順興茶餐廳 (已結業)

距離試食會的開始時間尚早, 橫豎在九龍城逛街的機會可算是微乎其微, 那不如前街後街左街右街亂走一通, 來做個探險家吧 ...走到某條行人道上遊人如鯽, 若然不是因為讓路, 我也察覺不到這間我早已放入wish list 的茶餐廳就在眼前。  眼前的雪櫃裏放滿了一支支樽仔奶茶、咖啡、鴛鴦, 凝望著樽仔內心卻是癢癢的, 要還是不要!?  別忘記 ... 我還要參加試食會呢!結果, 我還是呼叫了一位正在持飯碗扒飯的姨姨來 ... 我買了1樽仔奶茶及1樽仔鴛鴦。  330ml 一樽的售價是$16, 這麼價格高的樽仔飲品當然要專屬職員用其專業鎖鑰去打開這個專門擺放樽仔飲品的雪櫃門 (只差在沒有聘請持槍保安在雪櫃旁邊站崗)創業於上世紀的1984樽仔奶茶 ... 成份是紅茶、糖、低脂奶、水, 飲落去覺得茶味足夠, 帶少許茶澀味, 有奶味但並非圓潤到把茶味包圍, 可能是用了低脂奶的緣故, 而甜度屬ok!樽仔鴛鴦 ... 成份是紅茶、咖啡豆、糖、低脂奶、水, 鴛鴦屬啡多茶少的類型, 飲落去先嚐到一陣咖啡香味充斥著口腔, 再嗒真才嚐到紅茶的優美, 奶味是同樣的不霸道...Wish list 中有加有減, 這

食物平心而論，不過不失，沙翁和蛋撻屬水準之作，沒有驚喜也沒有失望。菠蘿油嗰皮唔脆，應該係由於出左爐一段時間。但講到服務態度，真令人氣結!我從沒有期待過茶餐廳的服務有酒店水平，自己亦一直對customer is the king的姿態甚為反感，但最起碼唔會俾人反白眼吧?難道這個要求也算過份?嗰阿姐不斷堅持我們五個人唔好坐卡位，話怕迫云云，後來先知原來佢要係卡位旁邊放張枱擺湯，我哋會阻住佢喎。我哋無搬，佢就冷嘲熱諷，話如果湯倒瀉，佢唔負責。天啊!我哋舉手好耐都無人理，11點01分，阿姐話早市完囉，我們唯有迫於無奈用午餐價錢吃早餐食物。這不是我認識的港式茶餐廳。

第二站係九龍城的特色茶記，我選了順興而非樂園。選他的原因是我想給同事們一點甜吃，所以我來到這裡買了有名的蛋撻和沙翁。其實這裡的樽仔無冰奶茶也是很有名的，是的最愛，又滑又夠冰凍，是夏天消暑的佳品。不過今天做外賣仔實在沒有手拿，所以只買了就向下一步走了。我對這裡的蛋撻好感不大，所以沒有吃，沒有感覺可評。但其沙翁(又名炸蛋球)的確是佳作，我覺得他的沙翁比泰昌的好很多。砂糖夠多，包圍著整個沙翁，炸得很脆，不過油就多了一點，而且其份量很大，吃了外面有砂糖包著的那層，下面還有另一層的，裡面就是軟綿綿又鬆化的，可見不單有外表也有內涵，不過吃一個也真是很飽，如果係細食既女仔都好有難度吃完半個或者吃完後都再沒有位置了。買完這個甜品，就向另一個地點出發，這就是我最愛的九龍城粉麵檔- 黃明記。

