韓食家 (已結業)

周日早上，二人在Megabox看過電影，在商場內找地方吃午飯。想來一點新意，故選擇 大家均未曾光顧過的 韓食家。二人同時被這個餐牌上的食物吸引：(圖片擷取自>>>Baab 韓食家 Facebook Fan Page<<<)冰點了一客四號餐 (魚蛋年糕湯餃子)，男友則點了一號餐，即純豆腐湯－－魚蛋。落單時，侍應善意提醒，一號餐是辣的。從餐牌的示範圖片絕對看不出來吧？請留意文末的實物圖哦。落單後，侍應先送來泡菜和熱韓國柚子茶。冰的魚蛋年糕湯餃子先登場。魚蛋和餃子的口感，和平日在中式粉麵店吃到的，分別不太大，只覺賣相稍稍有異；是冰不懂得韓式和中式之別，還是兩者本質實屬一致？年糕沉在湯底，用勺子舀起，一片片薄薄的年糕，大小是恰到好處的bite size，方便進食，而且煙韌的口感很討人歡喜。再看看男友吃的純豆腐湯－－魚蛋。看到圖片，已能感受其辣度了吧？辣汁和飯拌著吃，蠻開胃的哦。冰最喜歡內裡的豆腐，非常軟滑。示範圖片和實物，還真的相差很遠的哩......服務方面，侍應會提醒一號餐是辣食，但不會主動添茶，要客人叫喚才會過來。食物辛辣，難免多喝茶水；每

韓食家一般韓菜悶悶地落街求其搵間野食晚餐見間野無咩人其實唔係咁想試不過朋友話想靜靜地傾下計就入去試下個年糕d菜太多 都唔知係炒菜定炒年糕味道小小淡有d稀燒肉就正正常常唔會再泥

晏就去左韓食家 少人唔洗等位叫左石窩雞飯黎到個窩仲好熱 不過個雞一般般 唔太夠味前菜係泡菜 夠味夠辣都幾好食個飯普普通通 不過lunch hour勝在唔洗等唔係好抵 應該無下次

Megabox有好多野食係咪揀唔落手呢？不如就試下呢間幾正宗既韓國菜，小妹都係同友人行行下街攰起上黎事但衝入去食既～試泡菜國既野食一定要試佢既泡菜水準，所以小妹就叫左個韓式泡菜湯豬肉伴飯黎試下啦～第一樣要試既就梗係個湯既味道啦，飲落係正宗韓國既辣，即係飲完之後舌頭同喉嚨都覺得好嗆口～但過多一陣送多啖飯就會有種甜味同咸味殘留係口腔，好鬼惹味，而且仲冇雪藏味添！最欣賞佢每叫一個飯都會送碟泡菜，泡菜愛好者可以一次過享受熱湯中軟既泡菜同伴碟既凍爽口泡菜，一嘗多重既口感～小妹就試埋個豬肉片，入口就覺得呢個豬肉超級入味，啖啖滲透左泡菜湯，應該熬左好耐，可能因為咁所以豬肉難免有少少韌～唔想咬既朋友可以試下佢D浸到淋一淋既菜，每一次咬落口都有大量辣湯流出，好和味～仲要讀下個飯，每粒都係咁分明又軟熟，唔會食到好乾～另外可以留意下佢既餐具十足十韓國人用既扁銀筷子同湯匙，好有韓國風，中意韓國菜既朋友一定要試試～

唔知點解好想好想食韓燒，偶然見到團購做緊優惠 (折咗後近半價)，唔理三七廿一即刻訂咗先～ 6:15 pm 前入座起計 2 個鐘，任叫任食各款肉類、海鮮、菜、石頭飯、純豆腐湯、湯麵、柚子茶同雪糕，埋單每人約 $170，唔算平，勝在有多款牛肉同小食畀我哋班牛魔王揀，應該都會有下次！叫咗勁多牛肉，等肉期間食住前菜醫肚先！推介粉絲同芽菜，kimbap 就冇想像中咁好食～咁多種牛當中最喜歡韓式醃牛骨肉，美國肥牛都幾好，另外叫咗圖中呢款豬肉，叫咗 1 round 後決定重返牛肉懷抱～ XD 另外提提大家，肉係以一份份計，但唔知點解叫 2 同 3 人份嘅肉都係差唔多份量- -……同埋佢出單比較慢，鍾意食肉嘅朋友可以考慮一次過叫多啲，咁就唔使分幾廿轉叫……

