食字路口

營業中

休息中

想中午喺中環搵食真係好艱難，大多數人多擠迫,等都要等一兩輪至有得食。嚟到昭隆街諗住都係又要等，點知呢間小店有位，即刻入座。心諗唔通嘢食麻麻地，所以冇人去呢?第一次去我叫咗$60鰻魚飯,諗住都係一般貨色…...估唔到鰻魚嘅size一啲都唔細，有塊生菜墊住，仲有紅蘿蔔同埋白蘿蔔奉上，補充左蔬菜類，唔會好似一般茶餐廳有肉冇菜，即刻覺得店主好細心。第二次我叫咗雞翼紫菜溫泉蛋飯，溫泉蛋一啲都唔馬虎，非常好食，雞翼到喺一流、脆卜卜! 唯一就嫌啲紫菜似係韓式一包包紫菜拆出嚟咁，搞到成個飯比較dry, 如果落番少少汁就會好好多。兩次食lunch經驗都Ok,暫時仲未食厭，可以繼續去幫襯。

去中環食lunch食咗肉燥雞扒飯😆好好彩可以有位坐低食，因為平時中午好多人過嚟買外賣好多人排隊🥲雞扒熱辣辣香脆好味，肉燥飯多汁又入味送飯一流，下次會再過嚟試吓其他食物

今日出去中環買新電話🤓🤓順便睇下附近有乜食！ 喺IFC 向中環方向行，唔洗好耐就到咗昭隆街🤭🤭 經過呢間叫食字路口既餐廳，在好相與，於是就入去睇吓我同朋友兩個人叫咗一個白咖哩汁配酥炸豬扒飯和肉燥滷水牛𦟌飯。白咖哩汁配酥炸豬扒飯- 白咖哩汁好味過某著名連鎖店，酥炸豬扒新鮮炸起，肉質鬆脆，大大塊🤭🤭肉燥滷水牛𦟌飯- 好味！ 加上紅蘿蔔🥕，色香味俱全☺️☺️呢間餐廳真係唔錯呀，又平又好味！值得多多幫襯😆😆😆食字路口 (中環)中環昭隆街15號地舖

中環上班族的飯堂呀！係中環做嘢多年，今日先發覺原來位於隱閉嘅昭隆街，竟然有間性價比高嘅茶記。下午時段嚟已經見到好多人係門口等緊外賣。價錢唔洗$50蚊已經盒飯或者麵，係呢個地段嚟講簡直良心餐廳！蜜脆雞翼麵配豬骨湯（$49）- 雞翼炸得香口，就算拎到返office 都未腍。豬骨湯湯底清清地咁都唔錯。有個驚喜位就係有好多炸蒜粒，增添口感。白咖哩香煎豬扒飯（$48）- 雖然嗌咗小飯，但都係有好多飯，食完夠晒飽肚。豬扒煎得唔錯，唔會太油膩，仲幾厚身，而份量都好多。加$6就有凍檸茶

🤍中環·食字路口🤍中環返工嘅打工仔留意喇‼️‼️試伏專員話你知呢間可以做長期飯店中環食lunch真係又頭痛 荷包又愈嚟愈薄間間唔係貴就要等位 最怕飯鐘完都未食到個飯華懋中心二期轉入去有條昭隆街巷仔食字路口就係入面 午市套餐賣緊$50-60 中午去堂食/外賣都好多人排隊/等餐但員工做野有效率 👍🏻❤️出面排隊已經幫手落定單我等外賣都係5-8分鐘已經有得拎😎🤩白咖喱粟米香煎豬扒撈烏冬 $53白咖喱濃郁 微辣惹味帶甜😋😋😋打開已經有好濃椰香味豬扒都切咗有好多件 唔係炸所以keep到肉汁😆仲落埋粟米+紅蘿蔔+白蘿蔔做配料👍🏻👍🏻烏冬幾彈牙掛汁 如果可以再多啲汁會更正紫菜溫泉蛋脆蜜雞翼飯 $56呢款飯用咗珍珠米煮 似加咗日式饅魚汁勁多紫菜 同滑嫩溫泉蛋一齊撈飯更好食雞翼加咗蜜糖甜甜地 炸得皮脆嫩滑❤️🤤熱香滑奶茶 +$4熱即磨咖啡 +$4新鮮熱辣沖出嚟 返到屋企仲係好熱 2杯都香濃幼滑 味道正常唔多講

