頤之味 (已結業)

已光顧過幾次，近期推出丼定食promotion 確係吸引不少人光顧。上次點了海膽三文魚丼，落單後十分鐘店員才通知海膽沽清，感失望 唯另行再選。其後幾星期餐廳外之Menu長期張貼出”海膽缺貨”之字樣。近日見海膽返貨，再度光顧。今次點了”免治吞拿魚 加拿大海膽 玉子丼”。吞拿魚唔夠新鮮 有腥味，重點係未清好魚皮同筋就打蓉，口感”鞋” 食落un同有渣，失望！海膽味道正常，個份量極少 得嗰一執仔 (兩三片)，果然係menu圖片只供參考注意: 相片中間係生蛋 並非海膽$118加埋一盛惠$130 認真唔抵食吞拿魚: 難食海膽: 極少飯量: 充足價錢: 略貴

頤之味最近換了樓面服務員，其中一位應該是較高级的（不用穿黑色制服），身穿恤衫结領帶，剪skin head 的男性服務員，態度極為惡劣。如果不是平日中午定食較平，一定唔會再去。

O先生喺等緊美味子既時候發現左呢度有下午茶丼食，由於今日我地兩個都仲未食晏，見到唔駛問緊係即刻食返個豐富既下午茶丼先啦。O先生同美味子我地分別叫左個吞拿赤身、甜蝦、帆立貝丼同埋蔥免沾吞拿魚腩、三文魚、沖繩醬油玉子丼。吞拿魚赤身丼價格上會平d，因為赤身係指吞拿魚既其他部位，會較魚腩口感上稍為遜色d。不過如果想飽肚同食平d，呢度都有選擇既。O先生餓左成日，食完呢碗之後都話飽，可見份量都係足料既。美咪子就覺得粒玉子撈埋吞拿魚腩同三文魚一齊幾好味，係稍為個飯硬左d。見O先生餓得咁緊要我都分左三份一碗丼俾佢，O先生食完都覺得有玉子係好味d既。確實係一個抵食食brunch既選擇

同事好想食魚生，亦好鐘意食魚生，一大夥人揀左呢間，但其實我唔太鐘意食生野，包括在港魚生，怕唔新鮮。我唔敢搏，好彩仲有鰻魚飯揀，為左健康加十蚊配山芋。鰻魚大大件，肉質厚實，烤得香，燒汁唔會太甜，同靚飯一齊食，yummy yummy 😋 山芋黏好新鮮，對腸臟消化系統好有益，唔係隨便食得到。跟餐又有麵豉湯，沙律菜，仲有一舊糯米滋雪糕。麵豉湯唔過咸，沙律菜又新鮮爽脆。整體值得推介，解除九號水產都好難食既魔咒 😂

我哋係午市嘅最後一批人 我哋兩個一人食咗一個三文魚丼飯 一個飯計埋＋1收費$63.8咁兩個即係 127.6咁我哋俾咗527.6 理應找返＄400我哋坐咗喺度傾計勁來都冇人找返錢俾我哋我哋返轉頭要攞返＄400嘅時候經理係咁叫我地“等一等 幫你地睇吓”幾次我哋兩個企左係到成10分鐘 其中一個員工先開始埋上晝嘅數等左10分鐘終於攞返＄400但係完全一啲歉意 都冇有冇任何嘅也嘅賠償員工態度怠慢 唔會再幫襯

父親節加上長週末, 有人提議去黃埔「九號水產」試下個韓國鮑魚節. 先去買返幾張卡仔, 蓋印換嘢食. $200一張, 10個印. 先搵個位坐低, 基本上2人一爐, 再去揀鮑魚.A餐：活鮑魚1隻，廣島蠔1隻，魷魚1份 (5個印, $100)B餐：活鮑魚1隻，生波士頓龍蝦半隻(5個印, $100)C 餐 : 活鮑魚1隻、廣島蠔1隻、帆立貝1隻(5個印, $100)現上提供埋磯燒時間貼士. 鮑魚夠大隻, 又新鮮, 放上爐仲繼續掙扎. 自己現場磯燒龍蝦, 海鮮等都幾好玩! 跟足貼士時間磯燒出來的鮑魚!! 味道鮮甜，肉質爽脆味美!!  

