響茶 (萬利大廈) (已結業)

30/7 買左杯香芋珍珠奶綠，小冰小甜，個職員沖嘅時候，攞啲熱水坐住杯嘢攞枝攪棍嚟咁搞混啲粉，之後落咗大半杯冰 ！成杯嘢就係咁嘅顏色，從來未飲過一杯香芋唔係紫色嘅！一開黎飲完全唔係嗰樣味道又苦又夾！同以前啱啱開差好遠！！可以唔洗再有下次

外賣自取嗌咗杯抹茶珍珠奶綠轉仙草拎翻屋企一打開蓋嚇親我呢杯似洗地水嘅嘢係咩嚟甚至連抹茶都唔係面頭飄住一啲疑似未沖勻嘅粉狀算啦 我當啲店員發雞盲將抹茶睇成香芋咪飲一啖試下結果係完全同我order嘅嘢唔一樣連綠茶味都無最多可以叫做香芋粉沖仙草趕收工都唔洗咁呀嘛？？？？畀26蚊買杯垃圾絕對冇下次

我未試過 今次第一次飲 諗住拎返屋企慢慢嘆 我企10分鐘左右路程 我行到一半佢已經開始穿 係咁滴茶同埋要用隻手托住 如果唔係我驚行多條馬路佢會成個跌落地下 真係唔建議凍飲用紙杯

🚶🏼‍♀️行街路經始店見到有手沖🥑牛油鮮奶波波特飲，作為牛油果粉絲感吸引😍就點咗杯，佢裡面嘅波波係芋圓$38/杯🧋色澤淡淡🥑牛油果味好清新🌿但有點澀口，不過要讚一粒粒嘅芋圓凍咗依然好軟糯

呢間台式茶飲店，之前我係灣仔返工時有幫襯過，覺得價錢抵買，茶底濃醇，沖得好飲。而家終於開到嚟深水埗啦🥳 我已經幫襯過2次，飲咗這2杯飲品，都幾正😄牛油果鮮奶波波 (HK$38)．口感濃厚、好奶滑、固定甜度但其實不太甜，配芋圓波波，特別又重芋頭味😋．我問店員可唔可以俾多啲波波，佢話可以就40%容量都係波波💛黃金鳳梨水果烏龍茶 (HK$29)．烏龍茶底清香，配好多黃金鳳梨粒粒 (影到同冰粒一樣樣)，果甜又豐富口感

響茶 - 深水埗又再推介下台式手搖飲品先去到深水埗，心癢癢想飲下手搖，於是上網睇下深水埗有咩野手搖，竟然原來響茶在深水埗有分店，於是決定去買返杯解下引先。之前飲過砲台山果邊間分店既紫薯芋泥波波非常好飲，印象都好深刻。今次去到深水埗就決定試一試黑糖珍珠鮮奶黑糖爆布珍珠鮮奶 $30首先講講味道，由於是黑糖底的珍珠，所以甜度冇得選擇所以都係比較偏甜，手搖到手時黑糖充滿整個杯身視覺黎講都幾靚，珍珠都非常有咬口而硬度亦適中，鮮奶味道不是太突出，但整體黎講都唔錯。

路過想飲杯嘢，見到有番石榴奶蓋，仲有芝麻奶蓋揀，幾特別就試吓估唔到一飲驚人😨番石榴係真材實料，好fresh 好清甜，但又唔會死甜，真係原汁原味番石榴！仲食得出啲核～但美中不足都係啲核😂碎咗好似食緊沙咁，差啲哽親🤣如果可以隔走啲核就完美！！！至於芝麻奶蓋都好特別🤤好似冇咩地方有芝麻味揀好似食梗芝麻糊咁香濃😋做奶蓋又真係估唔到咁夾！飲完成杯都唔會膩～份量仲好揼本，飲到最尾仲有奶蓋，仲好味到忍唔住奶晒個樽蓋&撩啲樽入面黐住嘅奶蓋食🤤🤤🤤雖然芝麻奶蓋同番石榴唔算太夾，有少少搶咗對方嘅味😂但兩樣都各自好食！！！！下次飲番石榴應該會㨂返原味芝士奶蓋🤣

最近去咗深水埗黃金買野見口喝就睇吓附近有冇飲品店行前幾步原來前面開咗間響茶。之前已經一直喺柴灣有幫襯過。價錢親民，店員服務有禮。同柴灣嘅服務，簡直係一樣每次去柴灣老婆娘家食飯都會加料買俾一家大細飲係同老婆返娘家食飯嘅加料產品。甜度有得揀，正常甜都唔會好甜好符合大人細路嘅口味。而今次老婆大人都係點咗杯芋頭波波奶芋頭夾埋紫薯嘅口感，真係好正，而且份量足一杯啱啱好！而牛奶就係用日本明治4.3牛奶飲落口好順滑，唔係一般奶既味道。啲波波應該係芋圓，咬落口精神好煙韌希望繼續加油！