飛天炸雞 (已結業)

剛剛放工肚餓路過，諗住試吓而已，能夠令我第一次食兼第一次寫埋食評真係第一次，之前食過其他炸雞店，今晚索性試這間，點了A3餐，2x雞槌、2x雞翼、細薯條、柚子青檸梳打，首先緊係食槌先，咬落去超脆超好味，非一般炸雞嘅味道，絕對可以超越其他店，雞翼更脆，而薯條當然又係非一般M記嗰啲啦！仲要有咁多款醬選擇，今次先揀蜜糖芥末醬，👍🏼而杯柚子青檸梳打又是與別不同，原來柚子配青檸係咁好飲，雖然好似有啲擦鞋咁！但這間小店真心有誠意！一定會再幫襯！如果能夠推出一款可以配三款醬料嘅薯條，咁就無得頂了今次快手得濟，食之前忘記影相，下次補返😂

啱啱路過買咗個雞包，本來諗住一試無妨，點知有驚喜，從來都未食過啲店舖用咁大塊雞扒來做雞包，超級有heart，雞扒外脆內嫩，一口咬落去爆汁，真係名副其實嘅汁雞😂，味道直頭力壓大型嗰兩間快餐廳，老闆用心製作，食得出係鮮肉現炸，真心超級無敵好味😋值得推介👍👍👍👍👍

睇到街坊谷既推介，黎試試呢間位於太子既炸雞。其實大角咀同太子既炸雞店有唔少，都有心水小店。可惜已經結業。最近已經頹到食某連鎖快餐店既炸雞。今日搭巴士返屋企，醒起落車位附近就係呢間炸雞店。返到屋企附近已經接近晚上九點，位於太子深水埗之間既店面個時冇咩人，我地幾乎一落單比左錢，諗完食咩就炸好拎得走。之前都怕會等到好好好餓。三個人食叫左兩個餐（c2,a2),返到屋企仲係熱辣辣，洗左手就急不及待開餐喇。D雞多汁又彈牙，配埋d醬簡直一絕（一共有十款，今次我地揀左柚子醬，醬油醬，蜜糖芥末醬同甜酸醬），一開始食落蜜糖芥末最好食，食到最後竟然係個柚子最好食。（可能習慣左柚子甘甘地個味道）D醬唔止用黎點炸雞，仲可以點埋個薯條，雖然行返屋企有段路，d薯條返到屋企仲可以keep住脆卜卜，上面仲灑左d粉，就算就咁食都冇咁單調，我地就用薯條黎試每個醬再點d炸雞。一開始仲驚薯條咁細份唔夠飽，食完發覺岩岩好，唔洗做大晒鬼。加左錢升級野飲，青擰梳打真心唔錯，開胃得黎夾埋個炸雞岩岩好。打完食評又心思思想再幫襯lu

好少寫食評，今日決定寫下。今日放工之後，唔係好想煮飯，小朋友想食炸雞，本來都15, 16，好在最後都幫襯左。一家人買咗兩個盲盒俾小朋友，仲有雞鎚，雞肉，雞翼，雞包餐，柚子梳打，柚子梳打非常之正，唔同出邊嗰啲，柚子蜜係真材實料，非常之有驚喜。成個雞包，用心製作，醬汁非常特別，非常之喜歡個雞包，仲有生菜同蕃茄，用料十足。雞肉，雞翼，雞鎚非常之入味，淡淡都係肉，攞咗返屋企仍然係脆嘅，全家人都讚賞！個老闆仲非常之有禮貌，我哋買咗好多個餐，老闆送咗三個醬汁俾我哋試，好鍾意個蜜糖芥辣！😋😋😋下次會再嚟幫襯😍😍😍

住喺附近，路過見到新開，$13一隻炸雞脾，就買黎試吓。佢有唔同餐，配埋飲品、薯條等等，諗住今次試過好食先再買多啲。但返屋企攞出黎食，發現呢隻唔係「雞脾」，根本係雞上翼！全香港人都有共識「雞脾」係指雞腿，雞上翼冇可能叫「雞脾」。喺openrice睇清楚佢menu，menu上的相竟是真雞脾！呢間嘢做生意手法唔老實，好失望。即使$13一隻雞脾好難做生意，但這亦不能構成以假亂真的藉口，咪堂堂正正寫返話係雞上翼囉！

見fb家在太子群組街坊盛讚，話好味到encore又熱辣辣、又話老闆貼心、有禮，就去幫襯。點知我 5/16 walk in 叫飛天套餐，佢話薯條即炸等8分鐘，結果等超過30分鐘（12:17買，12:50拎）不停出餐俾後來walk in既人先，明明套餐就係其他客既散餐組合而成既二人份… 老闆係有禮貌既，不停講唔好意思等、唔好意思要再等、再等、一等再等，我耐性地等，但係繼續欠雞、欠薯條、欠醬，曝曬乾等…但起碼6-7份薯條、幾份雞槌/雞翼，都係供應左俾後面果3個walk in 客先，仲得到老闆推介醬汁，我既罐裝汽水未俾到，後來客既特飲就沖左幾杯。如果係接外賣單/電話預訂要優先服務，我可以理解，但係我臨走忍唔住問聲老闆點解咁安排，佢淨係繼續講唔好意思，有點亂。總結：本來充滿期待，但耐性同埋對呢間店既觀感隨著等待時間下降食物方面：只有薯條熱（特別香料不錯），可惜雞漢堡、雞翼、雞槌已變室溫，等太耐影響口感價錢：合理味道：包足料，味道不錯，雞的醬汁幾特別太陽下曝曬等太耐，不太好的體驗…唔知老闆有乜難言之隱，但等候時間真係有待改善