食口福 (已結業)

公司起和宜合道附近, 所以離不開起呢區LUNCH, 附近無咩太多大食店, 所以選擇都雙對地較少.但呢區平均LUNCH 價錢大部份仲起40蚊以下當然要睇你食咩啦. 比起港島要60-80蚊起算好好架喇.當然人工又少D 呢個飯好簡單2條腸仔一塊餐肉同火腿, 佢既精髓在於佢d好滾既茄汁, 佢個汁甜得黎有好輕微既茄汁味,如果茄汁味太重就變得唔好食, 就會變左好似大家x個焗豬插飯個個茄汁味, 我唔係太識解釋... 但係佢呢個茄汁起第2間快餐店暫時未食到有雙同. 每個lunch佢都會奉送例湯一腕, 有時腐竹有時西洋菜湯有時紅羅白湯!!

啱啱轉左份新工，理所當然更係搜索下附近有咩好野食，經過見到入面客人枱面上十個有八個人都放左隻炸雞比，咁就決定入去試下，入到去，佢既座位擺設，零我回想起我仲係小朋友既時候，爸爸經常帶我去快餐店的情景，十分懷念。我當然試下咁多人食既炸雞比，睇下有咩咁特別，等左十分鐘左右，終於雞比在我眼前，不禁嘩左一聲，超級大隻，差唔多同我隻前臂差唔多大，肉質好嫩，多汁，唔怪得咁多人食，食左佢我已經好飽，唔使再叫其他野食，價錢十分公道，老闆及員工態度非常友善，值得再去

今日放工回到家附近廉價超市買完野, 見肚餓又唔想回家煮, 只好看看有什麼新食市可嘗試 ? 點知行左整條街還是無頭緒, 正向坐車的地方進發, 經過我的致愛快餐店 ... 也企了一會門口看看有什麼好吃。最終還是行了入去, 然後就沒有在太大期望下叫了一個茄子排骨煲。因為說實話, 我肯定呢間是以西式快餐小食較為出眾, 其實中菜我一直都未有確切了解它, 因為入得來一定係叫最出名的炸肶, 魚柳, 漢寶扒呢D最最出色的食物。說回正題, 我大概等了五分鐘就有得吃, 不過鐵鍋煲仔上實在不吸引 ... 即時印像分還是扣減了一點。還好一打開蓋已熱騰騰地霧煙, 而且都滿上不吝惜, 總算我不往我行入來幫趁, 哈哈 !先夾起茄子入口, 味道真的非常不錯, 本身做得很干, 再以汁令茄瓜淋身易入口, 這樣更突出茄子味。至於＿6骨味道也OK, 大小也恰到好處, 唯一要挑的就是數量少, 五舊左右。整體汁加茄子排骨都很美味, 令有中式足料例湯及熱飲不另收費, 整套晚餐也只不過是$55 大元, 抵食得來又好味, 推介 ! 裝修環境是舊式快餐店, 自助形式, 一般都要自己取餐, 不過晚上大都送到你面前, 阿姐都好仁慈及有禮貌。

無意中search到這間「食口福」快餐店，見之前食評都話「漢堡包」好味。因公司有個客係葵涌，所以見完客，專登過哩試下！地點好易搵到！店舖環境係比較懷舊的快餐店。晏咗，原先想叫的雞肶賣晒了，失望！改咗叫「黑椒雞翼意粉」雞翼香口，但略嫌偏咸咗少少，意粉比較濕，黑椒汁有洋蔥粒、黑椒粒..味道普通。例湯（節瓜眉豆煲豬骨）都幾足料。凍檸茶冰比較多。E碟整體上一般。之後外賣了主角~「 漢堡飽包」拼薯條和家人一同分享。漢堡扒是即煎的！牛肉厚度，足3両，份量十足！燶燶地，正！牛肉味足，淋身一點也不鞋！牛油的味道，和沙律醬好夾！其實漢堡牛肉餡己夠味！（已混合了洋蔥粒及其他醃料，雖略咸但都唔錯！唔錯！店員都好nice.待客態度友善。

