韓食家 (已結業)

我為咗要釋出我心中嗰團火，不得不首次開帳號。其實話去呢間嘢係我朋友推界，去之前我都再有睇下啲食評，我見佢食評好多過差，而且見到啲人影啲嘢食相都幾好，一於去試下。到場果然如食評一樣，雖然當日係星期一晚，但成間嘢枱嘅圍數一對手都數得晒，所以我哋入去就可以即刻安排到位。好喇，我啲朋友都叫石頭飯，而我就叫咗個『鐵板牛肉』；啲嘢食嚟晒，我見我只嚟咗鐵板牛肉，點解個飯重未嚟，我就去問佢，啲職員話：『我哋啲餐全部都係散叫，冇套餐，如果我想要飯，就要另外加$30叫一set飲品+飯或湯+前菜喇(妳唔係話全部都係散叫嘅，而家又set乜鬼呀，自相矛盾)。』我心諗，個鐵板牛肉已經$78，竟然同我講係冇話跟，重話我要多個飯就要畀多$30，畀多$30，我不如去麥記食個餐，之後我成肚火咁去食呢餐。我某幾個朋友個石頭鍋飯一嚟到差唔多有三分一就已經係焦黑晒，品質好差。

在Megabox消費滿$400或用Mega club10分即可換取食肆餐券, 今次我換了韓食家的傳統石窩飯, 真係好優惠。環境地方寬闊而多座位, 環境光猛。 大約7:00pm入座, 但店內很靜, 冇乜客人, 星期五的晚上都是這狀況, 看來Megabox內的食肆競爭頗大。服務各服務員的態度尚可, 沒有特別感到親切, 亦不見笑容, 但手腳快, 很快便遞上餐牌、茶水和食品。食物傳統石窩飯(原價$55)另加一服務費服務員很快便送上熱辣辣的窩飯, 上枱時還有"吱吱"的聲響及霧着陣陣煙, 但一看到時有點失望, 為何會是全熟蛋? 很少石窩飯配上全熟蛋, 應是自己拌炒時令蛋變熟, 全熟蛋配它一點都不好吃!!不過, 此傳統石窩飯材料豐富, 包括有: 紅蘿蔔、芽菜、紫菜、翠肉瓜、白蘿蔔、菠菜、肥牛和蛋。種種的蔬菜新鮮爽口; 肥牛不算太肥, 肉質嫩滑而入味。粒粒的米飯分明, 亦有少許飯焦, 混上韓式甜辣醬, 味道不錯, 但吃到半底時發現滿是油, 油得可照鏡 , 所以越食越感飽滯, 最終只可放棄。______________________________總括而言, 環境不錯, 坐得舒適; 服務尚可; 食

我喜歡石頭飯等韓食，所以間中都會到韓食家，貪其價錢合理，味道ok。今次應該是第二或第三次來這間分店，但很失望。叫了一客辣豬肉石頭飯，不但不夠辣，而且覺得帶甜。我請服務員多給辣醬，証實是辣醬本身不夠辣而帶甜，跟以往不同。另外叫了一客豆腐海鮮辣湯，服務員問要不要少辣，我說不要。這個味道跟以往一樣算ok。只是最後叫的牛肉年糕湯麵，應該看起來像辛辣麵那種紅色湯底才對，但送來的時間一點都看不出是辣的。點餐的時間那位服務員也有問要不要少辣，當時也說不要，那應該是正常的辣才對。我們再問上菜的服務員，這一個麵是不是辣的，我說我們下單時沒說走辣，他想了一下說應該已經是辣的，問我們是不是要加辣。我們先自己試味，發覺完全不辣，於是再叫了服務員替我們加辣，結果另一位服務員說給我們辣粉，但其實是一些辣椒碎，不太易倒出來，所以加完也不辣。最後我把麵夾到另一個小碗再加豆腐海鮮辣湯來吃。味道其實也ok，而且服務也好，只是這次完全不是我期望的口味。如果大家怕辣的可以來一試。

中秋假期，刻意過咗lunch time先去Megabox醫肚，好彩有openrice，坐車沿途搵定食咩，老公話韓國，我亦好鍾意韓國嘢，見review唔錯，正！去到過咗兩點，人流唔係多，亦有七成滿。坐窗口位，好舒服，個景都ok靚。叫咗兩個午餐，韓國鷄冷麵，同牛肉豆腐湯配白飯。冷麵先到，外表好吸引，加上天氣熱，真係好開胃。雖然紅紅的，好似好辣，但只係甜辣，好好味。麵條好彈牙，鷄肉亦好入味，如果十分，我會比十一分，好出色！牛肉豆腐湯配白飯係本人韓國食物之中嘅最愛，食過好多好多次，今次亦十分滿意。湯唔太濃亦唔太辣，辣中仍有牛肉味，係好難得。最意外係豆腐，滑到難以相信，好好好食。湯內料好足，絕對值回票價！服務可以接受，不過不失，地方又乾淨，一定會再嚟！正！

