風車

營業中

休息中

同幾位朋友約咗嚟食晚餐一開始好開心，見到啤酒都係全日買一送一仲有「鬼佬」啤酒揀 ($99買一送一)上網見到OpenRice做緊推廣可以半價叫主菜一份，但其實只係佢地嘅dinner set所以同朋友選擇咗呢個脆皮燒豬嚟到嚇親我哋，呢個燒豬嘅豬皮凹凹凸凸成份肉好似紙咁薄，$268一啲都唔值而且同上網見到嘅賣相爭好遠惠顧主菜可以以$9買鵝肝多士，味道正常我哋仲叫咗意粉、薄餅，但真係樓上Cafe質素本身諗住邊叫邊食，最後頂唔順轉咗場如果淨係過嚟飲酒就Okay

喺OpenRice見到指定主菜五折「及」$9鵝肝優惠，又見間餐廳咁多人like，就試下啦，結果嬲左。Staff叫我地掃QR code落單，我地特登問清楚邊啲指定主菜有優惠，揀好再由staff幫我地落單。落完之後staff問我地主菜要唔要加鵝肝，我地話好。到埋單嗰陣見到無五折優惠，我地問點解，佢話因為我地要左$9鵝肝就唔會有五折。我問咁你個網上優惠又寫「及」？佢話係啊，總之你地要左鵝肝就無五折啦。如果個staff講清楚，之後我地都係揀鵝肝嘅話，咁就無話好說，係我地嘅選擇。但落單嗰陣我地都問左五折優惠先落單，鵝肝喺餐飯係可有可無嘅side dish，而你個staff亦都無講清楚2個優惠只可以揀1個，根本就係屈人用正價去食你啲Main，咁樣直情係詐騙。另外，啲野食勁細份，一個細食嘅女仔都唔飽，又唔好食，以前龍堡急凍pizza好食過佢個$89 pizza，主菜正價要$250up嘅乳豬同肉眼扒都非常一般，唔明點解會咁多like。

🍽️點左午市優惠二人套餐🍽️比較驚喜係西班牙乳豬，個皮非常之脆，仲要一d都唔硬，而且豬肉好嫩滑講返呢個套餐有咩先：首先會有餐湯同蒜蓉包，個湯幾好飲，好creamy，唔稀，配埋蒜蓉包食好夾然後仲有凱撒沙律，少有沙律整得咁好味，應該係佢個沙律醬用得幾好，食完好開胃龍蝦汁炒大蝦意粉，味道唔錯，意粉煮得啱啱好幾好飲😋最後仲有個餐後甜品，布甸好滑又夠香👍🏻整體黎講，味道唔錯，比較印象深刻係個西班牙乳豬

復活節假期後的星期五，平時好多人排隊嘅風車，今晚竟然比我訂到位，我仲係出發前一個鐘頭訂，竟然都俾我訂到！俾佢全日買一送一啤酒，同埋個特惠套餐吸引咗 … 主餐加優惠價$9就可以食鵝肝多士，或半價$174吃1 個套餐！ 講返D嘢食，叫咗個main course $258 安格斯牛扒，加$9就可以有一個鵝肝多士，牛扒我叫5成熟，不過就熟得滯，我感覺8 成熟，好彩佢個質素都唔差，雖然過熟但係都食到牛味同埋唔柴口。 加$9的鵝肝多士，呢個價錢完全冇投訴，鵝肝夠香，配合醃咗嘅甜梨，再配埋一個唔係太脆嘅多士， OK啦⋯⋯再叫咗個$128 龍蝦汁大蝦意粉，份量OK嘅，我略嫌龍蝦汁太少，好彩大蝦夠爽口，尚算新鮮。 啤酒叫咗兩round， $99買一送一，全晚消費$642連加一，飲飲食食三個幾鐘，都食得好開心！加分位係洗手間乾淨，喺呢啲舊樓仲要喺地下，好多時洗手間會有浸臭味，呢度完全冇，不錯呀！

大圍隠藏美食！小小店舖裝修骨子野食亦唔貴，9點有宵夜餐多盞水晶吊燈作裝飾，情侶前來用膳感覺更有情調，夜晚有得睇波，高清電視球賽。未知你會唔會有情侶睇波？招牌菜有西班牙乳豬、豬腩仔等等，皮脆肉嫩，自家製甜品、蛋糕！帕爾瑪火腿薄餅   $89帕爾瑪火腿本身就係極品，鹹香啱啱好，再配埋嗰啲新鮮火箭菜，一啖咬落去，簡直係喺你個口入邊開Party咁！個薄餅底又做得好，唔係嗰啲死實實嘅，而係脆卜卜，帶點煙韌，加埋啲芝士，拉絲拉到成條蜘蛛俠咁！椒麻辣雞翼（4隻）  $65個皮脆卜卜，肉又嫩滑，仲有陣陣椒香同埋小小麻辣嘅刺激感，直衝腦門，保證你食完一隻接一隻，停唔到口，最後變咗隻雞翼精，成日喺屋企嗌「食雞翼呀！」個醬汁食落去你會feel到嗰種誠意！我自己就整唔到街頭串魷魚 （2串） $78將街邊既燒魷魚搬左入黎！大串得黎仲有街邊既野味，好似以前掃街咁，食嘅唔係味道，而係一種情懷。諗下，一班朋友仔，一人一串魷魚，吹下水，講下廢話，嗰種感覺，真係幾多錢都買唔到！黃金蝦球   $88金黃色嘅外皮，卜卜脆，一咬落去，蝦肉超級霹靂彈牙。啲蝦新鮮到好似啱啱喺海度撈上嚟咁，仲帶住陣陣海風嘅鹹香味，嘩，簡直係味蕾嘅高