其實我都幾鐘意黎頤之味食野,因為覺得半開放式座位唔會覺得有壓迫感令我猶豫嘅就係價錢...所以我都行左個圈先決定入座二人餐有好幾款,豐儉由人,我地揀左個偏平價嘅底下透明嗰d我唔係好知道係咩黎,爽口但冇味鐘意食蟹籽同三文魚子嘅朋友應該會好鐘意個沙律刺身個碟好似太大,顯得刺身好少好細件;尚算新鮮,吞拿魚始終有種雪味咁店方其實會睇下客人食到咩程度先黎下一道菜,唔會一下子出哂黎搞到張枱擺唔哂又食唔切,唔錯唔錯玉子燒黎到嘅時候仲係完整一份,店員會即席切開;甜度適中,但齋食玉子燒好似爭咁d野咁大隻碟...再一次覺得件事dry左壽喜燒每樣野少少地,其實黎到呢度已經有d飽日本豆腐真係好滑滑滑滑滑滑,全部變哂做豆腐都冇所謂食食下喺入面搵到粒心型魚餅原本個餐入面係跟三文魚炸蠔卷,不過我地兩個都唔食蠔,師傅轉左三文魚加州卷蟹湯細細碗,但每人都一定有半隻蟹,超濃味!最後係芝麻雪糕,好凍好硬濃濃芝麻味,唔似係平時街買到嗰d平野

今日(18-11-2017 Sat)晏晝,同老公去九號水產買o野,佢話要食下午茶,咁o係入面都有食肆,佢睇到呢間,覺得OK,於是入o黎食,我o地要o左兩個同樣係$38.00o既下午茶o既C同D餐,order完好快就到o黎.我o地先食壽司,壽司暖暖地,唔係大大件o個啲而係o岩o岩好o既,其實味道係正常,wasabi真係係wasabi,佢完全冇辣味,薑都唔辣;而麵豉湯就鹹o左啲.老公o既北海道宇治抹茶芝士蛋糕配熱咖啡呢,佢話杯咖啡好正;而北海道宇治抹茶芝士蛋糕味道就有少少甘.之後我o地覺得仍可叫多一個下午茶餐,而佢就被冬甩壽司吸引,於是叫吞拿魚冬甩壽司配炸忌廉蟹肉薯餅.亦好快,個餐就到o黎,薯餅顏色金蔩,我o地就先食呢個,cut開睇,充滿白忌廉,蟹肉唔多,食落, 忌廉幾滑,食到少少蟹o既味道,但蟹肉唔係好食到.最後食吞拿魚冬甩壽司,睇到佢材料豐富,而且唔係蘸wasabi,而係唧o左好多沙律醬, 吞拿魚冇筋鬆化.食完埋單$125.40,抵食係2.7分服務:好好,好有禮貌又密密斟茶,而且笑容滿臉.

其實食物質素並唔算差，比起一般平價任食放題嘅日本餐廳好好多。海膽手卷出色，海膽鮮甜，份量合理，唔會得一小篤食到到喉唔到肺，亦無防腐劑臭味；其他壽司件件都好靚仔嘅。不過，飲茶要收$8一位茶錢，刺身個價錢只含每款兩件，一件大卜口吞拿魚腩壽司$80，牡丹蝦刺身$100一隻...... 伊勢海老刺身$1380 （已經做緊推廣，好似話減咗價）.... 唔算平囉......雜錦海鮮丼不過不失啦，無咩驚喜。成個九號水產主打日本嘢，去得我預期會有驚喜，一喺好好食，一喺好抵食，但佢兩樣都唔喺，無咩特別。唔使特登走去食囉，哩個價錢有好多其他更好嘅選擇。

星期日去黃埔探朋友, 原本想試Kerry Hotel 既food court, 行緊過去果陣見到大大個九號水產既廣告牌, 成個賣相好似上引水產咁, 中意食日本野既我地即刻改plan, 改去試呢間九號水產.由黃埔新天地行過去5分鐘, 行緊果陣成班人不停討論食咩魚生刺身好, 可能係期望太高, 去到果陣見到個海鮮market先發現大部份係冰凍食品, 原來呢度係餐廳還餐廳, market還market呢一刻心想唔緊要, 搵間正d既魚生餐廳都好, 行哂成個場只得呢一間.門口睇個menu就無哂d遐想lu...只係一間普通的日式餐廳, 因為呢一刻太想食魚生, 一行人都決定照食, 好在d魚生質素都ok, 未至於太失望

