風車

營業中

休息中

原來大圍都有間西餐小店，見附近嘅都試過，就去試吓啦！入到去見到裡面有棧吊燈，風格幾懷舊，啲位都闊落嘅，就坐低左Lunch原來都好多選擇，真係要揀一陣先揀到佢有burger，意粉，仲有pizza，全部仲要跟嘢飲，有啲仲全日供應最後揀咗burger同意粉流心藍芝士牛肉漢堡 - 芝士味都出嘅，牛肉都唔會好肥，都唔錯呀，個茄汁仲係自己調教過嘅，比平時酸少少，都喇沙帆立貝意粉 - 喇沙味好出，香得黎又幾夾，唔會覺得辣，所以唔食辣嘅人都食得！仲加左個小食，街頭魷魚串-都唔錯喎，入味又香口，好腍，一啲都唔韌跟餐叫左水果茶-怕甜嘅我都覺得佢甜度適中，都幾好！不過因為今日食lunch試唔到佢個個西班牙脆皮乳豬，下次晚市再過黎試下

這段時間，外出飲食多由閨蜜作主，不知閨蜜從哪處得知此餐廳。餐廳是兼具酒吧的格局的食肆，內部佈置舊式，餐枱比較細小，但接待的職員態度友善。凱撒沙律的材料非常有限，沙律菜倒是新鮮爽脆。蒜蓉包比南瓜湯味美，南瓜湯比較稀薄，顏色也相對淡，南瓜並非貴價材料，湯煮得濃厚點會為整頓餐食加分不少。意大利粉的龍蝦汁也是比較稀薄，鹹味倒是足夠的，整碟意粉有4隻蝦和一些雞脾菇塊，算是合理。肉類主食可選安格斯肉眼扒或西班牙乳豬，選乳豬要加$20，乳豬的份量足夠，皮也烤得薄脆且不剩多少脂肪。一向喜歡鬼佬油條，有此甜品，的確驚喜。套餐包一般咖啡或茶。

以前喺大圍返學，都唔知原來大圍有一間有格調嘅高質西餐廳～餐廳係酒吧式嘅格局！而且坐得舒適！.龍蝦汁炒大蝦意粉醬汁充滿龍蝦香味香中帶鮮每一條意粉都均勻地沾滿醬汁大蝦鮮味十足 肉質彈牙.海鮮薄餅薄餅熱辣辣以酥脆嘅厚身餅皮做底，蕃茄醬作為基底配搭海鮮+濃郁嘅芝士.水牛城雞翼 （4隻）醬汁酸酸辣辣的 辣度偏向微辣就算不能吃辣嘅朋友都可以一試雞翼即叫即炸，而且不會炸得過乾非常香口 雞肉嫩滑.香草燒春雞必試！！肉質勁Juicy，雞皮非常香口咬落去啖啖肉簡直食唔停口

朋友之前在大圍工作，有吃過這間餐廳，覺得唔錯，今日聚會再次來訪！位置：在大圍地鐵站A出口行過來大概8分鐘路程，基本上直行到尾轉右行一小段路就到環境：午餐時間人不算多，有大電視睇，吊燈都幾有氣氛，座位都坐得舒服，餐廳職員十分友善和有禮餐牌：lunch set全部都係幾十蚊包茶/咖啡/果茶，就連假期都有，比隔離大商場價錢平好多食物：我和朋友分別點了香草大網菇漢堡和香煎龍脷魚配檸檬牛油汁飯。另外用優惠追加餐湯，田園沙律和煙三文魚。追加可以不止追加一項，都好抵！$8沙律都幾大份，而煙三文魚（$48）都有沙律在底，沙律搭配黑醋汁，酸酸地開胃。煙三文魚都大大塊，有兩大塊$8是日餐湯：南瓜湯。飲落去唔會太稀或太稠，啱啱好！香草大網菇漢堡（$75）菇夠大同Juicy，菇味好香，芝士拉到絲。薯條係M記升級好味版，個人都鍾意食呢款著條香煎龍脷魚配檸檬牛油汁飯（$74）朋友話牛油汁好香同濃味，檸檬汁味道相對無咁明顯，喜歡牛油嘅會好啱，魚肉都大片同煎得香果茶：跟餐果茶好香！茶味不澀，配上酸酸的水果味好夾，勁有驚喜！餐廳價錢合理，職員友善，同朋友聚會都好適合！

