順酸辣粉

營業中

休息中

一個人的時候可以找回男人的浪漫，不用常常西餐法國餐， 總之就是高級的餐廳，因為要另一半同你大牌檔，總覺得對方有點委屈。自己一個人, 可以選選一些簡單平凡的東西, 就算是一碗河粉，有時，你都會覺得很是滿足。這次我選了碗沙嗲湯河，沙嗲湯底不像茶記的沙嗲汁，反而更像馬來喇沙風味，很香椰奶味，配少少滷肉碎和花生，撈埋一齊，更有口感，河粉份量也很夠，大食的我剛好！！我選了滷水大腸跟滷牛展，　滷水大腸很香陳年滷水味，滷得很軟滑，一口便滑到肚去了，好味；牛展不過不失，　不太厚，口感一般，如果厚身點就好了！男人不用山珍海味，大腸，腩肉，啤酒更啱口味。

朋友話呢間四川酸辣粉好味, 一路都無經開屯門, 今日入黎換野就專登黎食~~黎到3點幾, 到咩人唔洗等~~老公同我都食得幾辣, 所以一人叫左碗酸辣粉, 仲一人叫左個小食- 口水雞 + 炸豬扒~~結果發現兩個人係一定食唔灑, 四個人食這個份量就差不多, 因為真心係十分大份!! 酸辣粉配料十足，有炸醬，花生，芽菜，酸菜等，好似炸醬咁，好多，啖啖肉，味又濃，好惹味！辣度都十足, 辛辣感很重, 加上酸菜, 又酸又辣口感豐富多變就是四川菜的精髓!老公仲叫左腐竹同豆卜呢D咁吸味既東西, 每一舊都入灑味, 咬下去啖啖汁走出泥~~佢都不停話: "正正正~~"我就只係加左麻辣腩肉, $7有3大件, 十分抵食, 我超鐘意個辣腩肉, 夠辣又夠淋, 入口即溶!! 反而個口水雞我覺得唔太夠辣, 又唔太夠香, 不過雞件算滑, 而且份量夠多~~不過不失!! 豬扒就好大份同好厚身, 熱辣辣啖啖肉, 唔辣但很脆口, 啱鐘意脆口野的人, 不過一個人食一份就會飽灑!! 算好抵食~~~

辛苦晒今日屈小姐陪賴生去曬太陽，又行左勁多路，仲一路以黎要妳擔心，真係唔好意思為左答謝屈小姐一路而黎既好，賴生再次請屈小姐去順酸辣粉食野! 不過今次係夜晚去，經過第一次食之後，呢次叫得叻左! 不過有2樣野要事先講明，1) 夜晚冇咁多人，唔會爆   2) 夜晚個老細唔係度好似個出品差少少(唔知關唔關事)我地今次叫左1) 螺旋藻胡椒濃湯薯粉 (4.5星)- 胡椒濃湯既配料係包粟米同3塊滷水豬頸肉既- 滷水豬頸肉好得，滷得入味而且淋同軟(不過今次冇咁淋啦，可能lunch賣晒啦，未炆得夠，上次就真係食到Bling Bling眼!)- 胡椒濃湯真係好濃胡椒味，充滿胡椒辣，食麵浸菜飲湯樣樣得，加埋粟米甜甜地連湯食，又甜又辣，好正，更好既係對女仔好好嫁，食完成身都暖笠笠- 螺旋藻又係好野黎，健康又好食，推薦- 扣左果0.5分係因為今次個湯油左 (上次無咁油架，其實比起出面其他鋪頭，呢度已經唔算油，但因為上次太正，有落差)2) 螺旋藻香辣腩肉沙爹濃湯寬粉 (5星)- 沙爹濃湯配料係跟肥牛既- 沙爹湯好濃郁，食落先湧出花生既香甜味，入到喉嚨先有沙爹既辣味! 正- 腩肉好分明，一層肥一層肉，而且好入味呀

今日好想食麻辣野，附近呢間我試過幾次唔錯，今晚決定自己再去食～「麻辣抄手」一個字“正” ～辣油香味濃且辛～岩晒鍾意食辣既我～水餃皮唔算厚，肉汁多，而且仲有好多芽菜喺底，吸晒d汁好入味，比我成碟清晒～望落碗「胡椒豬骨湯米線」以為清清地，食落原來唔係，好重白胡椒味，偏辣，加上叫左豆卜，米線同豆卜吸晒d味，啖啖都有辣，正～仲叫左個「滷水豬肚」，一睇隻色就知滷得很入味，有咬口，而且洗得乾淨無腥味，我食過幾次都無肚痛，所以都好放心食～最後想講下跟餐叫左杯「凍檸茶」，比一般茶記好，最怕紅茶入口苦澀，呢杯紅茶濃而不澀又有茶味，個茶膽做得唔錯！