今日去開中環探朋友，探完個地膽話帶我食好西，一間性價比極高既餐廳💁🏻‍♀️中環食飯兼基本上無可能用抵食形容，但呢間可以💁🏻‍♀️一個套餐大概$40-60元不等，九龍區可能都唔止呢個價🥶餐廳位於中環站c出口附近，只需2分鐘路程就到，認真方便，今次買左外賣去朋友到食紫菜温泉蛋煎豬扒飯（$56）豬扒好鬆軟，而同肉質彈牙爽口，肉質嫩滑，好有水準！另外，温泉蛋時間控制好好，好流心加上紫菜，口感更加提升🫶🏻豬扒嘅數量一啲都唔少，完全夠一個成年男士食啊台式肉燥滷水牛展飯（$57）呢個價錢食到一個肉燥飯已經係好抵！肉燥味道好有正宗台式味道，加上滷水牛展，煮得好淋，好入味😋肉燥仲要係勁多勁滿🥰餐廳設有座位，如果唔買外賣嘅，座位坐落舒適，而且夠近港鐵站，一啲都唔難揾💁🏻‍♀️

今天我們來到了中環昭隆街15號地舖，一家位於繁忙的商業區的小店。這裡的環境雖然不算奢華，但在繁忙的lunch hour依然吸引了不少上班族，因此我選擇了叫外賣。經過一番思考，我決定品嚐兩道招牌菜：豬扒撈丁和滑牛飯。🌼 豬扒撈丁豬扒撈丁的豬扒煎得非常香脆，外層酥脆，內裡的肉質鮮嫩多汁。搭配上特製的醬汁，味道更加豐富。而撈丁方面，麵條口感Q彈濃味。🌼 滑牛飯滑牛飯的牛肉經過獨特的烹調方法，肉質變得非常嫩滑，幾乎在舌尖上即可化開。搭配上香滑的蛋和碗底的白飯，口感層次豐富。而滑牛飯的獨特滑蛋汁，更是讓整道菜的味道提升到了一個新的層次。📍 中環昭隆街15號地舖

喺中環食lunch真係無論堂食定外賣都好多人，有時趕時間都好需要揾一d快、靚、正嘅餐廳~ 今次嚟到昭隆街嘅食字路口買外賣，雖然入面同門口都好多人，但效率堅高，由落單到拎外賣十分鐘都唔洗，抵讚！👍✨紫菜溫泉蛋酥炸雞扒飯（$56） - 雞扒幾厚身，啖啖肉好juicy, 調味幾惹味，而且勁多紫菜，食落好似飯素咁，同溫泉蛋一齊撈飯好正😋✨白咖喱粟米香煎豬扒撈烏冬（$53） - 豬扒夠晒大塊，個烏冬幾掛汁，白咖喱味亦好濃郁，外賣嚟講好有驚喜🤩我地仲加左$4熱飲, 整體份量都幾大，男士食都夠飽，中環嚟講五十幾蚊一個餐都好抵😚

係中環返工，食lunch真係一件令人頭痕嘅事，因為間間食肆都好貴🥹閒閒地食個lunch都過百蚊，負擔都唔少架💲但係原來地鐵站附近有條小巷昭隆街，有間叫食字路口嘅小店，竟然推出四十幾五十幾蚊嘅午市套餐😍認真良心價❤️❤️選擇都唔少。雖然都幾多人堂食或外賣，但出餐非常快，好有效率👍🏻👍🏻啱晒附近上班族嚟幫襯。白咖喱蜜脆雞翼飯白咖喱微辣惹味，送飯一流😛😛雞翼炸得皮脆肉質juicy嫩滑，大人細路都好啱食🤣香煎豬扒撈麵撈公仔麵夠晒飽肚，麵質乾爽，蔥油醬汁香口😙😙豬扒份量非常多🤩肉質鬆化，完全唔韌亦食唔到鬆肉粉味，食到淡淡香茅香，呢個價位嚟講做得幾好🫶🏼🫶🏼人均消費：$50推介指數（10分為滿分）：7.5分

今日lunch時間唔長，所以去左昭隆街揾間餐廳快食，估唔到有驚喜咼！我點左紫菜温泉蛋香煎豬扒飯同凍奶茶，快靚正！啱哂想快啲食嘢嘅人😎個飯大大碗，一定多飽👍🏻個煎豬扒就係用豬肉煎至金黃色，啲肉汁都冇乾，個味都幾香，好juicy👏🏻飯就係用高質素珍珠米煮熟，加左好多紫菜，脆卜卜又甜甜地，好夾！温泉蛋就非常滑嫩，蛋黃又好流心，同埋又好香滑，一齊食落去就啱啱好。成碗飯輕鬆ko😏個凍奶茶都唔錯，少甜飲到奶香，正😋中環$62食到個lunch, 性價比都唔錯