親友住大圍，乘機發掘小店🤣這家環境不錯，沙發座椅很舒服，適合慢慢食慢慢聊天食物方面不過不失～ ✿ 明太子松葉蟹柳意粉 $98醬汁分量和濃稠度剛好，包裹每一條意粉😋明太子味微微辣，有些雞髀菇在內，整體算抵食 ✿ 海鮮薄餅 $88分量不大，鬆軟麵包類型，沒有烤焦的邊緣，長輩喜歡😂芝士茄醬分量適中，海鮮就雜錦海鮮的那種🤣 ✿ 紐西蘭羊扒 $248重點是薯餅🤤 芝士味濃，綿綿的，外面微脆，很好吃!羊扒肉質柔軟，本身調味足，不沾醬已經好吃伴菜沙律已加醋調味若多加一件羊架性價比更高 🍴加一服務費：✔️

去完圍方睇完戲，梗係要去大圍搵吓有咩好嘢食啦，今次就捐窿捐罅，搵咗間風車嘅西餐廳！一入到去，好大個電視，諗起呢個一定係睇波嘅好地方！飲住酒同朋友傾住偈chill下，一定幾有feel！而我今日同老公就過嚟食個晚餐！叫咗個德國鹹豬手！份量都唔少！兩個人食都幾夠！啖啖肉好正！之後我哋仲叫咗個大蝦意粉！調味都還好，如果可以濃啲更加好！配料都幾充足！跟住我哋仲叫咗個阿拉斯蟹餅，賣相一般，但係味道還好！比較普通！最後我哋叫咗個nacho！脆片脆卜卜，幾好食！一個醬就比較辣，一個就係忌廉味！叫埋酒嚟食一定好送酒！跟住唔夠喉，我哋仲叫咗個蟮串燒！即叫即燒，外皮脆卜卜，幾香口！呢度唯一唔好就係地理位置比較偏，距離圍方都要行10分鐘左右先到！所以要嚟搵嘢食就要花少少腳骨力啦！

「風車」在大圍屹立多年，雖不在大街大巷，卻能留住一班捧場客，當然是靠實力啦！食物質素高之餘，價錢亦合理，招呼殷勤，這些都是重要因素。今日和朋友來試試抵食二人套餐🥂 二人套餐 $368《凱撒沙律加煙三文魚》加$48新鮮的蔬菜配上煙燻三文魚，口感清爽宜人。《酥皮龍蝦湯》加$30酥皮可以混入湯內，也可以分開食，濃郁鮮美的龍蝦湯內有龍蝦肉粒，令人回味無窮。磨菇湯都一樣滑不溜口。《西班牙乳豬》加$20乳豬外皮酥脆，肉質竟入口即化，鮮嫩多汁，搭配特製的乳豬醬和辣醬，更添層次感。《喇沙帆立貝意粉》Q彈的意粉配上肥美鮮甜的帆立貝，還有杏鮑菇，份量足夠，回味無窮。甜品《Churros 西班牙油炸鬼》Churros的外型優雅，金黃色的酥脆外皮上，灑滿白糖。絕對美味。果茶都包在套餐內，凍熱都不用加錢

Vivian又肚餓，又要食少少野，呢間嘅乳豬，炸薯條，燒魷魚，同churros好美味😚😚仲有2人套餐咁多野食都係$368🤑Menu👉🏻👉🏻煙三文魚（2人套餐+$48）煙三文魚，夠煙燻味，嫩滑又煙韌酥皮龍蝦湯 （2人套餐+$30/位）酥皮脆卜卜，龍蝦湯夠香濃，係碗邊d酥皮外脆內煙韌😋西班牙乳豬（2人套餐+$20）乳豬皮薄得黎超～脆，肉又嫩，超級推薦👍🏻好好味，仲有d薯條，炸得啱啱好，唔乾，外脆內軟龍蝦汁炒大蝦意粉大蝦爽脆，意粉充滿龍蝦汁香味churros好好味，外脆內軟，好想食多幾個荔枝梳打（+$15）& 果茶2杯都好飲，尤其是荔枝梳打，荔枝味香得黎唔假另外叫左2樣小食：水牛城雞翼（4隻）$58雞翼炸得夠脆，個醬微微酸辣好惹味街頭串魷魚（2串）$68超推薦，完全唔韌，夠軟又爽脆，好滋味

