風車

營業中

休息中

今次嚟大圍，踩完嚟單車食個靚西餐。呢間聽朋友講過話高質，環境又舒服，既然咁岩附近就試試。首先門面裝修好有外國西式餐廳嘅氣氛，有宮廷感覺，但店員嘅服務俾到你果種小型家庭式溫馨味道，好親切水晶燈好靚，座位亦舒服今日係叫set。首先係頭盤蘆筍巴爾馬瑪火腿沙律&意式肉腸炒大蝦蘆筍爽脆，火腿味道配合沙律好清新，唔會太過鹹😍大蝦大大粒，鮮味足夠，蒜香濃郁，下面嘅香腸味道配埋沙律剛剛好，口感豐富之後主角啦，分別係烤蘆筍煙肉雞卷 和 紐西蘭肉眼扒配焦糖菠蘿先講雞卷，份量大大份，保證啖啖肉😊 佢肉質係好嫩滑，而且多汁，冇諗過雞卷可以做到呢個效果。裡頭包住d 火腿同芝士，非常有層次感之後就係肉眼啦~睇睇d色澤，叫左5成熟，程度啱啱好，味道香濃肉質嫩滑，呢道菜嘅另一主角都唔好忘記，焦糖菠蘿絕對有驚喜，一咬落去係焦糖脆，配合烤熱咗嘅菠蘿有甜而不膩嘅感覺仲有是日餐湯，南瓜湯，清甜濃郁。非常滿意~感想： 大圍算係比較小行嘅地方，一嚟到發現呢度好有日本感覺，周圍都係特色小店，各有建築特色。食物選擇更加唔洗講。 呢間餐廳絕對係係呢個森林裡比較突出嘅一棵樹，各位嚟到想食西餐嘅，佢絕對值得一試！

是日星期六，訓到晏一晏就去食個Brunch!記得呢間餐廳有all day breakfast，一於試試佢！餐廳我地點容易搵，店名都幾突出！望望餐牌，分漢堡同午餐餐牌！價錢唔算貴，包餐湯or沙律&餐飲!!叫咗個風車鑊仔早餐$92跟玫瑰味咖啡+$12 & 流心藍芝士漢堡餐$79跟熱水果茶！兩個餐都要沙律！落單後3分鐘後送上兩兜沙律，份量好大！有車厘茄配黑醋！好清新！過多一陣，兩杯餐到送上！玫瑰花味咖啡有拉花，雖然圖案唔算突出，但勝在味道搭夠！飲落有淡淡玫瑰花味，不錯！👍熱水果茶，好香，唔會太甜，夠熱！推介大家飲！過多陣，風車鑊仔早餐同漢堡包都送上！風車鑊仔早餐有沙律，兩片煙三文魚，兩片煙肉，一條德國腸，一堆黑松露炒蛋，同埋一個細嘅牛角包！未食嗰陣仲擔心唔夠飽，點知食到2/3就覺得好足夠😹真係眼大肚窄！黑松露炒好香！值得一讚嘅係煙三文魚唔咸好食😋唯一要改善嘅係牛角包唔脆🙈至於漢堡包！一上枱就覺得好足料！除咗有沙律，仲有薯條！滿足晒兩個慾望！真是why not both! 🤩🤩薯條夠香脆，沙律，夠新鮮！漢堡入邊舊牛肉食得出係手打！唔係喺出邊買返嚟加工，抵讚！入面藍芝士真係流心，味濃！啱晒鍾意食

比起周圍嘅大排檔同中菜 呢間餐廳望落更吸引我🤤集餐廳同酒吧於一身餐廳好有格調 好大個水晶燈 兩部電視一部喺度播歌 燈光昏暗感覺幾舒服 同朋友黎吹下水睇下波應該幾正🤭餐廳更設有自選套餐及二人套餐 價錢較優惠前菜BB鴨番茄莎莎生菜包唔錯 鴨肉好嫩 蕃茄莎莎幾開胃 底層仲有啲好似韓式辣醬嘅醬汁 帶少少辣味 唔錯阿拉斯加蟹肉餅好出色😍蟹味超出 咬落好鬆軟 而且底層面包唔會好乾同硬👍🏻好易入口西班牙脆皮乳豬好好食 皮唔會好厚 而且燒得好香肉質好嫩好濕潤 唔點汁都好好食 本身醃得好夠味 超多肉 難怪餐廳咁推呢道菜式🥹炸魚柳就食得多 啤酒炸魚都係第一次😋魚炸出黎金黃色好靚 而且都幾大份切開脆皮魚肉非常濕潤嫩滑👍🏻而且好夠味 薯條亦炸得好脆搵日下次第二日放假再黎食飯飲酒!🤤

