韓閣 (已搬遷) 新店位置

今日黎荃灣南豐紗廠前食個late lunch. 星期六冇Lunch menu, 只好散叫，叫左炸醬麵同水梨牛展水冷麵。有兩款前菜，同平時食到既韓國前菜既味唔太一樣，麻麻地。水冷麵同我係韓國食到既差好遠，d麵痴晒係d冰到，炸醬麵正常。總括而言，呢間唔係好正宗，都係做街坊生意。

.得知荃灣有舖頭大減價，所以去左荃灣行下，買完野、博殺完緊係要搵返啲野食醫下肚啦！行左去路德圍諗住去到再諗食咩，行行下就見到個咁cute 既韓國女子係門口，再望望menu 都好似幾吸引，就入左去了。坐低之後，店員送上兩碟韓式小配菜- 芽菜&蘿蔔。芝士岩漿炒飯 基本上我都係俾呢個芝士岩漿炒飯吸引。呢個飯令我諗起係韓國食過既火飯，真係好好味！好正，一上碟啲芝士同蛋係圍哂係旁邊，炒飯入面有泡菜豬肉，之後撈埋啲芝士，撈呀撈，拉呀拉，芝士拉絲炒飯完成。🤤🤤韓國野加左芝士真係無得輸，撈完之後唔算好辣，啖啖芝士。呢個飯既份量都算大，但我地兩個人竟然食得哂，大胃王無誤。炸雞- 傳統甜辣味［半份］食韓國野又點會唔食炸雞，我就鍾意食傳統既甜辣炸雞，辣得黎又帶點甜味。即使係半份既炸雞都份量好多好大件，基本上每人要食三舊左右。炸雞送到黎既時候已經急不及待想食，但因為真係岩岩整起，好辣手，要涼一涼先食到。雞肉嫩滑多汁，就算充滿甜辣醬炸雞都依然好脆口，個甜辣醬食第一啖會覺得辣，但食落就好過癮，停唔到口。仲想提提既就係佢個手套都幾勁，一般出面用既手套食完隻手點都會有點油淋淋。但呢度既手套，食

荃灣搵到間平價韓國菜，午餐非常之抵，大概六十幾蚊左右，而且選擇非常多。去到店員就會畀啲前菜我哋：有泡菜、白蘿蔔粒及青瓜粒。我哋想叫咗海鮮煎餅，呢到有啲似中式薄撐，但係就比較多配料，有蔥、魷魚、蝦等等，都煎得幾香。午餐叫咗鐵板泡菜五花腩，增量版仲會加送年糕。五花腩一片片，咬落充滿油脂幾香，而且辣辣地，味道唔錯。年糕整得煙煙韌韌。叫咗海蜆大醬湯，湯底辣辣地，但唔會好辣，都幾多蜆，仲有青口，少量菜。雞翼一客有五件，炸得幾香脆配上蜜糖芥末醬，感覺幾新鮮。啲雞整得幾滑，不錯！見有人參茶就叫咗一杯嚟飲，真係用人參沖出嚟，甘甘地感覺清熱。

平時真係好少寫食評，但今次太離譜，唔想再有人中伏，所以點都要花少少時間寫落嚟。嚟到荃灣，雖然呢度好多嘢食，但心血來潮想食韓國炸雞，上openrice見到呢間評語唔錯就諗住嚟試下。Order咗炸雞兩味(辣味同蜂蜜牛油)，芝士炒飯，同炸紫菜卷，都應該係佢主打嘅招牌菜。首先佢放低三碟喺雪櫃攞出嚟嘅前菜，我已經心感不妙，佢個樣相當唔ok, 老公試咗少少，佢話有啲變壞嘅味。其實我入到嚟一直見啲staff喺個雪櫃下面拖地，應該係漏水，我諗佢個雪櫃壞咗唔夠凍。然後嚟咗嘢食，講真，啲炸雞算係好大份，但就真係唔好味，又咸又油，完全無雞味的，我食咗兩件，已放棄。我唔敢講佢係難食，但一定係我食過嘅炸雞之中最唔好食! 蜂蜜牛油味係叫俾我個女食嘅，平時食炸雞佢搶住食的，今次食咗兩啖放低唔肯食。個芝士飯，我可以講，係無味的，了兩了，又放棄埋。唯一個紫菜卷係食晒，因為細細粒，無乜味都算。我個女全程絕食咁，連平時我老公乜都放入口又唔浪費食物嘅人都停晒手，真係好灰! 而且我地坐門口張枱，冷氣唔夠加上佢地成日又出又入，我地一路食一路流汗，食得好辛苦! 最後我地打包咗啲雞走，我夾起晒見到嘅唔係醬汁，而係全部都係油嚟嘅。原本