中午同朋友喺大圍車站附近嘅大街小巷搵好嘢食。見餐廳名幾特別就入黎試下😊我哋叫咗兩個lunch set，仲有加配小食。✨🍝喇沙汁龍脷柳配意粉，意粉軟硬適中，龍脷柳食落冇根，又冇雪藏味，魚肉又唔會散，配喇沙汁原來係咁特別。喇沙汁有少少辣，再加埋有翠玉瓜半碟，令到成碟菜色、香、味俱全👍🏼👍🏼👍🏼✨🥪蜜糖芥茉燒雞意大利三文治，燒雞大大塊🍗好Juicy，肉質嫩滑，被兩塊法式白麵包夾住，中間仲有蕃茄同生菜🥬，食落一啲都唔漏。配埋薯條點茄汁同沙律菜，好飽肚，好滿足😋😋✨法式龍蝦湯蝦味濃郁，但稍為有啲咸，不過不失👍🏼✨煙三文魚配沙律菜，蕃茄仔，加埋沙律醋食落好開胃😋😋✨燒雞翼好出色，肉質Juicy，調味適中👍🏼👍🏼✨最鍾意餐廳嘅氣氛好浪漫，播住輕音樂同歌🎶，令人感覺好relax😌😌

住大圍區甘耐都未食過，朋友仔係附近上班，約黎食個Lunch 仲吹下水～（佢話座位舒適）一入到去唔光猛，係酒吧裝修～ 感覺良好，唔嘈食物都好好食，勝價比高！ 會再次幫襯 支持小店

喺大圍踩完單車，順便去附近睇吓有咩特色餐廳食翻個晚餐，最後去咗一間叫做”風車”嘅西班牙菜餐廳，醫飽個肚仔！我哋兩個人就叫咗一份西班牙脆皮乳豬、安格斯肉眼扒、龍蝦汁炒大蝦意粉同埋清酒煮蜆，份量岩岩好！西班牙脆皮乳豬呢份西班牙脆皮乳豬外層香脆唔油膩、肉質咬落好軟嫩多汁，配埋甜醬食相當好味，嚟到呢度必食！安格斯肉眼扒牛扒我就叫咗七成熟，食落唔會好韌，配合埋薯蓉、沙律菜加黑椒汁食一流！龍蝦汁炒大蝦意粉呢個龍蝦汁炒大蝦意粉味道都唔錯，大蝦肉質彈牙，不過啲龍蝦汁就有啲稀，如果濃啲就更加好味！清酒煮蜆而清酒煮蜆味道都OK，蜆嘅份量都OK多，有淡淡清酒味，配合新鮮味美嘅蜆肉一啖一啖放落口食，正到爆，海鮮迷必叫！

🔥好味指數：7/10.位於大圍嘅風車餐廳位置方面適合揸車人士喺大圍站行過去大概5至10分鐘酒吧餐廳氣氛一流, 啱晒大家一邊食一邊睇歐洲盃😝😝.🔥 叫左個二人套餐 $368🥗凱撒沙律（配煙三文魚+ $48）沙律好清新 配上煙三文魚鹹香味十足👍🏻好快就食晒成個沙律了😇.🔥廚師是日餐湯配蒜蓉包當日喺蕃茄濃湯飲落類似羅宋湯 酸酸甜甜好開胃👍🏻.🔥另一個餐湯升級左做酥皮龍蝦湯 （+$30）酥皮脆卜卜 熱辣辣入面係龍蝦濃湯 有粒粒龍蝦肉😝😆龍蝦味香濃😋😋.🔥主菜叫左安格斯肉眼扒（五成熟）肉眼扒好大塊 兩個人都差啲食唔晒🤣五成熟剛剛好 沒有Overcooked！整體質素都不錯～仲配咗蔬菜薯餅應該係自家製嘅 同ikea薯餅唔同呢間嘅西蘭花比較足料🥳.🔥龍蝦汁炒大蝦意粉意粉方面不過不失吧龍蝦汁不算太濃郁意粉略為有點乾身蝦肉比較淡口 味道不算很足夠.🔥英式啤酒炸魚薯條 $128估唔到份量咁大碟而且炸得好香脆基本上係唔會失敗嘅一個菜式🤭😜送酒睇波一流🥳🥳

