韓閣

營業中

休息中

上次見到朋友響呢度食芝士鍋好吸引😍芝士控嘅我又點可以唔黎試吓呢😆黃大仙分店面積都幾大，餐廳好有氣氛，佈置好有復古韓國氣息，重有多個打卡位，而且仲有韓服體驗😮打開Menu食物真係超多選擇又多元化，趕得切最後一星期黎食佢哋個《韓國X嘆嘆聯乘》優惠，餐牌上指定三款食品有最低七折優惠，咁扺食一於叫哂三款黎食啦😋歡樂芝士鍋♨️必食之選👍🏻🌀芝士黑豚骨歡樂盤 $188鍋內有齊晒澎湃嘅三重芝士、味飯、牛油粟米爐邊蛋、韓式餃子、韓式前菜排骨醃得夠晒入味，用嚟沾拉絲芝士食真係好正😋食到咁上下，再加埋個有咸魚仔既味飯落半溶芝士度好鬼正呀🥰🌀生滾椰子雞煲個湯超濃椰子味，好清甜我飲咗好多😋雞件大大舊而且雞肉好滑溜，煲內都好重料有大量翠玉瓜，金菇，雜菇同蔬菜👍🏻健康之選🌀海南切雞養生蟲草花雞白湯麵個名好長🤣一上枱嚇一嚇，又係好大份量好足料，個海南雞肉滑嘟嘟，蟲草花雞白湯好好味吖😋我又係飲咗好多，而且飲完都唔會口渴👍🏻🌀草莓格仔餅雪糕球 $68當然唔少得甜品做ending啦😋格仔餅外脆內軟，做得相當唔錯，配埋香草雪糕球同草莓食😋大滿足吖！！

一心想食韓國菜，點知去咗間垃圾店。炸醬麵變咗台式滷肉麵，d麵都唔係韓國嗰d彈牙蕎麥麵。韓式牛肉炒絲變咗大陸街邊檔味道嘅炒粉絲，仲難食過food court d 五六十蚊韓式炒粉絲！d牛肉一舊舊粉，完全無牛肉味，擺明係雪藏肉。明太子紫菜肉鬆蛋，真係蛋卷，乜餡都無，只係面落咗少少肉鬆等等，d蛋唔難食，但唔係預想中的蛋卷囉！完全唔明白呢間餐廳點可能有咁多好評？試咗最基本嘅菜式都完全唔掂，完全地伏到貼地！極之後悔食咗呢餐飯！

韓閣您好！我於2024年10月19日晚上七時左右光顧了位於黃大仙中心的韓閣餐廳，特此寫信表達我對貴店優質服務的嘉許。當天我早到了餐廳，坐著等家人等了大半小時，期間並沒有被催促下單，這讓我感到非常舒適和放鬆。當我們點餐時，服務員禮貌地告知某些食材缺貨，並主動詢問是否可以補上其他食材，這種貼心的服務讓我們感到非常滿意。此外，我們反映飲料太甜，希望更換另一款飲品，服務員也欣然答應，並迅速為我們更換了飲品。所有店員都非常耐心有禮，雖然食物味道（用了味精）和價格不是十分吸引，但在這樣的服務氛圍下，我們依然吃得非常開心。貴店的服務質量讓我們感受到賓至如歸的體驗，這是非常難得的。再次感謝韓閣全體員工的優質服務！

個別員工態度消極，特別自稱楊小姐身穿藍衣既收銀員，接待客人毫無禮貌，吩咐客人求其揀位，然後涼一邊冇咗回事，叫咗兩次落單先俾QR code ，叫第一次既時候仲用死魚眼望住我其次要咗半個燒春雞，肉質又嚡又乾，唔夠醬汁要求多少少，望你一眼走咗去，再叫灰色衫員工攞汁，又係乜都唔講走咗去又冇晒回事，唯有乾食，最後發現灰衫係度飲奶茶。參差既原因係另外一個藍衫服務員態度極佳，谷住度氣食飯 ，之前屋企人話食過一次好差，我都唔信🤷🏻