各位你地好.因私隱問題本人不方便透露本人資料.只能開一個新ac！去評論今次事件.本人位職員某知名大公司一個食評家.公司每一年都會在各地搜羅一些知名食堂.之後加以評分.為保障香港美食城市的稱號.近日公司發出指令.要求我去到指定食市加以評分.本來我就不應該出今次Po .不過我因爲發現如網上所寫大大不同.懷疑有人造假，以下將會係我個人見解.如公司立場無關.某日我大概12左右去到指定食市.第一眼就見到門口地下放滿左食物.沒有人理會.我心諗有冇搞錯.用黎放入口食物就咁放係大街地下.之後我進入店內.人不算多加上我地就只有4-5人.咁我就按照公司指示點左岩漿炒飯.水梨牛展水冷麵.牛骨湯.五花腩韓式伴飯.今次我用左1個鐘頭三十分鐘食完.不過我等都等左1個鐘頭.先有得食.本來以為好野等得耐好正常.我望下張單.完來我等左1個鐘頭都未有得食.到最後食物終於上到我面前.我滿心希望你到底有幾好食要我等咁耐呢！第一個上係岩漿炒飯.D飯好像未熟.就連啲芝士都仲係一嚿嚿.跟住到個水冷麵.我地等左1個鐘頭水冷麵到底有多好味.我地還問過女侍應點解要等咁耐.女侍應答我們：（係咁啦！係要較等得耐少少）之後我地就係到分析.水冷

有時想吃韓國菜，不一定要到尖沙咀的韓國街，其實荃灣區都有一間，有時經過荃灣路德圍都想試一下，終於有一次機會試到啦！門口有當眼身穿韓服的卡通標誌，非常搶眼，而且地理位置亦是十分方便，適合住新界區近近地、又想吃韓國菜的人仕。我點了半份「蕃茄忌廉芝士炸雞」，是餐牌上的熱推菜式，韓國炸雞當然是必點菜式！然後點了一杯「荔枝梳打」，飲品有幾顆荔枝肉，增加口感有誠意。炸雞是乾身的，炸皮薄的不會太油膩，當中有雞搥、雞全翼，最重要的是芝士淋上面，有拉絲的！配上炸雞的咸香味。可能會覺得會膩，特別之處是加上蕃茄的酸甜味，可中和芝士炸雞的油膩感，口感頗新鮮的！餐廳有附上膠手套，方便客人用手直接拆骨吃，如果炸雞改成無骨炸雞，會更加方便堂食的顧客，啖啖肉應該會更加過口癮！

這是一間價錢算便宜的韓國菜小店這次點的是牛骨湯飯，味道濃郁，牛肉及配菜份量很多，牛肉炆得好林身可惜…食店除了食物味道重要，衛生是另一個非常重要的考慮…用作盛載食物的綠色盤真的是太污糟邋遢了用餐紙是遮蓋不了的，希望可以有所改善

今天來到荃灣工作，在路德圍覓食，來到這間「韓閣」一嚐韓國美食，想不到進了間平、靚、正的韓國餐廳。《餃子粉絲鍋》$68這是一個小火鍋，有豬肉餃，牛肉餃和泡菜餃共3款，每款有兩隻，泡菜餡不會辣，餃子皮軟滑，款款都很好吃，粉絲鍋湯底清甜，配料豐富，還有粉絲、蛋絲、豆腐、菜。《芝士岩醬炒飯》$82上枱時，成盤熱辣辣，中間的飯有洋蔥、芝士碎，飯四周被金黃色的芝士包圍著，要趁熱把芝士和飯撈勻，一邊撈，一邊聞到芝士的芳香，另人垂涎欲滴。《薯王銀絲煎餅》$58煎餅很香脆可口，加了薯條一齊煎，很有口感《海蜆大醬湯》$58湯微辣，可以接受的程度，材料豐富，海蜆新鮮。

