食好啲 (已結業)

亂收費，13人，第一次單5仟九佰，很多食物重覆收費，20串燒墨魚，實則叫左10串，基本上追單又再落多次，改完單收4仟六佰，上菜慢，回家再詳細睇仍然有多收，以後唔會再去

「食好啲」果然食好啲！好味啲！🤩🤩一碟 冬菇豬肉蒸米粉，米粉幼滑，加上香甜豉油，肉碎份量很足，真美味。還送上一杯陳皮薏米水，淡淡陳皮清香，可口！即係加買外賣送家人作晚餐，新會陳皮排骨蒸粉、是日特價牛雜面。真幸福！🥰🥰

以前只知道湯丸係甜食，原來呢到有「咸湯丸」食，而且味道仲非常豐富，簡直係刺激我嘅味蕾。湯底魚湯熬製，配上年糕丶鯪魚肉丶冬菇丶蝦米丶臘腸丶臘肉丶肉絲丶白蘿蔔丶紹菜丶芫荽丶蒽...色香味俱全。行過路過千祈唔好錯過，必食推介。

喺啟業街市一眾食店中，呢間收得比較晏，所以都已經光顧過好多次，平時食開即蒸腸粉，價錢唔算貴，呀姐好相與，大大兜蒜蓉配料任你裝，炒粉麵飯亦都有鑊氣，至於糖水更加係足料到嚇親你，桃膠裝到滿都係$20，feel到老闆娘係真係想你食好啲，唔係下下賺到盡，以後都會繼續支持👍🏼

從前很少見腸粉是皺皮的，原來這是潮州腸粉；點了一個石磨瘦肉腸粉，粉漿聲稱是石磨的，吃下去非常柔滑，不知道是粉漿的關係，還是下了很多油下去的關係，瘦肉同樣也很滑，這實在很考蒸的時間配上油香深重的豉油，更增加口感滑嫩。唯一不好的就是吃下去比較肥膩，只是食了一盒感覺已經有點罪惡感

首試li 間店係因為網上外賣平台 送到上屋企都仲覺得好好味所以今次特登現場試下現場係一個foodcourt首推 皺皮石磨腸粉腸粉有好多選擇今次叫瘦肉腸腸粉滑而且有質感餡料充足有酸辣粉薯粉即刻試下不算太辣很惹味木薯粉有咬口食極都好熱家鄉鹹湯圓真係好有家鄉感覺好豐富 湯丸細細粒 冇餡的超多料蔬菜 蘿蔔 冬菇 葱花 芫茜 魚餅 臘腸 臘肉 肉絲 蝦米熱辣辣如果冬天食應該溫馨感滿分而家夏天食就真係要攤凍d 先食玫瑰菊花茶玫瑰味同菊花味都唔突出好似屋企飲羅漢果茶

食到li 間店係因為網上外賣平台只係亂咁揀點知好正豬頸肉入口很惹味 香濃孜然味 味道一流石磨腸粉加蛋腸粉很滑 很有咬口 good豉油有味又唔會過鹹味道岩岩好家鄉鹹湯圓從來未吃過鹹湯圓很豐富有臘腸冬菇紹菜肉絲還有湯圓 湯圓很少一顆 拌著濃湯和餡料一起吃感覺很特別 不錯陳皮薏米水沒什麼特別咸雞粥 粥很綿滑雪菜肉絲米 味道不錯微辣

【金菇肥牛炒飯】金菇肥牛炒飯炒得好有鑊氣，聞落好香，但食落超級鹹，喊到苦！而且好油膩！每一啖飯都油琳琳 ，食完一定卡路里超標份量好多，但味道差，食到一半，我都食唔落去🙈

近排潮流興食櫃桶腸粉，櫃桶腸粉正正係我鄉下嘅美食😋 細細個就已經好鍾意食 而家喺香港都可以食到，實在太開心🥳【牛肉石磨腸粉】石磨牛肉腸粉$30 ，可加$2蚊生菜🥬雖然叫做石磨腸粉，但腸粉漿磨得唔夠細滑！ 牛肉唔重牛肉味！ 而且肉嘅鮮味未能融入腸粉～腸粉附甜豉油，現場亦有調味區，可以自行調味, 我加咗菜蒲，少少辣椒醬😋 菜蒲爽口，但好鹹，唔好加太多如果你鍾意食腸粉，經過可以試吓，但唔好特登黎，否則會失望🙈

石磨腸粉非常之夠滑、環境座得舒服、整潔。員工太態非常之有禮貎，雖然有客人追要快不等，但她們太態仍然有禮貌。（各位石磨腸粉不同普通腸粉，是我們落單，她們直是做同蒸，咁先會非常好味...，重括這店舖，直得再去食