週末踩完單車係大圍還車後就諗住係附近食埋飯先走，原來大圍站附近食肆林立，而且大部分都係小店經營，行到積存街差唔附整條街都係食店，西式、中式、火鍋、小炒等任君選擇，我地最後決定選擇有唔少好評嘅「風車」食晚餐👍🏻打開餐牌發現原來選擇唔少，而且「風車」係酒吧餐廳當然少不了酒水供應，但當日我地嚟嘅時間尚早，相信到了球賽日⚽️一定好熱鬧😆香煎阿拉斯加蟹肉餅蟹肉餅真係真材實料，食到啖啖一絲絲嘅蟹肉，加上九層塔增添香氣，作為前菜一流👍🏻烤露筍煙肉雞卷驚喜之作🏆雞扒包住煙肉再卷起先煎香，煙肉嘅鹹香加上基本黑胡椒同鹽作調味已經夠哂，而且雞卷肉質嫩滑，啖啖肉食得好滋味，伴碟嘅香煎薯仔片🥔加上半熟蛋汁都唔好錯過英式啤酒炸魚薯條炸魚嘅脆漿好薄，上台仲熱辣辣同脆身嫁，薯仔份量夠多，而且用上小妹喜歡嘅粗薯條😆😋

今日係大圍附近早收工，就約住附近既朋友去佢介紹既風車試下。我同佢剛相反，佢食齋，我就係牛魔王。佢叫左碟芝士大蘑菇黑松露意粉$179，我偷食左一啖，果然唔錯。好足料，sauce 夠creamy 又夠多。黑松露味出得黎又唔會太搶。大磨菇入面釀左芝士，好香，好好味。肉眼扒$209我地叫左medium 一切開有驚喜。粉嫩粉嫩，有牛味得黎唔太韌。沙律菜好新鮮，最特別係伴碟有一塊菠蘿，上面有d糖，好解膩。估唔到大圍都有咁出色既西餐。

今次同朋友嚟開大圍 又想食西餐所以就揀咗呢間比較遠少少嘅西餐廳諗住試吓我哋分別叫咗兩個set 份量唔算大兩個女仔啱啱好頭盤整體水平正常中規中矩 湯係南瓜湯 味道都正常主菜分別由牛扒同埋炸魚薯條牛扒肉質比想像中好 炸魚薯條份量就大大份兩個女仔好夠飽甜品有個細細的蛋糕餐廳平日來講生意都唔錯 見到有唔少街坊幫襯另外餐廳夜晚都會搖身一邊酒吧鍾意飲酒嘅朋友可以嚟試吓另外餐廳都有好多唔同種類嘅食物有西班牙嘅菜式 鍾意試吓外國風情食物嘅朋友仔不妨試吓可能會有驚喜另外一讚餐廳喺新年期間同友啤酒合作 有本地畫家寫揮春仲可以自行創作 呢個位大大加分 我仲特意幫朋友寫咗張揮春 睇得出個藝術家好有心機創作

最近在大圍區開設了不少好吃的餐廳，有些還大排長龍，想簡單吃個午飯的我，隨便走進了這間風車餐廳，想不到有意外驚喜裝潢就像是一般可以看球的餐廳，感覺坐得滿舒適雖然店內侍應很忙，但還是相當有禮貌呢午市套餐風車辣醬燒春雞$68（無加一）前菜：沙律可別小看這道沙律，簡單澆上意大利醋， 入口酸酸甜甜， 味道開胃而且口感爽脆，質素不錯飲品 水果茶清清甜甜的水果茶， 帶着微微的酸味，同樣開胃主菜雖然只有半隻燒春雞，但是肉量不少，雞胸的部份很厚，雞髀的部份尤其Juicy！（有圖為證）加上上面的那微微辛辣的秘製辣醬，意外地好吃意大利粉的份量不多，但是竟然煙韌彈牙，少量油香提味，加了翠玉瓜更好吃

意大利帕爾馬火腿薄餅PARMA HAM PIZZA薄餅餅底非常薄脆，帕爾馬火腿入口柔軟帶鹹香，肉質軟嫩，煙煙韌韌，配合薄餅一流。芝士大網菇黑松露意粉BLACK TRUFFLE SPAGHETTI WITH BAKED PORTABELLO & CHEESE意粉超creamy，醬汁份量剛好掛在每條意粉，大網菇超juicy。紐西蘭肉眼扒颮焦糖菠蘿GRILLED N.Z. RIB EYESTEAK五成熟肉眼扒，啱啱好，唔會好生唔會好熟，配合埋焦糖菠蘿，出邊好脆卜卜，入邊勁juicy好甜。Fruit PunchYau Lager友-波友Lager是一款以冷泡法製作的拉格啤酒，配方源於德國配上令人精神一振的清新柑橘味啤酒花，是款不失傳統卻又充滿現代活力的有趣味道。簡潔、活澱，拉格啤酒永遠是大熟之選！「友」代表了工藝精神的精髓，我們的目標是釀造美味的啤酒，豐富香港社區的生活，傳統，創意和文化。

