韓閣

營業中

休息中

✨呢間餐廳成日都經過，午飯時間入面都幾多人，終於有機會比我試下。✨以為呢間餐廳只得韓國菜，原來有超多野食，唔同款式都有，主打韓國菜菜，另外仲有常餐、扒餐，韓國炒小菜…..✨午餐時間叫左泡菜炒五花腩飯（另送熱飲或例湯）：我揀左例湯，係牛骨海帶湯，好好味😋泡菜炒五花腩超大碟，五花腩多到我一個女仔真係食唔晒，絕對可以留返一半外賣返屋企，又或者可以兩個人叫一個午餐都夠食👍🏼✨前菜係一碟泡菜，又係超好味👍🏼✨餐廳仲有打卡位添📸 卡位設計得好好，私隱度夠高，又坐得好舒服。下次想試埋佢啲韓式炒小菜。