是日與愛人到 MEGABOX 行街街見到 韓食家 諗起石頭飯於是一試我們點了 牛肉石頭鍋飯 , 雞肉年榚麵 , (前菜)波菜及一個粉絲(依個唔記得正確名稱),紅豆冰波菜及粉絲~ 味道一般 可以唔叫牛肉石頭飯~ 味道不俗~但牛肉再於熱石鍋內經過拌勻有點老 , 拌醬亦不夠(PS個人喜好)要再向店員多拿才夠雞肉年榚麵~ 因為愛人對韓國的辣,不是太能接受,於是點了少辣~ 麵偏淋,年糕剛好有咬口,又不是太淋~致於湯頭....一般啦 可以接受紅豆冰~ 真的不能接受....好似奶水加D紅豆O甘.....x_x""整體黎講尚算ok ~ 但仍需努力~現時MEGABOX選擇偏少還會考慮一下光顧但遲下Ramen Champion開左...... 總之努力~!!

看完3D電影，到樓下吃韓國菜。要了一個2人鐵板套餐和一個人參雞（半隻）湯。康康感冒不能吃刺激食物，於是全選了沒有棘椒的食物。先來前菜三式冷盤，未吃主餐前開開胃。加上青菜的粉絲味清淡，不過鹹，但碟底油亮亮，不知炒粉絲要下大量油炒的嗎?很多豆腐，海鮮只有中蝦一隻、少量魷魚鬚、一隻蜆和數粒淡菜，這個麵豉味湯比日式的湯杰很多。雞和牛舖滿鐵板上，牛肉肥膏不多，加上椰菜，味一般，吃完見板上又是很多油。雞肉似鐵板上的雞味，伴以豆腐和菠菜，石窩非常熱，窩底有飯焦。湯內只有半邊人參，雞亦是半隻，不肥膩，湯很清，人參味不足。跟餐有飲品，我們叫了紅棗茶、薑茶和柚子茶。廚師下料足，各茶味濃郁，尤其是康康的薑茶，他傷風要喝薑茶。

之前跟同事到新蒲崗一田下的吃午餐,炒蘿白糕是很好吃, 所以即管跟老公到此餐廳再吃明明都是同一餐牌, 但點解是差那麼遠?! 賣相仍OK, 醬油顏色好深色, 而且有好多配菜, 但根本沒有味道, 甜又不是, 咸又不是, 而且醬十分" 杰", 而且蘿白糕十分硬, 但吃了一半便放棄..........下次都是到新蒲崗吃!

早幾日收工,同個FD行左去MEGABOX買野,買完野見肚餓就去食野,行行下見到6樓有呢間野(平時行開都唔多覺有呢野係到)平時都經常去韓燒GA LA,咁岩見到有火鍋食,又唔係貴($178)咁咪試下囉......D侍應落單個陣都有同我地講話要等耐D先食得,不過,等個鍋滾既時間真耐左D囉,等左差唔多15分鐘先滾(有個蓋蓋住會好D),但係味道比想像中唔錯我咁大個仔第一次飲呢種沙冰,口感吾錯,除左好似思樂冰甘沙沙地,上面仲有果肉,食落有口感(D柚子肉幾香),不錯!不錯!另外個杯紅豆冰,睇落同去快餐店一樣,但係D紅豆食落去比較軟身同甜D,好食D(這個跟餐+$8),幾抵!!!!!

:今日同幾個朋友去Megabox UA睇早場,之後,睇完戲,見到韓國菜餐廳朋友話想去試試就入咗去了。入到裡面地方很大,還境不錯,個侍應帶咗我地去一張圓形梳化比我地坐,之後,熱茶隨即送上我地有好多野都想食,睇左陣餐牌就Order了.............

第一個食評，一間冇服務既餐廳，冇人巡枱，亦都有人收野，茶飲晒，未見過有侍應主動加茶年幾前同男友來過食過，見環境幾好，所以早一星期前訂位約埋朋友來食飯慶祝生日， Megabox 出入其實幾吾方便，如果吾係貪個環境好，寧願食任食既韓燒，上次來要等位，今次一來到，冇乜客，以為係閒日，六位坐圓枱梳化卡位，係坐低已經比晒茶，人齊就叫野食，揮手揮好耐先有人應， 叫完野都有跟d 碗仔，剪刀D set 成日漏野：其中有3個燒烤set ,每set 跟三色前菜，菜絲沙津，白飯，湯，生果，熱柚子蜜，D 食物來晒 ,d野來晒，準備食野時，發現來得兩個白飯，同個侍應講完都有出番比我地，食左一陣，石頭戈飯來左，但冇匙羹，想拎隻匙羹都要敲住有人先拎到(感覺上變左有人出菜，但出完菜後想揾個侍應都冇)淨見到幾個員工企係茶水間度吹水，叫左幾聲先至有反應，有d 就哩埋廚房，個口咬住野咁行番出來，食到九點，見d 員工急急脚收檔，之後第3轉加左個牛舌燒烤set同豆腐湯set ,又漏野， 湯同前菜冇來，要追先有，雖然兩樣野都吾係值錢，但我地係比錢消費，覺得好似側側膊吾多覺咁，又吾係忙wo, 但就成日都漏野，又冇人會巡枱收下野，茶

