順濠 •川菜•火鍋•串燒 (已結業)

一見到店名就興奮，因為火鍋、串燒、辣都係我至愛，今次真係一次過滿足我三個願望。湯底超足料，有十幾隻大大隻花甲，有幾件大大舊豬骨，最初湯底冇乜胡椒味，感覺只係豬骨濃湯，之後越煲越出味，胡椒味出哂，真係好好味。不是桶蠔，但熟咗都唔係縮好多，驚喜。餐牌上有兩款豬手，一款係$88藥膳豬手，有幾件細細隻豬手，最後我揀$128鐵板黑椒豬手，係一隻大大隻豬手，皮脆肉嫩，正😊安格斯牛肉， 合格。避風塘炒蟹，因為隻蟹非常多膏，點煮都好味，辣度大眾化。花竹蝦刺身，先食炸蝦頭。總結，店內座位少，必需要預早訂枱，部份食物亦要預訂，如花竹蝦，招呼服務佳，會再次光顧。

最近較喜歡去平時自己少出現地方覓食，今天就選擇去佐敦。 佐敦道近廟街一帶，有好多不同特色小餐廳。 行行下看見到有間新開川菜館餐廳旁後巷位置掛上餐廳logo及大量菜式圖片，十分吸引在門口看見餐牌價錢又唔算貴，餐廳內又多客，一於入去試試椒鹽九肚魚(表層炸得又薄又脆，九肚魚夠新鮮又滑，火候十足)酸菜桂花魚(酸菜唔夠多及超辣。 雖然桂花魚浸至剛熟，魚肉十分滑，可惜味道不夠好)辣子安格斯牛肉(牛肉切成粒狀，配上炸腰果及辣子爆炒，味道超正）黑椒豬手(用鐡板上，再淋上黑椒汁。 豬手唔乾，肉質唔錯，汁好香不過黑椒味可以再濃一些）得閒四處逛逛去覓食，有時也有意外驚喜。 好像今餐晚餐，整體來說味道及服務也真的不錯，這才是一頓令人享受美食。

上次同屋企人嚟食飯，食完覺得唔錯，環境舒適，唔會太多人好嘈同埋唔會坐得逼。啲嘢食質素唔錯，好好味，花甲包，火焰海鮮鍋都好好味，海鮮鍋嘅蟹夠曬新鮮又爆膏，所有海鮮都好鮮甜，仲有雞煲又夠香，除左打邊爐，仲有好多小菜同小食，好似泡椒雞腳，口水雞，椒鹽魷魚，冰鎮咕嚕肉，麻婆豆腐，仲有好多麻辣嘅小食，味道夠香夠辣，價錢合理，大人細路都啱食，而家仲有世界盃直播，可以邊食邊睇波，餐廳嘅人又好好，會再同同事一齊再去

昨天一行4人初次去食，一入到去環境同氣氛好好，有幾台係度睇緊波，情緒高漲！但我地唔睇波，就選擇左埋邊的位置，我們點了水煮桂花魚煲，麻辣魚春，清炒萵筍，土豆絲，涼拌皮蛋，樣樣都係有水準，同行中其中一人係四川人，連她都話呢間不錯，下次可以再黎！個水煮魚好值得一讚，必試，唔咸但好有味，d魚又好滑，食完個魚再追加邊爐料，響鈴又係必食推介，新鮮即炸，放落個鍋度仲聽到炸炸聲架！其他配料都係好新鮮，碟碟大大碟，好滿足的一餐

嗰日四個朋友八點幾去到點左口水雞、酸菜桂花魚、水煮牛肉同串燒酸菜桂花魚：極力推介，酸度恰到好處，桂花魚勁滑口水雞：辣度適中，雞件沒有碎骨，份量足夠四個人食水煮牛肉：有點偏辣，牛味夠，裏面的粉皮煙煙韌韌十分搭配串燒：有驚喜，調味粉冇重慶串燒咁濃烈，但味道十足

同幾個朋友黎吃，個個都話湯底超正，而且好夠麻好夠辣啦，幾正宗菜都好新鮮，而且d位都坐得好舒服，d服務又ok喎，下次都會再黎夜晚門口好多人等位，下次醒目預約左先。