今日經過順興茶餐廳，平時飲奶茶多，今日想買$10燒賣食，阿姐無企喺門外小食檔。我講左聲，唔該想買$10燒賣，跟住有個凶神惡剎嘅阿姐行出黎 。我揸住個$10準備俾錢，佢啲態度經已好差，叫我俾錢就放枱面揸住做乜，佢就繼續夾燒賣，我忍住道氣無出聲。夾好晒佢就落勁少鼓油，一路整一路好唔gur,黑口黑面，我都廢事煩佢叫落多啲，事關叫佢夾燒賣都好似切左佢忽肉！由於調味料放左喺檔外一張枱，我唯有自助加多少少鼓油，呢個時候同一個短頭髮又老嘅阿姐就一味喺度話：「你要加正話就好講」我話：「唔敢麻煩你，我自己整一樣」佢喺度炮轟我話：「你整到瀉左，你要搞到我做多次㗎」事實係無整污糟過個枱面！我忍唔住啤實佢，佢繼續啤返住我講：「你唔啱呀，你知唔知自己唔啱…（下刪一萬字）」最後我忍唔住叫佢收嗲啦！真係火都黎埋！我買野要受你氣！唔想做你就咪鬼撈，買你$10野都咁好火！間野唔係你開㗎阿婆！ 服務我想俾負分囉！佢啲燒賣！都經已唔係自己整！估唔到都可以蒸到淋到一pat pat!配燒賣嘅鼓油，佢連煮都費事！係生抽果隻咸！間野可以開到咁多年簡直係奇跡！

之前行經九龍城，聽安娜說，附近有一家茶餐廳賣的凍奶茶不錯。身為奶茶粉絲，自然心思思想飲。不過，由於不肯定它的所在位置，結果空手而回。　事隔兩星期，我和安娜又來到非常喜歡的九龍城覓食。在平、靚、正的柏檔吃完海南雞飯後，終於在散步的過途中，無意中遇上傳說中的凍奶茶－－順興茶餐廳的「樽仔奶茶」。可謂無心插柳柳成蔭。　其實也不用看它的招牌，看看這餐廳的門面，基本上就不會認錯。一部大雪櫃放在店外，裡面放了一樽又一樽的咖啡、奶茶、鴛鴦，專做外賣生意。因為以樽仔盛載，所以叫「樽仔奶茶、咖啡咖啡」。雪櫃旁，就有大大張阿蘇海報，附上二字對白，大叫「好喝」云云。　　這樽阿蘇推介的凍奶茶是不是真的好喝，試過便知。答案是，是真的好喝的。好在於茶味夠香濃，少甜。在炎熱的天氣下，感受到冰凍的茶香在口中浮游，感覺很爽。　不過，樽仔奶茶的奶味略嫌淡了點，順滑度只屬中等。所以，也不是沒有不足之處的。　　　　樽仔奶茶盛惠 $16 一支。貴不貴？個人覺得在合理範圍之內。雖未至於盡善盡美，但在炎夏天得到它的滋潤，也是一件令人滿足的樂事。

嚟順興通常都是在門口買樽仔無冰鴛鴦/咖啡, 十零蚊支, 濃濃厚厚的, 好味! 通常攞走邊行邊飲, 又或者下午茶入嚟吃個茶餐, 廿零蚊, 有電視睇, 有卡位, 有粉麵檔, 招呼尚可, 唔太熱情但唔會扮睇唔到或越叫越走咁, 食物都係入得到口唔十分正但又唔難食, 即係有第二處去我唔會嚟, 但諗唔到想食咩, 都可以嚟呢間咁囉... 今晚有事辦嚟咗呢區, 星期五晚八點幾條街人頭湧湧, 一位晚飯快快填肚都費事四圍揾, 快快入嚟醫肚實際啲, 叫咗個焗豬扒意粉, 跟羅宋湯, 凍檸茶少甜, 夜晚費事飲啡/鴦... 羅宋湯比一般茶記唔湯唔水淡戍戍的好, 見到有檸檬葉同檸檬片, 加分! (不過當時唔記得影相) 焗意粉等咗都一陣至出餐, 熱辣辣的, 香噴噴就梗係....唔會啦! 汁底唔係好'茄'而係羅宋湯味似美心快餐焗豬的味(同一哥焗豬個味唔同), 其實我鍾意有幾粒菠蘿不過呢度無....但佢呢個意粉又係比一般茶記的味道好些少, 但未至於要寫: 咁囉... 豬扒無大手大手落鬆肉粉, 有醃過唔硬但有咬口有味唔係單靠面頭個汁嘅味, 所以都算叫做幾好喇, 有'電視劇'送飯, 46蚊, 都可以encor