味道一般都說不上…=.=自問對食要求唔高唔明點解可以整到甘求其第一次寫食評係因為難食到要話比大家知深知食評好多打手 信唔過唔想大家試伏～～～～～～～～～～～～～食到有啲唔開心…………………………………………唯一可取是雞翼其他飯類，招牌芝士一律可免 XXXXXXXXXXXXXXXXXXXXXXXXXXXXXX路德圍仲有好多野可以揀請大家慎選！

提起荃灣掃街以致台, 日, 韓各國美食, 一定即刻唸起路德圍, 地鐵站天橋一落就係. Lunch唔掃街住, 離遠見有間餐廳門口有幾個人, 係等外賣嘅, 午餐menu好多選擇, 學生仲有折呢.>L01. 石鍋飯 (五花腩片) (HKD48)好小心避住出緊煙嘅石鍋唔好辣親地搞匀隻生雞蛋同其他韓式配菜. 五花腩片大塊得黎唔會太多脂肪, 辣得黎肉味香. 原本超熱嘅鍋撈左”涼拌”配菜後, 每啖飯帶有蛋香, 紅蘿蔔絲, 入味芽菜, 菇條勁豐富, 溫度啱食不燙嘴. >L03. 芝士岩漿炒飯 (HKD68)睇牆上幅相就算lunch set無都唸住食, 原來有👍🏻. 薄身大圓鍋係爆滿嘅熔岩芝士+蛋, 飯以韓國🇰🇷泡菜先炒好, 均勻嘅顏色就知充滿辣香味. 最好玩係自己炒起啲芝士with飯, 係•超級•拉絲•啖啖都有好多層次同滋味, 撈左芝士感覺辣味無咁強, 怕辣嘅人其實都啱食~ 同場有起碼4個人都食li個飯呢. >滋補紅棗蜜 (HKD18-跟餐+HKD6)蜜糖味濃, 紅棗肉都唔少.>玫瑰檸檬蜜 (HKD18-跟餐+HKD6)蜜糖水加一片檸檬🍋, 仲有幾粒香香玫瑰🌹, 清潤

餐廳雖然細小但係麻雀俱全， 內部嘅裝飾 都係以韓國風味為主， 平時行過都唔係好起眼嘅呢間舖頭， 真係值得介紹一下！ 最愛佢呢一杯夏日消暑沙冰。<< 香芒柚子雪糕沙冰 >>天氣實在太熱了， 揀咗一個夏日消暑沙冰食， 呢個沙冰好大杯 ，需要雙手托住先拎得起， 夏日炎炎最好就係喺冷氣底下，飲下啲嘢去消暑， 雪糕份量剛剛好，柚子真係新鮮人手即時開出黎整既。<< 大韓國無骨豬手 >>88hkd重口味精選，蒜頭片，特辣乜都齊呀。呢個特辣醬似乎係餐廳自己秘製而成。 未得遵守偏重口味， 醃製出黎， 味道稍為咸。 最啱係用嚟”餸” 啤酒。

放工近近地黎左荃灣，哩頭一向都好多選擇，今次揀左食韓國嘢，見佢咁多人排隊，果然值回票價！哩度食物嘅種類多，而且定價夠晒平，真係嗌多幾樣都唔怕！上菜速度亦夠晒快，唔會平餓親！先黎前菜小食，每樣都好味，哩度嘅泡菜都好有水準！嘢飲唔錯，抹茶牛奶有好多紅豆做base，亦配有抹茶牛奶嘅香。香桃茶就有大大舊嘅桃喺底，甜度夠晒！泡菜煎餅份量好夠，煎得香，亦有泡菜嘅辣味，咬落好脆，好似食緊薯片咁！鐵板牛肉估唔到一人份都咁大份，其實可以2個人share都得！牛肉夠晒軟熟，配埋醬料，濃味又係鐵板上，正！炸醬麵底好煙韌彈牙，配埋一舊舊嘅豬腩肉，仲有薯仔粒，好豐富仲嗌左部隊鍋，真係好足料，有跟埋年糕，腩肉，菜，午餐肉，腸仔，仲有韓國麵！88蚊真係好扺食！湯底甜得黎又有小小辣味，正呀！2個人食左300蚊，食到飽一飽，真係好扺，值得一來！

