食口福 (已結業)

無意中search到這間「食口福」快餐店，見之前食評都話「漢堡包」好味。因公司有個客係葵涌，所以見完客，專登過哩試下！地點好易搵到！店舖環境係比較懷舊的快餐店。晏咗，原先想叫的雞肶賣晒了，失望！改咗叫「黑椒雞翼意粉」雞翼香口，但略嫌偏咸咗少少，意粉比較濕，黑椒汁有洋蔥粒、黑椒粒..味道普通。例湯（節瓜眉豆煲豬骨）都幾足料。凍檸茶冰比較多。E碟整體上一般。之後外賣了主角~「 漢堡飽包」拼薯條和家人一同分享。漢堡扒是即煎的！牛肉厚度，足3両，份量十足！燶燶地，正！牛肉味足，淋身一點也不鞋！牛油的味道，和沙律醬好夾！其實漢堡牛肉餡己夠味！（已混合了洋蔥粒及其他醃料，雖略咸但都唔錯！唔錯！店員都好nice.待客態度友善。