韓點 (已結業)

琴晚好想食韓國嘢，本來想食韓燒，但係太大陣仗又要堂食，所以睇吓附近有冇其他韓國菜選擇，不過元朗真係少咗好多，唔知係咪執晒！跟住我就搵到呢間小店，依家小店都好犀利屹立不倒幾十年！價錢非常之便宜，大件夾抵食！我哋一家四口嗌咗：雜錦拌飯$43宮廷紫菜壽司 $32煎泡菜餅 $40牛肉蓋飯 $45最後竟然食唔晒！以呢個價錢嚟講，係物超所值，味道係家庭式煮法，味道唔會太過濃烈，但係又入味！佢哋俾咗兩包辣醬我哋返屋企囉，真係非常好味！點乜嘢都好味！其實我覺得佢個賣相就普通，但係食落個味道濃過佢個賣相！買party tray都好抵，下次可以試吓嗰個壽司party tray！但係最好打電話去訂，因為都等咗成四五個字！

第一次試呢間店，透過外賣app我叫左一份泡菜炒飯&宮廷紫菜壽司外送到府，等左20幾分鐘左右，食物到達時仍是温暖的，味道很好！呢個紫菜壽司齋睇樣唔太吸引，不過食落口係會令人停唔到口想再食，壽司材料配搭合宜，飯嘅軟硬度和酸度適中，係開胃菜式。我本身係唔太食得辣嘅人（只能食到印尼撈麵嘅辣度），同撈麵比較嘅話個泡菜炒飯辣度差不多，唔算太辣，不過會有少少越食越辣嘅感覺，但配搭左紫菜壽司食就可以減輕辣嘅感覺，而且兩款食品一齊食好開胃&暖身，同埋唔想停口。價錢合宜味道讚好我會再食呢間下次要試佢其他食品

經過見到價錢都幾抵見餐牌都幾多選擇～於是買返屋企試試～買左個經典的韓式炒年糕和酸辣泡菜湯飯～整體都ok可能我要求唔高會再回訪個泡湯好好味，剩飲個湯都ok味道偏鹹但辣度剛剛好，份量都可以

睇開韓劇覺得好掛住韓國就叫咗啲韓國野食首先叫咗個牛肉蓋飯味道都幾好好肚餓時食覺得好好味而家睇返都好肚餓…芝士壽司 𝒐𝒌正常 係有少少似之前去韓國食之前去韓國食過一間 一般 普通 嘅餐廳 味道都有啲似可能因為太耐冇去韓國有得食吓韓國野都已經好開心🥲不過海鮮煎餅我就真係麻麻地..有少少熱氣 都幾厚粉 主要係食啲粉海鮮都有少少嘅個煎餅唔知係咪俾個盒焗親我覺得好一般 我估堂食整完即刻食會好好多掛 可能真係各人口味唔同就算我而家好肚餓 見到個煎餅都係唔想食(• ▽ •;)𝑺𝒐𝒓𝒓𝒚( ⁼̴̤̆◡̶͂⁼̴̤̆ )

朋友生日想食韓國野，就係想試呢間，因為有齊哂我地想食既野，所以我提早一日係OpenRice落單。呢一間係隱世小店，但都多選擇，份量多，價錢優惠👏🏻👏🏻仲要難得食到正宗韓國味道，尤其泡菜煎餅同壽司卷好好味，極力推介，店家預備埋兩包甜辣醬可以配粉絲、壽司卷同魚串，魚串好彈牙，唔會稔哂，索哂啲湯汁，唔太辣好岩香港人口味，賣相都好吸引，揀外賣自取，好準時就拎到，但店家都無一早整好哂，係即整即煮，所以都唔會凍哂，搭到車返去仲熱辣辣😋😋。