喺黃大仙走韓式餐廳，這家最值。他的常餐是全日可點的套餐。碎牛肉石頭火鍋，雖然碎牛肉不值錢，但配合香氣濃郁的韓國大米，材料在石頭火鍋內熱騰騰燒起來，熱氣籠罩着碎牛肉和米飯，實在不能不把全部吃掉！石頭火鍋是主菜，他的鴨肉沙律卻非常清腸胃，絕對能把肥膩的清除掉，配合食糖火鍋實在是一絕。常餐就是怕你不飽，他還會配合一個小吃就是炸雞，這個炸雞外脆內滑，再加上特別的醬汁在外，再配合芥辣或甜醬，吃起來實在太惹味。

昨日去了韓閣參加了兒童飯團工作坊🍙😍😍太好玩了，飯團造型太可愛了！有很多飯團模具給小朋友選擇，而且還提供不同醬料，餸菜給小朋友自己配搭，例如有炒蛋，腸仔，蟹柳，肉鬆，紫菜等！飯團的米飯非常新鮮，，搭配各式餸菜，讓每一口都充滿層次感。炒蛋的香味與腸仔的鹹香相得益彰，蟹柳和肉鬆則增添了鮮美和香脆的口感。每位小朋友根據自己的喜好搭配餸菜，讓每個飯團都獨一無二，這種創意的自由讓小朋友們非常開心。小朋友還有韓服體驗，可以影相打卡！餐廳還附送一張即影即有！除了工作坊還會附送兩杯飲品及小熊造型的豆腐花都是由小朋友自行製作！豆腐花則是另一番風味，小熊造型的豆腐花不僅可愛，口感也非常滑嫩，味道清新不膩，讓人一口接一口。豆腐花的細膩口感和甜度剛好。而完成工作坊後餐廳還會送出證書一張，超棒呀👍🏻😆

食過兩次 第一次食無骨豬手好多毛 不過味道都算收貨今次嚟食真係失望見佢最近有做優惠 所以特登嚟食50-80蚊一個餸/飯 都ok嗌咗蜂蜜檸檬雞（特價後$82）正價嗌咗牛扒同牛肉飯捲個雞入面啲肉冇味 冇汁 冇骨靠個皮同出面啲汁不過上嚟嗰陣都熱係唔知點解有兩舊零零些些好似拳頭咁大同燶燶哋 我就唔會話佢好食最想講係個飯捲暖暖地 好少食到飯捲係暖而且啲飯勁散 夾高個飯捲啲飯會散晒反而同韓式最冇關係嘅牛扒係最唔伏有舊牛扒 正正經經有個飯又送杯熱飲最後講埋唔知點解上菜執枱得一個人 佢服務態度幾好嘅但兩個似經理嘅掛住傾偈 服務態度差最係埋單$240幾算平嘅

服務態度好差。成餐飯啲嘢完全唔熱，全部好似已經整好晒之後仲用微波爐叮熱，仲要叮得唔熱😶咁大個仔喺香港食過最難食嘅韓國菜。講出嚟你可能都唔信，辣炒年糕係甜嘅，完全唔辣，雞翼成陣乳鴿味。總結完全唔建議大家嚟食

✨呢間餐廳成日都經過，午飯時間入面都幾多人，終於有機會比我試下。✨以為呢間餐廳只得韓國菜，原來有超多野食，唔同款式都有，主打韓國菜菜，另外仲有常餐、扒餐，韓國炒小菜…..✨午餐時間叫左泡菜炒五花腩飯（另送熱飲或例湯）：我揀左例湯，係牛骨海帶湯，好好味😋泡菜炒五花腩超大碟，五花腩多到我一個女仔真係食唔晒，絕對可以留返一半外賣返屋企，又或者可以兩個人叫一個午餐都夠食👍🏼✨前菜係一碟泡菜，又係超好味👍🏼✨餐廳仲有打卡位添📸 卡位設計得好好，私隱度夠高，又坐得好舒服。下次想試埋佢啲韓式炒小菜。

