頤之味 (已結業)

O先生喺等緊美味子既時候發現左呢度有下午茶丼食，由於今日我地兩個都仲未食晏，見到唔駛問緊係即刻食返個豐富既下午茶丼先啦。O先生同美味子我地分別叫左個吞拿赤身、甜蝦、帆立貝丼同埋蔥免沾吞拿魚腩、三文魚、沖繩醬油玉子丼。吞拿魚赤身丼價格上會平d，因為赤身係指吞拿魚既其他部位，會較魚腩口感上稍為遜色d。不過如果想飽肚同食平d，呢度都有選擇既。O先生餓左成日，食完呢碗之後都話飽，可見份量都係足料既。美咪子就覺得粒玉子撈埋吞拿魚腩同三文魚一齊幾好味，係稍為個飯硬左d。見O先生餓得咁緊要我都分左三份一碗丼俾佢，O先生食完都覺得有玉子係好味d既。確實係一個抵食食brunch既選擇