下班後相約4個朋友來到九龍灣看電影，當買完戲飛後，到對面的韓食家晚餐。呆呆等了約10分鐘才入座，每人點了一個飯，再加泡菜薄餅齊齊HAPPY SHARE。我和2個朋友也點了這個芝士香辣豬肉石頭飯，來到時香噴噴，好多芝士哇! 石頭飯好夠熱，起初將芝士與淋身的豬肉混合後，覺得好好味，但食落一半開始覺得芝士有點膩，不過最後仍完成整碗飯。而2個朋友也覺得這個飯好好食。泡菜薄餅不太油，薄餅加埋泡菜有少少辣辣地，不過薄餅太淋身，味道一般。雖然食物不太突出，只是一般般，但我們5個也吃到飽飽地捧著肚子離開看電影，也滿足的。

1月2日上班, 同同事出去食韓國嘢, 我都係第一次嚟韓食家, 12點幾去到, 一出電梯有人跑過去, 好誇張, 原來晏少少係好多人等位的.我們見到有一個豆腐石鍋飯, 好似好吸引咁, 同事就左呢個, 我都好想食豆腐, 見有一個豆腐湯, 我就食豆腐湯配海鮮. 另一個同事就左蕃茄牛肉鮫子年糕. 先送上泡菜, 每碟的顏色也不同, 好有趣. 都OK, 唔會好咸又唔會好辣. 我的豆腐海鮮辣湯, 有一鍋湯, 都幾大鍋, 一碗白飯, 好多豆腐的, 個樣好滑, 湯唔算好辣, 豆腐真係好滑, 好香, 好味呀, 海鮮有蝦, 魷魚之類, 都足料, 一啖湯一啖飯係韓國食法吧, 原來咁樣又真係幾GOOD WOR.同事們的豆腐石鍋飯, 好多疏菜的, 都好健康. 加8元有一份鐵板雞或牛肉的, 份量都唔算好少. 他們說那飯好味, 飯焦好香口, 加少少韓國辣椒醬仲惹味, 牛肉, 雞肉我也試了一些, 有些醬汁, 幾香, 肉質都淋, 好味. 他們還配一杯杏仁茶, 不過就淡左點, 有咩味.鮫子年糕同事都話好味, 年糕係細細片的. 佢話鍾意食蕃茄湯底, 餃子又係細細粒的, 有些牛肉.還有一杯飲品的.

琴晚勁想食韓國野，又唔想出去尖沙咀係甘等，就揾韓食家，因為甘多年食佢都ok既，最近食九龍灣呢間都有唔錯既印象，所以黎左到晚餐。九點左右到，唔洗等位，入去得返好少人。我地勁肚餓，即刻點野食，我要左個醬爆雞石頭飯。 我見係甘既樣，舉手要辣椒醬，但勁耐都冇人理我搞到勁多飯焦，我最怕食飯焦隻豬就要左個撈面，幾香幾好味又唔會好辣，面又好幼，唔係公仔面，好好味而且仲有一杯柚子蜜跟同有碟泡菜跟埋。泡菜好入味，醃左好耐甘，都夠酸，但我麻麻地好泡菜。泡菜炒年糕，好少年糕，好多菜但都唔錯既，酸酸地，辣辣地，好快就清曬。呢到既食物唔錯既，但要揾人要野真係好難，佢地好似失左踨甘 我地杯柚子蜜都要追先記得未俾