今晚突然很想吃韓國菜，但又想追看電視，便決定到元朗的韓點買個外賣回家慢慢品嚐，韓點食物質素有保證，已經吃過了幾次，我點了四種美食外賣！每次必吃的公主煎海鮮葱餅，餅件數很多又大塊，配料很足有魷魚、蝦、大葱，煎餅外層微脆內裡鬆軟，加上韓式辣醬，味道確實一絕！雜菜水晶粉絲，炒得乾爽的水晶粉絲，不會覺得油膩， 配菜有蘿蔔絲、冬菇絲、椰菜絲、洋蔥絲，份量多！宮廷紫菜壽司紫菜包飯，雖然材料簡單，有紅蘿蔔，牛蒡，蛋皮，青瓜等，加入了芝麻及麻油，令清淡口味轉變成鮮香的味道。韓式煎餃，外皮煎得相當出色，顏色微金黃，很香脆，內裡保持到少量湯汁，配料有肉碎及粉絲碎，口感有層次，值得一試！這間餐廳我會定期吃一次，因為食物素質和性價比實在很高！

同同事叫外賣，揀左個牛肉蓋飯，餸同飯分開裝，呢點已經幾好。餸既份量我覺得叫多，每一啖飯都有牛，加上洋葱同小小菜，健康得黎感覺都好好，而牛唔會太肥，小脂肪，高質，對得住呢個價錢。飯味好香，唔係普通米，軟硬適中，正！

突然心血來潮想食韓國野，於是發現元朗有間賣韓國野食既鋪頭，😳d野食價錢都幾平wor.食物。。🥢豬肉蓋飯$42好多豬肉😱成大半個碗都係，豬肉夠淋，索晒d 泡菜醃料味，由於係咁所以有少少辣，都幾惹味架，另外加$2仲可以豬牛雙併埋🥢宮庭紫菜壽司$29食落有好多料理，配搭得好好，完全無違和感😌仲有好香既麻油味，鐘意食芝士既朋友，可以加多$2.環境。。依到間鋪好細，左右兩邊有d bar枱可以坐，大概可以坐四個人，如果要一大班朋友食，絕對無可能，只適合1-2個人一齊過黎食，同埋拎返屋企食會舒服d bar枱下面有d 櫃桶可以畀你放袋，👍依方面幾貼心

去過韓國同尖沙咀韓國街食過手卷/壽司係材料多又香麻油味呢間同小學聚餐出玩腸仔味壽司無分別完全係勁普通 無乜味道又貴又細唔會再食以前話韓國人開我諗已經轉左手唔再正宗

行過見到呢間韓式小店, 好似平平地, 決定一試。叫左個豬肉蓋飯, 好大碗呀!!!! 好多豬肉片, 仲夾有少量蔬菜, 小辣, 唔錯。叫左細碗GE年糕, 其實都唔細架, 入面都好多, 都是小辣。呢間應該做外賣多, 得4個位, 仲要面壁。但老細好人, 我地想個飯加多D汁, 佢都好樂意。

相信好多會睇韓劇韓綜既朋友同我一樣當睇到吃播都會好想食韓國野...呢間係近新b仔既，係格離嫁姐。舖頭好細，得五個位左右，冇背高櫈bar枱，其實都坐得幾唔舒服，太多野就好麻煩。而且舖頭開放式，我諗主要做外賣，不過天氣熱既時候去食應該會幾辛苦。我今日去就唔算熱既，不過有幾隻蚊。其實都係個類野啦...個壽司好細條，味道一般。相比韓國個啲又粗又大條，韓國既抵食好多。佢跟個支汁個味就ok既，似炒年糕個味，不過就甜啲得好微既辣。炸醬麵一般。佢冇韓國既咁濃咁甜，唔算話特別好味。呢個係大既炒年糕，但我覺得唔大，量有啲少。我本身唔食得太辣，但我都覺得佢個汁唔夠辣，傑身啲辣啲濃味啲就好啦。佢個底有啲泡菜既。我仲加左18蚊個餐，你可以揀泡菜湯or海帶湯再加一罐野飲。個湯可以少啲麻油，不過有蜆係入面都不錯。