大圍出名多美食，原來有間隱世酒吧餐廳，環境有氣氛，食物選擇也不少。意粉大大碟，入口帶有陣陣龍蝦汁的鮮味，大蝦有三四隻，味道鮮嫩，爽口彈牙夠新鮮，意粉都吸滿龍蝦汁，味道濃郁而且軟硬度剛好。香煎嫩滑雞扒好大塊，搭配半溶芝士，面層還灑上滿滿芝士粉，食落惹味，芝味濃郁，雞扒肉質極嫩滑，外皮香脆金黃。豬扒厚身，煎得香脆，配上照燒汁的味道鹹鹹甜甜，三文治大大塊，口感軟軟。奶昔好重草莓味，夠creamy，檸檬茶夠清新，甜度適中。

今日同朋友去大圍踩完單車入到去見到個二人套餐都係around 400蚊就叫左啦凱撒沙律個凱撒沙律都幾大碗 兩個人食啱啱好是日餐湯配蒜蓉包餐湯係南瓜湯 好重嘅南瓜味 而且仲有南瓜蓉 真係好足料酥皮龍蝦湯另外我哋加咗$43叫咗個酥皮龍蝦湯 熱辣辣個龍蝦湯仲有啲蜆肉同魷魚係入邊添安格斯肉眼扒肉眼扒我哋就揀咗五成熟 煎得啱啱好 仲有薯仔同沙律菜配菜喇沙帆立貝意粉喇沙帆立貝意粉都幾特別 辣辣地 好惹味 而且份量都幾多餐飲果茶唔使加錢 我哋就叫咗一杯凍嘅鮮果茶 然後再叫咗一杯薑啤 薑啤真係連埋個罐上 仲有冰添甜品最後甜品就有咖啡布丁都好重咖啡味 都好滿足可惜今日做完運動唔想飲酒如果唔係啲啤酒都幾抵飲

難得入大圍，梗係試吓一間朋友推薦嘅西餐廳：風車突然之間想食德國鹹豬手，就叫咗一隻，之後再加多個黑松露意粉配芝士大啡菇同酥皮龍蝦湯個鹹豬手上枱嘅時候真係嚇咗一跳，因為個份量真係好大而且為咗方面食用已經切好一嚿嚿，再加埋炸得鹹香可口嘅薯條，真係令人食得津津有味；黑松露意粉煮得煙靭彈牙，而且意粉好掛汁，再配埋加咗芝士嘅大啡菇，真係令人欲罷不能；而酥皮龍蝦湯酥皮好香脆，龍蝦湯濃郁呢間餐廳不愧值得推薦，食物份量慷慨，而且味道出色，侍應服務態度都好好，若果下次再嚟大圍都一定會再食

見到OpenRice大獲好評，諗住試下，但大伏，勸大家唔好上當。一坐低，侍應比暖水都已經好奇怪（邊有西餐界暖水），仲要個杯好污糟。叫左「喇沙凡立貝意粉」，哇，個意粉賣相仲衰過薩X亞，仲乾過自己煮嘅。相信唔洗我多講，睇相一目了然。仲叫左「焗煙三文魚薄餅」，都唔知邊度開始。個薄餅係麵包舖嘅薄餅底⋯ 簡單嚟講，即係發粉多過麵粉嘅麵包。但賣相仲衰過麵包鋪嘅薄餅包，誠意0分。無野多講，咁樣都仲嚟食就係交智商稅啦。

🍔😋牛肉漢堡包啲牛肉又口又唔會韌，好有份量又有口感，仲有新鮮切煙肉，足足有3片，又不會油冧冧，襯托漢堡包啱啱好! 咁嘅價錢實在是意外驚喜，值得推介！👍🏻👍🏻👍🏻伴碟嘅薯條出面脆入面有薯仔味，熱辣辣少少鹹，同漢堡包是絕配🫶🏻不過追加是日餐湯+$8（應該係椰菜花湯）味道就一般般啦，似打碎咗嘅椰菜花加少少罐頭湯.🍷🥩紅酒牛肋骨餐🍚意粉同配菜份量多，質量可接受，主打牛肋骨份量比想像中多好多！炆得很淋很入味🤩不過比較乾身，如果多啲汁就更加好😜可以襯意粉食追加+$8嘅蔬菜沙律份量多，沙律汁（balsamic vinegar比較多，所以少少酸，不過夠晒開胃，好味意外驚喜👍🏻。整體說：抵食好味😋👍🏻