天氣好好，加上終於忙完手頭上既野，疫情又緩和左，決定外出嘆返個靚lunch，hea下回下氣抖抖。好耐無去過大圍，今日經過，原來油站對面成條街都係食店🤩🤩🤩花多眼亂，有選擇困難症既搵食，交左呢個難題比同行既友人，揀左一間叫風車既餐廳。入到裡面坐低，成個感覺好有情調，樓底好高，無壓迫感。因為我地去到既時間比較早，好開心可以揀到最入既位置，既望到水晶燈，又可以自成一角，勁鍾意呢個平日既悠閑節奏。午餐餐牌都算多款式，除左有意粉/排餐之外，仲有一版係漢堡/三文治，如果想食light少少，就唔洗咁悶，因為佢都算幾多唔同配搭同選擇。前菜可以選擇煙三文魚田園沙律或者燒牛肉沙律，因為唔想食生冷野，所以決定加$15要龍蝦湯。個龍蝦湯都好鮮味濃郁，唔錯👍🏻同行友人揀左個叫流心藍芝士牛肉漢堡，佢既漢堡同平常薄身既漢堡排唔同，因為入邊有熱溶既blue cheese，所以佢會比較厚身同球狀啲，而佢價錢都算相宜，外邊閒閒地食個漢堡都要過百，呢度賣$79又牛肉漢堡又blue cheese，再加上炸到熱辣辣既薯條😋😋😋，抵食呀👍🏻跟住到我既風車早餐$92，佢有黑松露炒蛋，紐倫堡腸，煙三文魚，田園沙律。早餐賣相雖然一般，

風車門面好有特色, 很多裝飾品店主很有心去佈置, 餐廳內中空位置一盞吊燈, 好有氣氛。適逢世界盃也在播著球賽有波睇當然要 整杯嘉士伯, 大大杯好滿足三文魚沙律煙三文魚的分量不少， 配以甜醋， 蔬菜以及蕃茄， 攪拌完的味道十分溫和不會刺鼻， 甜甜酸酸入口開胃一流。黑松露意粉有點像卡邦尼意粉不過帶有一點黑松露味令外意粉上面有一個極大的蘑菇， 把蘑菇切開， 芝士已滲透入蘑菇內，非常香甜。意粉 煙韌度較高，而芝士汁的滲透可以做到掛汁效果， 配合意粉的口感， 漿口而不膩。飲品選擇了荔枝茶冬天想飲一些比較暖和的飲品， 帶有薄薄的甜味和荔枝香肉眼扒上菜時很有儀式感，用透明蓋蓋像牛扒， 內裏佈滿白色的煙霧。 一打開很有仙境的感覺。牛扒上面有菠蘿， 還有蔬菜點綴。 牛扒肉質鮮嫩, 五成熟入口即溶。用餐後店員還很貼心地給予我們牙籤👍

昨日同老公提前慶祝生日，老公正日生日是12月5，加上去了中大睇紅葉，順道搭車到大圍，因為以我所知大圍站附近有好多餐廳再加上想吃西餐來慶祝，就搜尋到呢間，原本是好好地去吃，還要慢慢地吃，好喇，到了所有主菜吃光加上侍應哥哥收起吃過的餐具，只留下餐茶我們繼續飲，我同老公本來是邊飲邊傾，之後有另一位侍應哥哥拿了單來放到枱上，想一想我們還沒有示意找數，這是什麼意思？我立即付款老公就拉我走，老公就說呢間沒有下次，因為此侍應的行為像在趕客，想坐多一會都不能，就算這間食物質素好都沒用，始終服務態度才是最重要。

想搵個好地方，同同事食個舒服嘅午餐。揸車來都方便，架車🚙可以泊喺對面的美林商場。呢度枱同枱之間都算闊落，燈光💡配合背景音樂🎼都好舒服。中間掛咗個水晶燈，好有氣派。旁邊有個Bar🥃，仲有埋電視🖥️，夜晚喺呢度睇波⚽️飲酒，相信氣氛都唔錯。呢度個午餐餐牌，都有好多唔同選擇，有All Day Breakfast🥐，有意粉🍝，有扒🍽️，仲有我同同事好鍾意食嘅漢堡包🍔同三文治🥪。🍵龍蝦湯 （+ $15）午餐飲龍蝦🦞湯，即刻覺得好矜貴！🥗 田園沙律 （+$25）唔係用生菓和薯仔加埋沙律醬撈埋嘅沙律，而喺用新鮮嘅沙律菜🥬，已經加咗醋，好徤康。🥪 醬燒豬扒土耳其三文治 $79三文治用的包好鬆軟，加埋芝麻嘅香，like 👍🏻😋！豬扒醃得好味，唔係只得一塊，而係兩大塊，喺疫情生意難做之下，的確係一間良心😘餐廳。個薯條🍟真係頂呱呱👍🏻👍🏻👍🏻，厚切，大大條，好有口感；而火候又掌握🉐️啱啱好，炸得好鬆化，做到外脆內軟，應該係剛剛炸起，上碟仲係熱騰騰，勁好味🤤！旁邊仲有頭先好健康嘅沙律菜🥬做伴碟添。真是不錯！流心藍芝士🧀牛肉漢堡包 🍔$79牛肉漢堡扒好厚，我諗大約都有半吋厚，口感十足。要煮咁厚的漢堡扒，的確唔易煮，但佢