比好評果啲，一係收左錢，一係無味覺，一係就揞住良心諗住自己都奶左野，不可能只有我奶野嘅心態去寫好評部隊鍋，都算係最易整，都難食到咁，成浸酸味，要買啲極渣嘅腸仔，午餐肉海鮮豆腐湯...唔知講乜好，好難食，好難食仲有，啲魷魚佢係比哂中間啲骨位你，唔會比正正常常的魷魚肉你，cheap到無人有 軟殼蟹卷，啲飯未夾起都散晒，味道更加唔使講，難食到嘔，仲有佢嗰個唔知咩醬牙膏未難得同行果位好肚餓，幫手食，見佢就好似食廚餘咁陰公

叫左外賣條飲管點都篤唔穿杯珍珠奶茶，篤左幾十下先穿，都吸唔到珍珠、打去諗住叫店員同公司反映轉飲管。我都未講個店員就話關佢地咩事，宜家好忙。我又唔係態度唔好，你忙咪叫我再打黎，杯野飲係呢間餐廳，賣左出去就唔關你事。

19:38分落單預計20:06有得攞＇OpenRice 顯示20:07 可取餐，一直問住20:20先有得攞，只order 左3個飯都咁著，同時間到入坐食飽走我都未有得攞·

嚮黃大仙區想搵間抵食又好味嘅餐廳，「韓閣✨」絕對係一個好選擇！佢哋嘅食品款式選擇非常多，包括炸雞、韓國料理、蛋捲等等，應有盡有。而且最近「韓閣x嘆嘆✨」仲有限時優惠，精選食品有特價，仲可以享受到台灣食品，真係抵食又好味😋！我至愛既「韓式炒粉絲」🍜炒得香滑，粉絲吸收咗濃郁嘅醬汁，配搭上新鮮嘅蔬菜，真係好滋味，非常適合當主食。「紫菜肉鬆蛋捲」🍳🌊，呢個蛋捲夠香軟滑，包住咗香濃嘅肉鬆同紫菜，味道獨特。「蟹皇三鮮麻辣拌麵」🍜🦀用咗新鮮嘅蟹肉，搭配上麻辣醬，味道香辣開胃。小食「九層搭鹽酥雞粒」🍗✨，外脆內嫩，鹽酥雞粒好香脆，搭配上九層搭，味道更加升華，真係一口接一口。飲品方面，「熊仔特濃奶蓋珍珠奶茶」🧋🐻口感滑順，上面嘅奶蓋醇厚，珍珠Q彈，飲落去好滿足，真係無法抵擋。「韓閣✨」真係一間超級抵食又好味嘅餐廳，無論係食物定飲品都非常吸引。

咁啱去黃大仙見到呢間食評好好成300幾個諗住試吓啦，一嚟到覺得環境都尚算可以，嗌咗一個牛肉石鍋飯同埋一個牛骨湯拉麵，韓式石鍋飯竟然唔係配韓式拌飯醬，係比左泰式甜辣醬，我問佢冇韓式拌飯醬？佢話改咗，我當堂呆咗，重點係仲難食過麥當勞款泰式醬，啲飯仲係濕既，牛骨湯拉麵更加唔使講直頭係清湯完全一啲牛味都冇，我咁大個仔第一次食係冇味嘅，仲叫咗個炸雞翼，但係味道都係一般，啲炸粉一達一達，覺得呢間嘢直頭係亂咁嚟

以前食過韓國嘅水冷麵，印象好深刻，算係暫時食過最好味嘅嘅冷麵之一，今日黎食下其他野三兄弟雜錦芝士鍋 $208芝士拉到好長，佢而家仲有個拉絲活動，拉到30 cm就可以半價，將炸雞翼&炸雞同個芝士一齊食，好香芝士味之餘，又唔會太鹹，炸物夠脆，雞肉Juicy👍🏻下午茶好抵食：泡菜煎蛋豚肉辛辣麵 $38（加左燒雞泡魚乾$14 & 粉紅櫻花海鹽特飲$22）辛辣麵好惹味，麵煮得剛，唔會太淋，30幾蚊就有得食，燒雞泡魚乾好香，推薦櫻花海鹽特飲，淡淡櫻花香味，好fresh雞肉魚糕片卡邦尼年糕 $72好creamy，魚糕好煙靭，雞肉同魚糕片都比得好足加$38點左杯紅豆抹茶奶蓋抹茶唔會太濃，紅豆比得足，唔會太甜幾好飲