閒時唔趕住返屋企，我鍾意放工過黎九龍城慢慢行下先偶而會有唔錯嘅收鑊，例如食到美味下午茶，買到特式零食又會發現有好平嘅印尼撈面，除左食，仲試過買到件$19嘅背心添所以話，九龍城真係好多穩世正野，而今日我就路經呢間順興見到有人買左成十個沙翁，再望到門前張貼住雜誌訪問及介紹方知呢度啲沙翁同樽裝凍奶茶係好出名嫁，於是我又排隊買順意買定兩個面包聽日做早餐 , 我見款式唔多但都幾平 ~1. 沙翁~ 完全唔知點解會值得推介 , $ 6 細細個 , 超多糖 ...咬落係外脆個內濕o既 , 好似好多油o係入面咁 , 無蛋味仲咸咸地咁 , 就算有咁多糖中和返都係好怪 , 又咸又甜 ><"2. 糯米卷~ 見到好幾個人買 , 我又要左一件 , $ 3.5 , 正常價錢正常味道有 d 花生粒 , 不過淋o既 , 糯米偏甜 , 好在都幾有趙口唔太濕3. 煙肉包~ 芝士焗到硬哂 , 完全食唔出芝士味 , 麵包偏硬不夠鬆軟 , 味道偏淡，連煙肉都係得少少咸味 , 仲乾爭爭得好過份 , 仲諗住平時多數都係用火腿做面包 , 呢個煙肉會更惹味添 ~4. 椰絲卷~ 呢個幾抵食, 大大個又夠晒椰絲 , 仲有 d

*是日路經此處,外賣了膠樽奶茶,沙翁及雞尾包*自家奶茶($15單一SIZE) 夠凍,重茶味,少甜度,奶味剛好 可以的沙翁($6個) 似出爐左好耐,當然唔熱,外型大件,深啡色 賣相不討好-----外表佔滿沙糖,糖粒較為粗而且有溶化既跡象,咬下都鬆化,少許油益味 不理想雞尾包($3.5) 唔熱不緊要,包身硬了點,咬下椰絲餡不足,味道甜而帶咸香 啱口味

是有家歸不得的日子，臨時間又沒有約人，那就找個地方消磨一下時間，想到了九龍城的茶記。肚子是有點餓，先來碗雞球湯麵。是有點梘水味，雞肉也肯定是沒味，還幸肉質嫩滑，口感尚可。反正我的目標只是炸蛋球，這碗麵能填飽肚便是。蛋球送上來是凍冰冰的，幸而外層仍是乾身而脆口，裡頭則是軟熟，而且蛋香十足，是好吃的，當然面頭甜甜的糖是提升了食味。當然，如果是熱的，必會更理想。吃蛋球也要配熱奶茶才對，這裡竟用上印有自已品牌的厚身奶茶杯，真係唔野少。奶茶不很滑，勝在有點茶香，都可以接受。一條友在這裡Hea了大半個小時，係時候行過幾步去買西餅了。

隔了個多月後，小友又要再重新回到校園。去到新環境，自然要花多些時間去適應。身為一個好爸爸，當然亦有責任去幫他一把....晨早送了他回學校，準備隔一小時半後去接回他。中間的一段間場時候，嘆個靚早餐自不然是一個最好消磨時間的方法....是日很快便會與小友兩人去撐檯腳，所以不能在此食得太多。一個菠蘿油再另加一杯凍奶茶，用來塾肚是剛剛好....雖常謂這兒的麵包是不斷出爐的，但很明顯的眼前的這個菠蘿包並不是如此說....包身不夠熱之餘又是"實的的"；"菠蘿皮"看上去是"一岩一忽"，咬落亦是硬梆梆。故此縱然夾在包中央的鮮牛油是夠厚及香，也未能瀰補包不新鮮的致命弱點....這兒的樽仔奶茶一向有名。雖則貴了些，但喝落茶味足而奶香濃郁，間中買上一瓶邊行邊喝亦不失為一件樂事。現在來一個"堂喝"，縱使杯內下了不少的冰塊，但飲落茶味及香仍是可以接受的，還不差....邊啖著奶茶邊嘆報紙，一小時半的光陰，實在過得太容易....

