食好啲 (已結業)

啟業街市早前翻新完，上網見到有呢隻皺皮腸粉食，一直就念念不忘想搵個機會去上下！皇天不負有心人，終於有次經過開附近就入左去啟業街市尋寶。之前試過好幾間香港開既皺皮腸粉，味道都不是我杯茶，總覺得同係大陸食過既有d唔同。直至食過呢間，心中就開始歡呼：係你啦！我揀既係最基本的瘦肉腸加蛋，腸粉口感好滑，自家醬汁調調得不錯，好match，重口味者可以自行去側邊加辣菜圃同生蒜，非常推薦！食飽飽後，心中帶住滿足感，小跳步咁返屋企。