一個休閒舒適的晚餐食物上枱速度快，非常欣賞B B鴿子的味道，好適合配合啤酒🍻齊食齊飲地方環境適合一班朋友一齊聚會，傾計嘅地方有一個𣈱談嘅夜晚期待下次去試一試你們的午餐

今日去風車食個晏，好抵食喎！選擇又多！先飲龍蝦湯啦，呢碗龍蝦湯真係好香濃，湯底滑順。如果夜晚食，仲可以加酥皮😍香煎牛脷係必食推介，好厚身，外脆內嫩又juicy，原來係慢煮咗好多個鐘之後先再煎，調味剛好，食肉獸好滿足！朋友點咗和風肥牛牛角包，諗住食light啲牛角包外面酥脆，裡面包住勁多牛肉，食兩件已經勁飽！不過呢個配埋沙律菜，感覺健康哦☺️我哋加咗小食炸雞翼，雞翼外皮金黃，一客三隻唔夠喉！食飽飯開工，下次再嚟過🙂 呢個地方闊落坐得舒服，大夥兒聚會都適合。

收工同老公去大圍撐枱腳，見到間西餐廳好似都價廉物美、就入去望吓餐廳環境闊落，啲嘢食都平靚正好想同大家推介我哋order咗一個二人套餐$461草莓奶蓋味道好滑順，草莓香甜又唔會太膩，奶蓋嘅奶香味亦非常濃郁，配合草莓嘅酸甜，口感層次豐富。飲一口真係令人心情大好，絕對值得一試！熱奶茶呢杯熱奶茶香濃滑順，茶味醇厚，奶香恰到好處，唔會太甜，飲落非常舒服。精選甜品精選甜品真係色香味俱全，每一口都令人驚喜。甜度適中，口感豐富，特別推薦比朋友分享，大家一齊享受呢份甜蜜！龍蝦汁炒大蝦意粉呢碗龍蝦汁炒大蝦意粉，味道十足，龍蝦汁濃郁，蝦肉鮮嫩。意粉吸收晒汁味，每一口都好滿足。安格斯肉眼扒（7成款）安格斯肉眼扒煎得啱啱好，外脆內嫩，肉質鮮美，帶有微微的肉汁，配上香草醬，味道更提升。廚師是日餐湯 配 蒜茸飽今次嘅廚師是日餐係薯仔湯，湯味道清新，材料新鮮，湯底濃郁，搭配蒜茸飽，吸收晒湯汁，真係非常好味，暖心又暖胃，特別適合寒冷嘅天氣！煙三文魚凱撤沙律煙三文魚凱撤沙律色彩繽紛，煙三文魚香味濃郁，搭配新鮮生菜，清脆可口，醬汁恰到好處，食落清新無負擔，適合輕食愛好者！

見到呢間西餐廳有好多好評，今日一於同朋友嚟試吓！餐廳環境嘅舒適，而暗色同埋橙色為主題，被人感覺高級，當然食物都有返相當水準，冇令到我哋失望！我哋叫咗一份安格斯肉眼扒（五成熟），同埋加拿大穀飼豬鞍扒，兩份都係二百零蚊，但係份量都比我想像中大，而且配埋沙律菜同埋薯條，食落都幾飽肚，都幾抵食。肉眼扒嘅熟度啱啱好，內層肉呈鮮紅色，入口嫩滑多汁，牛肉味好出，調味都啱啱好，如果食開重口味少少嘅仲可以自己加海鹽或者胡椒，而豬扒食落都幾有驚喜，估唔到佢食落係咁滑同埋多汁，仲要係厚切嘅，我個人覺得豬扒仲好食過牛扒，都幾推薦大家試吓！沙律菜食落都係新鮮嘅，幾爽口，薯條都係新鮮即炸熱辣辣脆卜卜！下次再經開大圍，我諗都會再嚟呢間西餐廳食！

周末和朋友在大圍附近吃brunch，來了一家CP值很高的一家西餐小店，午餐最便宜才六十多。我和朋友點了兩個套餐有小吃、主菜、還有飲料下來人均一百多.流心藍芝士牛肉漢堡 🍔牛肉漢堡外皮酥脆，充滿牛油香，牛肉餅多汁，肉味香濃，加上兩種芝士藍芝士和車打芝士的 混合，與生菜混合起來，口感豐富，讓人一口接著一口！薯條金黃酥脆，還有很多沙拉菜，感覺吃漢堡和薯條也不會很大負擔啦😌叻沙帆立貝意粉 筋道的意面，掛滿了香香的馬來亞叻沙醬，沒來到叻沙和意面挺搭的🍝