講明先, 之前我已寫過食評, 早幾天又幫趁過, 因為質數還可以保持, 所以決定來推一下 ! 不過今次有相片提供, 而且 .... 等我呢個街坊介紹下密技 ! 本人從古到今都是推介魚柳包第一, 當然其他大雞肶同漢堡包也很高質數 ! 至於晚上的鐵板, 看價錢也知抵吃, 提提你跟意粉一大盤 ! 好啦, 言歸正題, 我由小學食到出來工作十幾年, 看住魚柳包不斷加價, 現時已十八元/個喂, 好貴喎, 點好呢 .....哈哈 , 如果想慳錢, 我提議你叫兩塊魚柳堂食, 都係加埋十八元嗱, 點解我成日推介魚柳呢?? 第一呢度D魚柳勁厚, 有魚味 !第二外面炸得香脆, 裡面就雪白魚柳散開, 就是外脆內軟啦當然凡事有得有失, 叫了兩塊魚柳, 本來賺左 ...但係我講比你知, 呢度D包放上爐煎盪, 開放式廚房我睇過好多次啦所以呢, 底及上面兩塊包其實也很好味, 所以 ... 整個魚柳包也另有一番風味 !不講了, 比你地睇下實物圖 , 去片 !

This is like a "fast food" restaurant. You order first at the cashier, pay, hand your ticket to the cook, get your food,  and then find a seat. I was very surprised to see a burger on the menu. The menu, btw, is plastered on the wall behind the cashier. It's $25 for a burger (no cheese), fries, and a hot drink ($2 for cold). My first bite into the burger was unusual; in the sense that I've never had such a fluffy meat patty before. The patty, for a lack of a better word, was airy or loose. Defin

一直以來除了工作關係，甚少在上葵涌覓食，而且到這來工作，都是在午飯前或午飯後才來，因此沒有太多機會在這裡開餐。今趟卻倒轉了，在午餐時段卻可以在上葵涌開餐，實屬少有。還記得早幾年前，在下也曾經在食口福吃過午餐，當時還記得食口福是一間非連鎖的快餐店，如今仍然是以快餐店形式的食店，與從前沒有太大的分別：以先購票，後到櫃檯取食物，坐定後就有侍者送上。環境方面，與幾年的模樣差別不太，依然是以快餐店的坐位為主，而且密度相當高，坐得較為迫狹，但幸好的是用餐時間接近兩時，因此顧客並不太多。坐下不久，侍者便把午餐送到來。今餐並不是點了快餐或午餐，而是散叫了其他碟頭飯。在下沒有預期下，午餐包括了例湯，是日例湯是合掌瓜雪耳煲雞腳。湯料煲得很腍，雪耳沒有那麼的爽，味道足見是老火例湯夠火喉。豉椒肉片飯是頗具惹味的碟頭飯，豆豉加上洋蒽，青椒及紅椒與肉片炒，加上芡汁，就覺惹味得多。肉片醃得夠味，有點腍但有咬口，而且一點都沒有嚡的感覺，芡汁卻多了一點點，但情況不算嚴重，米飯也算是粒粒分明。凍咖啡較茶記的為大杯一點，喝下有咖啡的香味，亦夠濃郁。服務方面不過不失吧，侍者會問顧客是否點了顧客點了的菜式，確認後就將菜式送上，

自己從來都不是九龍人, 紅了時新快餐店亦多得用數年光景在飲食網站內浮沉, 認識到原來快餐店不只是有大家活、大快樂等連鎖店；小時候經常路過的藍塘, 甚至有些經過了也不會留意名字的小食店 (根本就是TVB經典處境劇「香港8X」系列茂叔順嫂工作的那款小食店, p.s. 當然睇劇集就學到何謂『 飛沙走奶 』) 原來這些都也屬於快餐店, 當時這款非連鎖式經營的快餐店的數目絕對可與7仔媲美, 差不多區區總有幾間在附近；時移勢易, 如果到今天2013年還有非連鎖式快餐店正在默默耕耘, 它們絕對是個寶!走在葵涌和宜合道, 無意間發現了一間快餐店...「雞肶打人牙骹軟」... 誰人能夠抵擋這麼大隻而厚肉的炸雞肶從銀色Open kitchen、磁磚牆、維他汽水圖片燈箱、膠桌椅等等, 皆是80年代的快餐店陳設。夏威夷恤就是食口福快餐店的制服, 認住這位叔叔, 他掌握的煎炸技巧純熟, 其他職員暫時也未達他的標準所有食品都是即叫即製, 不論是Open kitchen所製作的簡便餐點, 還是熱辣廚房裏所炒的小菜、鐵板餐 及 湯麵湯米線套餐 ... 扒飯三十多元一客, 都會送例湯 飲過幾次都是不同款式, 試過有西

讀書時期，學校附近有間食口福，當時只做外賣，但價錢便宜，所以也會成為我當年午餐的首選。這天到了和宜合道考察，又路經食口福，很自然的便走了進去，或者這就是情意結吧！隨便的點了個午餐，乖乖的坐埋一邊等。那碟咖喱雞絲飯，純是辣椒的辣味，卻沒有咖喱的香，不太對勁，雞絲也很大件，是預期的沒味道，還好不會太韌，快餐店質素，都是這樣子了。凍檸茶也很淡口，茶味濃一點不可以嚒?