久違咗好耐嘅白咖喱，終於喺中環搵得返中環昭隆街其中一間小店「食字路口」喺中環地鐵站附近有多款特色食品，其中白咖喱一定要食午餐可加錢配飲品如果細食嘅朋友可以食下午茶都有飯類✨ 白咖喱脆蜜雞翼飯$48雞翼帶有甜甜蜜糖味雞翼肉質仍保持嫩滑好味！濃椰香白咖喱，微辣帶甜，醬汁用來撈飯，美味到極！✨素鴨炆冬菇紫菜溫泉蛋飯 $57素鴨香脆，炆厚身冬菇，爽腍彈牙！紅蘿蔔，同白蘿蔔都非常入味芝麻紫菜，又脆又香，配埋溫泉蛋🥚，撈飯一流

每次經過呢間餐廳都好多人喺門口等外賣今日過哂午飯時間過嚟，堂食依然滿座外賣都係一個唔錯嘅選擇揀咗肉燥同白咖哩系列都係推介菜式中環食到咁抵食嘅午餐，性價比確係高✨肉燥雞翼飯肉燥同飯比例恰好味道濃郁得嚟又唔會太鹹肉燥汁能融入每粒米飯之中雞翼肥厚大大隻，裡面豐富肉汁，炸得香脆同肉燥都好夾✨香煎豬扒白咖哩粟米撈烏東啖啖肉嘅豬扒煎得金黃香口沾上白咖哩嘅味道更好味加埋滑嘟嘟嘅撈烏東 真係好味下次Lunch又多個選擇喇

食字路口中環昭隆街15號地舖 幫嫲嫲買外賣，佢話想食咖哩飯，見到呢間餐廳門口排曬隊，就揀佢啦！1點食飯時間雖然勁多人，但竟然超快有得拎，極速效率👍👍呢個對上班人士好重要。白咖哩香煎豬扒飯 $48 🍛嫲嫲話辣度啱啱好，係偏甜岩哂佢，嫲嫲重複咗好多次，豬扒好食、好食、好好食😆😆😆。蜜脆雞翼麵配豬骨湯 $49 🍜好細心分左湯，包裝好好，超多蔥👍👍雞翼炸得好脆，可以夾起咗先至加湯，三隻雞翼大大隻。

中環食晏又多一個選擇啦， 外觀有著台灣特色， 一定要試試。 （5⭐️最高）白咖哩粟米香煎豬扒撈烏冬（5⭐️）有少少微香辣的白咖哩， 加埋粟米、紅蘿蔔及白蘿蔔做配料。 三款均有香、甜、 爽的感覺🤩。 烏冬煮得好冧而且好彈牙🤤， 不得不讚是豬扒， 好入味而且好滑， 煎至脆卜卜， 好野味呀😍肉燥脆蜜雞翼飯（5⭐️）份量好豐富😛， 雞翼炸香加入蜜糖同埋小小芝麻🤩，而且都唔細隻😋。 肉燥汁豐富， 差唔多每粒飯都可以有汁係面， 而且充味道適中， 飯量足。 真係好滿足😍 凍檸檬茶（5⭐️）茶味好香濃， 檸檬又比較多🍋。 好適合夏天飲😘 凍香滑奶茶（5⭐️少甜真係岩岩好， 茶味香之餘， 飲落仲好滑， 去到喉嚨仲會有回甘味🥰。

喺中環返工既人每一到食晏時間要買一份午餐外賣真係每日一大頭痛事。因為即使唔堂食，齋外賣都起碼70蚊起跳。最近畀我發現到昭隆街有間高人氣既十字路口，呢間冰室堂食同外賣都好味又抵食！今次同同事買左返公司試下新野😍加埋$6有凍飲，唔使$60就食到個美味既lunch 啦！👍🏻【肉燥香煎豬扒飯】$50包裝乾淨企理超加分！而且份量好足絕不馬乎！肉燥非常香口，啖啖滋味，加埋香煎豬扒成個飯係極之豐富！【白咖哩粟米酥炸雞扒撈烏冬】$53酥炸雞扒炸到勁香脆，拎到返公司都仲係勁脆！白咖哩唔太濃反而覺得唔錯👍🏻食晏都唔想食太重口味所以小編超喜歡呢個白咖哩汁烏冬！❤️💥 食字路口📍 中環昭隆街15號地舖