🍴🍴🍴好耐都冇食過韓點。以前其實覺得佢唔錯，至小好過好多所謂嘅韓國快食。今日比較趕時間，就買左佢嘅外賣食，好基本咁叫左個泡菜炒飯，好開心有蛋送，而且仲可以自己揀咩蛋。但之後決定應該冇下次了，首先，佢嘅飯係叮岀嚟，而唔係炒，當佢之前有炒啦，但係咸覺真係有啲差。份量有啲少，而且飯有啲乾，泡菜味唔太夠，不過39蚊嘅價錢算係咁啦，但就唔包飲品嘅。可能堂食會好食啲嘅，因為外賣不嬲味道會減分。但如非必要，都係不了。

韓式美食除了泡菜、韓燒、炸雞外，就要數到我最喜歡的炒粉絲了。 元朗食店多，但專門售賣韓式小食的食店卻又沒太多間。於又新街、建業街之間開業多年的街坊小店 - 韓點，是經常會光顧的一家。食店麻雀雖小，五臟俱全的格局，開放式廚房，店面一眼所見，附近街坊大多都是外賣取走為主打，所以店內所設的座位不多。平時我們都是光顧外賣多，雖然店內的長窄吧檯和高身吧椅未算坐得很舒服，甚至乎會沾上點油煙味，考慮到吃完回家可以順帶散散步，落單後就選擇做席上客。 餐牌款式以圖文並茂的方式通通貼於牆上，有拌飯、炒年糕、炒粉絲、韓國魚片、韓式壽司等二十多款，比較地道的韓式小食為主，價錢當然也是街坊價，數十元就有交易。 什錦拌飯 $37色彩的吸引，讓人食指大動。 碗面整齊地鋪滿炒過的切絲蔬菜，有:芽菜、紅蘿蔔絲、紫菜、白蘿白絲、菠菜等，帶有麻油香，還有隻半熟的煎荷包蛋，與白飯稍稍拌勻後，當然少不了加入韓式辣醬來增加惹味程度，檯上有支韓式辣醬提供，顧客可隨意調較辣度。整體拌勻後吃起來不會過濕，恰到好處的乾身，加上香辣甜酸的惹味辣醬，於炎炎夏日中的開胃之選。 炒雜菜水晶粉絲 $37 大量椰菜、甘筍絲、鮮菇絲與韓國粉絲炒成

第一次來買，想試下炒年糕，但我仔都會吃，我就問辣唔辣，佢同我講炒年糕一定辣，可以少辣，咁我見有另一只串串年糕，佢就話哩只就唔辣，咁我咪各要一份罗。老實講口味哩家嘢，個個人都唔同，D炒年糕太淋，D醬汁亦唔啱我口味，至多下次唔吃。但我想講D串串年糕係有辣味喔！點解話唔辣呢！我仔吃咗舊話係辣嘅，猛咁飲水，真係唔知你間店唔辣係咩標準罗。

其實呢間食過一次，但再食過一次之後就真係要寫食評，因為真係幾好食。首先，元朗鋪頭既地方真係太細，只有兩邊用木造既小小吧枱。我同朋友是舖頭那兒吃的，感覺上都幾迫下。我地兩個人就點左個豬肉蓋飯，泡菜湯，同埋一個泡菜湯飯。豬肉蓋飯:食過第三次，份量超大，加上我作為飯桶達人，係好介意撈飯既"送"用汁究唔究令所有白飯都沾上。今次都無令我失望，豬肉唔會太老，唔會好似香口膠咁，我懷疑佢根到本就係好味既豬頸肉，但又唔似。佢既辣度唔會好辣，剛剛好，唔食得辣既人，只要配埋一罐韓國汽水就食到。泡菜湯飯:佢呢個湯真係辣果隻，更正，應該係話佢既泡菜非常之辣。因為我另外點既泡菜湯，係一模一樣。好老實，呢隻泡菜辣度是高過酸度，我麻麻地。不過如果無咁辣既話，個湯飯一流。其實小菜就未試過，未知份量同味道，不過我推介豬肉蓋飯俾大家。