炒冬粉好好食,冬粉保持到彈性,同時又入味石鍋飯都唔錯,飯焦好香同埋都幾多海鮮,同肉既石鍋飯唔錯,素既就比較清d,都好好食海帶湯都幾鮮味,但人蔘雞湯就油左少少蔥餅好食,但都係油左d蘆薈蜜好飲,凍飲會好飲d小菜們最中意食右邊個豆腐

今天由於去Mega Box睇戲所以就去左呢間啦這裡人不多而且位也幾好坐我和友人叫了兩份燒烤lunch set佢仲有2款前菜,白飯及飲品我們選了牛肉及雞肉仲有豬頸肉及尤魚這款是豆腐及泡菜我不太欣賞豆腐但泡菜就幾好味啦燒肉個爐很特別不像平時的所以D肉非常好味而且D肉不會燶的好欣賞它的爐D汁都好好味呀我要再去

同同事下午去食，點知等餐等左成個鐘，兩個1號餐明明一齊嗌既。點知一個黎先，另一個一路都未黎。前前後後催左成3次，叫左個經理過黎問，佢竟然都只係話: 「無辦法啦。我都催左三次啦……」呢個算係乜野態度？好似唔關佢事既咁？D侍應永遠扮睇你唔到，要你大聲叫唔該佢先走過黎。最後尾都係CUT單算數，成程佢無say sorry，只係一副無辦法啦，我無野做到咁既樣。五十幾蚊食佢一個辛辣麵，仲要受佢氣，催佢佢就一副唔關我事咁既態度。洗唔洗D客自己入去煮？咁樣既餐廳，去一次都嫌多。好少寫食評服務要俾到一分，太差勁了！

由於shopping時間耐左,又適逢星期六係嫁娶的好日子,好多中菜館都變了婚宴場地, 9時半後,便驅車來mega box看看,家人試過韓食家的午餐,稱味道不錯,為儘快開餐, 不作他選了:叫了4人餐:前菜2份, 每份3款, 有豆芽,菠菜和泡菜, 其中泡菜夠辣韓式豆腐冷盤,大家都在估是否百x豆腐, 一試味道是不同,有豆味,應該是店家於餐紙上推介的韓國豆腐,配那甜甜的醬,味道尚可韓式豬肉和牛仔骨,其實是炒豬肉和燒牛仔骨,前者味道很濃,後者燒得有肉味,不過不失石頭飯, 可以任選2款, 明顯地泡菜豬肉的石頭飯比雞肉石頭飯惹味得多,後者冇任何調味,連少少配菜都冇, 只得問服務生拿些辣醬,好在飯焦不少人參雞湯,有1只雞,內有糯米,可惜湯淡,冇人參味,更冇雞味,十分懷疑是否因為已經太夜,唔夠湯而加水, 家人說上次午市的湯味更濃,海鮮荵餅,煎得幾厚身,有少量雪藏海鮮,荵如果下多一點,會更香份量十足,勝在方便又飽肚,但縱使我們沒有燒烤,附近亦冇人燒烤,離開時,頭髮和衣服扔有好多燒烤味,抽風麻麻!

見megabox開左間韓式餐廳, 一直想試. 點知一試失望.兩個人叫個兩個lunch set, 海鮮豆腐牛肉湯跟飯連熱柚蜜, 及蚊牛肋骨飯連熱柚蜜.先講前菜, 共得三小碟, 泡菜及魚仔, 一食就知冇feel.再食主菜, 超唔惦, 牛肉唔得, 味道唔得, 冇靈魂, 食完都唔知食左乜, 同以往食開的韓國餐廳如梨花園及新羅寶差天拱地, 比佢個招牌呃左,跟本係港式野. 但收費絶對唔平. 一定冇下次. 最好係杯柚子茶, 同平時係超市買個D一樣. p.s. 睇佢地D餐具就知有冇heart.. D杯同碟唔好用, 柚子茶個匙係膠..可想而知...唉, 可能係自己期望太高.. 加上價錢 .. 先忍唔住上黎講兩句..