啟業街市早前翻新完，上網見到有呢隻皺皮腸粉食，一直就念念不忘想搵個機會去上下！皇天不負有心人，終於有次經過開附近就入左去啟業街市尋寶。之前試過好幾間香港開既皺皮腸粉，味道都不是我杯茶，總覺得同係大陸食過既有d唔同。直至食過呢間，心中就開始歡呼：係你啦！我揀既係最基本的瘦肉腸加蛋，腸粉口感好滑，自家醬汁調調得不錯，好match，重口味者可以自行去側邊加辣菜圃同生蒜，非常推薦！食飽飽後，心中帶住滿足感，小跳步咁返屋企。

其實好耐之前已經想寫呢間,不過還是不敢太衝動,怕開高走低。結果試完好多次之後終於忍唔住要寫一篇。以前已經好鍾意食櫃筒腸粉,可惜一直找不到一間合心意的。第一次試呢間係街市初開時,誤打誤撞。叫個最簡單既「瘦肉腸加蛋」,腸粉即叫即整,所以食落仲熱,亦好滑。一盒有兩份(即係兩個櫃筒的腸粉加埋)。第一次試,印象較深刻係個整腸粉既姨姨(後來先知佢係老闆),因為好熟練又快手。每一次佢都幾好笑容,同埋一定會叫人拎多D佢既自家製菜圃,同其他調味料一樣,都係免費自助的。菜圃既辣係唔太食得辣可以接受,而且同腸粉好夾。雖然一試難忘,但位置實在太唔方便,所以之後有周圍再試其他腸粉,不過最後都係再返黎呢間,而且唔止一次。有一次排到我時剛好用完粉漿,見到姨姨拎出一個大桶,將預先準備好既粉漿加水,整完之後第一板佢會先試味,之後先再賣。又有一次聽姨姨講粉漿係自己磨的,所以咁滑,同埋原來仲有兩間分店。仲有一次姨姨唔記得加蛋,中途我提佢,佢先拉返出黎加,跟住仲兜返話咁仲好食啦哈哈,D蛋冇咁老。其實每一次都唔需要特別驚喜,只希望保持水準就得。淨係食腸粉的確太單調,最近一次試埋佢既雞翼尖,係預先整好再叮返熱,或者可以直接揀凍食

早前家姐嚐過此家的腸粉，大力推薦。今日終於有時間到這家店，一嚐此家的腸粉。我們還一口氣買了三盒外賣。加$6便有一杯飲品。我們點了兩杯，分別是陳皮煲米水及菊花杞子決明子甘草淡竹葉。陳皮煲米水(跟餐$6)評分：8.5/10菊花杞子決明子甘草淡竹葉(跟餐$6) 評分： 8.5/10十分養生的飲品，而且無加糖，平日工作捱夜，飲返杯，補補身。店內還有其他花茶，店主還標上不同花茶之功用，十分有 心思。石磨瘦肉腸粉加雞蛋評分：8.5/10店員即叫即整，新鮮出爐。腸粉十分足料，啖啖都可食到瘦肉及蛋，蛋味十足。除了店家所附上醬油外，還可加上微辣菜脯及蒜蓉。可於店旁自行添配料。除了腸粉外，還有其他食物。

相信有唔少人是潮州腸粉嘅粉絲，對上一次食呢女嘅腸粉係喺深圳，香港係好少見到有嘅！今次嚟到啟業邨領匯已經收購左嘅商場，環境十分之清潔，與舊式嘅街市食店不一樣，雖然少咗一份親切及懷舊嘅感覺，但係換來嘅係更加新一代嘅食物。呢度嘅食物價錢相宜，今次我哋試咗潮州腸粉，最平嘅係冬菇齋腸，我係叫咗＄28嘅石磨冬菇瘦肉腸粉，即叫即做保證新鮮，有好多料，絕不欺場！食落去嘅口感軟滑，絕不是雪藏肉，餡料新鮮，不過我覺得如果更加特色一點嘅，我會建議店主嘗試做一個叫做石磨雞蛋齋腸，我在深圳食個價錢便宜而且有營養豐富，而且又可以提供食齋嘅人多一個選擇，另外豉油方便我會建議加入蒜容再打個獻汁，呢個係我深圳食過都唔錯嘅選擇！總括而言我覺得大家可以你試吓，有機會都可以再返嚟再食架！

🍀啟業市場搵食記🍀食好D— 石磨冬菇腸粉加蛋🍳 $18好懷舊吖～果然傳統野食冇得輸🤩即叫即蒸的😆，真係奇貌不揚，睇落去以為好「鞋」好普通，點知食落原來係超滑超惹味😚😚😚記得要加多d辣菜甫同蒜吖，自家製的，絕對係腸粉既靈魂所在😈🤣💕 評分：😈😈😈😈