又到Happy Friday, 當然要約下朋友去chill下啦! 大圍呢條街都有好幾間酒吧, 上網見呢間comments都唔錯, 就試下, 最種意試新野, 哈哈! 門口有擺設餐牌供參考, 入到店有多盞水晶吊燈作裝飾，仲有高清大電視可以觀賞球賽, 用膳感覺有情調relax。今日唔想食太飽, 所以叫左幾樣小食再加一個main course就夠啦~*Nachos墨西哥脆片, 去到酒吧好想叫黎食, 佢有兩種醬配搭(沙律和肉碎醬), 一齊點黎食, 好脆口又小小辣辣地, 有層次, 同Nachos很夾~*串燒魷魚估唔到呢到都有街頭小食的辣串燒魷魚, 我都喜歡, 表面搽左醬汁一齊燒很香, 食落辣得黎帶點咬口又彈牙, 唔錯~*蟹肉餅(兩件)蟹肉餅一黎到香噴噴, 佢係用蟹肉製成的蟹肉餅，炸到金黃香脆，咬開時仲可以見到一絲絲的蟹肉~*美國安格斯肉眼扒 ~ medium一向喜歡食牛扒嘅我 一見到肉眼即刻叫咗, 果然唔錯, 肉眼扒好大塊厚身, 而且切出嚟好Juicy, 肉質鮮嫩多汁~*Lychee MimosaMimosa由香檳和荔枝調製而成的一杯餐酒, 味道清新，甜甜地, 好易入口, 酒精濃度也不太高, 估唔

今日約咗個沙田友friend子聚舊，佢知道我鍾意食西餐，所以搵咗間好有格調嘅餐廳同我食個靚lunch💕餐廳氣氛好有格調 ，坐位好寬敞舒服、枱同枱之間有足夠空位，傾密偈都唔怕俾隔籬枱聽到🙊 夜晚餐廳仲會變身成為酒吧，好適合坐低同朋友傾偈飲下嘢食下嘢👍🏻 靜靜地話俾大家知 生啤而家仲要做緊promo全日買一送一🤩 生啤配小食，真係冇得輸！我個friend知道個promo之後，仲即刻約中同係呢度夜晚Re U劈過🍻街頭串尤魚 $68一碟2串大大串既尤魚，成串尤魚有前臂咁長 。調味啱啱好，少少微辣，唔韌又易咬又入味，好惹味！一人食晒2串都仲得🦭鹽燒牛脷set lunch配意粉 $78牛脷有咬口，好腍好入味，配上燒汁，越食越想食！意粉夠幼我鐘意，夠晒al dente ，一啲都冇overcooked變粉糊。配菜有心思，唔會剩係得啲三色豆😗成個配搭即刻balanced晒😋水牛城雞翼4pcs $58雞翼煎到十分脆口，唔會乾仲幾juicy，醬汁鹹鹹甜甜酸酸帶少少辣，好開胃。一次過食4隻都唔夠候😝流心藍芝士牛肉burger set $75 一入口，藍芝士好濃味，厚切牛肉漢堡勁juicy 夾住新鮮蕃茄青瓜同生

西餐廳空間感十足，樓底十分之高，有用吊燈同埋鏡做裝飾，令人置身其中完全冇壓迫感，枱與枱之間嘅距離亦都適中。餐牌有好多唔同嘅選擇，而且價錢合理，餐廳最近做緊優惠， 點主菜加$18有酥皮龍蝦湯，啤酒買一送一等等優惠，梗係唔好錯過啦。酥皮龍蝦湯，雖然係做緊優惠價已經可以飲到，但係龍蝦湯嘅質素依然好高。酥皮焗到黃金嘅色澤，非常誘人。而龍蝦湯味道非常濃郁，裏面亦都有唔同嘅海鮮配料。鵝肝配多士嘅食材質素非常之高，鵝肝厚厚一片，而且非常大件。鵝肝一口咬落去充滿油脂嘅香氣，而且亦都冇根，配合埋酸酸嘅醬汁，令人唔會太過膩。推介大家過嚟試一試。另外，係餐牌見到有白鱔串燒，就試一試新嘢。令人驚喜嘅係白鱔新鮮而且非常厚身，加埋濃郁嘅醬汁，味道非常之好。冇諗過喺居酒屋以外嘅呢一間西餐廳可以食到質素咁高嘅白鱔串。唔少人嚟到呢間餐廳都會嗌嘅脆皮燒乳豬，點完食過之後終於知道點解。乳豬望落去就已經知道佢係非常之脆身，咬落去除咗食到皮嘅香脆之外，亦都食到肉嘅甘香同埋油脂嘅甘香，而且廚師已經去咗骨，令人食落去就更加方便。碟上亦都有兩隻醬汁可以配搭，一隻係微微嘅辣醬。另外一隻係甜醬，兩款醬配搭令乳豬又有唔同嘅感覺同埋味道。意