除了廢已經想不到什麼更好的形容詞, 沒有想過一間韓國餐廳食正價餐會食到比街邊批發小店仲劣等的肉.點他們九十蚊一個的餐, 兩種幾片的肉(一牛一豬)加湯, 飯同飲品. 肉得幾片接受, 但這肉是劣等的呀! 廉價仿韓店四五十蚊的肉套餐都比他好呀!人地x角用上等牛肉下市飯餐最貴都係七十蚊, 豬肉五十幾就有交易, 下午茶仲七折! 成本起碼是這劣等肉的四倍! 憤怒到爆!好! 講埋個味道! 劣等的鞋肉味, 醃也是用廉價味精料, 味道完全似即食牛肉, 味精的味道濃而且配搭差. 濤寶的最低等肉片都好食過你.牛肉都不算極差, 係鞋與多味精味. 豬肉腩肉真的經典, 未烤的豬肉是一舊硬塊的, 一看就知道劣等, 自取其辱. 味道粗硬無肉味得調味味道.飲品, 淡. 檸茶非常淡, 檸檬與糖貴吧. 另外的藍色蘇打仲衰, 無味道, 是藍色的水嗎? 湯係水晶湯清淡如水.服務又慢, 尤其個男經理好似等放工咁成日看表看電話. 呢個時代咁的服務態度唔得, 咁的價錢咁的食物, 唔得!

去開megabox行街，行到肚餓，於是決定係megabox食埋飯，但係無餐廳啱食，行行下落咗6樓見到呢間韓食家，個女又鍾意韓國食品，於是試下。睇吓個餐牌，多數係韓燒同埋石頭飯。韓燒有套餐，套餐抵過散叫，於是叫咗兩個餐，一個係豬肉，另一個係海鮮，可選三種醬料，初初以為有三款醬比你点來吃，原來係一早醃咗落啲青口，豬肉裏面。所謂嘅海鮮套餐，其實得少少貝肉，青口，多春魚。套餐可以用優惠價加石頭飯，石頭飯味道唔錯，韓燒都滿意。最後埋單，經理送咗包年糕比我哋試，整體對此餐廳都好滿意。

不少前往韓國的旅行團行程之一是自制泡菜，友人就曾轉贈親手制作後空運到港的泡菜做手信。網上發現有團購由韓食家主辦的泡菜課程兼親子套餐，有得食有得玩，而且其中一處教學地點是位於九龍灣人氣商場Megabox的旗艦店，不用多想便購買了。想不到在地鐵站上蓋等待穿梭巴士也花了不少時間，結果由排隊等候到下車花了超過半個小時，幸好大部分參加者也遲到，我們到達時課程還未開始，不致錯失了前半部分的講授時間。韓藉女導師親切有禮，主要以英語講授，在旁有店舖負責人即時翻譯，溫文爾雅的韓藉導師間中會以一、兩句半咸淡的廣東話向我們介紹材料和做法，令大家都很全神貫注，我們圍著她看示範時，她也不忘跟參加者互動一下，令現場更添熱鬧氣氛。一開始時導師告訴我們，韓國人在烹調方面著重三個元素，就是味、美、情，跟我們常提及的色、香、味有些微分別。的確在講授過程中，她不斷強調以好的食材弄一道健康美味的菜式，都是想讓家人身體健康和感到幸福。聽罷也有點感動，更欣賞導師的詳細介紹，把每一個步驟和需加留意的地方都重覆講述。例如做泡菜用的大白菜(或旺菜)泡粗鹽醃過入味後，便需沖洗三次和扭乾所有水份才可再以調味料醃制，過程比想像中要繁複。看到