店外有個麵包櫃，售賣麵包蛋撻蛋球之類；如要購買則要按鈴等店員出來。誰知今天出來一個氣沖沖的大嬏，「要咩呀？」(第一句話的語氣(不是用字)已讓我覺得我打擾她了)於是我指著蛋球：「蛋球丫唔該。幾錢？(第一次買)」睥了我一眼，好像我多此一問：「六蚊」接著她把找續的零錢丟在櫃枱上便趕回店內…真是又好氣好又笑，我問她：咦？你好忙呀？這倒讓她有點呆了，「什麼？」「我見你好似唔想做生意咁…」說完我便掉頭走了。但身後傳來她的聲音：「係呀！你唔好買丫！」真是倒米員工。反正這樣的服務態度是沒下次的了，但沒理由用他人的過錯來懲罰自己，買了便吃吃看吧。吃一口便知道龍與鳳，少少油膉味，而且砂糖粒也太多了吧…服務差，賣得貴($6, 泰昌都係賣$5咋), 哪有回頭的理由，還是讓其他人教育這位大嬏吧。

食素嘅我，到茶餐廳真的選擇不多，順興離我家不足三十秒，佢地每週午餐選擇總有一日有干燒伊麵，雖然茶餐廳食物唔健康，有時會食吓過吓口癮順興嘅干燒伊麵夠大碟，有好多菇同韭菜，以茶餐廳亦嚟講唔算油膩.跟餐要左齋啡，捷榮嘅出品，比McCafe嘅Long Black更濃更好味~

在九龍城揾食中，本想找間糖水舖坐坐，誰知下午(三時)九龍城係無一間(正在營業)正當十五、十七之時，側身一望發現一間舊式茶餐廳，順興門外雪柜有一枝枝的封好樽仔奶茶售賣、就不由分說，買了一枝試試。$15.一枝中型膠樽奶荼...茶味濃、不太甜，入口不算十分（好滑），但就不挑剔者絕對已收貨。（因沒有加冰，所以個人覺得比外賣還要好。）

五月上旬‧大雨吃過譚點，別過專兄及阿力士就要去做我的工作。雨下得太大，行得不快。是日吃點心，欠的是一杯奶茶，心血來潮來這裡買支樽仔奶茶邊行邊喝。夠凍，及茶味，此乃樽仔奶茶的優點。茶不會滑，此又是樽仔奶茶的弱點，這裡的又一樣。不過，幾好飲，還好過喝汽水。14元一支，不便宜。不過樽仔茶的處理也繁複，而且也百物騰貴嘛！

不經不覺，今日已是2010年的最後一天，又是Happy Friday，Holiday mood到爆炸。下午茶時份，恰巧置身於九龍城這美食之地，當然找間茶記tea一tea!經過這間「順興」，見到店門外張貼了不少的報章雜誌訪問，原來阿蘇也介紹過，不過對我來說，有沒有阿蘇的介紹也沒多大分別，純粹因為路過貪方便才入去試一試。茶記的下午茶餐牌，來來去去的都是多士、豬仔飽、公仔麵、菠蘿油......等等，這裡當然也不例外，頂多是多了蛋撻!我慣性的向反式脂肪宣戰，點了一客奶醬厚多士加杯凍奶茶少甜($21)，豁出去了!!!!!先來的不是食物，而是一張印有「奶茶我稱霸 蛋撻頂瓜瓜」的單......真係咁正!?早知點個蛋撻試試，點了就算了!不久，來了一杯凍奶茶少甜，凍奶茶用的是碎冰，所以會溶得較快，喝一口，算是順口滑身的，不過茶味有點虛，不夠濃，找不到任何突出之處，很多茶記都做得比它更有水準......接著來的奶醬厚多士，厚多士用的是普通白方包，的確切得很厚身，而且外層烘至微脆，咬落又脆又軟熟，本是很不錯。只可惜的是，奶醬多的精粹，即煉奶及花生醬，何其的少，薄薄的一層花生醬，近視深一點也看不到，理所當然，