這家小店經過幾次也很多人 終於去拔草了趁著剛開門的時間去是沒有人的 挻不錯~要食好東西就要早一點去才行 果然沒有錯的·傳統泡菜煎餅 HKD$62食韓國菜怎麼不食這個 而且用鐵板送餐來還可以保持煎餅的溫度 不會太快放涼挻不錯呢🤭·鐵板泡菜五花腩(芝士板) HKD$82加了芝士令到味道更加香 份量也很多呢用來拌飯真的是一流 可以來多碗飯🤤🤤·傳統甜辣味炸雞(半份) HKD$108很大份我認為傳統的味道才是最好的這個味道可以自選不同程度的辣度這樣更加大眾化吧 令人人也食到不同的味道·泡菜豬肉芝士壽司 HKD$46加了芝士是第一次食 芝士在半溶之下食挻配合的味道 我還拿了鐵板的醬汁拌來食🤣·咖啡 凍HKD$7/熱HKD$5(跟餐價)跟餐比較便宜一點 熱咖啡的味道會更香濃這餐韓國菜的CP值挻高 而且價錢也親民價看到不少家庭前來食就知道受歡迎程度而且食到指定金額還可以儲印花

一個喜歡尋找美食的我，又有新地標食食食😬地方需小，但卻五臓俱全的一間韓（閣）國餐廳，食物包羅萬有，款式多，招呼週到，食物美味，飲品又帶特式。可以話係韓國餐的小菜王稱號👍部隊王—-配有牛肉、五花腩片、雞肉腸、韓式午餐肉、年糕及泡面，做到本身味道適合香港人口味，如果想唔辣或且想加辣，可以落單前同侍應講，我自己就覺得辣度剛好😋石鍋飯——蚧三式，入面有蚧籽、蚧膏、蚧肉、蛋、菜，食既時候拌好吃，口感味道一流，蚧羔蚧肉味道鮮甜，蚧籽爽口飯帶口感，本身一個不愛吃飯的我，因為太好吃的飯，所以又吃多了😂😂韓閣特式蛋卷明太子——有蚧子，紫菜係面頭，咬落好有口感，蛋味濃厚，入面一層層的蛋既手工，好食又嫩滑夢幻碟豆花—-飲落有些似荔枝味，幾淸甜😀藍海傳說—-未飲剩係賣相已經夠特別，青檸味道配合蘋果有氣帶小小酒味的特飲，清新大自然的感覺⋯⋯一間有特式的韓（閣）國餐廳👍✌️😊like

我諗住得荃灣嘅大家都會識呢間韓國餐廳！晚晚都排晒長龍🤡今日係公司食咗下午茶夜晚想搵個地方飲杯嘢傾吓計就嚟咗呢間餐廳！雖然好多人但係等左一陣都好快有位！餐牌好多選擇😃真係有樣樣都想食呀！我哋叫咗個大醬湯🤓勁鍾意勁好味湯入邊蜆肉好新鮮！我哋叫咗一人份但我地兩個人飲都好夠☺️然後叫咗個泡菜豬肉芝士卷！飯既黏度啱啱好🥳而且配合芝士勁香濃！再叫左個黃金海鮮拼盤☺️雖然好熱氣但係好香口😌一路飲住野一路食好正！仲有叫咗個泡菜燒魷魚🦑👏🏻大大份而家好入味！餐廳一路keep住播歌我地一路傾計好有置身係韓國居酒屋既感覺😝仲有想推薦呢杯蝶豆花柚子！好香甜！正🥰