記得以前未住大圍時已經偶然黎過呢間餐廳食飯，記得當時既感覺係性價比高既地區小店。所以搬左黎大圍住之後終於有機會再黎試下。😊今晚有波睇，所以現場都有唔少關於世界杯既佈置，幾有氣氛! 不過今日太早到，等唔到咁耐，唯有下次😅😜晚上主要叫a la carte為主，便和老公叫了個沙津、一個意粉同主食share😋落左單好快就先黎左個鹹牛肉沙津🥗，份量唔算好大，2-3人剛好，幾醒胃意粉我就揀左芝士🧀大網菇黑松露意粉🍝，出乎意料地好食! 個汁掛得好好，意粉的熟度都剛好，夠al dente又唔太硬，最緊要係個忌簾汁濃度好好，有菇既香味又唔會太漏，大啡菇梗係好食啦，加埋芝士就更香但又唔會over! 而且真係好飽肚，就算4個人去share黎食都OK，呢個意粉好掂👍🏼個意粉食到一半就黎埋個主食，老公揀左西班牙脆皮乳豬🐷，原來仲有煙燻效果，除左有油香仲有少少一層smoke味😋而且仲有焗薯墊底，保証夠食~個乳豬烤得好香脆，不過因為係乳豬仔所以舊肉油份係偏多，肉質就真係好嫩! 幾乎唔駛用牙咬咁😆 老公亦好鍾意個彩椒汁，佢話椒味夠香。我就都係鍾意平時食開既乳豬醬多D，仲好，一人點一邊🥳連埋飲品每人三百幾，唔算好平但價

今日去大圍探完朋友，見到有間食西班牙菜既餐廳，當然要試下啦。餐廳樓底好高，有空間感，座位好多，仲有吧檯位，可以坐低飲番幾杯，吹下水；一大班朋友黎到，仲可以睇下波，玩下飛鏢。打開餐牌，有勁多選擇，很多都係知名西班牙特色菜，而且價錢合理。食物方面：煙三文魚凱撒沙律：羅馬生菜很新鮮，混和著香濃巴馬臣芝士和煙三文魚，中間夾雜著脆卜卜的麵包粒，每口都滋味無窮。英式啤酒炸魚薯條：炸魚好大件，有成隻碟咁長，灑上少少香草及檸檬汁，超級好味；大大條薯條炸得好乾身，即叫即整，熱辣辣，好好食。紐西蘭肉眼扒配焦糖菠蘿：好欣賞大廚既功架，對控制塊扒既生熟程度掌握得非常好，上枱仲有煙燻效果，好驚喜，打開蓋香氣撲鼻，肉眼扒肉質鮮嫩，配上燒過既新鮮菠蘿份外鮮甜，加上幾款配菜，很豐富。最後點了2杯水果茶，凍荔枝茶和熱青蘋果茶都好正。員工服務態度好，每道菜都有介紹，很多謝你們的熱情招待。

自從屯馬線開左，嚟大圍越嚟越方便，嚟開探朋友，就係附近覓食。一推開門就比盞水晶燈吸引住目光，挺有情懷的。另外餐廳有bar枱，有大電視，相信有波睇果陣會好熱鬧。嚟緊世界杯，住附近嘅大圍居民可以落嚟睇波喇！前菜我哋要咗個煙三文魚凱撒沙律，三文魚拼岀花型，有心思，數量都多，菜都爽脆新鮮。另外我哋仲叫咗一杯cocktail一杯mocktail，分別係 cosmopolitan同 cool mint 味道幾好，cocktail果汁味重，整體偏甜。如果喜歡酒味重，可能要叫另一款。啡菇黑松露意粉， 上枱是聞到好香黑松露味，但食落就唔濃黑松露味，意粉煮得啱啱好口感一流。來到重頭戲，就係荔枝木煙燻乳豬 用膠蓋冚住充滿神秘感，侍應介紹完同等我哋影埋相先打開，啲煙一出嚟就聞到好香木煙燻味，除咗煙燻乳豬仲可以煙燻牛扒，有驚喜。