recommended by other foodies: pork rolls with cheese and cucumbers 🥒 it was my favorite dish of the night as the flavor was perfect and sweet when combined with the Korean veggies. Love it! we then ordered one of their signature main dish, braised beef in veggie soup, the flavor is stronger for this dish and with

#韓閣--🔅溶岩芝士炒飯勁多芝士配滑蛋，食落唔會好Dry而且本身個炒飯都有鼓油味同好香既洋蔥味--🔅年榚粉絲唔算好辣，用左韓式粉絲，食落都幾爽又夠入味小編就認為年糕比較靭同大舊--🔅鐵板燒五花腩五花腩唔算太肥，本身有餣過，所以炒得特別惹味肉質鮮嫩，加上五花腩本身既油脂，D汁直頭爆出黎椰菜食落都辣辣地，而且夠爽口--🔅海鮮辣湯湯底係韓式辣醬風味，甜甜地又辣辣地甘，令人上癮配料豐富，娃娃菜、豆腐、瓜容易吸湯，好好味😋評分： 7.3 / 10

每次去荃灣都有選擇困難，因為荃灣好大，東南西北中間都好多商場，好多餐廳，但我比較喜歡去路德圍，因為小店好過大商場嘅連鎖經營食肆。韓閣位置好易揾，入面吾係好多張枱，第一次就梗係試左d熱門推介先芝士岩漿炒飯味道好濃芝士加上有少少辣，鍾意芝士嘅小朋友佢就讚不絕口，但我本人就覺得重手左，太膩，有少少羶。無骨豬手 例牌調味好濃，但肉質同肉邊邊嘅皮口感都好好，包左菜食會無咁濃味，不過份量有d少。亞之媽炸雞秘製甜酸醬油味(半份)個汁同脆皮係正嘅 但雞肉有點咸，半份有6件，3件雞胸位，2隻雞翼，一隻雞髀。紅豆抹茶牛奶味係無咩抹茶味，似紅豆奶茶，味道都可以。蜜桃冰茶清甜解渴

以前荃灣韓閣食物款式少些，反而食材比較有水準，現在很多款式，但服務同質素感到下調。今晚沒有人等位，就進去吃碗涼涼水冷麵。因為知道小食：泡菜，芽菜，蘿白都很少，所以想追加$8 芽菜，姐姐態度很不友善說會給你，就像我不應該點，不斷指出小食是她指的那些想我點貴些小食。最後我問你只會給1款小吃，我想吃多款她才不高興問我還要什麼？我當然要泡菜，我就是喜歡前菜小食，付錢也不能嗎，心中氣結。來到前菜，送芽菜超少？$8泡菜就好點，裝滿我真的很不開心。 食完前菜水冷麵都未來，等了15分鐘以上吧……半隻蛋，3片梨，牛4片，青瓜絲。配料很少，麵超多，而且很難咬……喬麥麵變得咬不斷……心中又一陣傷心……剩下不想吃麵梅子汁還是原來的水準，酸酸甜甜，ok!但今次體驗真的想沒有下次了，服務和食物都差了很多而且服務是我很重視，不友善態度真的感覺很差，受氣的一餐。

所有午市套餐都只系around 五六十! 主餐牌都系100頭! 搞到選擇困難geh小妹好想死~😅😂😂😂有冇人明選擇困難嘅痛苦？！●番茄芝士炸雞($108)●比傳統嘅芝士炸雞呢款更加深得我心 因為番茄酸甜嘅味道去除咗芝士嘅膩感 亦為炸雞增添味道~ 肉質方面雖然唔係特別juicy 但係108蚊絕對好抵食🐷🐷🐷●甜辣魷魚水冷面($52)●我覺得水冷麵嘅甜辣醬可以再濃郁啲~而家食落有少少淡~但好彩店家有提供蜜糖芥末醬同埋豆瓣醬 自己加返就OK！魷魚分量超級多👍😆😆食到最尾都有 唔使怕唔夠食！🐷🐷🐷●韓式豬肉餃子($15/4)●佢啲小食真係必試~抵到爛！每枱只限換購兩款!!!! 餃子入面包住白菜 韭菜 豬肉 欣賞個皮炸得好脆 亦都唔會太厚！！🐷🐷🐷●韓式紫菜卷($15/4)●薄薄嘅炸皮包住咗紫菜捲~個炸漿做得好好! 似係天婦羅嗰隻~ 入邊包住滿滿粉絲~ 一啖一嚿啱啱好 亦唔會太油膩！💭💭💭好味(8/⑩)抵食 (9/⑩)💭💭💭