又大一歲啦，唔keep下容乜易老化趁天氣轉涼，係時候要同屈小姐繼續我地既couple goal - 挑戰十座山 (本日挑戰項目 : 菠蘿山往下白泥)係挑戰之前，當然又係祭祀祈福既時間，祭一祭五臟廟祈求行山順利平安！ 為左隆重其事，我地去左最近都幾出名既【順酸辣粉】去到既時間，剛好lunch time, 人來人往，老闆好聰明，為左提高efficiency, 繁忙時間安排客人搭枱，所以勁快有位一打開個menu, 個麵底就26蚊左右一碗，餸就6-8蚊/10蚊/15蚊樣，唔係平既，但佢勝在份量多我地研究左1陣，決定左叫呢d :1) 胡椒濃湯紅薯寬粉 配蘿蔔+生菜+螺旋藻 (5星)- 呢個湯，一飲真係超驚喜，好濃胡椒味，但又唔會過晒辣，勁暖胃，真係必食胡椒辣岩哂屈小姐口味！- 重點佢跟湯會送豬頸肉同粟米，炆得超淋呀，第一次食到咁淋既豬頸肉，原來幾好食嫁下次尼可以淨叫豬頸肉加餸！- 蘿蔔清甜大舊! 螺旋藻超多好好味呀- 大份到屈小姐食唔晒2) 酸辣紅薯細粉 (小辣) 配腩肉+螺旋藻 (5星)- 本來諗住呢間野叫順酸辣粉，一定係最好食係呢樣，但我覺得胡椒濃湯出色d, 賴生專登叫小辣，等屈小姐可以食，

同老公，bb，細佬一齊黎食酸辣粉，午市好多人，後面d食客都要等一陣，叫左豬扒酸辣薯粉x2，口水雞，四川腩肉通菜麻辣涼拌薯粉。老公同細佬食酸辣粉，個湯底好濃郁，有d芝麻，酸菜，芽菜，肉碎，唔會過酸，個湯好好飲涼拌麻辣薯粉加四川腩肉通菜，碗底有少少湯，得麻辣味但一d都唔香，四川腩肉雖然係加料但都幾多片，好野味，入口即化，但食得多會好膩，要同人分享，通菜都好多。豬扒即炸好熱辣辣，亦好夠脆但好油口水雞都幾滑，唔太辣

平時都好少食嗰啲酸辣米線之類嘅嘢，但今日男朋友話好想食，咪陪佢去囉。去到食酸辣粉既地方，其實應該食粉嘅，不過今日想食飯，所以男朋友叫左個酸辣粉， 我自己就叫左個炸豬扒菜飯。菜飯唔太多油，好多菜，有菜香，每一口飯都食到好多菜，感覺好健康好light，而個炸豬扒相對邪惡，不過個豬扒真係好好食，久唔久食下姐，都不算好過分呀。我係絕對可以原諒到自己的。炸得好脆好鬆化，外脆內軟，炸得咁脆但係肉質都唔乾，不錯。

星期五 經過一日既辛勞 攰到冇朋友 想獎勵下自己食好西 一輪掙扎之後 決定左去呢間大概7點零入座 鋪頭冇乜人 糾結左好耐點乜好 事緣果日好想食口水雞 但又想食麵 偏偏menu係冇兩者合一既菜色 只係得口水雞飯（好似$42）店員話口水雞飯用既係雞上脾 口水雞小菜係用雞下脾 份量係差不多 所以口水雞飯既性價比十分高 其實上脾定下脾就冇乜所謂 最後決定分開叫 叫左口水雞（例牌）同埋冰鎮米線口水雞好快就上左 首先 個量以單人黎計都唔少 而且微辣但又唔會過辣 （有時食四川野太辣個胃會那住痛）食得十分開心 好開胃 個雞都幾滑之後個冰鎮米線 除左d炸菜太咸之外 其他都非常好 d米線勁滑 有種香口既麻油味 個份量岩岩好 大滿足我見到都好多人叫乜乜胡椒湯底既麵線 下次要去試下先 食到中段已經有人排隊等台 見到間小店爆場我都好開心總括黎講 價錢平民 味道豐富 值得再去

平時都好少食嗰啲酸辣米線之類嘅嘢，但今日男朋友話好想食，咪陪佢去囉。去到食酸辣粉既地方，其實應該食粉嘅，不過今日想食飯，所以男朋友叫左個酸辣粉， 我自己就叫左個炸豬扒菜飯。菜飯唔太多油，好多菜，有菜香，每一口飯都食到好多菜，感覺好健康好light，而個炸豬扒相對邪惡，不過個豬扒真係好好食，久唔久食下姐，都不算好過分呀。我係絕對可以原諒到自己的。炸得好脆好鬆化，外脆內軟，炸得咁脆但係肉質都唔乾，不錯。