今次再同朋友黎食呢間。可能係平日夜晚嘅關係，無咩其他客人，所以唔多洗點等位，一入到去就有位坐得，之後本身諗住燒烤嘅，但係朋友又不太舒服，所以就食其他嘢了。我今次就叫左個泡菜麵跟set，再加杯柚子soda。而我朋友就叫左炸醬年糕炒粉絲無幾耐，嘢食就到，傾傾下計，我地就見到佢地有個優惠係post左嘢食相上fb就有個紫菜飯送,當然我地都有要行動，拎埋個紫菜飯嘅！食物大致ok無乜問題，係個炸醬年糕比較偏咸，加上粉絲入哂啲味入去，比較適合食嘢口味較濃嘅人食。因此搞到成日都要叫侍應加茶，幸好每次侍應都好快手，睇落都無乜不滿，值得加分！

25/5/2014 （日）星期日放假，行左成日街，好攰之際就揾到韓食家。。。一去到 好似拍烏蠅甘 好似冇乜人…我同男朋友2個人，一去到門口冇人serve,啲侍應係度傾緊計 當我地話2位，佢地先sense到有人。。。坐低後，冇水，冇碗，果下已經唔多like到order時，講左幾次食咩，侍應先聽到，唔知佢做乜。。。我地叫1. 泡菜豬肉石頭鍋飯2. 韓式豬肉片3.韓式牛肉（3同4都係燒物）另外再加了套餐：前菜、飯、飲品 啲野食差左好多，啲燒肉甜到好似食糖甘 仲有，啲肉好碎濕濕，好難燒 好唔抵食啊！ 另外，我食過好多次韓國野，有平有貴，啲前菜都幾好味呢一間都幾貴下。。。但份前菜係呢生人見過最cheap！我第一次食前菜係腸仔，芹菜可想而知，分量好少 而且難食×100！！！總括黎講，整餐飯都食得唔開心，又貴 2個人食左 $250 但真係唔值 好難食！一定唔會再食！

唱完k就腳就去試下呢間韓國餐廳難得七點幾都唔使等 價錢又好似唔太貴本身唔諗住BBQ架 但聞到香味又忍唔住BBQ叫左三碟肉牛肉好大陣雪藏味同羶味雞肉無乜味 沾完豉油都麻麻豬頸肉係最正常 不過無豬頸肉的爽口感 只係普通的豬肉味另外再叫左個辣味豆腐海鮮湯 加$30有前菜個飯同野飲個湯辣味淡到呢 個鍋有陣味 好似係雪藏味成餐食完最正常係杯凍柚子梳打 其他真係無樣好食 原來淘大果間係分店 點解個水準可以差咁遠另外 啲侍應態度都麻麻 黑口黑面!!! 唔會再去

JOIN左韓食家烹廚+晚飯團購活動，團購食飯就試得多，烹廚+晚飯真係未試過，個人認為有GIMMICK，晚飯前先作2款烹廚活動，活動由韓藉老師教導泡菜同韓式炒粉絲，學員可以一手一腳咁由零做起，你問我返屋企會唔會自己整泡菜?我諗一定唔會，所以今次係一個好既體驗。原本韓式炒粉絲既傳統做法係撈既，我一路都以為佢係炒既，老師話因為唔想整斷D粉絲，食落會冇晒口感。上完堂，每一位包一精選套餐，套餐有8款，套餐包一餐湯(海帶湯)、一主食、同熱袖子茶，點左香辣魚旦湯麵同蕃茄純豆腐湯-豬肉配飯。香辣魚旦湯麵-湯底頗清，心諗應該唔會好辣，但D辣味係慢慢滲出黎，魚旦有2款，一款係韓式扁魚蛋，一款韓式小魚蛋，扁魚蛋口感較’淋’但有比較有魚味，小魚蛋就有咬口，韓式湯麵既一大特式係湯麵冇咁易’淋’，女士食得慢都唔怕D。蕃茄純豆腐湯-豬肉配飯-呢個勁有蕃茄味道，雖然豬肉有D鞋，但豆腐好滑，配飯食一流。食飽飽，餐廳仲好貼心咁送我地一人一小禮物(韓式炒辣醬年糕(一人份))，我覺得整個推廣晚餐都幾新鮮有趣，至少令我有再做食客黎試試其他食品既衝動。