本來冇諗住嚟呢度，不過原先諗住去o既熱狗店冇開。結果，咁就入咗嚟。由於幾肚餓，所以揀咗倆個飽肚o既茶餐：公司三文治+鮮奶、漢堡包+熱奶茶公司治係餐肉、雞蛋、蕃茄做餡，雖然材料簡單，不過味道一啲都唔輸蝕，尤其午餐肉係剛剛煎起o既，配合新鮮蕃茄，美味！奶茶唔係用黑白牛沖，不過都幾滑幾夠茶味。漢堡包係港式，即係好似時新o個種。好濃烈o既漢堡扒味道，但肉質比較鬆散同腍，好在又係剛剛煎起，熱辣辣~加分！薯條係粗身，又係剛炸起，唔太油，唔錯。舊式快餐店格局，但總算乾淨企理。可能今日客人唔多，坐得幾舒服。

呢間舖頭成日都幾過, 想食好耐!今日我終於有機會去食~~~未入前, 門口已經見到好多唔同整法雞雞, 入到去係一間舊式快餐店,今次去食lunch, 忽然間好想食扒, 但最終都無叫到, 因為呢個係我今日第一餐, 無理由一o黎就食呢o的野~ 所以叫左個炸雞脾飯!個飯有四個汁可選:粟米汁, 茄汁, 咖哩汁, 黑椒汁我就要左個茄汁!個飯到左, 有一個湯送, 叫左杯菜蜜,o的食就比較濕o的, o的汁個味都唔錯, 但最正莫過於隻炸雞脾!超好味, o的肉一o的都唔太實, 剛剛好, 隻雞又唔油~大大隻, 好好味!!!!呢個飯餐三樣野$27, 抵!!!!

每次經過食口褔都見到玻璃櫃入邊大大隻既炸雞脾，但因為每次經過都係放工時間，一返屋企就食飯，所以都未試過。實在忍唔住要試一試，雞脾係一早炸熟再放炸爐返熱後再撤少少華鹽係底同面。雖然係返炸但依然充滿肉汁，而皮亦都夠香口。比起依家外邊食到果啲炸豉油雞脾實在好好多倍。雞脾黎講食口褔總對係入流，但見佢其他既出品就真係非常一般，不過一間餐廳有一樣照牌野都夠啦？

雖然係一間老牌港式快餐店...一間大家唔覺有什麼特別..一間環境好港式嘅餐廳.....但我係入面發現到一個幾好食嘅芝士漢堡飽~12元一個,佢地新鮮做啊...講真,D材料可能無什麼特別,但fresh新鮮熱騰騰,可能,我幾鍾意港式芝漢堡飽吧...mc 記個D太悶啊....大家經過都試試吧~

最近因為新公司座落於和宜合道附近, 基本上每週都有3至4天的清早會去幫襯食口福的早餐, 但係我每次都只會叫"早餐A", 點解???因為我發現左佢每日個"早餐A"都係唔同款式, 有幾多款式我唔知, 係唔係random我都唔知, 起碼呢個幾月都未試過相同, 俾我覺得佢地o係食物方面都好用心, 全部野都會新鮮製造, 唔會好似其他餐廳日日唔係火腿通粉就係沙爹牛肉面, 最緊要都仲係廿蚊有找...我最近經常都會叫一份早餐加一件魚柳, 都係加多幾蚊, 件魚柳幾大塊幾好味...正!!!雖然店內的裝修都比較舊, 但係從食物到佢地每個員工都穿著一件夏威夷恤制服, 就睇得出佢地對飲食的心機同尊重!!!學食神話齋"最好的食物係要用心做出來"......真係無講錯!!!

講真,我唔覺食口福既野食差,仲覺得佢抵食夾大件早餐A,有火腿奄列,兩塊多士,仲有個麵連熱飲都係$18,仲去邊到搵呢?而佢既下午茶,HAMBURGER餐,入面去牛,係新鮮整既,唔係攞番黎既貨色!而LUNCH,我就覺得佢D飯既款式無咩特別,不過勝在真係即叫即做!廿幾蚊個飯,仲想點呢?