Korean Flavor🇰🇷🐽🍴🥘🐥🍢✨💫 Which one you love it❓..韓國🇰🇷 總係港人熱愛旅遊既地方。人蔘雞湯🐥`炒粉絲`韓式年糕🥘`魚糕`紫菜包飯`無骨豬手🐽，通通都係我愛吃🍴韓式味道。掛住韓國正菜💕 但又行唔開❓香港近近地去一盪荃灣 都有一個 ll 各式各樣既韓國菜`小食`特飲，通通都可以吃到。而且價錢親民 份量味道不錯 又冇收加一，就算午市時段都好多熟客/街坊幫趁架。..ll $138(配有原條韓國人蔘 味道香純)Korean Ginseng Chicken Soup✨韓閣湯品類 Korean Soup✨ 怎能不喝人參雞🐥 湯味濃郁，滲著濃濃又帶甘甜香純既人參味 真係好好飲；原隻雞釀著糯米 好正宗，而且骨頭亦好易咬開`咬碎，可見一定超級足火喉 整鍋湯🍲 都好香雞味`人參味`甘純香味💛，感覺很滋補。另外仲可以加配：+$12 粉絲 Vermicelli。粉絲吸盡人參雞湯汁精華，更好吃更滋味。ll $15 (4隻）Pork and Vermicelli Dumplingsll $15 (4隻）Seaweed and Vermicelli Rolls✨韓閣小食

呢間韓國餐廳個名叫「韓閣」🇰🇷開喺荃灣路德圍附近 價錢平民貼地🤑👍🏻有唔同嘅韓國地道小食都係10幾蚊 性價比高.韓閣特色蛋卷 明太子味 $48煎蛋卷入邊有紅蘿蔔絲、香蔥蛋捲一層層咁樣煎 👍🏻食落都幾有層次感蛋捲上邊有飛魚籽同埋紫菜 加上有沙律醬味道甜甜地🤤好好味.牛肉雜菜壽司 $46同一般嘅韓國壽司冇咩太大嘅分別 份量比較多牛肉調味剛剛好😋甜甜地 用咗韓式麻油紫菜卷 食落都好香口.紫菜粉絲卷 $15呢個價錢真係超值🤑有四件脆嘅紫菜包住軟淋淋嘅粉絲 口感比較特別 紫菜卷外脆內軟😳.招牌炸雞🍗蜜糖牛油味 $108價錢都算貼地 半隻嘅份量都好多 適合兩至三個人share蜜糖牛油嘅味道做得唔錯🤤甜甜地 好開胃但由於太多蜜糖 令到炸雞🍗冇咁脆 口感比較濕

放工與朋友行完街去了食晚餐~好掛念韓國味道，所以特登簡左呢間韓閣回味一番。一入門口店舖面積需小，但食物種類繁多~我們叫了半份炸雞，味道一流，鮮嫩多汁，辣度可自行選擇~餐廳仲好窩心提供手套，甘食起上黎超方便，啖啖肉~另外，叫左份芝士岩漿炒飯~必食之選~啖啖芝士香味加炮菜味炒飯，仲有豬肉片~味道配搭一流!食甘多肉，梗係要叫份蔬菜，大家以為普通炒雜菜，食落味道非常有驚喜，首先價錢一份$35份量超大，椰菜非常爽口清甜，加上香芝麻香味，炒個陣獲氣味，今晚呢個菜絕對令我難忘，超水準。最後，我地仲點左杯冰凍梅汁，配炸雞絕對不二之選，酸酸甜甜味道可以一解炸雞油膩感! 今餐晚餐非常滿意，除左味道好味，最緊要都係價錢合理，繼續支持小店!