我鐘意三餐當一餐食, 最鐘意下午茶時段食飯, 一來少人, 二來多數都有平, 今日想介紹我平時的飯堂~~~順酸辣粉間野在區內出名又平又大份又好味, 所以一星期我都有一兩餐幫襯它。 不過我好唔鐘意食飯同粉, 所以我多數黎食兩個小食, 食唔灑仲可以打包當晚餐, 抵上加抵~~~今次要介紹是蒜泥白肉同"求其豬扒", 蒜泥白肉, 肉本身無醃過, 清清地, 最重點是那個汁跟生蒜, 生蒜份量很多, 就算肉本身不加任何調味, 配合在一起也很好吃~~求其豬扒一點也不求其因為個炸漿真的做得相當好, 它不是天蝦羅或吉列豬扒的炸漿, 外表好像炸得很滑身, 其實非常脆口, 但炸漿不會太厚讓你覺得太厚粉, 而豬扒算厚切, 所以啖啖肉, 肉質又不乾, 熱辣辣, 非常好吃! 不過今天試左杯新野, 青蘋果梳打, 很重藥水味, 有中伏之感, 下次都是飲返些正常野, 如奶茶咖啡~~~

今日同女朋友入元朗搵食, 我同佢都好辣, 所以揀左呢間順酸辣粉!!紅油抄手辣油很香且辛辣, 一食就知係上等自家調配, 水餃皮不算薄, 咬下有啖啖的辣油香和肉混在一起, 不錯。香炸雞翼算係我食過最好食的炸雞翼, 入口鬆化, 外皮很脆, 脆皮本身都有味, 炸粉不算多亦不算太多油, 最重要係高溫炸後, 入面雞肉還很多汁鮮嫩, 很好吃。麻辣薯粉個湯底無得輸, 辣得非常滋味, 辣油香十足, 入口又麻又辣, 喜歡吃辣的人絕不能錯過! 薯粉不會太淋, 有彈性, 粉吸收灑辣湯底, 令人一口一口接著吃, 吃完還想吃的感覺! 四川麻辣真會讓人上癮! 

同朋友難得入開屯門，兩個人唔知頭唔知路，唯有上Openrice搵野食。朋友想食辣野，搵搵下就黎左呢度。睇食評見呢度d野食好大份抵食， 所以同朋友只係叫左個一個飯同口水雞SHARE。《肉躁牛展飯》個飯一上枱真係好大碗，好有睇頭。店主非常足料，餸菜鋪滿成個飯面，好豐富！ 有肉躁，牛展，肥牛，滷蛋。肉躁好入味，有好好香濃滷水味，撈飯食一流！不過牛展薄左少少，唔係太食得到佢既味道。肥牛份量好足，大大份，味道不過不失。《口水雞》口水雞絕對係驚喜，個麻辣汁又香又麻又辣，味道好有層次，相當惹味！但辣度方面都唔簡單，唔食得辣要小心或者同店主講小辣。雞肉好新鮮，肉質香滑，啖啖肉無碎骨。呢道菜味道好豐富，口感好滿足，必食！意外的川味之旅，兩個人食到飽飽，好滿足。

香港好少有正宗川菜，係新假期見到有個報導話屯門有間平食四川酸辣粉好食，所以專登入黎食麻辣薯粉辣味十足，又麻又辣，爽，紅薯粉十分粗身，口感煙韌，而且吸收灑湯底既精華，十分入味，很好吃。配料要左豆卜同支竹加煵肉，每款都是＄6﹣8 ，超值！ 豆卜同支竹又係吸收灑湯底既精華，十分惹味！ 口水雞口水雞份量十足，辣度剛好，不會太辣失去雞的鮮味，而且雞肉頗滑，十分惹味。朋友點左個酸辣米線都話好味，麻而不太辣同酸菜一齊食，十分惹味，最重要米線都吸收灑湯的精華，啖啖都很開胃，綜合黎講試左兩個湯底都好正，難怪當日黎都坐無虛席。咁既價錢，有咁既質素，十分難得！不過如果開返間係市區會好D，始終屯門有點遠同唔方便。

今時今日, $45可以食到咩? 係好多野都食唔到, 或者食唔飽>< 但係這間順酸辣粉可以叫到個滷水豬手飯仲,凍飲加$3 你話抵食唔抵食??? 豬手有4大件, 一睇就知滷得入味, 咬落去好淋同好重花椒八角味, 咸中帶甜, 一食便知一定係用左陳年滷水汁去滷。 係超市買既滷水汁就算點調都一定調唔到咁既味道, 所以話要食滷味一定要出街食~~~除左豬手, 碗飯仲好似台式滷肉飯咁加左D滷肉碎同菜, 令到成件事無咁膩, 好吃, 值得再吃。

第一次黎幫襯!問店員有咩好介紹!! 佢話最多人食辣腩肉同酸辣面!! 雖然天氣好熱, 不過既然推介而且有冷氣, 所以都叫左碗, 仲加多滷水大腸, 我最鐘意食肥野! 上枱已經聞到陣陣酸辣味, 增加不少食慾, 試左啖湯, 濃而不過, 好飲, 煲得好夠火喉! 一個面, 湯底真的十分重要!!米線份量十足, 不過有點淋, 個人比較鐘意彈牙的! 辣腩肉同大腸都十分肥美, 滷得非常入味，前者入口即溶, 辣味回甘, 後者咬落彈牙爽口, 好食, 店員好推介!! 當中的肉碎都很多, 而且味濃, 配米線一口一口吃, 口感更豐富!! 本來想把湯底都飲埋, 可惜碗面太大碗食唔落, 下次叫少個餸應該剛剛好~~