第一次到訪九號水產，試食這間頤之味，服務一般，裝修ok。Reception 負責登記人數帶位的小姐笑容欠奉，亦一副不想客人幫襯的樣子！食物十分難吃，餐牌選擇很少，刺身唔新鮮，一入坐茶都冇杯，查詢後原來要逐杯計錢，席間亦沒人refill...拖羅$180兩片，好食的話冇問題，可是口感似擦紙膠.....鰻魚飯份量少而且質素很低蛋壽司是硬的三文魚很不新鮮經理態度亦不好，不友善。一句講晒，咁冇誠意嘅餐廳，冇下次。

1️⃣ 茶要收 $8 一位，好奇怪2️⃣ 一心去試「冬甩壽司」，原來只可外賣，每枱只可吃一個，仲要原來只得半边有材料3️⃣ 食材選擇很少 4️⃣ 玉子壽司的疍並非即場做，不好吃5️⃣ 整體而言，食物質素差，服務態度不佳。！！！！！!!!!!!!!!!!!!!!!!!!!!!!!!!!!!!

今晚一行八人諗住試下九號水產內的餐廳，因為之前看poster宣傳一直滿心期待。沒有預先訂位，諗住入到去睇下邊間好就食邊間。結果發現人根本唔多，完全無訂位需要。行到呢間餐廳，見到經理不斷介紹刺身點樣新鮮，結果完全中伏。所謂嘅新鮮完全食唔出，粒貝刺身仲有腥味。餐牌大部分係刺身，熟食得幾款又唔吸引。重點係刺身完全唔特別，埋單二千七百幾好似無食過嘢咁。好唔滿足，結果要去附近食多碗越南河粉先有飽感。從未寫過食評，第一次就獻俾呢間嘢，真係真心覺得好不知所謂。連一碗miso soup都唔夠熱，一支500ml水收$28(無普通水供應）。貴真係唔緊要，但要值囉，從未試過食完一餐飯係咁唔滿足的。因為食得太唔滿足，完全無影過一張食物嘅相，得張單。希望大家去之前考慮清楚。不過都要講，成晚個鰻魚飯係最好食，或者大家可以只係食個鰻魚飯囉。

2 個月前初到這個號稱有 50000 呎的香港築地 - 9 號水產試吃，已入伙的餐廳當時屈指可數！兩個月後食店增加不少，頤之味仍能突圍而出，午間小聚最為舒服！讚！唯一美中不足之處是在於 Menu 沒有附以圖片方便食客挑選食物！

香港終於有自己的港產漁市場除了香港區九龍區現已開設了九號水產由本地商家開辦主理， 這天藉著市場內的頤之味生劏近80kg養殖藍鰭吞拿魚便相約一眾好友到訪大嘆日本料理。 九號水產位於紅磡黃埔就在船頭對面地點也算易找喔！ 漁市場內地方十分寬敞有接近5萬呎的，內裏除設有各款水產買賣、餐廳食肆外還有一所食材專賣店，內裏的貨品價格頗相宜，大家行過一定要入去掃貨呀！早到的我更在超市內行了一圈，內裏售賣的產品真係十分便宜，例如這條北海道喜知次600g只需＄309，在日本料理店食一條不＄1000也＄800。 而這隻印度大頭蝦一盒內有兩隻足有500g只係＄99太抵食喇啩！ 講到日本美食點可以唔去呢個名蟹區叩！有各式各樣的日本蟹售賣，造隻皇帝蟹講緊都係＄600多真係實在太抵了！ 講到平都唔夠呢個北海道白背抵食100g只係＄9！另外還有十分多款式的各類美食我走的時候也買了些回家返文章末才話比大家聽我究竟買咗啲咩啦！ 行完超市再直去便是餐廳跟水產部門位置，看見這間蠔吧原來正正是馬德鐘開設的店舖，內裏還有酒窖好切合佢識*食*的性格！而且當天我更見到他真人確實十分高大威猛呢！ 經過蠔吧後便是售賣海產的位置，這天有